Хикоялар Хадислар Ривоятлар Хикматлар

🔹
Қадр кечасидаги зикр
Зикр амалларнинг энг афзали ва энг енгилидир. Айниқса, енгил бўлгани боис Рамазон кечаларида янада афзалроқ бўлади.
Қадр кечасида эса савоби бир неча ўн минг баробарига кўпайиши умид қилинади.
Зикрларнинг энг афзали тавҳид калимаси бўлиб, унинг энг афзал сийғаси ушбудир:
لاَ إلَهَ إلاَّ الْلَّه وَحْدَهُ لاَ شَرِيكَ لَهُ، لَهُ الْمُلْكُ، وَلَهُ الْحَمْدُ، وَهُوَ عَلَى كُلِّ شَيءٍ قَدِيرٌ
«Лаа илааҳа иллаллоҳу ваҳдаҳу лаа шарика лаҳу лаҳул мулку ва лаҳул ҳамд ва ҳува алаа кулли шайин қодийр».
(Маъноси: Аллоҳдан ўзга ҳақ илоҳ йўқ. У ёлғиз, Унинг ҳеч қандай шериги йўқ. Мулк ва мақтовлар фақат Унга хосдир. У барча нарсага қодир Зотдир).
"Саҳиҳайн"да келган ҳадисда Расулуллоҳ соллалоҳу алайҳи ва саллам: «
Ким бу калимани юз марта айтса, унга ўнта қул озод қилганнинг савоби берилади
», дедилар.
Агар банда Рамазоннинг охирги ўн кунининг ҳар кечасида бу дуони юз мартадан айтадиган бўлса, албатта Қадр кечасида ҳам айтган бўлади. Энди Қадр кечасининг фазилатини, яъни амаллар савоби бир неча баробарига кўпайтирилишини ҳисобга олсак,
бу зикрни 100 марта айтган одам худди 300000
(уч юз минг)та қул озод қилгандек бўлади! Зотан, озод қилинган бир қул туфайли банда дўзахдан озод қилинади.
"Саҳиҳайн"да келганидек: Расулуллоҳ соллаллоҳу алайҳи васаллам: «Ким бир мусулмон қулни озод қилса, Аллоҳ таоло (ўша қулнинг) ҳар бир аъзоси эвазига (озод қилган кишининг ҳам) аъзоларини дўзахдан озод қилади», дедилар.
***
Нақадар хайратланарли фазилат!
Бироқ, одамларнинг бу кечаларда бундай амалдан ғафлатда бўлиб, шунча савобдан бебаҳра қолишлари ундан-да хайратланарлироқ!
✍🏻
Шайх Абдулазиз Тарифий ҳафизаҳуллоҳ
@HIKOYANEW

​​​​
#ОХИРАТ
.
..
Бир киши қарз олишга мажбур бўлиб қолди. Бир савдогар унга қарз беришини, аммо бирор нарсани гаров учун унинг номига ўтказиб беришини шарт қилиб қўйди. Қарздорнинг бир деҳқончилик қиладиган ери бор эди. Ўша ерини савдогарнинг номига ўтказиб берди ва қарзни қайтариш вақтини муаййан қилишди. Ернинг нархи берилган қарздан анча юқори эди.
Қарздор бир қанча вақтдан сўнг ишлари ўнгидан келиб пул топди ва қарзини олиб келди. Аммо савдогар
"сенинг мендан қарзинг йўқ, ер меники "
, деб туриб олди.
Қарздорнинг қўлидан ҳеч нарса келмади. Бориб-бориб қарздор инфаркт бўлди. Ўлими аниқ бўлгач ўғлини чақириб унинг қўлига бир варақни бериб деди:
"Агар вафот этсам тобутимни ўша савдогарнинг дўкони олдидан олиб ўтиб ушбу қоғозни унга берасан"
.
Феълан қарздор вафот этди. Ўғли унинг васиятини бажариб тобутни савдогарнинг дўкони олдидан олиб ўтиб варақни савдогарга берди. Савдогар хатни ўқиб хушидан кетиб йиқилди. Хатда:
"Мен Ҳақнинг ҳузурига кетдим. Агар қўлингдан келса борма!"
- деб ёзилган эди.
Муҳаммад Ротиб Нобулсий.
Halovatuz
@HIKOYANEW

Юмушини тугатгунча, ҳаёли минг кўчага кириб чиқди, кўз олдидан ундан кўз узмай турган, кейинроқ опасининг пинжига кириб кузатаётган болачалар кетмади. Паришонхотир аҳволда идиш ювиб бўлгач, ичкарига кириб кийиниб чиққан "янги аёли" га эр ҳайрат билан боқиб, аввалроқ берган саволини яна қайтарди:
-Тинчликми?!
Аёл синиққина жилмайиб жавоб берди:
- Болаларни энди бирга бориб, олиб келайлик. Кўргим келяпти!!!
Ибратли дунё каналидан
🍃
@HIKOYANEW

Никоҳ ўқилди.
У аёли олти ой олдин оламдан ўтган учта боласи бор эркакка турмушга чиқди.
Болаларни аммаси никоҳдан кейин уч кунга уйига олиб кетибди.
Эрталаб "эр бўлмиш" ни ишга кузатиб, хоналарни айланиб чиқди.
Уй бира тўла қўлдан чиққан, эски кундошини эслатиб турадиган биронта буюм йўқ эди.
Болалар қайтишди. Уйда келинчакдек кийиниб юрган аёлга эшик тирқишидан мунғайиб қарашди.
Болаларнинг каттаси ўн ёшлардаги қиз икки укасини ёнига чақириб, қучоқлаб олмагунча- улар ўгай онасини обдон кузатишди.
"Келингларчи!" деб ёнига чақирса бўларди, ичида бир нарса унга бош эгмади. Шу бўйи ўз хонасини тартибга келтириб жим ўтираверди.
Унинг болалар билан муносабати совуқ эканлигини эри ва унинг опаси ҳам сезмай қолмади. Амма бўлмиш яна болаларни уйига икки кунга олиб кетишни маъқул кўрди.
Кечги овқатда ўтиришаркан, қовоғини очмай ўтирган эрига ноқулай савол бериб юборди: -Аёлингизни расми борми, бир кўрсам бўларкан?!
Жавобан эр ўрнидан туриб кўчага чекишга чиқиб кетди.
"Бу нима қилганинг, бунақада бу рўзғоринг ҳам рўзғор бўлармиди, нима ўлиб кетган аёлга рашк қиляпсанми?!" деди ичида бир овоз.
У ўз қисматига кўника олмаётганди, "болали одамга турмушга чиқсам, болаларига оналик қилсам" деб юрарди олдинлари, бу болаларни кўрдию, негадир ичи исимади.
Қандай қилиб, бировнинг боласини бағрига боса олади, нима қандайдир актрисалик қилишим керакми?! "...
Ўрнидан туриб яна болалар хонасига кирди. Катта қизнинг жойи кўзига негадир ғалати кўринди, худди кўрпача остида нимадир бордек.
Ғаши келиб, тузатиб қўймоқчи бўлди. Қараса кўрпа қатида бир қалингина дафтар турибди. " Бу нима экан?! " деб қўлига олиб, варақлади, ундаги ёзувлар жуда теккис, ҳар ҳил гуллар расми билан безатилиб ёзилганди.
Биринчи саҳифа: "Ушбу дафтаримни тўнғичим хаётим ва вужудим меваси қизим- Саодатга бағишлайман"
Кейинги вароқдан бир бошдан бошланган хотира дафтарини ўқий бошлади:
"Бағримда бир- икки йил вақтинг ўтади, кейин Аллоҳ насиб этса, ўн саккиз йилча ёнимда яшайсан... Ундан сўнг Аллоҳ тақдир этган жойига кетасан ва мени кўргани вақтинча ёнимга келиб-кетиб турасан!
Умрим ва ғанимат онларим каби сени ҳам бир умр ёнимда олиб қололмайман.
Мен фақат сени дуо қиламан, сени асрашга харакат қиламан, чунки мен онаман!
Бу номни қанчалик оқлайман ёки йўқ фақат Аллоҳдан мадад сўрайман"... Сана 2008 йил. 24 март.
Аёл карахт холатга тушди.
Кундоши қизи туғилган кундан бошлаб тутган экан бу дафтарни, унда қачон тиши чиққани, қачон эмаклагани, биринчи сўзи қайси сўз бўлгани, биринчи айтган қўшиғи, ёдлаган шеъри, қайси мусиқага рақс тушишни ёқтириши ҳамма-ҳаммаси бор эди.
"Саодат қизим бир кун келиб, бу дафтар сенинг мулкингга айланади. Ўшанда сен мендан бир мунча бойроқ қиз бўласан. Менда онамни эслатиб турувчи жуда оз нарсалар бор. Айниқса, онамнинг меҳрли қарашларини ҳеч кимда кўролмасдан кўп қийналганман.
Сенга бу дафтар она қалбини очади, ўша қаттиққўл, талабчан онанг-менинг қалбим қанчалик сенга яқин бўлганини билдириб туради" Сана 2011 йил 08 август.
Яна кўп саҳифалардаги ёзувларни ўқиди. Ўз-ўзидан кўзларида ёш ҳалқалана бошлади.
Дафтарнинг сўнгги вароқларини шошиб очди, чунки ташқарида оёқ товушлари эшитила бошлаганди.
"Қизим йўлларимиз эрта айрилади шекилли, сени келинлик кўйлагида кўрган куним бу дафтарни бермоқчи эдим. Афсус тақдир эмас шекилли. Соғлиғим ёмонлашиб бораётганини сезяпсан ўзинг ҳам, кечаси қўлларинг билан бир неча бор юзимни силадинг.
Кўп ёза олмайман, биттагина тилагим бор: имкон қадар бажар. Дадангга ва укаларингга кўприк бўл! Мендан кейин синиб қолма....
Ташқарида кимдир йўталди. Дафтарни жойига қўйиб, шошиб ташқарига чиқди.
-Тинчликми?! остонада турган эри паришон холатини кўриб савол берди.
Рўмоли билан оғзини тўсди, юраги увишиб турганини сездирмай, " тинчлик" деб жавоб бериб ичкарига- идишларни ювиш учун кирди.

Ким Аллоҳни ,қўйиб азизликни бошқадан истаса, унга ўша ердан хорлик келур.
©
Устоз ҳафизаҳуллоҳ.
@HIKOYANEW

#Бисмиллаҳ
🌙
Ассаламу  алайкум  ва  рахматуллоху  ва  барокатуҳ!
• Сахарлик учун ширин уйқусидан кечиб, уйғонганларга Аллоҳнинг саломи бўлсин!
• Тутган рўзаларининг ажрини ёзиб, фаришталар адоғига етолмасин!
• Рўзалари вужудларига дармон, қалбларига ҳаловат, охиратларига зеб бўлсин!
Фазилатли Рамазон ойининг  ғанимат тонги муборак бўлсин!
Ёқимли саҳарликлар...
🤎
🤎
🤎
💐
💛
💛
@HIKOYANEW

Уламоларнинг аҳли аёлари борасидаги сабрлари
ҳақида билиб олинг...
🖤

Абдуллоҳ ибн Аббос розияллоҳу анҳума бундай деган:
Аёлимдан барча ҳақларимни талаб қилмайман.Балки айрим ҳақларимдан воз кечаман чунки Аллоҳ таоло:
“Эркаклар хотинлардан бир даража устундир“,деган.
(Бақара 228)
@HIKOYANEW

“
Тийн”
сураси
(95).
Бу сура Маккада нозил бўлган.
بسم الله الرحمن الرحيم
Меҳрибон ва раҳмли Аллоҳ номи билан
(бошлайман).
وَالتِّينِ وَالزَّيْتُونِ ‎﴿١﴾‏
وَطُورِ سِينِينَ ‎﴿٢﴾‏
وَهَٰذَا الْبَلَدِ الْأَمِينِ ‎﴿٣﴾‏
لَقَدْ خَلَقْنَا الْإِنسَانَ فِي أَحْسَنِ تَقْوِيمٍ ‎﴿٤﴾‏
ثُمَّ رَدَدْنَاهُ أَسْفَلَ سَافِلِينَ ‎﴿٥﴾‏
إِلَّا الَّذِينَ آمَنُوا وَعَمِلُوا الصَّالِحَاتِ فَلَهُمْ أَجْرٌ غَيْرُ مَمْنُونٍ ‎﴿٦﴾
1-6. Аллоҳ таоло таниқли мевалардан анжир ва зайтунга, яна Ўзи унда Мусо билан сўзлашган Сайнодаги Тур тоғига ва ҳар қандай хавф-хатардан омон бўлган мана бу шаҳарга – Исломнинг бешиги бўлган Маккага қасам ичиб айтмоқда: “Биз инсонни энг гўзал суратда яратдик. Сўнг агар у Аллоҳга итоат этмаса ва пайғамбарларга эргашмаса, уни дўзахга қайтардик. Аммо иймон келтирган ва яхши амаллар қилган кишилар учун битмас-туганмас улуғ ажрлар бордир”.
فَمَا يُكَذِّبُكَ بَعْدُ بِالدِّينِ ‎﴿٧﴾
7. Эй инсон, Аллоҳ таолонинг қайта тирилтиришга қодирлигига очиқ далиллар бўлгани ҳолда қайта тирилиш ва жазо-мукофот олишни ёлғон дейишга сени нима мажбур қилади?!
أَلَيْسَ اللهُ بِأَحْكَمِ الْحَاكِمِينَ ‎﴿٨﴾‏
8. Бу кунни одамлар ўртасида ажрим қилиш учун тайин этган Аллоҳ барча махлуқотлари борасида ҳукм қилувчиларнинг энг адолатлиси эмасми? Ҳа, дарҳақиқат, шундай.
Бандалар бирон вазифага буюрилмасдан, бирон ишдан қайтарилмасдан, савоб олмасдан ва жазоланмасдан – шу ҳолларида тек ташлаб қўйиладими? Йўқ, бундай бўлиши тўғри эмас ва бундай бўлмайди.
@HIKOYANEW

Ҳабиб ибн Ҳажар ал-Қайсий раҳматуллоҳи алайҳ айтдилар:
Иймонни илм безаса, у нақадар гўзал, илмни амал безаса, у нақадар гўзал ва амални ҳалимлик безаса, у нақадар гўзал.
Ва инсонни фаросат ва илм уйғунлиги зийнатлагани каби бошқа ҳеч нарса зийнатламайди.
( ал-Жамиʼ ли-аҳлақ ар-Рави, 1/94)
©
العربية مع أخت خالد
@HIKOYANEW