MA'RIFAT DARSI | МАЪРИФАТ ДАРСИ

"
Huquqiy ko‘zgu
"
🔍
❗️
O‘zbekiston Respublikasining Jinoyat kodeksi
106-moddasi
"
Kuchli ruhiy hayajonlanish holatida qasddan badanga og‘ir yoki o‘rtacha og‘ir shikast yetkazish
"
Jabrlanuvchi tomonidan qilingan g‘ayriqonuniy zo‘rlik yoki og‘ir haqorat, shuningdek aybdorning yoki uning yaqin kishisining o‘limiga yoki sog‘lig‘iga ziyon yetkazilishiga sabab bo‘lgan yoxud sabab bo‘lishi mumkin bo‘lgan boshqa g‘ayriqonuniy harakatlar tufayli to‘satdan yuz bergan kuchli ruhiy hayajonlanish holatida qasddan badanga og‘ir yoki o‘rtacha og‘ir shikast yetkazish —
BHMning 50 baravaridan 100 baravarigacha miqdorda jarima yoki 360 soatgacha majburiy jamoat ishlari yoki 2 yilgacha axloq tuzatish ishlari yoxud 1 yildan 3 yilgacha ozodlikni cheklash yoki 3 yilgacha ozodlikdan mahrum qilish bilan jazolanadi.
|
Website
|
Telegram
|
Facebook
|
Youtube
|

2023-yil 28-noyabrda Prezidentimizning «Yoshlar uchun ming kitob» loyihasini amalga oshirish chora-tadbirlari to‘g‘risida»gi yana bir qarori imzolandi. Qarorda tilga olingan «Yoshlar uchun ming kitob» loyihasi yosh avlodning intellektual va ilmiy salohiyatini oshirishga ko‘maklashuvchi jahonda mashhur 1000 ta kitobni tanlab olib, o‘zbek tiliga tarjima qilishga qaratilgani bilan ahamiyatli, albatta. O‘tgan vaqt mobaynida Yoshlar ishlari agentligi mas’ulligida bu borada e’tiborga molik ishlar amalga oshirilganini ham alohida ta’kidlash joiz.
Shuningdek, «O‘zbekiston – 2030» strategiyasida asosiy maq¬sadlar sifatida yosh kitobsevarlar sonini besh millionga yetkazish, har yili 100 ta badiiy asar va bolalar hamda o‘smirlar uchun 50 ta kitob yaratish, «O‘zbek adabiyoti xazinasidan» ko‘p jildlik va «Jahon bolalar adabiyoti durdonalari» 100 jildligini o‘zbek tilida nashr etish hamda qariyb 40 millionga yaqin kitob fondini raqamlashtirish belgilangani bu soha davlatimiz taraqqiyotining bosh maqsadlaridan biri ekanini yaqqol ko‘rsatib turibdi.
Bundan tashqari, har yili «Besh tashabbus olimpiadasi» doirasida kitobxonlik va intellektual o‘yinlar yo‘nalishida «Yosh kitobxon oila», «Mushoira», «Yosh kitobxon», «Zakovat» intellektual o‘yini va «Ibrat chet tillari» kabi 5 ta loyiha amalga oshirilmoqda. Bu loyihalar yoshlar¬ning kitob o‘qishga bo‘lgan qiziqishini oshirib, intellektual o‘yinlar orqali mantiqiy fikrlash va bilim doiralarini kengaytirishga yordam beryapti.
Mamlakatimizda yoshlar o‘rtasida kitobxonlikni keng targ‘ib qilish maq¬sadida 2017-yildan buyon an’ana¬viy tarzda «Yosh kitobxon» tanlovi o‘tkazib kelinayotgani barcha¬mizga ma’lum. O‘tgan davr ichida
238 nafar yosh kitobxon tanlovning respublika bosqichida ishtirok etdi. Tanlov g‘oliblari Prezident sovg‘asi – «Spark» va «Cobalt» avtomashinalari bilan taqdirlandi. E’tiborlisi, tanlovda g‘olib bo‘lgan 14 nafar qizning 8 nafari davlat mukofotlariga munosib ko‘rildi.
Ichki ishlar organlari tizimida ham xodimlar o‘rtasida kitobxonlik¬ni targ‘ib qilishga alohida e’tibor qaratilmoqda. Vazirlikning tegishli buyrug‘i ijrosini ta’minlash maqsadida xodimlarning ma’naviy-intellektual salohiyati, ong-u tafakkuri va dunyoqarashini kengaytirish, kitobxonlik madaniyatini oshirish hamda kitob sotib olishiga qulaylik yaratish uchun hududiy ichki ishlar organlarida muntazam ravishda kitob yarmarkalari tashkil etilmoqda. Kitobxonlik tanlovlari, viktorina va intellektual o‘yinlar o‘tkazilmoqda.
Shuhrat RO‘ZIYEV,
o‘z muxbirimiz.
✅
Телеграмда ўқинг / Telegramda o'qing
🔼
Ворд шаклида ўқинг / Word shaklida o'qing
🕯
ПДФ шаклида ўқинг / PDF shaklida o'qing
📈
Кирилл алифбосида ўқинг / Kirill alifbosida  o'qing
📊
Рус тилида ўқинг / Читать по русски
🔽
2025 йил барча мавзулар /  2025 yil barcha mavzular

31/2025-mavzu
KITOB – TAFAKKUR XAZINASI
Mutaxassislarning qayd etishicha, mutolaa asabni tinchlantiradi, miya faoliyatini yaxshilaydi, tushkunlikka qarshi kurashishga yordam beradi, tinglash, ijodkorlik va fikrlash qobiliyatlarini yuksaltiradi. Muhimi, maqsadni anglashga, qiyinchiliklarni yengishga yordam beradi, insonni go‘zallashtiradi, uni yaxshilik qilishga undaydi. Hatto birga kitob o‘qish ota-ona va bolalarning o‘zaro munosabatini mustahkamlaydi.
Yuqorida qayd etganimizdek, mutolaa kishini fikrlashga, tafakkur qilishga undaydi. Zero, jahon adabiyotining buyuk namoyandasi, Nobel mukofoti sovrindori Hermann Hesse «Biz o‘zimizni va turmushimizni unu¬tish uchun emas, balki hayot jilovini yanada ongliroq ravishda anglash uchun o‘qishimiz kerak», deya bejiz ta’kidlamagan. Sharq donishmandlaridan biri esa «Fikr senga yaxshi va yomon amallaringni ko‘rsatib turadigan ko‘zgudir», degan.
Fikr va tafakkursiz hech bir inson oldinga siljimaydi. Shuning uchun yurtimizda kitob o‘qishni targ‘ib qilish, aholining kitobxonlik madaniyatini oshirishga alohida e’tibor qaratilmoqda. Ayniqsa, davlatimiz rahbarining 2017-yil 13-sentabrdagi «Kitob mahsulotlarini nashr etish va tarqatish tizimini rivojlantirish, kitob mutolaasi va kitobxonlik madaniyatini oshirish hamda targ‘ib qilish bo‘yicha kompleks chora-tadbirlar to‘g‘risida»gi hamda 2019-yil 7-iyundagi «O‘zbekiston Respublikasi aholisiga axborot-kutubxona xizmati ko‘rsatishni yanada takomillashtirish to‘g‘risida»gi qarorlari mazkur sohani tamomila yangi rivoj¬lanish bosqichiga o‘tishiga huquqiy zamin bo‘ldi.
Vazirlar Mahkamasining 2020-yil 14-dekabrdagi qarori bilan 2020–2025-yillarda kitob¬xonlik madaniyatini rivojlantirish va qo‘llab-quvvatlash milliy dasturi qabul qilindi. Dasturni amalga oshirishning ustuvor yo‘nalishlari sifatida quyidagi:
– aholi, avvalo, yoshlarning ma’naviy-ma’rifiy, badiiy-estetik talablariga javob beradigan kitob¬larni yuksak sifat bilan chop etish, nashriyotlar va ijodkorlar faoliyatiga ko‘maklashish, bolalarga mo‘ljallangan adabiyotlarni chop etishni qo‘llab-quvvatlash;
– milliy va jahon adabiyotining eng sara namunalarini tarjima qilish, mutolaa madaniyatini yuksaltirish, respublikaning olis hududlarida kitobxonlik madaniyatini rivojlantirish;
– kitob savdosini tashkil etish tartiblarini soddalashtirish, yangi nashr etilgan kitoblarni yetkazish va axborot manbalarini tarqatish tizimini takomillashtirish;
– kitob yetkazib beruvchilarni zamonaviy ijtimoiy ehtiyojlarga mos-lashtirish, infratuzilmani yaxshilash, axborot-kutubxona markazlarini chop etiladigan bosma nashrlar va ularning elektron nusxalari bilan to‘ldirib borish, elektron kitoblar yaratish, kitoblarni raqamlashtirish va elektron kataloglarni tuzish hamda tizimli ravishda yangilab borish;
– aholining kitobxonlik darajasi va kitobga qiziqishini tizimli o‘rga¬nib borish, kitobxonlik madaniyatini rivojlantirishga qaratilgan loyiha va tanlovlarni tashkil etish, kutubxonachi kadrlar salohiyatini oshirish;
– xorijiy asarlarga onlayn buyurtma berish, ularni respublika hududi-ga olib kelish va tarqatish tizimini hamda kitobxonlik madaniyatini rivojlantirish bo‘yicha xalqaro hamkorlikni kengaytirish kabi qator vazifalar belgilangan.

Йўлларда фарзандларингизни хавфсизлигига эътиборли бўлинг!!!
@manaviyat_va_marifat_darsi

Oramizdagi iqtidorlar | 8 karra O’zbekiston chempioni, 2 karra mdh o’yinlari g’olibi Muhammadali Abduvaxobov
——
Орамиздаги иқтидорлар | 8 карра Ўзбекистон чемпиони, 2 карра Осиё ўйинлари ғолиби, Муҳаммадали Абдуваҳобов

30/2025-mavzu
ODAM SAVDOSI – DAVR MUAMMOSI
Odam savdosining ko‘plab turlari mavjud bo‘lsa-da, ularning eng keng tarqalgan va salbiy oqibatlari og‘ir bo‘lgan to‘rt asosiy turi farqlanadi:
– shahvoniy ekspluatatsiya;
– mehnat ekspluatatsiyasi;
– chaqaloq va bola savdosi;
– inson a’zolarining noqonuniy transplantatsiyasi.
Shahvoniy ekspluatatsiya odam savdosining eng keng tarqalgan ko‘rinishi bo‘lib, jabrlanuvchilar zo‘ravonlik, tahdid yoki aldov orqali fohishalikka yoki boshqa turdagi intim xizmatlarga majburlanadi. Bunda jabrdiydalar nafaqat jismoniy salomatligini yo‘qotadi, balki umrining oxirigacha ruhiy iztirob, qo‘rquv va kemtiklik hissi bilan yashashga majbur bo‘ladi. Bu esa ularning normal hayotga qaytishini juda qiyinlashtiradi.
Mehnat ekspluatatsiyasi. Odamlar ko‘pincha ish topib berish yoki chet elda yuqori maoshli ish va’dasiga ishonib, o‘z xohishi bilan yo‘lga chiqishadi. Oxir-oqibat esa hujjatlaridan mahrum etilib, og‘ir mehnatga majburlanadi. Ularga mehnati uchun pul to‘lanmaydi yoki juda kam haq to‘lanadi. Bu faqat moddiy zarargina emas, inson qadrining toptalishi va hayotining izdan chiqishi demakdir.
Chaqaloq (bola) savdosi. Odam savdosining yana bir dahshatli ko‘rinishi – bolalar, ayniqsa, chaqaloqlarning noqonuniy savdosi. Bolalarni asrab olish bahonasida sotish, yaqinlaridan ajratib noinsoniy maqsadlarda foydalanish – bu nafaqat qonunga zid, balki axloq va insoniylikni sinovga qo‘yadigan og‘ir jinoyat turidir. Bola huquqlari bu kabi holatlarda to‘liq inkor qilinadi, ular mehr va erkin hayotdan mahrum bo‘ladi. Bu esa kelajakda jamiyatning ma’naviy asoslariga ham jiddiy tahdid soladi.
Inson a’zolarini noqonuniy transplantatsiya qilish. Ushbu jinoyat jabrdiydalari odatda og‘ir sharoitdagi aholi vakillari orasidan tanlab olinadi. Bu orqali qalloblar katta pul topishni ko‘zlab, minglab begunoh insonlar hayotidan kechishiga sababchi bo‘ladi. Mazkur jinoyatning oqibati hayotiy xavf, nogironlik, turmush sifatining yomonlashishi va jamiyatda qo‘rquv muhitining paydo bo‘lishi bilan yakunlanadi.
Odam savdosi transmilliy, ya’ni hudud va chegara tanlanmaydigan jinoyat hisoblanadi. Shu boisdan davlatimiz 2003-yil 12-dekabrda BMT Bosh Assambleyasi tomonidan qabul qilingan Konven­siyaga qo‘shildi hamda 2008-yilning 17-aprelida O‘zbekiston Respublikasining «Odam savdosiga qarshi kurashish to‘g‘risida»gi qonuni qabul qilindi.
Shuningdek, 2010-yil 30-iyulda BMT Bosh Assambleyasi 64/293-rezolyutsiyasi bilan Odam savdosiga qarshi kurashish bo‘yicha BMTning Global harakat dasturi qabul qilingan. Mazkur harakatlar dasturida ushbu jinoyatning oldini olish, jabrdiydalarning himoyasi, jinoyatchilarni ta’qib etish va barcha yo‘nalishlarda hamkorlikni mustahkamlash bo‘yicha chora-tadbirlar ko‘zda tutilgan.
Bugungi kunda ko‘plab xalqaro hujjatlarda nazarda tutilgan normalar milliy qonunchiligimizga implementatsiya qilingan. Xorijiy davlatlar bilan uyushgan jinoyatchilik, shu jumladan odam savdosiga qarshi kurashish bo‘yicha o‘ttizdan ortiq ikki tomonlama shartnoma va bitimlar imzolangan.
Oxirgi yillarda O‘zbekistonda odam savdosiga qarshi kurashish masalasi davlat siyosatining ustuvor yo‘nalishlaridan biriga aylandi. Jumladan, 2020-yilning 17-avgust kuni O‘zbekiston Respublikasining «Odam savdosiga qarshi kurashish to‘g‘risida»gi qonuni yangi tahrirda qabul qilingan. Uning asosiy maqsadi – odam savdosiga qarshi kurashish sohasidagi munosabatlarni tartibga solishdan iboratdir.
Ushbu qonun asosida 2023-yil 21-dekabr kunidagi O‘zbekiston Respublikasi Prezidentining «Odam savdosiga qarshi kurashish va munosib mehnat tamoyillarini keng joriy etishga oid qo‘shimcha chora-tadbirlar to‘g‘risida»gi farmoni bilan Odam savdosiga qarshi kurashish va munosib mehnat masalalari bo‘yicha milliy komissiyasi Oliy Majlisi Senati raisi rahbarligida qayta tashkil etildi.
Mazkur farmon bilan Odam savdosiga qarshi kurashish va munosib mehnat masalalari bo‘yicha Milliy ma’ruzachi instituti ta’sis etildi. Odam savdosiga qarshi kurashish va munosib mehnat masalalari bo‘yicha hududiy komissiyalarga hududlarda hokimlar rahbarlik qiladi.

Bundan tashqari, O‘zbekiston Respublikasi Vazirlar Mahkamasining 2021-yil 8-fevraldagi «Odam savdosidan jabrlangan yoki odam savdosidan jabrlangan deb taxmin qilinayotgan shaxslarni milliy darajadagi qayta yo‘naltirish tizimini tasdiqlash to‘g‘risida»gi qarori qabul qilindi. Ushbu tizim jabrlangan shaxslarni identifikatsiya qilish va qayta yo‘naltirish tartibini belgilaydi.
Odam savdosi jabrdiydalariga har tomonlama yordam ko‘rsatish va ularni ijtimoiy reabilitatsiya qilish maqsadida, Toshkent shahrida Odam savdosi jabrdiydalariga yordam berish bo‘yicha respublika reabilitatsiya markazi faoliyat yuritib kelmoqda.
2013-yildan boshlab har yili jahonda 30-iyul – «Butunjahon odam savdosiga qarshi kurashish kuni» sifatida nishonlanib kelinadi. Bu sana BMTning tashabbusi bilan joriy qilingan bo‘lib, uning asosiy maqsadi – odam savdosi muammosiga keng jamoatchilik e’tiborini qaratish, odamlarni xabardor qilish va jabrdiydalarga yordam berishga chaqirishdan iboratdir.
Dunyo bo‘ylab shu kuni turli ma’rifiy tadbirlar, forumlar, ijtimoiy aksiyalar, media loyihalar o‘tkaziladi. O‘zbekistonda ham ushbu sana munosabati bilan har yili «30 kun – Odam savdosiga qarshi kurashish oyligi» doirasidagi turkum targ‘ibot tadbirlarini amalga oshirish an’anaga aylangan.
Xulosa qilib aytganda, odam savdosiga qarshi kurashish faqat davlat yoki huquqni muhofaza qiluvchi organlarning vazifasi emas, balki barchamizning umumiy burchimizdir. Chunki inson hayoti va erkinligi – eng oliy muqaddas qadriyatdir.
Sherzod XOLTO‘RAYEV,
IIV TQD JQX Komissiyalar faoliyatini muvofiqlashtirish bo‘linmasi boshlig‘i, podpolkovnik.
Adolat FAYZIYEVA,
o‘z muxbirimiz.
✅
Телеграмда ўқинг / Telegramda o'qing
🔼
Ворд шаклида ўқинг / Word shaklida o'qing
🕯
ПДФ шаклида ўқинг / PDF shaklida o'qing
📈
Кирилл алифбосида ўқинг / Kirill alifbosida  o'qing
📊
Рус тилида ўқинг / Читать по русски
🔽
2025 йил барча мавзулар /  2025 yil barcha mavzular

63 000 обуначи... рахмат барчангизга...

🆘
⭕️
⭕️
⭕️
⭕️
@inspector_uz
🟦
🟦
🟦
🟦
Кимда
"Телеграм премиум"
бўлса шу ерга босиб овоз берворасизларда илтимос.
Бу эса
@inspector_uz
каналининг 5 босқичга чиқиши, ривожи ва янги имкониятлар очилиши учун хизмат қилади
Масалан:
-постларни автоматик тарзда бошқа тилга ўгириш;
- ҳавола ва цитаталарни 7 хил усулда безаш
- 5 та янги ноодатий муносабат билдириш
- кунига янги 5 та тарих (сторис) яратиш
✅
👆
шу имкониятлар учун атиги 24
та овоз етишмаяпти
https://t.me/boost/inspector_uz

Ўзбекистон Республикаси Президенти Шавкат Мирзиёев томонидан
“Давлат бошқаруви тизимида самарадорлик, проактивлик ва натижадорликни ошириш чора-тадбирлари тўғрисида”ги
Фармон имзоланди. Ушбу Фармонга мувофиқ, Президент Администрациясининг
янги тузилмаси
тасдиқланди.
Ўзбекистон Республикаси Президентининг тегишли фармони билан
бир қатор лавозим тайинловлари
амалга оширилди