قصائد بدويه
ألف طيحه علمتني اوقف من جديد
وألف خيبه علمتني ما أوثق بأحد
على فكره . . تغير كل شي ولا بقي لك شي
قطعت اوراق شرهات الوصل من دفتر اسراري
وعلى طاري حقوق الوصل واللي لك واللي لي
نسيتك ما تناسيتك ولا لك ذكر او طاري
احسب اني بدونك مستحيل احيا وشفني حي
بعد كل الظنون الخايبه كملت مشواري .
عن عيون الناس تسترني ثيابي
وكل حيّ ٍ غير ربي مارجيته
ويوم شفت إن الكفن ماله مخابي
كل مايطري على بالي شريته .
أصدق ما قاله بن فطيس:
ما كل من قال أحبك يحبك
هو كل مسلم في زمنا يصلي
« أهوجس و أفكر فيك و أبعد عن الجلّاس
لو دروب وصلك شوك جيتك و أنا حافي ! »
أنت ياللي كل ما هزّ المحاني طيفه
جرّني طاريك من ربعي ومن جلاّسي
كانك اللي فالمحبه موجس له خيفه
والله إني بين لوعة خاطري وعماسي
كل حبٍ غير حبك .. ينكشف لي زيفه
وكل طيف غير طيفك ما يهزّ إحساسي
وكل وجهٍ غير وجهك فالوجيه أعيفه
وكل صوتٍ غير صوتك ما يقنّد راسي
- ختام هـ الليلة :
يالله عساني لا تعثرت ما أطيح
قدام من هو يستلذ إنكساري .
ارفع يدينك ومافي خاطرك قوله
من رحمة الله لا تيأس ولا تقلق
لاشفت قدامك البيبان .. مقفوله
بيبان ربّي كريم الوجه مـا تغلق