G'iyosiddin Yusuf
Фарзанд тарбиясидаги хатоларимиздан бири унинг катта одамдек фикрлашини кутишдир. У ҳали бола, болаларча иш тутиши, болаларча гапириши, хато қилиши, шўхлик ва инжиқлик қилиши мумкин.
#тарбия
@GiyosiddinYusuf
ИККИ ИНСОН
Қўлингизга етиб бораётган китобларим фақат менинг меҳнатим самараси эмас, бу жараёнда бевосита ва билвосита ҳисса қўшаётган бир қанча кишилар бор. Китобни нашрга тайёрлаш ишидаги муҳарриру мусаҳҳиҳлардан ташқари яна бир қанча кишилар бор.
Аввало дуо қилиб турган онамлар, хотиржам ижод қилишимга қўйиб бераётган оилам, мени моддий ва маънавий жиҳатдан қўллаб-қувватлаётган дўсту яқинларимга ташаккур айтаман.
Яна икки инсон борки, уларни алоҳида эътироф этиш зиммамдаги бурчдир. 2024 йилда кўпроқ болалар учун китоб ёзишга, ижодга буткул ажраб чиқишга аҳд қилдим ва бунинг учун менга имконият керак эди. Бу масалада
Жамолиддин Муҳаммаджон
ака билан маслаҳат қилганимда “Қамар” билан ҳамкорлик қилишни таклиф қилдилар. Иккинчилари
Муҳаммад Али Эшонқулов
бўлди. У киши болалар учун китоблар саралаш бўйича лойиҳага жалб қилиш орқали менга катта имконият эшигини очдилар.
Барчаси учун Аллоҳга ҳамд бўлсин. Сўнгра менга ижодий ва ҳаётий фаолиятимда кўмакчи бўлган ҳаммадан Аллоҳ рози бўлсин. Улардан чексиз миннатдорман. Номлари айтилмаган бир неча кишилар бор, уларга ва юқоридаги икки инсонга алоҳида ташаккур!
#Ҳаётий
#ижод
@GiyosiddinYusuf
💬
Izlagan xotirjamligingiz balki shu suhbatdadir… Ba’zida yillar davomida izlagan xotirjamligimizni esa bir og‘iz samimiy suhbatdan topamiz. Sizni mana shunday nurli lahzalarga boy suhbatga chorlaymiz.
🔥
Ustoz G‘iyosiddin Yusuf bilan bo‘lib o‘tadigan "Imzo…
💬
Izlagan xotirjamligingiz balki shu suhbatdadir…
Ba’zida yillar davomida izlagan xotirjamligimizni esa bir og‘iz samimiy suhbatdan topamiz. Sizni mana shunday nurli lahzalarga boy suhbatga chorlaymiz.
🔥
Ustoz
G‘iyosiddin Yusuf
bilan bo‘lib o‘tadigan
"Imzo kuni"
bu qadrdon ko‘ngillar uchrashuvidir.
Sana:
14-mart, shanba. 11:00 da
Manzil:
"Yuksalish kitoblari"
do‘koni
Manzil havolasi
@yuksalish_kitoblari_admin
@Yuksalish_Books
Hazil qilish
Hazil qilganingizda ham rost gapiring. Ba'zilar hazil qilganda yolgʻon gapirib, yolgʻon gapirishga oʻrganib qoladi. Bu - yomon. Hazil qilganda ham rost gapirish kerak.
📚
Gʻiyosiddin Yusufning
«Goʻzal xulqlar»
kitobidan
#iqtibos
Kitobni xarid qilish
|
Elektron shakli
Yanada koʻproq iqtiboslar
🔥
Ustoz G‘iyosiddin Yusuf bilan bo‘lib o‘tadigan "Imzo kuni" bu qadrdon ko‘ngillar uchrashuvidir.
Sana: 14-mart, shanba. 11:00 da
Manzil: "
Yuksalish kitoblari
" do‘koni
Manzil havolasi
@yuksalish_kitoblari_admin
@Yuksalish_Books
Бола билан шунчаки вақт ўтказиш бошқа, у билан бирга «яшаш» бошқа. Гоҳида оддийгина ўйин ёки кичик бир топшириқ фарзандимизнинг ички дунёсини очиб берадиган калитга айланади. Қуйидаги беш усул боланинг зеҳнини чархлайди, орангиздаги муносабатларни мустаҳкамлайди:
1. Ким тез ўқиш ўйини.
Баъзан у билан мусобақалашинг. Таймерни ёқинг ва бир дақиқада ким кўпроқ сўз ўқишини синаб кўринг. Бу болада мутолаага иштиёқ уйғотади.
2. «Эркин» иншо.
Унга сиз ҳақингизда ёзишга имкон беринг. «Хоҳлаган гапингни ёз, хафа бўлмайман, уришмайман» денг. Бу иншо сизнинг қандай ота ёки она эканингизни кўрсатувчи кўзгу бўлади. Агар унинг сиз ҳақингиздаги гапи кам бўлса, демак, орангиздаги масофани қисқартириш устида ишлаш керак.
3. Диктант ёздиринг.
Болангизга диктант ёздиринг. Бунда чиройли ва бехато ёзиши мақталади. Хатосини койимай, биргаликда тузатишга ҳаракат қилинг.
4. Сўз ўйини.
Масалан, боши ва охири бир хил ҳарф билан тугайдиган сўзларни топиш. Бу ўйин зеҳнни чархлаш билан бирга зерикарли кечаларни қизиқарли машғулот билан тўлдиради.
5. Тил ҳимояси.
Уларнинг соф ўзбек тилида гапиришига, жаргон ва сўкинишлардан йироқ бўлишига эътибор беринг. Бу билан маданиятли инсонни вояга етказган бўласиз.
#тарбия
@GiyosiddinYusuf
Бола дегани тинимсиз савол беради, эътибор талаб қилади, гоҳида чарчаганингизда яна нимадир қилиб асабга ўйнайди. Шунақа пайтда «Кўзимга кўринма!» деб ўзимиздан нари қилиш осон. Лекин бунда боланинг ичида нимадир узилади, биздан узоқлашади. Аслида тарбия мана шундай вақтларда ўзимизни қўлга олиб, болага юзланишимизда кўринади.
Биз унга берадиган энг катта нарса қиммат ўйинчоқлар эмас, балки ўша асабий ва чарчаган ҳолатимизда ҳам унга ажратган беш дақиқа вақтимиз, меҳр-эътиборимиздир.
Қолипга тушиб қолган ота-она бўлишдан қочиш керак. Доим ақл ўргатадиган, хато топса дакки берадиган «назоратчи»га айланиб қолсак, бола билан орамиз узоқлашиб боради. У биздан қўрқмасин, бизга суянсин. Бунинг учун боланинг майда-чуйда гапларини ҳам худди дунёдаги энг муҳим янгиликдек тинглашни ўрганишимиз шарт. Шундагина у улғайганда ҳамма дардини биринчи бўлиб бизга айтадиган бўлади. Самимият — энг зўр тарбиячи.
#тарбия
@GiyosiddinYusuf
“Эҳтимол, ёқтирмаган нарсангиз сиз учун яхшидир”
Йигирма йил бурун ТошМИ имтиҳонларидан ўта олмаганим сабабли девор муштлаб йиғлаган эдим. Ўша йилларда биз билан бирга имтиҳонларга тайёрланган дўстларимиз ҳозир доктор бўлган. Мен эса минглаб инсонларнинг ҳаётини қутқариб қолдим — доктор бўлмадим. )
Ҳозир ўшанда имтиҳондан ўта олмаганимга шукр қиламан. Мен учун хайрлиси бошқа соҳа экан. Мен ўзимни ижодда топдим.
Хулоса: муваффақиятсизлик деб ўйлаган ишларимиз аслида муваффақият бўлиши мумкин.
#Тажриба
@GiyosiddinYusuf