O‘zLiDeP - Farg'ona

“Korrupsiyaga qarshi kurash – barchamizning burchimiz!”
Bugun Marg‘ilon shahar Axborot-kutubxona markazida korrupsiyaga qarshi kurashish masalalariga bag‘ishlangan navbatdagi majlis bo‘lib o‘tdi.
Majlisda Axborot-kutubxona markazi direktori, Xalq deputatlari Marg‘ilon shahar Kengashi deputati Abdubannob Maxkamov korrupsiyaning jamiyatga salbiy ta’siri, uni oldini olish bo‘yicha amaldagi qonunchilik talablari, shuningdek, tashkilot xodimlarining mas’uliyat va halollik tamoyillariga qat’iy rioya etishi lozimligini ta’kidlab o‘tdi.
Tadbirning asosiy maqsadi — jamoada halollik, shaffoflik, mas’uliyat va adolat qadriyatlarini yanada mustahkamlash, xizmat intizomiga e’tiborni kuchaytirish hamda sog‘lom ish muhitini yo‘lga qo‘yishni davom ettirishdan iborat bo‘ldi.
Halollik – jamiyat taraqqiyotining poydevori.
Har bir xodimning vijdonli mehnati rivojlanish, ishonch va barqarorlikning asosiy garovidir.

Tuman Kengashi deputatlari va O‘zLiDeP partiya vakillari aholi bilan ochiq muloqot o‘tkazdilar.
Xalq deputatlari Quva tuman Kengashi deputati М Sayfuddinov hamda tuman kotibiyati mutaxassisi M.To‘xtasinovlar tomonidan G'alaba mahalla fuqarolar yig‘inida obodonlashtirish ishlari hamda kuz–qish mavsumiga tayyorgarlik jarayonlari holati o‘rganildi.
Mazkur tadbirda “Mahalla yettiligi” faollari ham ishtirok etib, mahallada olib borilayotgan obodonlashtirish, ijtimoiy infratuzilmani yaxshilash, yoshlar va xotin-qizlar bandligini ta’minlash borasidagi amaliy ishlar o‘rganildi va joyida tahlil qilindi.
O‘rganish jarayonida deputat tomonidan mas’ullar bilan hamkorlikda mavjud muammolar muhokama qilinib, ularni bartaraf etish bo‘yicha aniq chora-tadbirlar belgilab olindi.
Shu bilan birga, mahalla aholisini, yashash sharoitlarini yanada yaxshilash va ijtimoiy faollikni kuchaytirish bo‘yicha takliflar ilgari surildi.

ЎзЛиДеП Қўқон шаҳар Кенгаши аппарат раҳбари Т. Муминов
Фарғона политехника институти Қўқон филиалида фаолият юритган фахрий устозларни 8-декабр — Ўзбекистон Республикаси Конституцияси куни муносабати билан зиёрат қилди.
Меҳнат фахрийси, “Меҳнат шуҳрат” ордени соҳиби Хасанов Шовкатжон Эшонхонович ҳамда “ТЕСМА” кафедраси мудири, фан номзоди Акбаров Маҳаммажон Рахмоновичнинг ҳолидан хабар олинди.

“Ўзбекистон Республикаси Конституцияси — эркин ва фаровон ҳаёт гарови!”
8-декабрь — Ўзбекистон Республикаси Конституцияси куни муносабати билан ташкил этилган тадбирда O’zLiDeP Қўқон шаҳар Кенгаши депутати ва шаҳар ҳокими Усмонов Маруф Азамович халқимизга байрам табриги йўллади.
Қўқон шаҳар Ҳамза номидаги мусиқа ва драма театрида бўлиб ўтган тадбирда ташкилот раҳбарлари, маҳалла фаоллари, фахрийлар, фаол ёшлар ҳамда санъаткорлар ҳам иштирок этишди.
Табрикнома чоғида халқ ҳокимияти, вакиллик демократияси, Конституция ва қонун устуворлиги каби конституциявий принципларга содиқ қолган ҳолда, ушбу йўналишдаги ислоҳотлар янада қатъият билан давом эттирилиши таъкидлаб ўтилди.

“Ўзбекистон Республикаси Конституцияси — эркин ва фаровон ҳаёт гарови!”
ЎзЛиДеП Қўқон шаҳар Кенгаши, Қўқон Унверситети  проректори ва Қўқон шаҳар Кенгаши депутати Дехконов Шерзод Минавварович ва бошланғич таълим йўналиши талабалари ҳамкорликда ушбу тадбир эзгу мақсадлар, юксак ғоялар ва байрамона шукуҳ ила ўтди.
Сўзга чиқанлар Конституциянинг жамиятимиз ҳаётидаги ўрни, инсон қадрини улуғлайдиган тамойиллари ҳамда юртимизда кечаётган ислоҳотларнинг асосий мезони сифатидаги аҳамияти ҳақида чуқур фикрлар билдирилди. Тадбир иштирокчилари бош қомусимизнинг мустаҳкам пойдевор сифатидаги ўрнини яна бир бор ҳис этишди.
Талабалар томонидан тақдим этилган бадиий чиқишлар, мусиқий композициялар ва маънавий-маърифий дастурлар тадбирга ўзига хос файз бағишлади.Тадбир сўнгида Н.А.Шарипова партиянинг дастурий ва вазифаларини кенг жамоатчилик ўртасида тарғиб қилишда янада фаол бўлишини тилаган холда ташаккурнома ва эсталик совғари топширилди.

ЎзЛиДеП Учкўприк туман Кенгаши аппарат раҳбари Д.Нишонова, туман Кенгаши депутати З. Махкамова ҳамда ОМҚП депутати ва ёрдамчиси Ф.Тургуновалар томонидан Учкўприк тумани “Сув етказиб бериш хизмати” давлат муассасаси Бошланғич партия ташкилотида 8 декабрь — Конституция куни муносабати билан тадбир ўтказилди.
Тадбирда ёшлар онгида қонун устуворлиги, фуқаролик масъулияти ва Конституция қадр-қимматини янада мустаҳкамлашга қаратилган фикрлар билдирилди. Конституциянинг жамият тараққиёти, инсон ҳуқуқ ва эркинликларини таъминлашдаги ўрнига алоҳида тўхталиб ўтилди.
Тадбир давомида фаол партия аъзолари байрам билан самимий табрикланди,уларнинг жамоат ишларидаги иштироки ва ташаббускорлиги юксак баҳоланди. Шу билан бирга, байрам муносабати билан фаол партия аъзоларига ташаккурнома ва эсдалик совғалари топширилди.

O‘zLiDeP Олтиариқ туман Кенгаши томонидан Ўзбекистон Республикаси Конституцияси қабул қилинган тарихий сананинг 33 йиллиги муносабати билан “Конституция - халқчил давлат, барқарор тараққиёт ва фаровон ҳаёт асоси!” деган бош ғояни ўзида мужассам этган ҳуқуқий тарғибот тадбири ташкил этилди.
Журак МФЙ 6-умумтаълим мактабида ташкил этилган тадбирда OʻzLiDeP Oлтиарик туман Кенгаши раиси, Халк депутатлари вилоят туман Кенгаши депутати Х.Рахимов, аппарат -рахбари Д.Маматкулова,туман кенгаши депутати У.Азимова иштирок этишди.
Тадбир  давомида Ўзбекистон Республикаси Конституциясининг яратилиш тарихи, унинг мазмуни, моҳияти, аҳамияти ҳамда “Конституция – халқчил давлат, барқарор тараққиёт ва фаровон ҳаёт асоси!” эканлиги тўғрисида фикр юритилди.

Xalq deputatlari Oltiariq tuman Kengashi deputati U. Azimova “Farovon” mahalla fuqarolar yig‘inida mahalla yettiligi bilan uchrashuv o‘tkazdi.
Uchrashuvda O‘zLiDep tuman Kengashi apparat raxbari D.Mamatqulova hamda mahalla yettiligi vakillari ishtirok etdi.
Mahalla raisi yig‘ilish davomida 2025-yil davomida “Farovon” mahallasida amalga oshirilgan ishlar, xususan: ko‘chalardagi obodonlashtirish jarayonlari, infratuzilma obyektlarining yangilanishi, mavjud muammolarning bartaraf etilishi borasidagi natijalar haqida ma’lumot berdi.
Shuningdek, 2026-yilda mahallada bajarilishi rejalashtirilgan ustuvor vazifalar, aholining ijtimoiy-iqtisodiy sharoitini yaxshilash, yoshlarga oid loyihalarni kengaytirish va mahalla ichki yo‘llarini yaxshilash bo‘yicha takliflar muhokama qilindi.
Deputat U. Azimova bildirilgan taklif va murojaatlarni tinglab, ularni bartaraf etish bo‘yicha tegishli tashkilotlarga yetkazilishini ta’kidladi.

#Oltiariq
#6maktab
#Konstitutsiya
-baxtimiz qomusi
Xalq deputatlari Viloyat kengashi deputati,OʻzLiDeP Oltiariq tuman Kengashi raisi, Fargʻona viloyati direktorlar kengashi raisi, O‘zbekiston xalq o‘qituvchisi Rahimov Xomidjon ustoz bilan mazmunli va  samimiy uchrashuv tashkil etildi.
Uchrashuv davomida ustozimiz o‘zining ko‘p yillik tajribasi, pedagogik amaliyotida erishgan yutuqlari hamda ta’lim jarayonidagi dolzarb masalalar haqida o‘quvchilar va ustozlar jamoasiga juda muhim fikrlarni yetkazdilar.
“Konstitutsiya — baxtimiz qomusi” mavzusidagi tadbirimizda ham Rahimov Xomidjon ustoz faol ishtirok etib, o‘quvchilarimizga konstitutsiyaning hayotimizdagi o‘rni, insoniy qadriyatlar, yoshlarning kelajagi uchun yaratilgan imkoniyatlar haqida chuqur ma’lumotlar berdilar.
Ustozning har bir so‘zi o‘quvchilar qalbiga iliqlik, ustozlarimizga esa yangi ruhiyat va ishonch bag‘ishladi.