Universal Arabic C2
Толиби илм ва комфорт
Жамиятдаги инсонларнинг яшашдан мақсади бир-бирига жуда яқин бўлади. Чунки одам атрофидагилардан тус олади, ғоя олади. Битта жамиятда яшаётган шахсларнинг тафаккурида жуда катта фарқ бўлмайди. Либерал тузумларда ҳаётнинг асосий ғояси шахс ҳузурда яшаши ҳисобланади ва бу мақсадга эришиш учун ҳар қандай нарсадан воз кечилади. Ғарбда туғишнинг камайиб бораётгани, оила институти дарс кетгани шундан. Бироқ исломда ҳаётнинг моҳияти Аллоҳ ва Унинг розилиги. Албатта, исломда ҳузурли ҳаёт қораланмайди. Аммо Аллоҳнинг розилигига эришишда тўғаноқ бўладиган ҳузур тавсия қилинмайди, гарчи фиқҳда мубоҳ бўлса-да.
Келинг, толиби илмнинг комфортга берилиши ҳақида гаплашсак. Дарҳақиқат, Расулуллоҳ соллаллоҳу алайҳи васалламнинг хонадонларида уч кун кетма-кет таом таёрланмагани ҳақида Оиша онамизнинг сўзлари бор. Яъни, Расулуллоҳнинг маиший ҳаётлари, кўпинча, ўртаҳол инсонникидан қуйироқ бўлган. У зот оилаларига жуда фаровон ҳаётни яратиб беришга имконлари бўла туриб, қийинроқ ҳаётни танлаганлар. Ғазотлардан кейин у зотда жуда катта пул бўлган, лекин уларни тарқатиб юборганлар. Чунки узоқ муддат ҳузурли ҳаётда яшаш бандага Аллоҳни унуттиради, инсонни бетоқат қилиб қўяди. Инсон зўр ҳаётга ўрганиб қолгач, сабри озайиб боради. Оддий мисол, илгари одамлар эллик қилометр жойга сиқилмай икки кунда етиб боришган. Бироқ биз икки соатда етиб бора олмасак, асабийлашиб, йўлда ҳаммани қувиб ўтамиз.
Илгари толиби илмлар илм машаққатларини кўтариб, кунига ўн, ўн беш соат дарс қила олишган. Ҳозир эса икки дақиқа вақтни оладиган – янги сўзни луғат китобдан кўриш ҳам оғир келмоқда. Бунга нима сабаб?
Бунга сабаб комфорт ҳаётга интилиш.
Толиби илм олдида планшети, ёнида телефони, қулоқчини ва жуда сифатли китоб бўлмаса дарс қила олмайдиган ҳолатга келмоқда.
Ҳатто толиб ва толибалар шароитли дарс столининг расмини тармоқларга жойлаб дўстларига намойиш қилиши урфга кириб бўлди. Қанийди улар бу ишлари билан илмга хизмат қилмаётганларини, балки пули йўқ толиби илмларнинг хаёлини бузаётганини англашса. Қолаверса, ўзларига бу шароитни яратиб олиш орқали дарс устида ўтказадиган вақтлари камайса камаяди, кўпаймайди. Бинобарин, шароити фаровон толиби илмдан кўра оғирроқ ҳаётда яшаган толиби илм кўпроқ натижаларга эришишини ақли бор инсон инкор қилмайди. Расулуллоҳ соллаллоҳу алайҳи васаллам икки ишдан осонини танлаганлари доимий қоида эмас. Зотан, юмшоқ тўшакда ётишга имкониятлари бўла туриб, қаттиқроғида ётганлар. Бир таҳорат билан бир неча намоз ўқишга рухсат бўлса-да, аксар пайтлари ҳар намозга алоҳида таҳорат қилганлар.
Қисқаси, илм талаб қилишда ҳузурли ҳаётга интилиш яхши оқибатларга олиб келмайди. Илгари уламолар бежизга ўзларини машаққатга қўйишмаган. Буюк тобеин Яҳё ибн Абу Касирнинг “Саҳиҳи Муслим”да келган сўзлари далил бўлади:
“Жисмнинг роҳати билан илмга эришиб бўлмайди”.
Абдулбосит Абдулвоҳид ўғли
t.me/muhaddisuz
Ëмғирни истамаётганлар бордир...
Барчамиз билдикки, ёмғир сўраб дуо қилинди, истиғфорлар жамланди, хатми Қуръонлар ўқилди. Лекин бир ўй ўтади: балки орамизда ёмғирни ёғмасин дея сўраётган қалблар бордир.
Балки оёқ кийимининг таги тешик камбағаллар бордир,
балки томидан сув ўтадиган уйда яшаб, болаларига совуқ тегиб қолишидан хавфсираётган оналар бордир.
Ëмғир ёғишини улар истамаётгандир...
Балки дуо осмонга кўтарилишидан олдин ерда қолган ҳақлар боридир.
Ёмғир фақат осмондан тушадиган неъмат эмас,
у баъзан эҳсон қилинган садақа,
ўз эгасига етказилган закот,
хабар олинган етим,
ҳоли сўралган муҳтож кўринишида ёғади.
Эҳтимол, ёмғирнинг калити қўлларимиздадир,
беришда танлаб бермасликда,
муҳтожга сахийлик қилишда,
эҳсонни кечиктирмасликдадир…
📝
Telegram
#foydali
#eshitib_tushunish
Debat: Elektron qurilmalar bolaning aqlini yoʻqotadimi yoki uni charxlaydimi?
📹
Ushbu videoda "تحدي القراءة العربي" tanlovi qahramonlari: Rim az-Zarʼuniy va Adam ar-Rudoniy bola va texnologiya o‘rtasidagi munosabat hamda undan foydalanish chegaralari haqida munozara (debat) olib borishadi. Debat davomida bolalarga elektron qurilmalarni bilim va o‘yin vositasi sifatida berish kerakmi yoki ularning beg‘uborligi hamda ruhiy-ijtimoiy muvozanatini asrash uchun bu qurilmalardan butunlay uzoq tutish lozimmi degan savollarga javob beriladi.
✅
Ushbu mavzu koʻp jihatdan foydali boʻladi.
🔗
@universal_arabic
– arab tili biz bilan universal va yanada oʻzgacha!
"Imom Buxoriy" majmuasi...
P.s.:
Bu koʻrsatilganlar hali hammasi emas va mazkur majmua hali toʻliq ochilmagan!
Insonim Hasan
🌟
Mehribon doʻstim, akamjonim Hasan,
Ham qarindosh, ham qadrdonim Hasan.
Xoʻp samimiy, begʻubor-u benazir,
Sohibi xulqi hasan, jonim Hasan.
Aqli ilm-u maʼrifat oshuftasi,
Fikri irfon, qalbi Qurʼonim Hasan.
Jonima koʻrsa musibat nayzasin,
Turguchi yonimda qalqonim Hasan.
Ismidan zotiga nisbat onchakim,
Muhsin-u hasson-u ehsonim Hasan.
Volidaynimdan tabarruk yodgor,
Ustixonim, goʻshtim-u qonim Hasan.
Yo Ilohiy, ber unga umri fuzun,
Ofiyat, izzat, sharaf-shonim Hasan.
To Hasan boʻlmay Husayn topmas vujud,
Hoy-u siyn-u nunim, insonim Hasan.
✍️
Husaynxon Yahyo Abdulmajid
21.10.2025
Istanbul
Sinvonim* Husayn
🌟
Mushfiqim, ulfat, ukamjonim Husayn,
Chin qorindoshim, jigarjonim Husayn.
Gar tilovat etsa, koʻngillar asir,
Aylasa inshod, xushxonim Husayn.
Soʻzlasa, dillar erib, vijdon turar,
Ul masihanfos suxandonim Husayn.
Vaʼzi aql-u ruhga zoʻr ozuqadir,
Koʻzga nur-u, dilga darmonim Husayn.
Totdi yoshlikdan necha dard-u alam,
Misli Ayyub dardga polvonim Husayn.
Qalbi yonmish doimo Haq ishqida,
Boʻldi elga shamsi tobonim Husayn.
Boʻyla oʻngi ichida, botinparast,
Sidq-u siddiq, mehri pinhonim Husayn.
Bitsa ashʼor, boʻysunar vazn-u aruz,
Sursa barmoq, sheri davronim Husayn.
Fiqh-u tafsir-u hadis, ilmi suluk,
Fors, arab tilga bilimdonim Husayn.
Yoʻq akam, oʻtmish otam, ketmish onam,
Mahv etibdir barcha armonim Husayn.
«Yo»si tasgʻirdan emas, taʼzim uchun,
Oxir-u sobiq Sulaymonim Husayn.
Soʻzlasam vasfin tamom, topmas tamom,
Boʻlgusi eng yaxshi dostonim — «Husayn».
Yo Rab, et umrin uzun, jismin butun,
To abad boʻlsin mening yonim Husayn.
Jonim ul «yo»i xitobidan tirik,
Olsa, illo olgusi jonim Husayn.
Bu Hasan boʻlmish Husayn birlan butun,
Xon-u monim, juft-u sinvonim Husayn.
✍️
Hasanxon Yahyo Abdulmajid
28.10.2025
AQSH
Izoh: «Sinvon» bir ildizdan chiqqan ikkita xurmo daraxti. U aka-uka, tugʻishgan, oʻxshash, monand maʼnolarini anglatadi. Soʻzning tuzilishi ikkilik siygʻasiga monand boʻlgani bois, asli bir boʻlib, bir-birini tutib, toʻldirib turgan egiz, juft, oʻxshash narsalarga ishlatiladi.
Bu soʻz Qurʼoni karimda kelgani bilan ham ahamiyatli.
Bizning manzil
🫴🏻
FAROHIY
📨
Butun umrini arab tiliga bagʻishlagan, koʻplab asarlar yozib, talabalarga dars bergan
Ustoz Mirqobil Hasanov bu dunyoni tark etdilar.
Ustozni Alloh rahmatiga olsin!
Janoza bugun, 24 oktabr 21:00 da Ko’kcha Oqilondagi uylarida ekan.
#olimningvafoti