UzFHM

📋
Ayollar Oliy ligasi: 9-tur uchrashuvlari rasmiylari bilan tanishing.
Ayollar Oliy ligasining 9-tur o‘yinlarini boshqarib boruvchi hakamlar jamoalari va komissarlar tayinlandi.
🗓
Barcha o‘yinlar uchun tayinlovlar yuqoridagi grafikada ko‘rsatilgan.
⚽️
UzFHM
|
🌟
Euroasia Insurance

📋
Hududlarda hakamlikni rivojlantirish masalalari muhokama qilindi.
O‘zbekiston futbol hakamlari markazi tomonidan hududiy futbol assotsiatsiyalari vitse-prezidentlari va hakamlik yo‘nalishiga mas’ul mutaxassislar ishtirokida Zoom platformasi orqali onlayn yig‘ilish tashkil etildi.
Yig‘ilish davomida hududlarda hakamlik tizimini rivojlantirish, yosh hakamlarni aniqlash va saralash, xususan Hakamlar akademiyasida tahsil olayotgan tinglovchilar bilan ishlash samaradorligini oshirish, viloyatlarda hakamlik seleksiyasini yo‘lga qo‘yish hamda hakamlar sonini ko‘paytirish masalalari muhokama qilindi.
Yig‘ilishda Hakamlar qo‘mitasi raisi Bobur Haydarov hamda OFK instruktori Valentin Kovalenko ishtirok etib, hududlarda hakamlik faoliyatiga e’tiborni yanada kuchaytirish, yosh hakamlarni tayyorlash va ularning sonini oshirish bugungi kunning muhim vazifalaridan biri ekanini ta’kidladilar.
Hakamlar akademiyasi tinglovchilarining o‘yin qoidalarini bilish darajasi, jismoniy tayyorgarligi va xorijiy tillarni o‘zlashtirish ko‘nikmalariga avvalgiga nisbatan yanada katta e’tibor qaratilayotgani qayd etildi. Hakamlar tayyorlash metodikasi yildan-yilga takomillashib borayotgani va mazkur jarayon zamonaviy talablar asosida olib borilayotgani ham alohida ta’kidlandi.
Yig‘ilish yakunida hududlarda nazariy va amaliy mashg‘ulotlarni muntazam tashkil etish, yosh hakamlar bilan tizimli ishlash hamda bu yo‘nalishdagi faoliyat ustidan doimiy nazoratni ta’minlash bo‘yicha tegishli vazifalar belgilab olindi.
⚽️
UzFHM
|
🌟
Euroasia Insurance

📋
Hakamlar akademiyasining 4-moduli davom etmoqda.
Toshkentda Hakamlar akademiyasi tinglovchilari uchun tashkil etilgan o‘quv kursining 4-moduli doirasida amaliy tajriba almashish uchrashuvi o‘tkazildi.
Unda Superliga va xalqaro toifadagi hakamlar Asker Najafaliyev, Akobirxo‘ja Shukurullayev, Abdurashid Xudoyberganov, Jasur Muxtorov hamda Nasibabonu Toshmuhammedova ishtirok etib, tinglovchilar bilan o‘z tajribalari bilan o‘rtoqlashdi.
Uchrashuv davomida professional hakam bo‘lish yo‘lida o‘yin qoidalarini mukammal o‘zlashtirish, jismoniy tayyorgarlikka alohida e’tibor qaratish, xorijiy tillarni o‘rganish, qat’iyatli bo‘lish, doimiy ravishda o‘z ustida ishlash hamda tartib-intizomga rioya qilishning ahamiyati haqida fikrlar bildirildi. Shuningdek, hakamlarning xalqaro maydonga chiqish yo‘lidagi faoliyati, bosib o‘tgan yo‘llari va orttirgan tajribalari tinglovchilarda katta qiziqish uyg‘otdi.
Alohida ta’kidlash joizki, Asker Najafaliyev, Akobirxo‘ja Shukurullayev va Abdurashid Xudoyberganov OFK Hakamlar akademiyasi bitiruvchilari hisoblanadi. Ular mazkur akademiyadagi ta’lim jarayoni, o‘quv dasturlari va xalqaro darajadagi hakam sifatida shakllanishdagi muhim jihatlar haqida so‘z yuritib, o‘z tajribalari bilan o‘rtoqlashdilar.
Uchrashuv savol-javoblar va ochiq muloqot ruhida o‘tib, bo‘lajak hakamlar uchun foydali tavsiya va maslahatlarga boy bo‘ldi.
⚽️
UzFHM
|
🌟
Euroasia Insurance

📋
O‘zbekiston futbol hakamlari markazi hamda Euroasia Insurance sug‘urta kompaniyasi o‘rtasida hamkorlik va homiylik to‘g‘risidagi memorandum imzolandi.
Mazkur hamkorlik O‘zbekiston futbol hakamligi tizimini rivojlantirish, Hakamlar akademiyasi faoliyatini qo‘llab-quvvatlash, yosh hakamlarni tayyorlash hamda hakamlarning kasbiy malakasini oshirishga qaratilgan.
Kelishuvga muvofiq, Euroasia Insurance O‘zFHM tomonidan tashkil etiladigan o‘quv-seminarlar, malaka oshirish dasturlari va boshqa loyihalarni qo‘llab-quvvatlaydi.
Hamkorlik doirasida yosh va istiqbolli hakamlarni rivojlantirishga alohida e’tibor qaratilib, xalqaro maydonlarda faoliyat yuritadigan malakali hakamlar zaxirasini kengaytirish maqsad qilingan.
Tomonlar ushbu hamkorlik mamlakatimizda hakamlik tizimini yanada takomillashtirish, hakamlar uchun yangi imkoniyatlar yaratish va ularning professional rivojlanishiga xizmat qilishiga ishonch bildirdi.
⚽️
UzFHM
|
🌟
Euroasia Insurance

📋
IFAB o‘yin qoidalariga yangi o‘zgartirishlar kiritdi
.
Xalqaro Futbol Assotsiatsiyalari Kengashi (IFAB) tomonidan tasdiqlangan qator yangi qoidalar 2026-yilgi FIFA Jahon chempionatidan boshlab amaliyotga joriy etiladi. Shundan so‘ng mazkur o‘zgartirishlar bosqichma-bosqich milliy chempionatlar va boshqa musobaqalarda ham qo‘llanilishi rejalashtirilgan.
Yangi qoidalar o‘yin sur’atini oshirish, vaqtni sun’iy cho‘zish holatlarining oldini olish hamda hakamlik qarorlarining aniqligini yanada takomillashtirishga qaratilgan.
Asosiy o‘zgarishlar:
✅
Vaqt bilan cheklangan o‘yinchi almashtirish protokoli;
✅
Jarohat olgan futbolchilarga maydon tashqarisida yordam ko‘rsatish va holatini baholash tartibi;
✅
Yon chiziqdan to‘p tashlash va darvoza zarbalarida vaqt hisobi protokoli;
✅
Intizomiy choralar bo‘yicha yangi talqinlar;
✅
VAR vakolatlarining kengaytirilishi.
Mazkur yangiliklar futbolning dinamikligini saqlash, o‘yin vaqtidan samarali foydalanish hamda musobaqalardagi adolat tamoyillarini yanada mustahkamlashga xizmat qiladi.
Ta’kidlash joizki, mazkur o‘zgartirishlar 2026-yilgi FIFA Jahon chempionatida amaliyotda sinovdan o‘tkaziladi. Turnir yakunlariga ko‘ra IFAB tomonidan qoidalarga qo‘shimcha aniqliklar, talqinlar yoki yangi o‘zgartirishlar kiritilishi ehtimoli mavjud. Shu bois hozirgi yangiliklar qoidalarning yakuniy ko‘rinishi bo‘lib qolmasligi va kelgusida amaliy tajriba asosida takomillashtirilishi mumkin.
⚽️
t.me/uzfhm

📋
Hakamlar akademiyasi tinglovchilari uchun tashkil etilgan o‘quv kursining 4-moduli Toshkent shahrida davom etmoqda.
Mazkur modul doirasida bo‘lajak hakamlarning zamonaviy futbol talablariga mos nazariy va amaliy tayyorgarligini oshirish, jismoniy holatini yanada takomillashtirish hamda professional faoliyat uchun zarur ko‘nikmalarni shakllantirishga alohida e’tibor qaratilmoqda.
Mashg‘ulotlar FIFAning jismoniy tayyorgarlik bo‘yicha instruktori Yuliya Tarasova boshchiligida olib borilib, tinglovchilar uchun maxsus fitness va funksional tayyorgarlik dasturlari tashkil etilgan. Darslar davomida hakamlarning chidamlilik, tezkorlik, harakat koordinatsiyasi hamda o‘yin davomida yuqori intensivlikdagi yuklamalarga moslashuv darajasini oshirishga qaratilgan mashqlar bajarilmoqda.
Shuningdek, tinglovchilar xalqaro standartlar asosida jismoniy sinovlarga tayyorgarlik ko‘rish, maydondagi harakatlanish texnikasi va o‘yin vaziyatlariga tezkor munosabat bildirish bo‘yicha amaliy tavsiyalar olishmoqda.
⚽️
t.me/uzfhm

⚽️
Proliga–2026: 10-tur uchrashuvlari rasmiylari bilan tanishing.
O‘zbekiston Proligasining 2026-yilgi mavsumi 10-tur bahslarini boshqarib boruvchi hakamlar jamoalari tayinlandi.
📋
Barcha o‘yinlar uchun tayinlovlar — yuqoridagi grafikada.
⚽️
t.me/uzfhm

📹
Hakamlar akademiyasi tinglovchilari uchun tashkil etilgan o‘quv kursining 4-moduli davom etmoqda.
⚽️
t.me/uzfhm

📋
O‘FA rahbariyati Hakamlar akademiyasi tinglovchilari bilan uchrashdi.
O‘zbekiston futbol assotsiatsiyasi birinchi vitse-prezidenti Ravshan Irmatov hamda O‘FA prezidenti maslahatchilari Avaz Azizxo‘jayev va Baxtiyor Abdullayev Hakamlar akademiyasi tinglovchilari bilan uchrashuv o‘tkazdi.
Uchrashuv davomida mamlakatimizda professional hakamlarni tayyorlash, yosh hakamlarni qo‘llab-quvvatlash va ularning malakasini oshirish masalalariga alohida e’tibor qaratildi. Tinglovchilarga hakamlik katta mas’uliyat va mashaqqatli mehnat talab qiladigan faoliyat ekani, bu yo‘lda halollik, intizom, jasorat va fidoyilik muhim o‘rin tutishi ta’kidlandi.
Shuningdek, zamonaviy hakamdan o‘yin qoidalarini mukammal bilish, chet tillarini o‘rganish, jismoniy tayyorgarligini yuqori darajada saqlash hamda o‘z ustida muntazam ishlash talab etilishi qayd etildi. Yosh hakamlarning professional va xalqaro darajada faoliyat yuritishlari uchun zarur sharoitlar yaratish, ularni har tomonlama qo‘llab-quvvatlash O‘zbekiston futbol assotsiatsiyasining ustuvor yo‘nalishlaridan biri ekani ta’kidlandi.
Uchrashuv yakunida tinglovchilarga kelgusidagi faoliyatlarida muvaffaqiyat tilanib, o‘zbek futboli ravnaqiga munosib hissa qo‘shadigan malakali hakamlar bo‘lib yetishishlariga ishonch bildirildi.
⚽️
t.me/uzfhm

🤝
OFK Ilgiz Tantashev haqida maxsus material e’lon qildi.
Xabaringiz bor, Osiyoning eng nufuzli hakamlaridan biri sanalgan o‘zbekistonlik FIFA hakami Ilgiz Tantashev jamoasi bilan birgalikda (Andrey Sapenko va Timur Gaynullin) Jahon chempionatida ilk bor faoliyat olib boradi.
"Osiyo futbol konfederatsiyasi (OFK) jahon chempionati oldidan mundialda ishlaydigan hakamlar haqida maxsus material tayyorladi. Unda Ilgiz Tantashevning xalqaro hakamlik faoliyatidagi muhim yutuqlari alohida e’tirof etilgan.
2013-yildan buyon FIFA hakami maqomiga ega bo‘lgan buxorolik hakam so‘nggi o‘n yil davomida qit’aning eng yirik musobaqalarida muntazam ishlamoqda. U 2015-yildan beri OFK Chempionlar ligasining barcha mavsumlarida, shuningdek, OFK Kubogining olti mavsumida uchrashuvlarni boshqargan.
Ilgiz Tantashev 2024-yilda Parijda bo‘lib o‘tgan Olimpiya o‘yinlarining to‘rtta uchrashuvida hakamlik qilgan bo‘lsa, 2025-yilda FIFA Klublar o‘rtasidagi Jahon chempionatida ham ishlagan.
42 yoshli hakam faoliyati davomida 2019 va 2023-yilgi Osiyo kubogi final bosqichi o‘yinlarida, uchta OFK U-23 Osiyo kubogida ishlagan. Joriy yilning aprel oyida esa Elit Chempionlar ligasi final uchrashuvini boshqarish borgan", deyiladi OFK
xabarida
.
Eslatib o‘tamiz, 2026-yilgi FIFA Jahon chempionati 11-iyun – 19-iyul kunlari bo‘lib o‘tadi.
⚽️
t.me/uzfhm