ماني بمجبور أعيش بوجهين
وجهي وحيد وجايز لي ،مصبه
اللي مايملا العين ما يسكن العين
واللي أحبه يدري.. اني أحبه.
حاولت ألبي رغبتك قدر الإمكان
وأسدل ستار آخر فصل في قصصنا
وبديت احب اللي تحبه على شان
اصير اعاف اللي تعاف وخلصنا
هنا اخر لقاء وأول محطات الاستنزاف
مكانٍ كراسيه تسولف عن اشواقي
عطيته سنين وقلب و ابيات ما تنعاف
ورجّع لي ابياتي ولا رجّع الباقي
انا بأخر ايامه سمعت الكلام الجاف
وكذّبت سمعي لو تشهد له احداقي
وبعد ما نطق في تالي الليلة إسمي حاف
عرفت أنه العربون في ليلة فراقي
بديت آشوف التفاصيل بشكل سلبي ،
الى متى واغلب اوجاعي من اطباعي !
/
محتاج ... اراجع حساباتي مع قلبي ،
أشياء وااجد بـ قلبي ... ما لها داعي !
حبيت يوم الحب في أحلى لياليه
وقفيت يوم الحب قفّى زمانه
ماعاد لذّات أوله ،،، مثل تاليه
اما انتهى بفراق ،،، ولا خيانه .
من كثر ماتعبني شعور انك تروح
ماعاد يسعدني شعور انك تجي .