(وآاي فـĨايWiƒi)

من عرف قيمته، ما ظل ينتظر تقدير من أحد
لأن الإنسان من يعرف شكد يسوى، يبطل يركض ورا رضا الناس، ويبطل يزعل إذا أحد تجاهله أو ما عطاه المكانة اللي يستحقها هو يعرف نفسه أكثر من أي شخص ثاني، ويعرف شكد تعب، وشكد ضحّى، وشكد تجاوز من صعوبات حتى يوصل للمكان اللي هو بيه
مو كل الناس راح تكدر تعبك، ومو كل الناس راح تشوف قيمتك أكو ناس مهما سويتلهم يبقون يشوفونك بعين مصالحهم، وأكو ناس ما يعرفون قيمة الشي إلا من يخسروه
لهذا لا تربط سعادتك بكلام الناس، ولا تخلي ثقتك بنفسك تعتمد على مدحهم أو اهتمامهم إذا مدحوك لا تغتر، وإذا تجاهلوك لا تنكسر.
قيمتك مو من تقدير الناس إلك، قيمتك من معرفتك لنفسك، ومن احترامك إلها حتى بغياب الجميع.
"من عرف قيمته، عاش مرفوع الرأس... ومن انتظر تقدير الناس، ظل أسير آرائهم طول عمره."

مو كل واحد ساكت مرتاح، ومو كل واحد يضحك سعيد أكو ناس تضحك حتى تخفي وجعها، وتحجي طبيعي حتى محد يعرف شكد متعبة من الداخل.
أحياناً الإنسان يوصل لمرحلة يحارب بيها ألف فكرة براسه بنفس الوقت، ويظل ثابت كدام الناس وكأن ماكو شي مو لأنّه قوي بكل الأحوال، لكن لأنّه ما عنده خيار غير يكمل.
ويمكن أصعب شعور من تحس نفسك منهك من كلشي، بس تبقى مكمل لأن محد راح يشيل عنك هالحمل.
لهذا أقسى الحروب هي الحروب اللي تصير بينك وبين نفسك لأن محد يشوفها، ومحد يعرف شكد أخذت من روحك حتى تطلع منها واكف على رجليك
"مو كل معركة إلها صوت... أكو معارك تذبح صاحبها وهو ساكت."

بأجواء تملؤها المحبة والامتنان اتقدم بأجمل التهاني والتبريكات بمناسبة عيد الأضحى المبارك
نسأل الله أن يعيد هذه الأيام عليكم باليمن والبركات، كل عام وأنتم بخير.
🤍

"من يمشي مع الأعرج يتعلم العرج"
مو كل شخص تمشي وياه يضيفلك
أكو ناس تسحبك وراها بدون ما تحس،
أفكارهم، عاداتهم، وطريقتهم بالحياة تنتقل الك بالتدريج
اختار صحبتك بعناية،
لأن الإنسان يشبه أكثر الناس اللي يقضي وياهم وقت

مو كل شي نتمسك بي لازم يكون اله قيمة بحياتنا أحيانا القوة الحقيقية مو بالاحتفاظ، بل بالقدرة على التخلي
لمن توصل لمرحلة تكدر تستغني عن شخص، عن عادة، أو حتى عن شعور هنا انت مو جاي تهرب، أنت جاي تتحرر لان الشيء اللي ما تكدر تعيش بدونه، هو فعليا المتحكم بيك مو العكس
السيطرة مو انك تملك الشيء السيطرة انك تكدر تتركه بدون ما يكسرك
خلي عندك اكتفاء يخليك هادئ، مو محتاج، مو متعلق لأن الإنسان لمن يوصل لهالمرحلة، يصير اقوى من كل شي كان يعتقد يوما انه ما يكدر يعيش بدونه

مو كل علاقة تنتهي بخيانة أو خلاف واضح… بعض العلاقات تموت بهدوء، بدون صوت، تحت ضغط تعب شخص واحد يحاول بكل طاقته
لما يكون طرف هو اللي دائما يبرر، ويتحمل، ويصبر، ويصلّح، ويسأل، ويهتم… والطرف الثاني موجود بس كجسم بدون روح، بدون إحساس… هنا التعب ما يكون بس نفسي، حتى الجسد ينهك
الكثير يعتقد إذا زاد حبه واهتمامه، كلشي رح يتحسن
بس الواقع يقول غير هيج
الحب إذا كان من طرف واحد، يتحول مع الوقت إلى قلق وتوتر… مو راحة وأمان ويصير الإنسان غريب داخل العلاقة اللي المفروض يحتضنته
يبقى يحاول يحيي شي… هو بالحقيقة ميت من زمان بقلب الطرف الثاني
وهنا تبدأ المشكلة الأكبر…
مو بس التعب، بل يبدأ الإنسان يخسر نفسه، لأن بدل ما يسأل:
“هل هاي العلاقة فعلاً متبادلة؟”
يبدي يسأل:
“شنو بعد لازم أسوي حتى أكون كافي؟”
والحقيقة الواضحة:
العلاقة ما تعيش بحب طرف واحد.
العلاقة تحتاج:
اهتمام من الاثنين
إحساس متبادل
وجود حقيقي مو مجرد حضور شكلي
وصدق بالمشاعر مو تمثيل
إذا غاب هالشي العلاقة تبقى شكل، بدون روح

الناس ما تتغير مثل ما نتصور، بس حقيقتها تبين متأخر، تبين من تخلص المصلحة، من تكثر الضغوط، من تنكسر الصورة الحلوة اللي رسمتها إلهم، وقتها تعرف منو جان صادق ومنو جان يمثل، ومنو جان وياك لأنك أنت، ومنو جان وياك لأن يحتاجك، والوجع مو بالتغيير نفسه، الوجع انك جنت تشوفهم شي أكبر من حقيقتهم

مو كل التعب يجي من القتال، مرات التعب الحقيقي من تضل تحاول تبين قوي كدام الكل وأنت من داخل جاي تنهار شوي شوي، تبتسم حتى محد يحس بيك وتكول عادي وأنت مو عادي أبد، تحمل كلشي بروحك وتخاف تبين ضعفك لأن متعود تكون السند، بس الحقيقة ان القوة مو دائما ً شي حلو، مرات تكون حمل ثقيل يوجع أكثر من أي شي ثاني، ولهذا مو عيب إذا تعبت، لأن التعب دليل انك جاي تقاوم لحد الآن
💔

ع هالتفاعل صرت افكر احذف القناة فه جدا اسف اذا صار هالشي
❤️
😢

ماكو شي اسمه نهاية سعيدة، لأن الحياة أصلاً ما تمشي بهالشكل كل ما تكول ارتحت تبدي قصة جديدة أو تعب جديد السعادة مو نهاية نوصللها ونبقى بيها، السعادة مجرد لحظات حلوة تجي بنص التعب والضغط والخذلان حتى تخلينا نكمل لهذا لا تنتظر حياة كاملة ولا أيام مثالية، عيش أي لحظة تضحكك، تريح بالك، أو تخليك تحس انك بخير، لأن يمكن هاي اللحظات القليلة هي كل السعادة اللي نكدر نحصلها بهالدنيا