Islom.uz

Zokirning tungi vazifasi. Voqea surasi
Shayx Muhammad Sodiq Muhammad Yusuf rahimahulloh
🕋
@islomuz

#Мўминларга_эслатма
Шошқалоқлик оқибати
Кунларнинг бирида ўн ёшли бола қаҳвахонага кирди ва стол атрофига ўтирди. Хизматчи аёл идишда сув келтириб, боланинг столи устига қўйди. Бола: «Какаоли музқаймоқ неча пул?», деб сўради.
Хизматчи аёл: «Беш доллар», деди.
Болакай ҳамёнидан қўлини чиқариб, пулни санай бошлади ва хизматчи аёлдан: «Яхши, какаосиз музқаймоқ неча пул?», деб сўради.
Бу орда харидорлар ўтириш учун стол бўшашини кутиб туришган эди. Хизматчи аёлнинг сабри тугай бошлади, қўполлик билан: «Тўрт доллар», деб болага жавоб берди.
Бола пулини санаб: «Оддий музқаймоқ оламан», деди.
Ходима унга сўраганини олиб келди, ҳисоб чекини стол устига қўйиб кетди. Болакай музқаймоқни еб бўлиб, пулини тўлаб, қаҳвахонани тарк этди. Ходима қайтиб келиб, стол устини артаётганда, кўзи ёшга тўлди. Чунки идиш четида бир доллар турганини кўрди. Қаранг, болакай хизматчи аёлга чойчақа бериш учун бир доллар ортсин деб, ўзини какаоли музқаймоқ ейишдан маҳрум қилган экан.
Бу ҳикояда хизматчи аёлнинг болага нисбатан сабри тугаб бориши, шошқалоқлик билан бола ҳақида нотўғри гумонга боришини, болакайнинг арзон музқаймоқ танлаши ўша хизматчи аёл туфайли экани маълум бўлди. Шошилмасликда саломатлик бор бўлса, шошқалоқликда надомат
бор.
🕋
@islomuz

Ҳадис илми мактабига кириш имтиҳони бошланди
Бугун, 24 июль куни Ўзбекистон мусулмонлари идораси тасарруфидаги Ҳадис илми мактабининг 2025-2026 ўқув йили учун қабул имтиҳонлари бошланди.
Шу муносабат билан эрта тонгда Тошкент шаҳридаги Шайх Муҳаммад Содиқ Муҳаммад Юсуф жомеъ масжидида бўлиб ўтган тадбирда Дин ишлари бўйича қўмита ва Ўзбекистон мусулмонлари идораси мутасаддилари, имтиҳон олувчи педагог-ўқитувчилар, абитуриентлар иштирок этди.
Дастлаб Ҳадис илми мактаби ректори Барот домла Амонов қабул имтиҳонларини юқори савияда ўтказиш учун кўрилган тайёргарлик ишлари, абитуриентларга яратилган шарт-шароитлар ҳақида маълумот берди.
Тадбирда Дин ишлари бўйича қўмита раисининг биринчи ўринбосари Давронбек Мақсудов, Ўзбекистон мусулмонлари идораси раисининг биринчи ўринбосари Ҳомиджон домла Ишматбеков ва Диний идора раиси ўринбосари Муҳаммадолим домла Муҳаммадсиддиқов нутқ сўзлади. Нотиқлар юртимизда диний таълимга берилаётган эътибор ҳақида сўз юритиш баробарида қабул имтиҳонларида абитуриентларнинг билимлиларини саралаб олиш асосий мақсад эканини алоҳида таъкидлашди. Шунингдек, имтиҳонларни шаффоф, очиқ ва ошкора ўтказилиши таъминланишига урғу беришди.
Ўзбекистон мусулмонлари идораси Таълим ва илмий-тадқиқот бўлими бошлиғи ўринбосари Шерзод Чўлпонов томонидан ижодий имтиҳонни ўтказиш тартиби ва баҳолаш мезонлари тушунтирилди. Шундан сўнг Қабул ҳайъати аъзолари, абитуриентлар ва ота-оналар гувоҳлигида имтиҳон варақалари солинган ва муҳрланган махсус қоплар очилиб, ижодий имтиҳонга старт берилди.
Маълумот ўрнида, бугун «Ҳадис» ва «Мусталаҳул ҳадис» фанларидан оғзаки ижодий имтиҳон ўтказилади. Эртага, 25 июль куни Араб тили ва Ўзбекистон тарихи фанларидан тест синовлари бўлиб
ўтади.
🕋
@islomuz

#Мерос
Тасҳиҳ масалаларнинг татбиқий мисоллари
1. Бир киши вафот этиб, ортидан тўртта қизи, отаси, онаси ва учта ўғлининг қизлари қолди. Ушбу меросхўрларнинг улуши қандай бўлади?
Бу шакл тамосулга мисолдир. Қизлар сони тўртта, улушлар сони ҳам тўрттадир. Демак, улушлар сони қолдиқсиз бўлинганлиги учун бу масалани тўғрилашга эҳтиёж йўқ.
2. Бир киши вафот этиб, ортидан онаси, она бир иккита синглиси ва тўртта туғишган опа-сингиллари қолди. Ушбу меросхўрларнинг мероси қандай бўлади?
🔗
Тўлиқ ўқиш
🕋
@islomuz

Zokirning tungi vazifasi. Mulk surasi
Shayx Muhammad Sodiq Muhammad Yusuf rahimahulloh
🕋
@islomuz

#Ҳаж
Каъбанинг ҳалқасимон қилиб айлантириб чиқилган белбоғи остидаги битиклар
Каъба устидаги ипак матонинг мултазам эшиги томонидан бошқа барча томонида учтадан қандилга ўхшаш тикилган кашта бор. Мултазам томонда эса катта бир бўлак тикилган нарса бор. У «Ихда» деб номланади. Матонинг ҳар рукнида тўртбурчак тикилган кашта бўлиб, у «Сомадийя» деб аталади. Ана шу бўлакка Ихлос сураси ёзиб қўйилган. Ҳар бирининг ҳажми 82х85 см. Аммо тўртта томондаги учтадан қилинган қандиллар қуйидагичадир:
1. Ҳажми — 72х58 см. «Алҳамдулиллаҳи Роббил аламийн», деб ёзилган.
2. Ҳажми — 46х65 см. «Йа Ҳайю, йа Қойюму», деб ёзилган.
3. Ҳажми — 46х65 см. «Йа Роҳману, йа Роҳийму», деб ёзилган.
Мултазам эшиги томонда «Ихда» деб номланган бўлак 490 см.
Мазкур ипак мато Маккаи Мукаррамада ишлаб чиқарилган. Уни Каъбага икки шарафли ҳарам ходими Фаҳд ибн Абдулазиз ҳадя қилган.
🔗
Тўлиқ ўқиш
🕋
@islomuz

«Hadis va Hayot» silsilasining 4-juzidan
Ushbu hadisning sharhi.
#Hadis_va_Hayot
📚
@hadisislomuz

#Саҳобалар_ҳаёти
Убай ибн Каъбнинг танқиди
Имом Исҳоқ ибн Роҳавайҳ Ҳасандан ривоят қилади:
«Умар ибн Хаттоб розияллоҳу анҳу Убай ибн Каъб розияллоҳу анҳуга бир оятни қироат қилишини рад қилди. Шунда Убай:
«Батаҳқиқ, мен буни Расулуллоҳ соллаллоҳу алайҳи васалламдан эшитганимда сени «Бақий»­даги савдо машғул қилган эди!» деди. Умар розияллоҳу анҳу:
«Рост айтдинг! Мен сизларнинг ичингизда ҳақни айтадиган киши борлигини синамоқчи бўлдим, холос. Ҳузурида ҳақ айтилмайдиган ва ўзи ҳам уни айтмайдиган амирда яхшилик йўқдир», деди».
Агар эътибор берадиган бўлсак, Убай ибн Каъб розияллоҳу анҳунинг Умар ибн Хаттоб розияллоҳу анҳуга: «Батаҳқиқ, мен буни Расулуллоҳ соллаллоҳу алайҳи васалламдан эшитганимда сени «Бақийъ»даги савдо машғул қилган эди!» деб айт­ган гаплари нафақат раҳбар учун, балки оддий одам учун ҳам ниҳоятда оғир танқид эди. Аммо ҳазрати Умар розияллоҳу анҳу ана шу оғир танқиддан заррача хафа бўлмадилар, аксинча, хурсанд бўлдилар. Умар ибн Хаттоб розияллоҳу анҳу ўзларига қарши ҳақни очиқ айтадиган одамлар борлигидан хурсанд бўлганлари учун ҳам яхши амир бўлганлар. У кишининг даврларидаги Ислом жамияти фуқаролари эса яхши фуқаролар бўлганлар.
🔗
https://islom.uz/maqola/23314
🕋
@islomuz

Унутманг!
Аллоҳ таоло Қуръони Каримда шундай марҳамат қилади:
لِلَّهِ مُلْكُ السَّمَاوَاتِ وَالْأَرْضِ وَمَا فِيهِنَّ وَهُوَ عَلَى كُلِّ شَيْءٍ قَدِيرٌ
«Осмонлару ер ва улардаги нарсаларнинг подшоҳлиги Аллоҳникидир. Ва У ҳар бир нарсага қодирдир» (Моида сураси, 120-оят).
Ҳар бир банда ушбу улкан ҳақиқатни унутмаслиги лозимдир.
«Тафсири Ҳилол»
китобидан
🕋
@islomuz

#Кун_дуоси
Ҳаждан келган кишига айтиладиган ва ҳожи айтадиган зикрлар
Ибн Умар розияллоҳу анҳудан ривоят қилинади: «Бир бола Расулуллоҳ соллаллоҳу алайҳи васаллам ҳузурларига келиб: «Эй Расулуллоҳ, мен ҳаж қилишни хоҳлайман», деганида, Расулуллоҳ соллаллоҳу алайҳи васаллам у билан бирга юриб, «Эй бола
زَوَّدَكَ اللهُ التَّقْوَى، وَوَجَّهَكَ فِي الخَيْرِ، وَكَفَاكَ الهَمَّ
«Заввадак Аллоҳут тақва, ва важжаҳака филхойри ва кафакал ҳамма»
, дедилар.
Маъноси: «Аллоҳ тақвоингни зиёда этиб, яхшиликка юзлантириб, ғамдан Ўзи кифоя қилсин».
Қачонки, у бола ҳаждан қайтиб келганида, Расулуллоҳга салом берди. Шунда Расулуллоҳ соллаллоҳу алайҳи васаллам: «Эй бола
قَبِلَ اللهُ حَجَّكَ، وَغَفَرَ ذَنْبَكَ، وَأَخْلَفَ نَفَقَتَكَ
«Қобилаллоҳу ҳажжака ва ғофаро занбака ва ахлафа нафақотака»
, дедилар.
Маъноси: «Аллоҳ ҳажингни қабул қилсин, гуноҳингни кечириб, нафақангни
тўлдирсин».
Ибн Сунний ривояти.
🕋
@islomuz