Jasurbek Hasanov

2 yillik muqovadagi tajribamni 2 daqiqada tushuntiraman
Bu YouTube’dagi katta o‘yin. Va bu o‘yinda yutish uchun shularni aniq bilishingiz kerak:
1. YouTube’da videongizni ko‘rish yoki ko‘rmaslik qarori atigi 0.85 sekund ichida hal bo‘ladi. Shu muddatda e’tiborni torta olmasangiz, video tayyorlaganingiz bekorga.
2. Muqovaning vazifasi bitta: e’tibor tortish. Muqova videoni ko‘rsatmaydi, u ko‘rishga sabab yaratadi xolos.
3. Thumbnail yaxshi bo‘lmasa, sarlavha yaxshi bo‘lishi ham yordam bera olmaydi. Chunki tomoshabin sarlavhani o‘qish uchun thumbnail’ni avval ko‘rishi kerak.
4. Maksimal 3 ta element bo‘lsin: emotsiyali katta yuz. Srazu ko'rinadigan matn yoki raqam. Oddiy, tushunarli grafik. Ko'p element bo'lsa telefonda ko'rinmaydi, baribir.
5. Muqovaga 2 soat vaqt ajrating. Videoni suratga olishdan oldin thumbnail’ni tayyorlang yoki hech bo‘lmasa aniq tasavvur qiling. Muqova yaxshi bo‘lmasa, videongizni hech kim ko‘rmaydi.
6. Klikbeytdan foydalaning. Faqat va’dangizni bajaring. Shunda bu sizning foydangizga ishlaydi.
7. Matnlarni 3 tadan ko'p ishlatmang. Har bir so‘z aniq o'qilsin. Chunki sizda deyarli 1 sekund bor xolos.
Hammasi shu.
@khasanovjasurbek

Nega sinov muddatisiz ishga kirish eng katta xato?
Ishga kirayotgan kompaniya haqida turli xil fikrlar bor. Ba’zilar ishlashlik joy desa, ba’zilar bo’lmag’ur deb turibdi.
Suhbat yaxshi o'tgan bo'lsayam, lekin haliyam g’ashlik bor. Bunday noaniqlik bilan shartnoma qilish ortiqcha tavakkal.
Shuning uchun sinov muddati kerak. Ba'zida bu 3 oy, ba’zida bu 1 oy yoki undan ham kamroq.
Men uchun 3 oy eng ideal. Sababi,
1-oy sizda o’rganish bo’ladi.
Qayerda nima bor, bu odam kim, nima qiladi? Shulardan o’tasiz.
2-oyda moslashish bo’ladi.
Ish hajmi, jamoadagilar bilan ishlash, majlislar hammasida o’zingizni his qilib ko’rasiz.
3-oyda ko’nikish boshlanadi.
Endi hamma bilan tanishsiz, kim nima qiladi, qanday ishlaydi bilasiz, ko’plar jarayonlarda qatnashdingiz.
Endi yakuniy qaror qilsa bo’ladi. Sizda kompaniya haqida to’liq ma’lumot bor.
Bu orqali "dalshe" davom etasizmi yoki yo’qligi aniq bo’ladi.
@khasanovjasurbek

1 oyda dizayn jamoasini qanday qilib tizimlashtirdim?
Dizayn bo‘limi mustaqil ishlamaydi. U to‘g‘ridan-to‘g‘ri boshqa bo‘limlarga bog‘liq. Shu sabab birinchi boshqa bo‘limlarga o‘yin qoidalarini tushuntirishdan boshladim.
1. Har bir bo‘lim bilan uchrashdim. Muammolarni ochiq aytdim, maqsadimizni ko‘rsatdim.
2. Yangi tizimni bitta loyihada test qildik. Muammolarni paydo bo'lishiga, joyida hal qildim.
3. Jamoani o‘zgarishlardan doimiy xabardor qilib bordim.
4. 2-haftadan boshlab barcha topshiriqlar ClickUp orqali berildi.
5. Telegramdan keladigan "pirat" topshiriqlarni bajarishni to‘xtatdim.
6. Ko‘plab briflar qaytarildi. Faqat aniq, minimal ishlaydigan topshiriqlar qabul qilindi.
7. Natijada topshiriqlar sifati oshdi, dizaynerlar bilan ishlash madaniyati o‘zgara boshladi.
8. Drive'dan foydalanish, SOP’lar, 1:1 suhbatlar yo'lga qo'yildi.
9. Tizim ishlay boshlagach, aniq statistikalar qo‘limda paydo bo‘ldi. Bu ma’lumotlarni jamoa bilan ochiq ko‘rib chiqdim.
Endi barchasi aniq ko‘rinib turibdi. Kim qanday bosimda ishlayapti, yuklama qanday, qaysi mijoz bilan muammo bor...
Jarayonda tushunga narsam: dizayn jamoasini tizimlashtirish, faqat dizaynerlar bilan emas, butun boshli kompaniya bilan ishlash ekan.
@khasanovjasurbek

Ish boshlanishidan oldin 80% muammo shu yerda yotadi
Topshiriq qanchalik aniq, to‘liq va reference’lar bilan boyitilgan bo‘lsa, natija ham shunchalik kutilganidek chiqadi.
Lekin har safar yangi odam kelganda, topshiriq qanday berilishi haqida boshqatdan tushuntirishga to‘g‘ri keladi.
Jamoaga yangi xodim qo‘shiladi, suhbat qilib tushuntirasiz. Ortidan menejer almashadi, yana tushuntirasiz. Keyin boshqa bo‘limdan ish tushadi, yana boshidan.
Bu sikl to‘xtamaydi. Shuning uchun ClickUp’da brif to'ldirishni yo'lga qo'ydim.
Endi kim topshiriq bermasin, link orqali kirib, o‘ziga kerakli joylarini to‘ldirsa bo‘ldi. Men esa faqat kerakli qismlarga aniqlik kiritaman.
Natijada vaqt tejaldi, chalkashlik kamaydi, ish esa aniqroq boshlanyapti.
@khasanovjasurbek

Sababsiz fidbek, foydasiz fidbek
Judayam ko'p fidbeklar buyruqqa o'xshaydi: "Buni qil, buni o'zgartir". Lekin buning sababi aytilmaydi. Keyin yana shu xato bo'lsa, tanqid qilinadi.
Aslida fidbek berishda asosiy masala: bu o'zi o‘zgarish kerakmi yoki shunchaki rahbarni didiga to‘g‘ri kelmayaptimi?
Masalan:
— "Mana bu shape kerak emas, olib tashlang"
🫡
— "Mana bu shape, asosiy elementdan fokusni olib qochyapti. Uni olib tashlasak, fokus biz xohlagan joyga tushadi"
🤝
Fidbek berishdagi oltin o'rtalik, sababini tushuntirish va natijani ko‘rsatishdir. Eng yaxshi fidbeklar aynan shu jihati bilan esda qoladi va o‘zgarishga undaydi.
Ko‘pincha fidbekka faqat tanqid deb qaraladi. Aslida foydali fidbek muammo ko‘rsatish bilan birga, kerakli joyda maqtashniyam talab qiladi.
Menejerlar va rahbarlarga buni o‘rgatish oson emas. Shu sababli jamoa ichida sog‘lom muhitni saqlab qolish uchun men "Head of" deb ataluvchi filtr o'rnatdim.
U barcha noo'rin fidbeklar bilan kurashadi, to'liqsiz, shaxsiylashib ketgan fidbeklarni bus-butun qilib jamoaga yetkazadi.
Shunda ijodiy jamoa ham ezilmaydi, natija ham yaxshilanadi.
@khasanovjasurbek

"Haligi ish kimda edi?"
🤔
Ilk dizayn jamoamda doim bir muammo aylanardi.
Har kuni kimdadir bir ish qolib ketgan bo‘lardi. Yoki ikki odam bir xil bannerga vaqt sarflagan. Tasdiq kutilayotgan ishlar esa, qaysidir Telegram guruhlar ichida yo‘qolib ketgan.
“U topshiriqni qabul qilganmidi? Tasdiqlanganmidi? Kimda qolgan edi?”.
Bunaqa savollar butun kuningizni yeb qo‘yadi.
Bu yerda muammo odamlarda emas, jarayonda. Chunki jamoa "ishni og‘zaki topshirish tezroq va qulayroq" deb o'ylardi.
Bunday davom etish faqat jamoani keraksiz narsalarni eslab yurishga, samarasiz ishlashga va ortiqcha bosim ichiga tiqib qo‘yardi.
Shu sababdan, birgina o‘zgarish kiritdim: Barcha jarayonlar
Clickup orqali qabul qilinadi va topshiriladi.
Keyin nima bo'ldi?
– “Eslab yurish” degan keraksiz qism olib tashlandi;
– Jamoa o‘z ishini ko‘rishni, yukini sezishni boshladi;
– ASAP niqobi ostidagi “jinoyatlar” fosh bo‘ldi;
– Qayerda to'xtashlar, muammolar borligi ko'rindi;
– Va eng muhimi: "haligi ish kimda?" degan savol so‘ralmay qo‘ydi.
@khasanovjasurbek

⚡️
NEW ERA boshlanmoqda!
Najot Ta'limda o'zining yangi davrini boshlamoqda. Yangi produktlar, yangicha yondashuvlar, yangicha qarashlar.
Bularni barchasini to'liq aks ettirish uchun dizayn jamoasi bilan 1 oydan oshiqroq muddatda birgalikda to'liq dizayn tizimini ishlab chiqdik.
Art direktor:
Jasurbek Hasanov
Dizaynerlar:
Zafarbek Nuriddinov, Abbosbek Bahodirov, Ismoilxo'ja Buvaxo'jayev, Azizbek Rustamov
Marketing'chilar:
Abdurahmon Jo'rayev, Moxinur Davlatyorova
Barcha olovli tarzda qatnashdi va yakunda eng yaxshi natijani chiqara oldik.
⭐️
To'liq prezentatsiya
@khasanovjasurbek

Najot Ta'limda art direktorlik faoliyatimni boshladim. Va bizga dizayn bo'limga Grafik dizayner qidiryabmiz.
Nimalar talab qilinadi:
- O'zbek tilini yaxshi bilishi;
- Grafik dizayner sifatida kamida 1+ yillik ish tajribasi;
- SMD'shunoslikka bo'lgan xohish (+ amaliy tajriba)
- Ofisga kelib ishlay olish.
Biz nima beramiz:
- Dizayn bo'yicha skillarni rivojlantirish;
- Yangi gipotezalarni erkin sinab ko'rish;
- Shinam bo'layotgan ofis;
- Tizimlashayotgan jamoada birgalikda o'sish.
Agar qiziq bo'lsa, CV'ni design@khasanovjasurbek.uz 'ga pochta orqali yuborishingiz mumkin.
Yaqinlarga ulashib qo'ysangiz ham xursand bo'lamiz. Rahmat)
@khasanovjasurbek

Haqiqiy kreativona g'oyalar qanday yaratilishi uchun ideal formula.
@khasanovjasurbek

Muqovaga reference'ni qayerdan olaman?
Yaqinda barcha to'plagan ref'larim papkasi o'chib ketib qoldi. Undan keyin to'plashni yig'ishtirib qo'ygandim.
Lekin bu safar boshqacharoq yechim qilmoqchiman. Men to'plab boradigan ref'lardan barcha ilhomlanishi uchun buni ochiq holatda yuklab boraman.
Bu
link
orqali kirib, bemalol ko'rsangiz bo'ladi.
Bu yerda materiallar ikki bo‘limga ajratilgan:
– Thumbnail (muqova)
– Title (sarlavha)
Mabodo, video ko'rmoqchi bo'lsa ham foydalansa bo'laveradi)
Kommentda bu yerda bo'lishi kerak degan ishlar bo'lsa, qoldiring, qo'shib qo'yamiz.
Maza qilib foydalaning!
@khasanovjasurbek