MA'RIFAT DARSI | МАЪРИФАТ ДАРСИ
Мана шу видео ижтимоий тармоқларни портлатяпти, Сиз ҳам танишларга улашиб қўйишни унутманг
✅
@INSPECTOR_UZ
👈
🏪
QONUN HUJJATLARI
#XalqPrezidenti
#Xalqyetakchisi
Muhtaram Prezidentimizning dunyoga yuz tutayotgan buyuk davlat bunyod etish yoʻlidagi fidokorona mehnatlari va Yangi Oʻzbekiston gʻoyasi butun xalqimizni birlashtirmoqda
Tavallud ayyomingiz muborak boʻlsin, muhtaram Prezidentimiz!
Телеграм канал
ЭНДИ ЙИҒИДАН, НАЖОТ КУТИШДАН КИМГА НИМА НАФ?
✅
@INSPECTOR_UZ
👈
🏪
QONUN HUJJATLARI
29/2026 – mavzu
KITOB – MA’NAVIYAT KO‘ZGUSI
Insoniyat tarixiga nazar tashlar ekanmiz, birorta jamiyat kitobsiz va ilmsiz yuksaklikka erishmaganiga guvoh bo‘lamiz. Kitob – shunchaki qog‘oz va harfl ar jamlanmasi emas, balki ajdodlardan avlodlarga meros bo‘lib kelayotgan bilim, tajriba va hikmatlar xazinasidir. «Kitob – ma’naviyat ko‘zgusi» degan hikmat ibora zamirida juda chuqur ma’no mujassam. Ko‘zgu insonning tashqi qiyofasini aks ettirsa, kitob uning ichki dunyosi, ma’naviy olamini namoyon etadi.
Madaniyat va ma’rifat g‘oyat keng tushunchalar bo‘lib, ularning o‘zak va tayanch nuqtasini mutolaa tashkil etadi. Inson o‘z dunyoqarashini boyitishga, tarix va kelajakni anglashga doimo ehtiyoj sezadi. Bu ehtiyoj esa faqat va faqat mutolaa orqali qondiriladi.
Globallashuv davrida kitobxonlik madaniyati umumiy madaniyatning mag‘ziga aylandi. Ayniqsa, ichki ishlar organlari xodimlarini yuksak kasb madaniyati sohibi etib tarbiyalashda, ularda milliy va umuminsoniy qadriyatlarga hurmat, Vatanga muhabbat hamda istiqlol g‘oyalariga sadoqat ruhini shakllantirishda kitobning o‘rni beqiyos. Zero, kitobxon xodim – mustaqil fikrlovchi, huquqiy ongi yuksak va xizmat burchiga sadoqatli shaxsdir.
Bugungi kunda Ichki ishlar vazirligi tizimida kitobxonlik madaniyatini rivojlantirish, xodimlar o‘z ustida ishlashi uchun keng sharoitlar yaratilmoqda. Davlat rahbarining sohaga oid qaror va farmonlari bu boradagi ishlarni yangi sifat bosqichiga olib chiqdi. Yosh xodimlar, harbiy xizmatchilar hamda kursantlar o‘rtasida an’anaviy tarzda o‘tkazib kelinayotgan «Eng yaxshi kitobxon» tanlovi mutolaaga bo‘lgan ishtiyoqni oshirishda muhim o‘rin tutmoqda.
Shuningdek, haftaning juma kunida joriy etilgan maxsus «o‘z ustida ishlash va kitobxonlik soati» xodimlarning muntazam bilim olishini ta’minlamoqda. Vazirlikda zamonaviy elektron kutubxona yangidan tashkil etilib, unga minglab badiiy, ilmiy va huquqiy adabiyotlar kiritildi. Eng muhimi, Alisher Navoiy nomidagi Milliy kutubxona bazasi bilan integratsiya ta’minlangani xodimlar uchun katta imkoniyat eshigini ochdi.
Ayni damda tizimda 50 dan ortiq axborot-kutubxona markazlari faoliyat yuritmoqda. Ularning umumiy kitob fondi 675 mingdan ziyod noyob adabiyotlar bilan boyitilgan.
Quvonarlisi, tizimda kitobxonlik madaniyatini yuksaltirish borasida olib borilayotgan ishlar nafaqat xodimlar, balki ularning oila a’zolari hayotida ham o‘z aksini topmoqda.
Buning yorqin misollaridan biri – Buxoro viloyati Peshku tumani IIB profilaktika inspektori, mayor Nasim Bog‘iyevning 13 yoshli qizi Farzona Nosirovaning yutug‘idir. U «Yosh kitobxon» tanlovining respublika bosqichida mutlaq g‘oliblikni qo‘lga kiritib, Prezident sovg‘asi – «BYD Chazor» avtomobili bilan taqdirlandi. Farzonaning ushbu yuksak natijaga erishishida ota-onasining mehri, tarbiyasi va doimiy qo‘llab quvvatlashi muhim o‘rin tutdi. Bu yutuq, avvalo, oiladagi sog‘lom ma’naviy muhit va kitobga bo‘lgan muhabbatning yorqin namunasidir.
Ichki ishlar organlari xodimlarining kundalik faoliyati o‘ta mas’uliyatli va mashaqqatli. Huquqbuzarliklarning oldini olish, jinoyatchilikka qarshi kurashish, yurt tinchligini ta’minlash zamirida chuqur bilim va yuksak ma’naviyat yotadi. Kitob mutolaasi esa xodimning kasbiy mahoratini oshirish bilan birga uning insoniy fazilatlarini ham boyitadi.
Kitobga bo‘lgan mehr – bu Vatanga bo‘lgan muhabbatning yuksak ko‘rinishidir. Shu bois vazirlik tizimidagi kutubxonalar imkoniyatlaridan unumli foydalanish, mutolaani hayot tarziga aylantirish har bir xodimning sharafli burchiga aylanishi lozim. Zero, ma’naviyati yuksak xodimgina xalqimizning baxtsaodati va yurtimiz tinchligini astoydil himoya qila oladi.
Xulosa o‘rnida aytganda, ichki ishlar organlarida kitobxonlik madaniyatini yuksaltirish orqali huquqiy, siyosiy va ma’rifiy bilimlarni oshirish – davr taqozosi. Bu yo‘lda sobitqadamlik, o‘z ustida muntazam ishlash va shaxsiy javobgarlikni his etish talab etiladi. Zero, kitob bizning ma’naviy qalqonimiz, kasbiy kamolotimizning eng ishonchli yo‘ldoshidir.
Feruz YO‘LDOSHOV,
o‘z muxbirimiz.
———————————————————————-
Telegram
|
WORD
|
KIRILL
|
PDF
|
RUS
|
2026 barchasi
🎬
VIDEO FORMATDA KORISH
👈
Oʻzbekiston Respublikasi Ichki ishlar vazirligi tomonidan “Ochiqlik va xalq bilan muloqot — asosiy mezon: Ichki ishlar organlari faoliyati yuzasidan joriy yilning birinchi yarim yilligi boʻyicha tahliliy hisobot” mavzusida boʻlib oʻtadigan matbuot anjumanini Ichki ishlar vazirlikning
YouTube
,
Instagram
va
Telegram
ʼdagi sahifalari orqali jonli efirda tomosha qiling
———
Ўзбекистон Республикаси Ички ишлар вазирлиги томонидан «Очиқлик ва халқ билан мулоқот — асосий мезон: Ички ишлар органлари фаолияти юзасидан жорий йилнинг биринчи ярим йиллиги бўйича таҳлилий ҳисобот» мавзусида бўлиб ўтадиган матбуот анжуманини вазирликнинг
YouTube
,
Instagram
ва
Telegram
'даги саҳифалари орқали жонли эфирда томоша қилинг
Website
|
Telegram
|
Facebook
|
Instagram
|
Youtube
|
Ok
|
TV
Ижтимоий тармоқда тарқалган "Matiz" автомобили ҳайдовчиси ва ЙПХ ходими ўртасидаги тортишув акс этган ҳолат юзасидан
видео
маълумот
Ҳайдовчилардан йўл ҳаракати қоидаларига қатъий риоя қилган ҳолда ҳаракатланишларини сўраган ҳолда, транспорт воситасини давлат рақам белгиларини яшириб бошқариш жавобгарликка сабаб бўлишини эслатиб ўтамиз.
Одамлар нима дейди? ажойиб сўровнома ўтказишибди. Фикримизни изоҳларда қолдирамиз...
✅
@INSPECTOR_UZ
👈
🏪
QONUN HUJJATLARI
28/2026 – mavzu
VATAN TINCHLIGI VA XAVFSIZLIGI UMUMIY MASʼULIYAT
Tinchlik va xavfsizlikni ta’minlash har qanday davlatning eng muhim vazifalaridan biridir. Zero, tinchlik bo‘lmagan joyda taraqqiyot, ta’lim, investitsiya, oila farovonligi haqida so‘z yuritib bo‘lmaydi. Shu bois «Vatan tinchligi va xavfsizligiga barchamiz mas’ulmiz» degan g‘oya Yangi O‘zbekiston taraqqiyotining ma’no-mazmunini belgilaydigan tamoyildir.
Xavfsizlik endi faqat chegarada emas
Bugungi dunyoda xavfsizlik tushunchasining doirasi ancha kengaydi. Ilgari u asosan chegara, armiya va qurol bilan bog‘langan bo‘lsa, hozir bunga iqtisodiy barqarorlik, oziqovqat va energetika ta’minoti, axborot makoni, kiberxavfsizlik, jamoat tartibi, yoshlar tarbiyasi va huquqiy madaniyat ham kiradi. Stokgolm xalqaro tinchlik tadqiqotlari instituti (SIPRI) ma’lumotlariga ko‘ra, 2025-yilda jahonda harbiy xarajatlar 2 trillion 887 milliard AQSH dollariga yetdi. Bu qurollanish va xalqaro ishonchsizlik kuchayib borayotganidan dalolat.
Barqarorlik kafolati
O‘zbekistonda Vatan himoyasi konstitutsiyaviy majburiyatdir. Asosiy qonunimizda mamlakatni himoya qilish har bir fuqaroning burchi ekanligi belgilangan. Ayni paytda «yetarli darajada Qurolli Kuchlar» tamoyili xavfsizlik siyosatimiz hujumkorlikka emas, o‘zini ishonchli himoya qilishga qaratilganini ko‘rsatadi. So‘nggi yillarda xavfsizlikning huquqiy asoslari sezilarli kengaydi. «O‘zbekiston — 2030» strategiyasi, Qurolli Kuchlar harbiy nizomlarining yangilanishi, kiberxavfsizlik hamda davlat sirlariga oid yangi qonunlarning qabul qilinishi xavfsizlik endi faqat harbiy qonunlar bilan cheklanmasligini, balki kibermakon, axborot va fuqarolik mas’uliyatini ham qamrab olayotganini tasdiqlaydi.
Mintaqa va tashqi siyosat
O‘zbekistonning xavfsizligini Markaziy Osiyo mintaqasidagi umumiy barqarorlikdan ajratib bo‘lmaydi. Suv va energetika, transport, savdo, migratsiya masalalari butun mintaqaga daxldor. Shu bois qo‘shni davlatlar bilan o‘zaro ishonch va yaxshi qo‘shnichilik muhitini mustahkamlash tashqi siyosatimizning ustuvor yo‘nalishidir. 2025-yilda Toshkentda bo‘lib o‘tgan Markaziy Osiyo davlatlari rahbarlarining Maslahat uchrashuvi hamda uni «Markaziy Osiyo hamjamiyati» strategik formatiga aylantirish taklifi mintaqaviy hamkorlikning yangi bosqichini boshlab berdi.
Tashqi siyosatda mamlakatimiz bir tomonlama qaramlikni emas, milliy manfaatga asoslangan ko‘p vektorli yo‘lni tanlagan. Rossiya bilan strategik sheriklik, Xitoy bilan keng ko‘lamli hamkorlik, AQSH bilan «C5+1» formati, Yevropa Ittifoqi bilan kengaytirilgan sheriklik – bularning barchasi muvozanat asosida qurilgan. Bu esa xavfsizlikni harbiy yo‘l bilan emas, diplomatiya, iqtisodiy manfaatdorlik va ishonch orqali ta’minlashning samarali vositasidir.
Eng muhim vazifa Davlatning
tashqi xavflarga chidamliligi, avvalo, uning ichki barqarorligiga bog‘liq. Ichki barqarorlik esa faqat kuch tuzilmalari faoliyati bilan emas, balki adolatli qonunlar, ijtimoiy himoya, ta’lim, mahalla instituti, sog‘lom oila muhiti va huquqiy madaniyat bilan ta’minlanadi.
Ayni shu nuqtada ichki ishlar organlarining o‘rni alohida ahamiyat kasb etadi. Jamoat tartibini saqlash, huquqbuzarliklar profilaktikasi, ekstremizm va radikallashuvning oldini olish, kiberjinoyatchilikka qarshi kurashish, fuqarolarning huquqiy madaniyatini yuksaltirish – bularning barchasi milliy xavfsizlikning ichki ijtimoiy poydevoridir. Shu ma’noda ichki ishlar organlari milliy xavfsizlik tizimining muhim ijtimoiy-huquqiy bo‘g‘ini hisoblanadi.
Axborot asrida xavfsizlikka hissa qo‘shish har bir fuqaroning qo‘lida. Soxta xabarga ishonmaslik, axborotni tekshirish, kibergigiyenaga rioya qilish, jamoat tartibini hurmat qilish, qonunbuzarlikka befarq bo‘lmaslik, farzand tarbiyasiga mas’ul bo‘lish – bularning har biri Vatan xavfsizligiga qo‘shilgan hissadir. Ayniqsa, yoshlarni bilimli, kasb-hunarli, huquqiy ongli va vatanparvar etib tarbiyalash bugungi kunning eng muhim vazifalaridan hisoblanadi.
Taqsimlangan mas’uliyat modeli
Yuqoridagilardan kelib chiqib, milliy xavfsizlikni «taqsimlangan mas’uliyat modeli» sifatida tasavvur etish mumkin. Unda armiya – harbiy qalqon, qonun – huquqiy tayanch, diplomatiya – tashqi halqa, barqaror iqtisodiyot – moddiy zamin, axborot madaniyati – raqamli himoya, vatanparvarlik va huquqiy ong esa ma’naviy ustundir. Bu qatlamlardan birortasi zaiflashsa, butun tizimda bo‘shliq paydo bo‘ladi: kuchli armiya bo‘lgani holda axborot makoni himoyasiz qolsa yoxud iqtisod o‘sib, huquqiy madaniyat ortda qolsa, xavf ichkaridan kuchayadi. Demak, har bir soha boshqasini to‘ldirishi shart.
Xulosa o‘rnida «Vatan tinchligi va xavfsizligi — umumiy mas’uliyatimiz» degan g‘oyani quyidagi formula orqali ifodalash mumkin:
kuchli armiya – himoya qalqoni; adolatli qonun – barqarorlik kafolati;
faol diplomatiya – tashqi xavflarni kamaytirish vositasi;
mas’uliyatli jamiyat – ichki mustahkamlik asosi;
vatanparvar fuqaro – milliy xavfsizlikning tayanchi.
Aynan ana shu uyg‘unlik Yangi O‘zbekistonning tinch, barqaror va xavfsiz kelajagini ta’minlaydi.
Muhiddin UMAROV,
IIV Akademiyasi Harbiy tayyorgarlik kafedrasi boshlig‘i,
harbiy fanlar bo‘yicha falsafa doktori (PhD), professor, polkovnik
———————————————————————-
Telegram
|
WORD
|
KIRILL
|
PDF
|
RUS
|
2026 barchasi
🎬
VIDEO FORMATDA KORISH
👈