YANGI QIZILTEPA
✅
“VANG‘OZI” DA GAZ QUVURLARI REKONSTRUKSIYA QILINMOQDA
Qiziltepa tumanining “Vang‘ozi” hududida d-159 mmli o‘rta bosimli bir kilometr yer osti gaz quvurlari rekonstruksiya qilinmoqda. Jarayonga “Hududgaz Navoiy” gaz taʼminoti filiali tasarrufidagi qurilish-montaj brigadasi ishchi-xodimlari jalb etilgan. Ayni kunlarda bu yerda qizg‘in ish jarayonlari davom etmoqda.
Mazkur rekonstruksiya ishlari aholiga tabiiy gazni bir maromda yetkazish maqsadida olib borilyapti. Shuningdek, eskirgan gaz quvurlarini yangisiga almashtirilishi gaz sizib chiqish holatlarini oldini oladi.
Rekonstruksiya tadbiri nihoyasiga yetgach, hududdagi “Toshmachit”, “Bashir” mahallalari va “Madaniyat” MFYdagi “Mahalla” qishlog‘idagi jami 700 ga yaqin xonadonda tabiiy gaz taʼminoti yana-da yaxshilanishiga erishiladi.
✍️
"Hududgaz Navoiy" gaz taʼminoti filiali matbuot xizmati
hududgaz.uz
/ Telegram /
You tube
/
facebook
/
Instagram
Ассалому алайкум, ҳаётимиз қувончи,
файзу фариштаси бўлган муҳтарама онахонлар, ҳурматли опа-сингиллар!
Юртимизда баҳорнинг гўзал ва нафис лаҳзалари кезаётган, шу билан бирга, Муқаддас Рамазон ойининг ушбу шукуҳли кунларида мамлакатимиз бўйлаб халқимизнинг энг севимли байрамларидан бири –
8 март – Халқаро хотин-қизлар куни
юқори кайфиятда нишонланмоқда.
Аввало, Сизларни, Сизлар орқали барча дуогўй онахонларимиз, опа-сингилларимизни, лобар қизларимизни ушбу икки карра гўзал айём билан чин қалбимдан самимий табриклайман.
Қадрли опа-сингиллар!
Ушбу байрамнинг айнан баҳор фаслининг илк кунларида нишонланишида ҳам ўзгача маъно ва гўзаллик бор, албатта. Табиатнинг уйғониши ва мафтункорлик кашф этиши, айнан ушбу байрам арафасида бошланади. Шунинг учун ҳам баҳор ва аёл сўзлари доимо бир-бирига ҳамоҳанг тарзда ишлатилади.
Ҳурматли опа-cингиллар!
Сўнгги йилларда мамлакатимизда хотин-қизлар муаммоларини ҳал этиш, уларнинг сиёсий, ижтимоий ва иқтисодий фаоллигини ошириш, гендер тенгликни қарор топтириш, аёлларнинг ҳуқуқ ва манфаатларини таъминлаш каби бир қатор йўналишлар бўйича
кенг кўламли ишлар амалга оширилмоқда.
Яратилаётган имкониятлар асосида, туманимизда истиқомат қилаётган 80 мингга яқин хотин-қизлар ҳам доимий равишда қўллаб-қувватланиб, уларнинг жамиятдаги ўрнини янада юксалтириш ва мустаҳкамлаш ишлари давом этмоқда.2025 йилда биргина “Аёллар дафтари” асосида тумандаги 5 мингга яқин хотин-қизларга жами 1,3 миллиард сўмлик турли кўринишдаги ёрдамлар кўрсатилди. Йил давомида 1200 нафардан ортиқ хотин-қизларимиз касб-ҳунарга ўқитилди. Шунингдек, 1480 нафарининг бандлиги таъминланди. 30 нафардан ортиқ хотин-қизларимизнинг яшаш хонадонлари таъмирлаб берилди. 235 нафарига кредитлар ажратилиб, даромадлари ошишига кўмаклашилди. 1672 нафарига зарурий тиббий ёрдамлар кўрсатилди. 11 нафар талаба қизларимизнинг контракт тўловлари тўлаб берилди. Бундан ташқари, хотин-қизларга ажратилган ипотека кредитлари ҳисобидан 60 га яқин аёллар
ўз уйларига эга бўлишди. Бу каби эзгу ва хайрли ишлар жорий йилда ҳам давом эттирилмоқда.
Қадрли онахонлар, мунис опа-сингиллар!
Шу ўринда, халқимизнинг юксак маънавиятли, фарзандларимизнинг эса илмли, билимли, ақлли, зукко, ҳар томонлама етук инсон бўлиб етишишларида аёлларимизнинг муҳим ўрни борлигини алоҳида таъкидламоқчиман. Сизлар туманимизнинг барча жабҳаларида, жумладан, иқтисодиёт, сиёсат, маҳалла, таълим, маданият, санъат, спорт, ободонлаштириш, қишлоқ хўжалиги ва бошқа кўплаб соҳаларида доимо фаолсизлар. Меҳнатингиз ва касбингизга бўлган меҳрингиз, садоқатингиз билан туманимиз равнақига муносиб ҳисса қўшиб келмоқдасиз.
Шу ўринда, ҳурматли Президентимиз томонларидан куни кеча имзоланган
“Зулфия номидаги Давлат мукофоти билан тақдирлаш тўғрисида”
ги қарорлари асосида Қизилтепа фарзанди, ҳар бир ғалабасини барчамиз катта қувонч билан кутиб оладиган, ғайратли қизимиз
Лазиза Ҳайдарова
“Зулфия” номидаги Давлат мукофоти билан тақдирланганини алоҳида таъкидламоқчиман.Фурсатдан фойдаланиб, Лазизани, унинг ота-онаси, устоз ва мураббийларини ушбу улкан эътироф билан табриклаб, уларга ўз миннатдорчилигимни билдираман. Бу мукофот ҳар бир тумандошимизни жуда ҳам қувонтирди.
Ҳурматли онахонлар, қадрли опа-сингиллар!
Барчангизни яна бир бор бугунги баҳор ва нафосат, гўзаллик ва латофат байрами билан чин дилдан табриклайман.
Сизларга сиҳат-саломатлик, хонадонларингизга тинчлик-омонлик, файзу барака тилайман. Умрингиз узоқ, ҳаётингиз доимо фаровон бўлсин!Бахтимизга ҳамиша соғ-омон бўлинглар.
Байрам барчангизга муборак бўлсин!
Бекзод БОБОМУРОДОВ,
туман ҳокими
XONADONLAR TA’MIRI RAMAZON TUHFASI BO‘LMOQDA
Ramazon oyi munosabati bilan va Prezidentimiz tashabbuslari asosida ayni kunlarda Qiziltepa tumanidagi ijtimoiy reyestrdagi I guruh nogironligi bo‘lgan va mehnatga layoqatli a’zosi bo‘lmagan 20 dan ortiq oilalar xonadonlarining devor va tomlarini izolyatsiya qilish, energiya tejamkor deraza va eshik o‘rnatish, nogironlar uchun munosib sharoitlar yaratish, isitish tizimini yaxshilash va boshqa muhim o‘zgartirishlarni o‘zida qamrab olgan ta’mirlash ishlari amalga oshirilmoqda.
Videoda xonadonlari ta’mirlanayotgan Yashnaobod mahallasidan
Gulbahor Ibragimova
va
Zilola Jo‘rayeva
bajarilayotgan ishlardan, e’tibordan mamnunliklarini bildirishgan.
——————————————
ХОНАДОНЛАР ТАЪМИРИ РАМАЗОН ТУҲФАСИ БЎЛМОҚДА
Рамазон ойи муносабати билан ва Президентимиз ташаббуслари асосида айни кунларда Қизилтепа туманидаги ижтимоий реестрдаги I гуруҳ ногиронлиги бўлган ва меҳнатга лаёқатли аъзоси бўлмаган 20 дан ортиқ оилалар хонадонларининг девор ва томларини изоляция қилиш, энергия тежамкор дераза ва эшик ўрнатиш, ногиронлар учун муносиб шароитлар яратиш, иситиш тизимини яхшилаш ва бошқа муҳим ўзгартиришларни ўзида қамраб олган таъмирлаш ишлари амалга оширилмоқда.
Видеода хонадонлари таъмирланаётган Яшнаобод маҳалласидан
Гулбаҳор
Ибрагимова
ва
Зилола Жўраева
бажарилаётган ишлардан, эътибордан мамнунликларини билдиришган.
Tuman hokimi Bekzod Bobomurodov tabrik soʻzidan soʻng tumanning turli sohalaridagi rivojiga hissa qoʻshib kelayotgan bir guruh xotin-qizlarga faxriy yorliqlar va qimmatbaho sovgʻalarni topshirdi.
Tuman hokimi Bekzod Bobomurodov barchani bayram bilan tabrikladi
#live
Tadbirda tumanning turli sohalari rivojiga hissa qoʻshayotgan 20 dan ortiq xotin-qizlar taqdirlanadi
#live
Bir necha daqiqalardan soʻng Xalqaro xotin-qizlar kuni munosabati bilan bayram tadbiri boshlanadi.
#live
Yaqin daqiqalar ichida bayram tadbirlari boshlanadi
#live
Tadbirda qatnashadigan har bir xotin-qizga bayram kayfiyati ulashiladi