Syrian USMLE Experiences

سلامات يا شباب
تجربة USMLE STEP3
بما انو التجارب قليلة
ملاحظتين:
1. الامتحان بينعمل بأمريكا ولازم تكون ECFMG Certified حصرا
2. الامتحان يومين
أول يوم 7 ساعات,6 بلوكات, كل بلوك 40 سؤال عليه ساعة.
وبكون أغلبو أساسيات
يعني آلية عمل دوائية (أكتر شي)
آليات إمراضية
باثولوجي مع صور
إحصاء (مختلف عن الون والتو بإنو بيسأل كتير قصص advanced الها علاقة ب IRB Protocols).
اليوم التاني:
9 ساعات، 6 بلوكات، كل بلوك 30 سؤال عليهن 45 دقيقة.
شبيه جدا ل step 2 ف كتير بساعدك اذا مخلص التو من فترة قريبة. بس ضيف إلى ذلك risk factors و prognosis
بصراحة كتير بدققو عليهن.
واليوم التاني بتختمو ب CCS cases الي هنن 13 عليهن 3 ساعات
= total 9 hours.
3. العلامة طلعت بعد أسبوعين (عادة بياخد 3).
مصادر التحضير:
كشخص قدم الستيب ون حديثا ف كانت عقبتي شغلات الستيب تو.
1. Uworld step 3:
طويل كتير، غالي، معت وملان تفاصيل ماحسيتا مهمة
😅
بس أحسن من بلا
2. Amboss library: للشغلات الي نسيانها تمام
3. NBME 6 & 7
بما انو مصادر الامتحان قليلة ف حسيت هدول ممكن يعطوني أفضل تقييم لدراستي
NBME6: 493/800
NBME7: 498/800
اعتقد ال pass هو 300?(douple check)
4. CCS cases:
اشتركت بآخر شهر قبل الامتحان، حلوين بس اذا بتقدر تتمكن منن كتير منيح لانو بيرفعولك العلامة النهائية
5. First Aid Step 1
العملاق الذي لا غنى عنه دائما.
ضروري تراجع منو أقل شيء (أقسام الأدوية الي بتكون بآخر كم صفحة بكل سيستم وقسم biostat) وال Micro.
انا كنت أمسك السيستم أقلبو بسرعة أشوف اذا في شي نسيانو تماما فأقرأه بسرعة، حسيت هيك قصة فادتني بس لا تطول فيا أهم شي الي ذكرتن فوق.
وكالعادة ال real deal متل كل ال USMLEs في السؤال الطويل وفي القصير
في الصعب وفي السهل وفي الي ما بتعرف شو بدو.
وبالتوفيق جميعا
واذا في حدا قدم الامتحان من فترة يبعتلنا التجربة ليصير عنا بنك تجارب أسوة ببقية الامتحانات.

تجربة Step 3 للدكتور أحمد ناولو
خريج جامعة حلب
ألف مبروك للدكتور أحمد
و منتمناله التوفيق بلماتش

تحياتي
أنا مضر خيربك خريج من جامعة تشرين و حاليا مقيم بقسم الأشعة بالمشفى الوطني باللاذقية.
قدمت فحص ستيب ٢ و الحمدلله جبت العلامة اللي كان بدي ياها
بس حبيت ضيف تجربة لانو استفدت كتير من تجارب الزملاء و انا عم حضر فحصي
مقارنة بالستيب ١ انا شفت الستيب ١ أصعب بكتير ولكن الستيب ٢ بوتّر اكتر لانو ما بيخلص و بحر الاسئلة اللي ممكن تجي هائل جدا جدا جدا
لهيك هدفي خلال التحضير كان اني حل اسئلة فقط بدون اي شي تاني.
طبعا اكيد بدون اي شك الستيب ١ قبل ال٢ بسهّل العملية كتير.
لما بلشت كان بدي تحضيري يكون
less is more
مصادر قليلة بس اهتم فيا منيح لانو تعلمت انو كترة المصادر ما بتساعدني ابدا ، كل شخص بيرتاح بطريقة معينة بالدراسة.
مدة التحضير : ٥ أشهر
المصادر اللي استخدمتا : يورلد - امبوس - nbme
ما استخدمت اي كتب او فيديوهات او انكي او ديفاين.
———————————-
اللي عملتو باختصار
-يورلد مرة وحدة كانت نسبة الصح 72%
-اخطاء يورلد مرة وحدة نسبة الصح كانت 50-70%
-كل أسئلة أمبوس مستوى ٢-٣-٤ ما حليت اسئلة مستوى ١-٥ ،نسبة الصح كانت 78%
-كلشي بقسم High Yield Exam Prep ب أمبوس study plans ( برأيي هدول ال٥٠٠-٦٠٠ سؤال مهمين جدا و بوقت قريب من الفحص ، قبل اسبوع مثلا )
-مكتبة أمبوس و أمبوس بشكل عام رائعين جدا و بنصح فين كتير، ولو انو في اسئلة فزلكة احيانا بس كنت حس وقتي عليه مفيد اكتر من اي شي تاني
-حليت الإحصاء و ال ethics و ال quality improvement مرتين من امبوس و مرتين من يورلد.
-حليت كم cms بس كيف ما كان بصراحة ما فيني اعطي رأيي فين .
-فحوصات التقييم كلا كانت بال250، ما عدا :
Uwsa 3 : 240 ما بنصح فيه
Nbme 14 : 243 بنصح فيه كتير
Old new free 120 : 81% مهم جدا
New free 120 : 86% مهم جدا
-حليت الnbmes مرتين تقريبا .
Amboss predicted: 252 (243-261)
———————————-
الفحص برايي عادي في شغلات صعبة في شغلات سهلة في شغلات وسط ، بيشبه الفري ١٢٠ و الnbmes الجداد ١٣-١٤
الوقت ما كان مشكلة، انا ما بحط مارك عالاسئلة بشكل عام لانو لما برجع بقرا السؤال برجع بفكر نفس التفكير و بوصل لنفس الجواب ، فكنت استغل الوقت الزايد بالبلوكات باني استريح .
في كمية معتبرة من الethics و الqi بظن هدول ساعدوني ارفع علامتي لاني حليتن كتير.
الفرق بين علامتي الحقيقية و المتوقعة بتوقع هو شغلتين :
1 ما غيرت ولا خيار بكل الفحص اول شغلة خطرت ببالي حطيتا و ما بقا غيرتا.
2 بالفحص كنت هادئ جدا ، بفحوصات التقييم كنت متوتر دائما
بالنهاية برايي العلامة الكويسة بالستيب ٢ بتعتمد ع فهم الشخص لنفسو و شو بفيدو و شو ما بفيدو ، ما في قالب محدد لذلك الواحد لازم يكون مرن و واعي .
نصيحة بتمنى الزملاء اللي رح يقدموه يفهموا بكير خلال التحضير : ما حدا يحاول "يخلّص" الستيب ٢ لانو ما بيخلص، الهدف انو الواحد يكون روبوت بحل الأسئلة.
نشالله الكل بجيب العلامة اللي بيتمناها. بالتوفيق.

تجربة ستيب 2 للدكتور مضر خير بيك
خريج جامعة تشرين
الف مبروك للدكتور مضر و منتمناله دوام التفوق و النجاح