Avantaj|Buxgalteriya
Бухгалтерские услуги!
Реклама бўйича мурожаат учун:
@Avantaj_reklama_bot
#савол
ҚҚСдан ортиқча тўлови мавжуд бўлган корхона айланмадан олинадиган солиққа ўтса, ортиқча тўлови қайтариб бериладими?
СКнинг 269-моддасига мувофиқ солиқ тўловчи ҚҚС тўловчи мақомини йўқотганда (ёки солиқ тўлашдан озод қилинганда) илгари товарларни (хизматларни) олиш чоғида ҳисобга олиш учун қабул қилинган, олинган товарлар (хизматлар) бўйича солиқ суммасига тузатиш киритилиши лозим. Тузатиш ҳисобга олинган ҚҚСни ТМЗ таннархига киритиш орқали амалга оширилади. ҚҚС ҳисоботида ҳам ушбу ўзгаришлар акс эттирилади ва ортиқча тўлов шахсий ҳисобварақдан ўчирилади. Демак, ҚҚСдан ортиқча тўлови мавжуд бўлган корхона айланмадан олинадиган солиққа ўтса,
ортиқча тўлови қайтариб берилмайди. Мавжуд ортиқча тўлов ТМЗлар таннархига қўшилади.
@avantaj_buxgalteriya
2026 йил 1 январдан
бошлаб:
- якка тартибдаги тадбиркорлар учун қатъий белгиланган миқдорда
жисмоний шахслардан олинадиган даромад солиғини
тўлаш тартиби бекор қилинади;
- солиқ даврида товарларни (хизматларни) реализация қилишдан даромади
100 миллион сўмдан
ошмаган
ўзини ўзи банд қилган
шахсларни айланмадан олинадиган солиқ тўлашдан озод қилиш тартиби бекор қилинади.
- йиллик айланмаси
1 миллиард сўмгача
бўлган якка тартибдаги тадбиркорлар ва ўзини ўзи банд қилган шахслар учун айланмадан олинадиган
солиқ ставкаси 1 фоиз миқдорида
белгиланади.
12.08.2025 й, ПҚ–247-сон
.
@avantaj_buxgalteriya
Бу йил мустақиллик байрамида қўшимча дам олиш кунлари бўлмайди.
Бандлик вазирлигига кўра, 1 сентабр – Мустақиллик куни байрами муносабати билан:
5 иш куни ишловчилар 3 кун – 30 август (шанба), 31 август (якшанба) ва 1 сентабр (байрам) кунлари;
6 иш кунида ишловчилар 2 кун – 31 август (якшанба) ва 1 сентабр (байрам) кунлари дам олади.
Қўшимча дам олиш кунлари белгиланмаган ва дам олиш кунлари кўчирилмаган.
@avantaj_buxgalteriya
2025 йил 1 сентябрдан бошлаб:
Маркировкаланадиган маҳсулотларни реализация қилишда маркировка коди бириктирилмаган ЭҲФни расмийлаштиришга йўл қўйилмайди;
(буни ҳозир ҳам иложи йўқ)
М
аркировкаланадиган маҳсулотлар чакана сотилганда:
- маркировка коди киритилгандан сўнг онлайн назорат-касса техникасининг касса чеки шакллантирилади;
- аввал фойдаланилган маркировка кодлари киритилганда онлайн назорат-касса техникасининг касса чекини шакллантиришга йўл қўйилмайди.
23.05.2025 йилдаги ПҚ-190-сон.
@avantaj_buxgalteriya
2026 йил 1 апрелга қадар чакана савдода сув ва салқин ичимликларни сотишда маркировка кодларини сканерламасликка рухсат берилди
.
2025 йил 23 майдаги ПҚ-190-сонга мувофиқ сув ва салқин ичимликларни ишлаб чиқарувчилар томонидан Тайёр маҳсулотларни агрегациялаш тизимини йўлга қўйиш муддати 2026 йил 1 апрелга қадар
узайтирган эди.
Шунга кўра, Солиқ қўмитаси
UzBev
мурожаатига жавобан 2026 йил 1 апрелга қадар чакана савдо тармоғида маркировкаланган сув ва салқин ичимликларни сотишда уларнинг маркировка кодларини сканердан ўтказилмаслигига эътироз билдирмаслигини маълум қилди.
@avantaj_buxgalteriya
Давлат рўйхатидан ўтказмасдан, мажбурий
сертификатлаш шарти билан тиббиёт амалиётида қўллаш ва олиб киришга рухсат бериладиган
, Ўзбекистон Республикасида давлат рўйхатидан ўтказилган
аналоглари мавжуд бўлмаган
дори воситалари ва тиббий буюмлар рўйхатига ўзгартириш киритилди. Рўйхат билан
бу ерда
танишишингиз мумкин.
@avantaj_buxgalteriya
2026 йил 1 январдан бошлаб сайёр солиқ текширувини ўтказишда:
- мобил видеокамерадан фойдаланиш мажбурий ҳисобланади;
-мобил видеокамерадан фойдаланмасдан ўтказилган текширувлар ноқонуний ҳисобланади.
Ўзбекистон Республикаси Президентининг
Фармони
.
@avantaj_buxgalteriya
2025 йил 1 ноябрдан бошлаб:
Умумий овқатланиш корхоналари ва қишлоқ хўжалиги маҳсулотларини экспорт қилувчи корхоналар учун белгиланган жисмоний шахслардан қишлоқ хўжалиги маҳсулотлари нақд пулга харид қилинганда, ушбу товарлар учун кирим ҳужжатларини электрон шаклда расмийлаштириш тартиби
барча тадбиркорлик субъектларига татбиқ этилади.
Ўзбекистон Республикаси Президентининг
Фармони
.
@avantaj_buxgalteriya