Turkistannews

O‘zbekistonliklarning Tailandga safari 55 foizga oshgan – statistika
2025-yilning yanvar–oktyabr oylarida jami 22,3 ming nafar O‘zbekiston fuqarolari turistik maqsadlarda Tailandga safar qilgan.
Milliy statistika qo‘mitasi ma’lumotlariga ko‘ra, bu ko‘rsatkich o‘tgan yilning mos davriga nisbatan 7,9 ming nafarga yoki 55,3 foizga oshgan.
Ularning safar maqsadlari bo‘yicha taqsimlanishi quyidagicha:
—sayohat – 19,9 ming nafar;
—qarindoshlarni yo‘qlash – 2,3 ming nafar;
—o‘qish – 24 nafar;
—davolanish – 57 nafar;
—xizmat yuzasidan – 73 nafar.
👉
@turkistonxabar
👈

Evropa Ittifoqi Rossiya gazidan voz kechishni tezlashtirmoqda
EI elchilari bugun Rossiya gazini 2027-yil oxirigacha bosqichma-bosqich to‘xtatish rejasini tasdiqladi. Bu taqiqni qonun sifatida qabul qilishdan oldingi muhim bosqich hisoblanadi.
Kelishuvga ko‘ra, Rossiyadan dengiz orqali keladigan suyultirilgan tabiiy gaz (SPG) 2026-yil oxirigacha to‘xtatiladi. Quvur orqali yetkaziladigan gaz 2027-yil 30- sentyabrgacha bosqichma-bosqich bekor qilinadi.
Taqiq kuchga kirishi uchun YEI energetika vazirlari va Yevropa Parlamenti tomonidan rasmiy tasdiq talab etiladi. Parlament kelasi hafta ovoz beradi, vazirlar esa kelasi yil boshida ma’qullashi kutilmoqda.
👉
@turkistonxabar
👈

🇪🇸
Ispaniyadagi dengiz bo‘roni 4 kishining hayotiga zomin bo‘ldi
Ispaniyaning Tenerife oroli yaqinida bir guruh plyajga kelganlarni kuchli to‘lqinlar olib ketishi oqibatida to‘rt kishi halok bo‘ldi va bir kishi bedarak yo‘qoldi.
👉
@turkistonxabar
👈

Trump tasvirli dollar rejasi Kongressda keskin bahsga sabab bo‘ldi
AQSh Senatidagi demokratlar Trump portreti tushirilgan 1 dollarlik esdalik pulini chiqarishga qarshi chiqdi. Ular yangi qonun taklif qilib,
tirik prezidentlarning suratini pulga qo‘yishni taqiqlamoqchi
.
AQSh zarbxonasi esa (pul tayyorlaydigan davlat idorasi) mamlakatning 250 yilligiga bag‘ishlab Trump rasmi tushirilgan uch xil dizayndagi esdalik dollarini tayyorlayotganini aytdi.
Lekin qonun qabul qilinishi qiyin, chunki
Kongressda respublikachilar ko‘pchilik
va Trumpning ta’siri kuchli. Shu sabab bu masala “qonuniy bo‘shliq” bor-yo‘qligi haqida bahsni kuchaytirdi.
AQSh tarixida bunday holat faqat bir marta —
1926 yilda Prezident Kelvin Kulidj hayotligida esdalik tangaga tasviri qo‘yilgan
.

⚡️
Naqd_siz hisob-kitoblar ommalashtiriladi
“Naqd_siz hisob-kitoblarni ommalashtirish va yashirin iqtisodiyot ulushini qisqartirishga qaratilgan qo‘shimcha chora-tadbirlar to‘g‘risida”gi Prezident Farmoni (PF–246-son, 10.12.2025 y.) qabul qilindi.
Farmonga ko‘ra, quyidagilar 2030 yilgacha yashirin iqtisodiyot ulushini qisqartirishning asosiy maqsadli ko‘rsatkichlari etib belgilandi, jumladan:
🔹
yalpi ichki mahsulotga nisbatan kuzatilmaydigan iqtisodiyot ulushini 1,3 baravarga qisqartirish;
🔹
savdo va xizmat ko‘rsatish sohalarida aholi tomonidan to‘lovlarni naqd pulsiz amalga oshirish ulushini 75 foizga yetkazish.
2026 yil 1 apreldan quyidagilar uchun to‘lovlar faqatgina bank kartalari yoki elektron to‘lov tizimlari orqali amalga oshiriladi:
➖
davlat organlari tomonidan ko‘rsatiladigan xizmatlar;
➖
elektr energiyasi, tabiiy gaz, ichimlik suvidan foydalanganlik uchun to‘lovlar;
➖
alkogol va tamaki mahsulotlari;
➖
transportlarga yoqilgi quyish shoxobchalari orqali aholiga neft-gaz mahsulotlarini sotish va elektrda harakatlanadigan transportlarni zaryadlash bo‘yicha xizmatlar;
➖
qiymati 25 mln so‘mdan oshadigan tovar va xizmatlar;
➖
ko‘chmas mulk obyektlari, ishlab chiqarilganiga 10 yildan oshmagan M, N, O va G toifaga kiruvchi transportlar hamda maxsus avtotransport vositalarini sotish va sotib olish.
👉
@turkistonxabar
👈

Payme foydalanuvchilarni ogohlantirmasdan P2P o‘tkazmalar uchun komissiyani oshirdi
Payme to‘lov tizimi o‘z mijozlariga ogohlantirish bermasdan kartadan-kartaga o‘tkazmalar uchun 1,1% komissiya yecha boshlagan. Yaqingacha bu 1% ni tashkil etgan, biroq so‘nggi kunlarda bir qancha foydalanuvchilar bu narx o‘zgarganini payqashgan.
Masalan, Uzcard’dan Uzcard’ga Payme orqali pul o‘tkazilganda avval 1% komissiya olingan bo‘lsa, hozir xuddi shu narsaga 1,1% komissiya yechilmoqda.
Payme mijozlarni qo‘llab-quvvatlash xizmati (call-markaz) operatori ham narxlarda o‘zgarish bo‘lganini tasdiqlab, bunga ikki oydan oshganini ma’lum qildi.
Kompaniya tariflarda o‘zgarish bo‘lgani haqida shu kungacha mijozlarga bildirishnoma yoxud ogohlantirish yubormagan. Qolaversa, rasmiy veb-saytda haligacha komissiya 1% ko‘rsatilgan holatda turibdi.
👉
@turkistonxabar
👈