Senga🩵)

men senda qolaman,
baribir.
kuldoningda o‘chmayotgan cho‘g‘ bo‘lib,
sochlaring orasida adashgan shamoldek
tark qilolmayman
seni.
sog‘inching og‘irligidan kiprigingdan sirg‘alib tushgan bir zarradek,
labinggacha kelib qaytib ketgan bir nafasdek
tutashib ketaman
senga.
quyosh botishida osmonga yopishib qolgan
so‘nggi oltinrang nur misol
ketolmayman
sendan.
tunlaringni bezovta qilgan oy nuridek,
parda chetidan sirg‘alib tushgan sokin yorug‘likdek
tinch qo‘ymayman seni.
yostig‘ingga singib ketgan ikki tomchi ko‘z yoshdek,
tonggacha qurimaydigan iztirobdek
yashayman
sen bilan.
hatto o‘zing ham qo‘rqadigan sirdek,
yuraging aytolmay yurgan haqiqatdek
yashirinib olaman
senga.
jillaqursa, eshitganingda bir seskanadigan
ism bo‘lib —
qolaman.
men.
baribir.
senda.
©️
shabnam.

Ikkinchi maktub
Izlamoq… Butun umr izlamoq… Faqat seni izlamoq…
Zang bosgan tunuka qutilarda, mog‘or isi anqigan javonlarda, surat romlarida, yolg‘izlik qo‘ynida, daraxtlar soyasida, kemalarda, poyezdlarda — har yerda seni izlamoq. Balki sen bu shaharda emasdirsan. Nima farqi bor? Axir seni izlayapman-ku.
Balki uylarimiz bir ko‘chadadir, ertalab ishga ketayotganimda meni ko‘rayotgandirsan.
So‘ng kech tushishini kutayotgandirsan, shom qorong‘usida… Meni kutayotgandirsan yoki boshqasini… yana boshqasini.
Men senga hech qachon “kel” demayman. Izlash qayerda bo‘lsa, men o‘sha yerdaman. Oyoqlarim qayerda to‘xtaydi? Yo‘q, yo‘q — birdan qarshimga chiqma. Qoch, yashirin. Men seni izlashni istayman.
Ket bu shahardan, tez ket. Tog‘larga chiq — uzoq, yiroq tog‘larga. Shamollar saltanatida hukmronlik qil. Agar men ham u yerlarga yetib borsam, yana qoch. Boshingni ko‘tar, ochiq dengizlar tomon qoch. Eng go‘zal, eng ulkan kemalar seni istagan portingga olib borsin, istagan manzilingda langar tashlasin. Men esa kichkina bir baliqchi qayig‘i bilan ortingdan ergashsam — bas. Axir seni izlayapman!
Bir yil, besh yil, o‘n yil emas — inson beshikdan qabrgacha izlamog‘i kerak,
ammo nimani izlayotganini bilishi lozim. Yaqinlashib, yana uzoqlashib izlamog‘i kerak. Okean to‘lqinlari uzra kichik bir qayiq kabi pasayib-ko‘tarilib borishi kerak. Yalangoyoq yo‘llarda yugurib, oyoqlarini o‘tkir toshlar kesib, qonatmog‘i kerak. Cho‘llardan o‘tishi, yonishi, kuymog‘i lozim. So‘ng ko‘z yetganicha oppoq, muzdek o‘lkalarga yetib borishi kerak. Muzlar oyoqlari ostida chilparchin bo‘lishi, ustiga qor yog‘ishi kerak.
Bir kun seni topsam ham seni parcha-parcha holda topmog‘im kerak. Oyoqlaringni Afrikadan olib kelib, bir qogʻozga yopishtirmog‘im kerak; sochlaring Sibirda, lablaring Xitoyda bo‘lishi lozim. Ko‘zlaring Hindistondagi bir ma’budning ko‘zlari, qo‘llaring esa Italiyadagi bir haykalning qo‘llari bo‘lsin.
Seni topsam ham, parcha-parcha holda topmog‘im kerak.
Yana baribir bir boʻlagi yetmay qolishi kerak.
Yana yo‘lga chiqmog‘im, yana uni izlamog‘im kerak.
Va seni to‘liq topgan zahotim o‘lishim kerak.

Beshinchi maktub.
Ayriliq degan tushuncha yo'q. Bu bizning yolg'onimiz. Sevish bor, sog'inish, kutish bor aslida. Hozir qayerdasan? Nima qilyapsan? Quyosh allaqachon chiqdi. Uyg'ongan bo'lishing kerak.
Sochlaringni tarar ekansan, meni xotirlading, shunday emasmi? Demak ayrilmadik. Shunchaki bir birimizni sogʻinyapmiz va kutyapmiz.
Menga vaqtni eslatadigan hamma narsadan nafratlanaman. Ayniqsa kutishdan. Umri davomida yo kutadi, yo kuttiradi inson. Ikkovi ham yomon, ikkalasi ham hayotimizning gʻamli tomoni.
Bir bolaning avval tugʻilishini kutishadi, soʻngra yurishi, gapirishi va ulgʻayishini...
Vaqt oʻtadi, bu safar pul topishini, qoidalarga rioya qilishini, insonlarni sevishini, aldashini yoki aldanishini kutishadi. Va oxir-oqibat oʻlimini kutishadi ushbu insonning.
Xoʻsh, u-chi? U insonlardan doʻstlik kutadi, sevgilisidan sadoqat, farzandlaridan hurmat va bir parcha huzur kutadi, yashashdan esa baxt. Vaqt oʻtadi, bir kun u ham oʻlimini kuta boshlaydi. Izlaganlarining ko'pisini topa olmagan, kutganlarining aksariyati amalga oshmagan bir inson sifatida bu dunyoni tark etadi. Mana, yashash deganimiz aslida shu.
Yashar ekanmiz — kutamiz, kutar ekanmiz — yashaymiz, yashab turib esa oʻlimni kutamiz.
Sog'inch haqida aytarli soʻzim yo'q. U go'yo koʻmir parchalari orasida yaltiragan shisha parchasi kabi.
U — sevgimiz nafasi, uchrashuvlarimiz ma'nosi. U — kutishlarimizning yagona goʻzal tomoni.
Insonligimiz sogʻinchlarimiz bilan mazmunli, hayotimiz sog'inish bilan goʻzal.
Sog'inchning biroz achchiq ta'mi bor, ayniqsa seni sogʻinishning.
Bir ifori bor uni biror gulga alishmayman. Bir nuri, bir rangi bor seni sogʻinishning, uni so'z bilan ifodalab bo'lmaydi.
Sen menga bergan barcha azoblarga chidayotgan boʻlsam, bu seni sog'inganim uchundir. Kutishning dahshatli zahri meni oʻldirmayotgan bo'lsa, seni sog'inganim uchundir. Yashayotgan bo'lsam va ichimda umid bo'lsa, bu ham seni sogʻinganim uchundir.
Agar seni bunchalik sogʻinmaganimda edi, bu qadar seva olmasdim.

Daf'atan, umrimning ranggi o'zgardi,
Dunyoni qaytadan angladi ruhim.
Endi sezyapsanmi, cheksiz olamda
Menga sen va sening so'zlaring muhim!
Axir nigohingda ming xil ma'no bor,
Kuzakka o'xshaysan, izohi chalkash.
Yurakni ezg'ilab tashlaydi, ishon,
Senday sirni asrab avaylab yashash!
Bahori tugaydi, keksa chinorning
Eng so'nggi yaprog'i yerga to'kilsa.
Baxtli bo'lardim men, tushunyapsanmi?
Sen kirgan tushlarning bari rost bo'lsa...
©️
Dilnura Hamdamova

Taskin bu —
bemalol,
kimdiring bilan
Baham koʻra olsang, quvonch, gʻamingni.
Azizim, bilmaysan, mening koʻzimga,
Odammas,
baxt boʻlib koʻringaningni.
©️
Durdona Inomjonova

Rahmat qo‘llarimdan tutganing uchun,
Tashakkur qorlarda kutganing uchun.
Ming shukur ko‘ksimni nurlarga ko‘mib,
Taqdirim yo‘lidan o‘tganing uchun...
Va yana taqdirga ta’zim azizim,
Yaxshi yomonimda yorliging uchun.
Peshonamda isming yozilgani va,
Kaftim chizig‘ida borliging uchun.
©️
Guljamol Asqarova

Bilasiz hozirgi kunda ishonchli va arzon shop kanalni topish judayam qiyin. Sizlarni oʻylagan holda o'zim shunaqa arzon narxdagi sifatli tovarlari ko'p bo'lgan shop kanal ochganman.
🌟
@aestiverse
💘
🦋
P.s: lichkamga yozib, kanalda mavjud bo'lmagan boshqa bir narsani tashlasangiz ham topib berishga harakat qilaman. Ya'ni aytmoqchi bo'lganim bemalol xijolat bo'lmasdan murojaat qilishingiz mumkin
🌟

Insonlardan hech narsa kutmang: sevgi, mehr, sadoqat, e'tibor. U siz uchun bularni qilishga yoki nimadirlardan, kimlardandir voz kechishga umuman majbur emas. Aslini olganda, hech kim kim uchundir nimadir qilishga majbur emas. Lekin bir inson qadrlagan, yoqtirgan insoni uchun qoʻlidan kelgan barcha ishni qiladi.

💘

Hech qanday oqlashga arzigulik bahonalar mavjud emas. Inson nimanidir chin dildan xohlasa albatta imkon topadi)