Avantaj|Buxgalteriya

Счет-фактура маҳсулот сотилган пайтда расмийлаштирилиши керак, кейинги ойнинг 10-санасигача эмас.
ЭҲФни кейинги ойнинг 10-санасигача фактура жўнатса бўлади деган фикр нотўғри фикрдир. ВМнинг 489-сонли
қарорида
ҳисобварақ-фактура товарлар жўнатилган (топширилган) ёки хизматлар кўрсатилган календарь санада расмийлаштирилиб тақдим этилади
дейилган
.
Яъни, фактурани товар ёки хизмат сотилган пайтда расмийлаштириш керак. Қарорнинг 2-илова 6-бандида ойда бир марта фактура расмийлаштириладиган ҳолатлар келтириб ўтилган.
@avantaj_buxgalteriy

Яна бир бор Байрам муборак!
Ўша гап
ўртоқ бухгалтерлар! Бир йилда икки марта касб байрамини нишонлаш ҳам мумкин ))) Бугун Ўзбекистондаги бухгалтерлар куни нишонланади. Аввалги табригимизга тикилиб, яна бир бор ҳаёл суриб олишингиз мумкин
😊
Барча бухгалтерларга байрам муборак!
@avantaj_buxgalteriya

Январдан суғурта нархи ошади.
Суғуртаси тугашига 1-2 ой қолган ҳайдовчилар, суғуртасини декабр ойида янгилаб олгани яхши. Тўғри, Аллоҳ умр берса, барибир оширилган нархда суғурта қиламиз. Яна бир муддат арзон нархда суғурта қилиб олиш имкониятидан фойдаланиб қолинг.
2026 йил 1 январдан
бошлаб транспорт воситалари эгаларининг фуқаролик жавобгарлигини
мажбурий суғурта
қилиш бўйича суғурта
суммасини 80 млн сўмгача
(амалда 40 млн сўм)
оширилиши белгиланган
, бу ўз навбатида ЙТҲ натижасида
жабрланган шахсларнинг
мол-мулкига, ҳаётига ва соғлиғига етказилган
зарар миқдорини қоплаш учун йўналтириладиган маблағнинг
бугунги
кун талабига мос равишда бўлишига
хизмат қилади.
23.07.2025 йилдаги ВМҚ 458-сон.
@avantaj_buxgalteriya

Айланма солиқни қатъий ставкада тўловчи корхоналар таъсисчилари дивидендларни 2026 йилгача олишлари керак.
2026 йилдан АОСни қатъий ставкада тўлаш
бекор қилинади.
Бундай солиқ тўловчилар дивиденд солиғи тўлашдан озод қилинган. 2026 йил 1 январдан бошлаб олинган дивидендлар учун белгиланган ставкада солиқ тўлашга тўғри келади. 2025 йил фойдаси тақсимланса ҳам, дивиденд 2026 йилга ўтиб олинса,
солиқ тўланади.
Шу сабабдан, мавжуд тақсимланмаган фойдани декабр ойи сўнгига қадар олишни тавсия қиламиз.
@avantaj_buxgalteriya

Тадбиркорлар, қарор қабул қилиш учун вақт оз қолди!
Жами даромади 1 млрд сўмдан ошмаган ҚҚС тўловчилари AОС тўлашга ўтиши мумкин ва бунинг учун солиқ органини хабардор қилишлари керак. Шу билан бирга бундай тадбиркорлар мажбурий ҚҚС ва фойда солиғи тўловчилари бўлмаслиги ҳам керак.
Айланмадан олинадиган солиқни тўлашга ўтмоқчи бўлган корхонлар ушбу солиқни тўлашга ўтиши тўғрисида солиқ органини навбатдаги солиқ даври бошланишига қадар
10 кундан кечиктирмай
хабардор қилиши керак. 10 календар кун дейилмагани сабабли, 10 иш куни ҳисобга олинади.
Демак, солиқ режимини ўзгартириш учун 2025 йил 17-декабргача (шу кун ҳам) белгиланган шаклдаги аризани шахсий кабинети орқали тақдим қилиши керак.
Хабарнома
my3.soliq.uz
сайти орқали юборилади.
@avantaj_buxgalteriya

Пенсия қайси даврдаги иш ҳақидан ҳисобланади?
Фуқароларнинг давлат пенсия таъминоти
тўғрисидаги
қонуннинг 31-моддасига кўра, Пенсияни ҳисоблаб чиқариш учун, ишдаги мавжуд танаффуслардан қатъи назар,
охирги 10 йиллик меҳнат фаолияти давомидаги кетма-кет 5 йилдаги иш ҳақи олинади.
Бунда фуқаронинг охирги 10 йиллик меҳнат фаолияти давомидаги кетма-кет 5 йил учун иш ҳақининг энг юқори миқдори ахборот тизимидаги ёки фуқаро томонидан тақдим этилган маълумотларга асосан
автоматик равишда аниқланади.
Пенсияни ҳисоблаб чиқариш учун олинадиган иш ҳақи ўтган йиллардаги иш ҳақларини пенсия тайинланадиган кундаги иш ҳақи даражасига келтириш учун Ўзбекистон Республикаси Вазирлар Маҳкамаси томонидан белгиланадиган тартибда қайта ҳисобланади.
Барчамизга "пенсионер" бўлиш насиб қилсин.
@avantaj_buxgalteriya

СЭС қанча жарима қилиши мумкин?
Ошхона ва кафе эгаларидан СЭС "босди" деб эшитиб қоламиз. Ўзи санитария қоидаларини ўқисангиз, ошхона очиш фикридан қайтиб қоласиз. Лекин ошхонада озодалик бўлгани яхши, албатта.
Санитария қонунчиликни, санитария нормаларини, қоидаларини ва гигиена нормативларини бузиш — фуқароларга базавий ҳисоблаш миқдорининг 5 бараваридан 10 бараваригача, мансабдор шахсларга эса —
15 бараваридан 20 бараваригача
миқдорда жарима солишга сабаб бўлади.
@avantaj_buxgalteriya

Газ тортиш нотўғри ишлигини ҳамма билади. Қўшнингиз тортаётган бўлса ҳам, қайсидир ҳожи ака тортаётган бўлса ҳам, маҳаллангиз билан бирга тортаётган бўлсангиз ҳам, бутун туман, вилоят тортаётган бўлса ҳам, оддий ҳолга айланган бўлса ҳам, нима бўлган тақдирда ҳам бу иш тўғрига айланиб қолмайди. Ёш болам бор, беморим бор дейишингиз мумкин. Тўғри, осон эмас. Лекин газ етиб бормаган жойларда ҳам ёш болалар ва беморлар бор. Нима баҳона топсангиз ҳам бу иш тўғри бўлиб қолмайди. Тафаккур қилинг.
..

Кредитни қоплаш учун гаровга қўйилган мол-мулк сотилганда ҚҚС
.
Асосан кредитни ўз вақтида қайтара олмаслик натижасида ундирув суд қарори билан гаровга қаратилади. МИБ аукцион орқали гаров мулкини сотиб, қарздорликни сўндиради. Пул ортиб қолса, ортган маблағ гаров мулкини эгасига қайтарилади.
Солиқ кодексининг 256-моддасига асосан Ўзбекистон ҳудудида суднинг қарорига биноан мол-мулк реализация қилинганда, реализация қилишни амалга оширишга ваколатли бўлган орган, ташкилот ёки якка тартибдаги тадбиркор ҚҚС бўйича солиқ агенти деб эътироф этилади. Юқоридагидек ҳолатларда
ҚҚСни бюджетга ўтказиб бериш МИБга юклатилади.
@avantaj_buxgalteriya

Янги ташкил қилинган ЯТТлар очилган ойи учун солиқ тўламайди.
Янги рўйхатдан ўтган якка тартибдаги тадбиркор ижтимоий солиқ ва қатъий белгиланган миқдордаги солиқни ЯТТ сифатида давлат рўйхатидан ўтган ойдан
кейинги ойдан бошлаб тўлайди
.
(СК, 392-моддаси 2-қисми, 408-моддаси 5-қисми).
@avantaj_buxgalteriya