Umar Muhandis

Meni ajoyib cofounderim bor:
Sun'iy intellekt.
Startapni pitch qiladigan bo'lsam:
- "Cofounder qayerda?" deb so'rashsa
- "Mana cho'ntagimda." deya olaman
U tun-u kun ishlaydi, shikoyat qilmaydi, hafa bo'lmaydi, “maoshimni qachon oshirasan?”, "Qancha ulush berasan?" deb soʻramaydi.
Men uxlab qolsam ham u ishlashda davom etaveradi.
Men mahzun bo'lsam, u “motivatsion post yozaymi?” deb turadi.
U bilan urishib boʻlmaydi, chunki u faqat “Uzur aka, sizni noto'g'ri tushunibman” deydi.
U kod ham yozadi, marketing bilan ham shug'ullanadi, dizayn ham qiladi, sotuv jarayonida ham dastyor.
Qisqasi, biz cofounderim bilan juda topishganmiz.

Muammolar hech qachon tugamaydi.
Birini yengasan, keyingisi navbatda kutib turibdi.
Kambag‘al bo‘lsang ijara, oziq-ovqat narxi, transport muammo.
Boy bo‘lsang mol-mulkingni saqlashni o’ylaysan, undagi ma’suliyat, atrofingdagi soxta insonlar muammo.
Bo’ydoq bo‘lsang yolg’izlik qiynaydi.
Uylansang oilaviy hayotning past-balandiga chidashing kerak.
Bekorchisan, o‘zingni foydasiz his qilasan.
Bandsan, charchadim deysan.
Ishsiz bo‘lsang pul topish muammo.
Ishli bo‘lsang vaqt topish muammo.
Karyera qilsang dushman ortadi.
Karyeradan voz kechsang o‘zingdan hafsalang so‘nadi.
Senda ikkita yo’l bor:
1. Muammolarga tik qarab, har birini hal qilishni o’rganasan.
2. Yoki butun umr qo‘rqib, muammolardan qochib, hech kim bo‘lmay yuraverasan.
Tanlov seniki, champ.

Yigit kishiga 40 hunar ham oz
Yaqinda “sun’iy intellekt otasi” nomi bilan tanilgan, Nobel mukofoti sohibi Geoffrey Hinton’ning DOC'dagi
podkastini
eshitib chiqdim.
Podkast oxirida undan:
- Farzandlaringga nimani maslahat berasan? - deb so'radi Steve.
U esa jilmayib:
- Santexnik bo‘lishni, - dedi.
Bu gapni quvurlarni tuzatish kod yozishdan ustun bo‘lgani uchun aytgani yo‘q. Balki, mashinalar fikrlashga tobora yaqinlashib, “xavfsiz” deb o‘ylangan ofis ishlarining ko‘pini bemalol egallashi mumkinligidan aytayapti.
Qo‘l mehnati talab qiladigan hunarlar esa har doim kerak bo‘ladi. Sun’iy intellekt tun yarmida oshxonadagi quvurni almashtira olmaydi. Ammo yosh data-analitikni, call-markaz operatorini, kopirayterni, yoki dasturchini bir kunda almashtirish xavfi bor.
Xulosa: O‘sha qadimiy hikmat o‘z kuchida - Yigit kishiga 40 hunar ham oz.

Asoschi hayotidan
Rad javoblariga to‘la og‘ir ish kunidan so‘ng:
💭
"Bu g‘oya o‘xshaydigon ko‘rinmayapti... Loyihani yopib, keyingi startapni boshlasammikan-a
?
"
Bir martta tiniqib uxlab turgandan so‘ng:
🔥
"Keyingi 6 oyda yaqin sharqni, undan so'ng esa dunyoni zabt etish kerak! Katta o'yinchilarga imkon bermaymiz
⚔️
"

Lifehack: Ishlayotganda yoki dars qilayotganda, telefonni o‘chirib, boshqa xonaga tashlab keling.
Keyin natijani ko‘ring.
Keyin esa menga rahmat ayting.
Rahmat aytmoqchimisiz? Mana, marhamat:
https://tirikchilik.uz/umarmuhandis

kemalarni yoqib yubor.
hujumga o‘t.
ortga qayrilma.
senda ikkinchi variant yo‘q.
birdan bir yo’l - g‘alaba.
kemalarni yoqib yuborginki, taslim bo’lish va ortga qaytish hayoli ham birga yonib ketsin.
faqat oldinga harakat.
faqat jang.
va faqat g’alaba.

Jasur bo‘l.
Qo’rqma.
O‘zingga ishon.
Komfort bu qafas. Undan chiq.
Orzularingni dadil ayt. Harakatlaring undanda dadilroq bo’lsin.
Bugunoq boshla. Keyinroq sayqallaysan.
Qachongacha reja qilasan? Harakat muhumroq.
Odamlarni gapi muhum emas. Muhumi sendagi jasorat.
Xato qilaver. Ulardan saboq chiqar.
Qoqil. O’rningdan tur. Yana hujumga o’t.
Tavakkul qil. Sen kutmagan joydan imkoniyatlar eshigi ochiladi. O’zing ham lol qolasan.
50’ga kirib afsus nadomat chekmaslik uchun bugunoq qadam tashla.
Ishon, hayotingni tavakkul ustiga qurganing uchun afsus chekmaysan.

Startaplar yuragi zaiflar uchun emas.
Oylar, balki yillar davomida sahroda tashna holda suv izlab yuraverasan. Hammaning ko‘zida sen adashgandek ko'rinasan. Ba'zida o'zing ham o’zingni shunday his qilasan.
Lekin yurishda davom etaverasan chunki qayerdadir suv to'la quduq borligiga ishonasan.
Santiago kabi. “Alkimyogar” romanidagi Santiago kabi sen ham orzularing ketidan ketasan.
Ko‘pchilik tez natijani xohlaydi, lekin og‘rig‘iga chidagisi yo‘q.
Sen esa chidaysan.
Chunki og‘riqsiz g‘alaba yo’qligini bilasan.

Made in China:
https://www.youtube.com/watch?v=0S0LvVmn_xU

- Sharoitim yomon.
- Yaxshi! Aynan shu sharoit sen uchun katta ustunlik. Pastdan yuqoriga ko‘tarilishning zavqi boshqacha.
- Bu juda qiyin.
- Ko'mirni yoqutga aylantiradigan narsa aynan qiyinchilik.
- Orzuimga ishonmayaptilar.
- Yaxshi! Ular adashayotganini natijalaring isbotlasin.
- Hech kim meni qo'llamayapti.
- Yolg‘izlik seni kuchli qilsin. Yolg'izning yori Alloh.
- Men charchadim.
- Shunday bo‘lishi kerak. Haqiqiy o‘sish charchoqdan boshlanadi.
- Muvaffaqiyatsizlikka uchradim.
- O'rningdan tur. Yenglarni shimar. Qayta hujumga o't.
- Men ko'ngildagidek oilada tug‘ilmadim.
- Oilang tarixini o‘zgartiradigan birinchi inson bo'l.
- Yetarlicha mablag'im ham yo'q
- Juda yaxshi! Yangi ko‘nikmalarni rivojlantir, odamlar bilan tanish, qiymat keltirishni o'rgan.
- Sportzalga borishga ham pulim yo‘q.
- Uyda shug‘ullan. Tana uchun iroda yetarli.
- Uyda jihozlar yo‘q.
- Uyda pol, devor, va tanang bor. Boshqa narsa kerak emas.
- Yetarlicha vaqtim yo‘q.
- Xoxish bo'lsa vaqt topiladi.
- Odamlar meni mazah qilyapti.
- Odamlarni qo'y. Ular payg'ambarlarni ham mazah qilgan.
- Hammasiga kech qoldim.
- Nafas olyapsanmi? Demak, demak hali kech emas.
- Menga omad kulib boqmadi.
- Omadni kutma. Harakat qil. Omad seni topib kelsin.
- Sog‘lig‘im yaxshi emas.
- Sabab topding! Endi harakat qilish vaqti. Har kuni oz bo‘lsa ham tanangga g'amxo'rlik ko'rsat.
Istasang imkon, istamasang har narsaga bahona topasan.
Tanlov o'zingda,
Champ.