Jasurbek Hasanov

E'tibor berilmaydigan, lekin natijaga ta'sir o'tkazadigan 3 narsa
YouTube’ga video joylaysiz. Sarlavhasi takoy, muqova zo‘r. “Endi ko‘p ko‘rish bo‘ladi” deb o‘ylaysiz. Lekin negadir unday bo‘lmaydi.
Chunki, videoni ustiga bosish boshqa omillar ham sabab bo‘ladi. Tomoshabin qaror qabul qilayotganda yana uchta narsa unga ta’sir qiladi:
1. Ko‘rishlar soni.
Tasavvur qiling, oldingizda 2 ta video chiqadi. Bittasi 500 ta ko‘rilgan, ikkinchisi 100K. Siz qaysini bosasiz? Odatda ko‘pchilik ko‘p ko‘rilganini tanlaydi. Sababi, sonlar bizga ko‘proq ishonch beradi.
Shu sababdan ham, kattalar kanallar shunaqa raqobatda yutib ketib qoladi. Kichkina kanallar, boshqa joylarda yutishi kerak.
2. Yangi video > eski video.
Andre Gide "Kerakli hamma gaplar ilgari aytilgan. Lekin hech kim quloq solmagani uchun, hammasini yana bir bor aytish kerak" degandi.
Keyin yangi va eski videolar haqida o‘yladim. Bir yillik video. O‘n yillik video. Biz hamisha yangi narsani xohlayotgandekmiz. Go‘yoki eski video chang bosgan kitobday.
10 yil oldingi g‘oyalar qayta tiriladi. Xuddi shu format yana trendga chiqadi. Nega? Chunki odamlar ko‘pincha umuman yangi narsa emas, tanish narsaning yangi ko‘rinishda xohlaydi.
3. Tanishlarga ishonamiz.
Scroll qilamiz. Orada bitta avatar ko‘rinadi. Tanish tuyuladi, oldin ko‘rganmiz. “Ha, bu bola yaxshi kontent qilardi-ku.” deymiz va bosamiz. (Bu haqida avvalroq
aytgandim
)
Natijalar doim bir narsaga bog‘liq emas. YouTube’da yutib chiqish, ertalab turishdek qiyin. Shuning uchun, jang qilish kerak. Jangda davom eting!
✌️
@khasanovjasurbek

Eng zo‘r kontent ham yutqazadi
YouTube’da 100 ta yangi kreatordan 90 tasi bir xil xato qiladi. O‘zini ko‘rimsiz doktordek tutadi. Ko‘rimsiz doktor asli professional, eng mohiri lekin ishiga shu darajada mukkasidan ketib, tashqi ko‘rinishini unutadi.
(Taleb Surgeon deb qidirib ko'ring)
YouTube’da video qo‘yayotgan ijodkor va ekspertlar ham shunaqa. Videoga shu darajada berilib ketadiki, muqova va sarlavhani zo‘r qilishni esdan chiqaradi.
Qo‘li gul doktorga bu ko‘rinishi xalaqit bermas, mijozi doim bo‘laveradi. Lekin ijodkorga farqi bo‘lishi kerak, chunki uni mijozi faqat zo‘r muqova va sarlavhani ko'rib keladi.
Shifoxonada doktorlar mijoz uchun tortishishmaydi, YouTube’da esa yuzlab o‘ziga qaragan va qaramaganlar bir-biri bilan jang qiladi.
Bugun shu haqida:
@khasanovjasurbek

Hozir buyurtmalarning 97% o‘zimiz o‘ylab topgan g‘oyalar bilan qilinadi. Kimdir video yuboradi, kimdir qisqa yo‘nalish beradi, xolos. “Buni 1:1 qilib bering” degan narsalar ancha vaqtdan beri yo‘q. To‘g‘ri, bu ko‘proq ijod talab qiladi, lekin aynan g‘oyalarimiz…

Muqovangiz e'tibor tortishini va uni odamlar tez tushunib olishini xohlaysiz. Buni qilish uchun shu 4 narsani tushunib olishingizni o'zi yetarli.
Barcha muqovalardagi
asosiy sirli masalliq haqida*
@khasanovjasurbek

Agar YouTuber bo‘lganimda, muqovada shu 5 ta narsaga e’tibor berardim
Muqovaning asosiy prinsipi – soddalik. Odamlar muqovaga qarash uchun o‘rtacha
1,8 soniya
vaqt sarflaydi (
Netflix tadqiqoti
). Shu sababdan ham soddalik muhim.
Sizga muqovani soddalashtirishning
5 ta usulini
tushuntiraman:
1. Va’da bering.
“Tomoshabin bu videodan nimani oladi?” degan savolga javob bering. Ana shuni va’da sifatida muqovada ko‘rsating. Bosib kiradiganlar shu va’daga ishonib kiradi. Muqova ham shu va’da ustiga quriladi. (Yolg‘on va’da bermang.)
2. 3 element qoidasi.
Muqovada ortiqcha bo‘lgan narsalarni olib tashlang. (
batafsil
) Ko‘p g‘oyani 3 ta element bilan tushuntirsa bo‘ladi, ishonavering.
3. 1 soniyalik test.
Bunda siz muqovaga bir muddat e’tibor bermaysiz. Keyin, bir soniyada u video haqida nima ma’lumot berganini va nima ko‘rganingizni aytasiz. Bu "Sizning g‘oyangiz tushunarlimi va bosishga arziydimi?" degan savolga javob beradi.
4. Jang maydonida ko‘ring.
Tomoshabin muqovani qayerda ko‘rishini hisobga oling. Photoshopda ideal ko‘ringan dizayn, YouTube’da boshqacha ko‘rinadi. Shuning uchun uning YouTube lentasida qanday ko‘rinishini tekshiring.
(
1of10.com extension
bilan qilsangiz bo‘ladi).
5. Fidbek oling.
Siz muqovani ko‘rganda, videoni bilgan odam sifatida ko‘rasiz. Tomoshabin esa yo‘q. Videoni ko‘rmagan odamga muqovani ko‘rsating. Faqat bitta savol bering:
“Bu videoni bosarmidingiz?”
. Bu sizga qanchalik aniq va’dani ko‘rsata olganingizni bildiradi.
Shu 5 ta ishni qilgandan keyin muqovangiz ancha yaxshilanadi.
@khasanovjasurbek

Cheklovlar ko’proq ilhom beradi.
O’ylab ko’ring, bir topshiriq mijozdan keldi. “Manga bitta dizayn kerak. Xohlaganingizni qilavering, bemalol” dedi. Sizga hech qanday g’oya kelmaydi.
Endi boshqa versiyani ko’raylik: “Manga orqa fonida o’rmon bo’lgan, old tarafda qurol ushlab turgan odam bo’lsa, va bu matnni yozib bering” desa, sizda aniq bir yo’nalish paydo bo’ladi.
Cheklovlar bilan siz biror ishni qilishingiz osonlashadi va aniqlashadi:
— Har kuni faqat 5 minut kitob o’qiyman
— Bu ish ertaga soat, 14:00’gacha tayyor bo’lishi kerak
— Videoimni faqat stock videolar bilan tayyorlayman
— 10ta o’zimga kuzatadigan odamga taklif bilan chiqaman
@khasanovjasurbek

Hozir buyurtmalarning 97% o‘zimiz o‘ylab topgan g‘oyalar bilan qilinadi. Kimdir video yuboradi, kimdir qisqa yo‘nalish beradi, xolos. “Buni 1:1 qilib bering” degan narsalar ancha vaqtdan beri yo‘q.
To‘g‘ri, bu ko‘proq ijod talab qiladi, lekin aynan g‘oyalarimiz uchun ishonch oshayotgani yoqadi. Faqat dizayn mehnati uchun emas.
😊
@khasanovjasurbek

Bozorda qanday qilib ajralib turadigan dizayner bo'lish mumkin?
10%ga kirish yo’li oddiy. Bu har qanday sohada ishlaydi. Sohangizda qolganlardan o’tib ketish uchun ishlaydigan yo’l haqida gaplashamiz.
@khasanovjasurbek

Asror Iskandarov youtube kanali uchun yangi uslubda qilingan muqova dizaynlar.
©
Creative Department
@khasanovjasurbek

Hozirgi davrda ijodkorlarning asosiy muammosi
@khasanovjasurbek