IT-MAVZU
Nvidia ochiq kodli AI modellariga 26 milliard dollar ajratadi
Nvidia yaqin 5 yil ichida 26 milliard dollarni o‘zining ochiq kodli sun’iy intellekt modellarini ishlab chiqishga yo‘naltirishi ma’lum bo‘ldi. Bu ma’lumot kompaniya moliyaviy hisobotida aniqlangan va texnologiya gigantining vakillari tomonidan tasdiqlangan.
Tahlilchilarga ko‘ra, ushbu tashabbus Nvidia’ni OpenAI uchun bevosita raqobatchiga aylantirishi mumkin. Kompaniyaning strategiyasi kuchli AI algoritmlarini bepul tarqatish orqali ularni ishlatish uchun zarur bo‘lgan **grafik protsessorlar (GPU)**ga global talabni oshirishga qaratilgan.
Mutaxassislar fikricha, bunday yirik loyiha sun’iy intellekt bo‘yicha global poygada kuchlar muvozanatini o‘zgartirishi mumkin. Ayniqsa, bu jarayon AQSh va Xitoy o‘rtasidagi texnologik raqobat kontekstida muhim ahamiyat kasb etadi.
📱
https://t.me/ITmavzu
📱
Telegram messenjerida butun dunyo bo‘ylab ishlash bilan bog‘liq muammolar kuzatilmoqda. Foydalanuvchilar platforma faoliyatida jiddiy uzilishlar yuz berayotganidan shikoyat qilmoqda.
Ma’lumotlarga ko‘ra, nosozlik faqat O‘zbekistonda emas, balki boshqa ko‘plab mamlakatlarda ham qayd etilgan. Oddiy matnli xabarlar sekin yuborilmoqda, ovozli xabarlar, rasmlar, videolar va fayllar esa yuklanmayapti.
Hozircha muammo sababi rasman izohlanmagan. Foydalanuvchilar esa messenjer faoliyati tiklanishini kutmoqda.
📱
https://t.me/ITmavzu
Bir oy avval sun’iy intellekt agentlari o‘zaro muloqot qiladigan, bahslashadigan va hatto bir-biriga hazilomuz tarzda javob qaytaradigan noodatiy
Moltbook
nomli ijtimoiy platforma internetda tezda mashhurlikka erishgan edi. Kecha Meta ushbu platformani sotib oldi.
📌
Platformada 150 mingdan ortiq sun’iy intellekt agentlari mavjud bo‘lib, ular o‘zaro aloqa o‘rnatishi mumkin. Agentlar post joylaydi, boshqa botlarning postlariga javob beradi va kontentni baholaydi.
📌
Odamlar esa platformada faol ishtirok etmaydi ular faqat kuzatuvchi sifatida tizimni tomosha qilishi mumkin.
Mutaxassislar bunday loyihalarni sun’iy intellekt agentlari o‘rtasidagi avtonom raqamli ekotizimni sinovdan o‘tkazish yo‘lidagi yangi tajriba sifatida baholamoqda.
📱
https://t.me/ITmavzu
140 ming neyronli pashsha miyasi raqamli muhitda simulyatsiya qilindi
Olimlar pashshaning taxminan 140 ming neyronini o‘z ichiga olgan miya tuzilmasining 3D raqamli modelini yaratdi. Loyihaning eng qiziqarli jihati shundaki, bu model sun’iy intellekt tomonidan boshqarilmaydi.
Pashshaning xatti-harakatlari miya ichidagi neyronlar “kablolanishi” (bog‘lanish tuzilmasi) matematik tarzda ishga tushirilishi orqali tabiiy ravishda yuzaga keladi. Ya’ni biologik tuzilma qanday bo‘lsa, raqamli muhitdagi natija ham shunga mos shakllanadi.
Natijada simulyatsiya qilingan pashsha raqamli muhitda yurish, oziqlanish va o‘zini tozalash kabi harakatlarni hech qanday tashqi buyruqsiz, o‘zining “raqamli biologiyasi” asosida bajaradi.
Mutaxassislar bu tajribani “To‘liq miya emulyatsiyasi” (Whole Brain Emulation) yo‘lidagi muhim bosqich deb baholamoqda. Tadqiqotchilar keyingi bosqichda yanada murakkab organizmlar, uzoq istiqbolda esa inson miyasi faoliyatini raqamli muhitga ko‘chirish imkoniyatini o‘rganishni rejalashtirmoqda.
📱
https://t.me/ITmavzu
So‘nggi paytlarda ishga qabul qilish bozorida yangi tendensiya shakllanmoqda. Bu haqda Business Insider xabar berdi.
Sun’iy intellekt sabab ko‘plab CV’lar bir xil ko‘rinishga kelib qolgan. Natijada rekruterlar yuzlab “ideal” rezyumelarni ko‘rmoqda, ammo suhbatda nomzodlarning real ko‘nikmalari bunga mos kelmayapti. Shu sababli ish beruvchilar rezyumega bo‘lgan ishonchni yo‘qota boshlagan.
Tadqiqotlarga ko‘ra, ish beruvchilarning qariyb 70 foizi endi xodimlarni diplom yoki mashhur kompaniyalar tajribasiga emas, balki real ko‘nikmalariga qarab tanlashga o‘tmoqda.
Platformalar ham moslashmoqda:
📱
LinkedIn endi ko‘nikmalarni real instrumentlar orqali verifikatsiya qilish tizimini kuchaytirmoqda.
📱
Indeed esa ariza yuborish vaqtida tezkor video-suhbat funksiyasini ishga tushirdi.
Mutaxassislar ish qidirishda quyidagi usullar samaraliroq bo‘layotganini aytmoqda:
✅
Shaxsiy blog yuritish — hatto 100–200 obunachi bilan ham bu real ekspertizani ko‘rsatadi.
✅
Qaror qabul qiluvchi shaxslar (LPR) postlariga izoh yozib faol ko‘rinish berish.
✅
HR xizmatlarini chetlab o‘tib, to‘g‘ridan-to‘g‘ri yollovchi menejerlarga yozish.
✅
Soha bo‘yicha maqolalar chop etish — bitta maqola uzoq vaqt davomida shaxsiy brendga ishlaydi.
✅
GitHubda boshqalarning kodini tahlil qilib izoh qoldirish — faol ishtirokchilarni rekruterlar ko‘pincha o‘zlari topadi.
📱
https://t.me/ITmavzu
OpenAI ChatGPT uchun GPT-5.3 Instant modelini taqdim etdi
OpenAI ChatGPT platformasida yangi GPT-5.3 Instant modelini ishga tushirdi. Yangi versiya yanada aniq javoblar, tabiiyroq til va kamroq “gallyutsinatsiya” (noto‘g‘ri faktlar yaratish) bilan ishlashi aytilmoqda.
📌
Oldingi GPT-5.2 Instant modeli esa ayrim foydalanuvchilar tomonidan ortiqcha dramatik ohang va keraksiz maslahatlar berishi sabab tanqid qilingan edi. GPT-5.3’da esa sodda muloqot uslubi, yaxshiroq veb-tahlil va kamroq ortiqcha ogohlantirishlarga urg‘u berilgan.
📌
Yangilanish hozircha barcha ChatGPT foydalanuvchilari uchun taqdim etilgan. “Thinking” va “Pro” modellari uchun yangilanishlar esa keyinroq chiqarilishi rejalashtirilmoqda.
📱
https://t.me/ITmavzu
21 yoshli talaba o‘qish xarajatlarini to‘lash uchun noodatiy loyiha boshladi. U atigi 50 dollar sarflab oddiy veb-sayt yaratdi va unda piksel sotish g‘oyasini ishga tushirdi.
Saytda jami 1 million piksel joylashtirildi va har bir piksel 1 dollardan sotildi. Dastlabki 4 700 dollar daromad do‘stlari va yaqinlari orqali tushdi. Talaba bu mablag‘ning 400 dollarini reklama uchun sarfladi. Keyinchalik loyiha haqida BBC xabar bergach, sayt juda tez mashhurlikka erishdi.
Natijada:
— 2 hafta ichida 250 000 dollar daromad tushdi;
— eng yuqori davrda kunlik daromad 100 000 dollardan oshdi;
— oxirgi 1 000 piksel esa eBay’da 38 100 dollarga sotildi.
📱
https://t.me/ITmavzu
Google Galaxy S26 bilan birga Circle to Search funksiyasini Gemini 3 asosida yangiladi. Yangilanishning eng e’tiborli jihati — virtual kiyim kiyib ko‘rish (virtual try-on) imkoniyatining to‘liq integratsiya qilinishi bo‘ldi.
📌
Endilikda foydalanuvchi rasmdagi kiyim yoki mahsulotni belgilashi bilan, uni o‘zida qanday ko‘rinishini bevosita shu interfeys ichida ko‘ra oladi. Buning uchun boshqa sahifaga o‘tish talab etilmaydi.
📌
Funksiya sun’iy intellekt yordamida tana proporsiyasi, kiyim kesimi va vizual moslikni hisobga olib, realistik tasvir yaratadi.
📌
Yangi imkoniyat yaqin orada boshqa Android qurilmalariga ham taqdim etilishi kutilmoqda.
📱
https://t.me/ITmavzu
🕸
"
Google Tarjimon
" platformasi endilikda Gemini sun’iy intellekt infratuzilmasi asosida ishlab chiqilgan muqobil tarjima variantlarini taklif eta boshladi. Yangilanish madaniy iboralar va kundalik nutq qoliplarini yanada aniqroq yetkazishga qaratilgan.
Yangi funksiyaga ko‘ra, foydalanuvchilar tarjima jarayonida iboralarning qaysi kontekstda qo‘llanishi maqsadga muvofiq ekaniga oid batafsil izohlarni ko‘ra oladi. Shuningdek, “Tushun” va “So‘ra” tugmalari orqali tarjima tafsilotlarini chuqurroq o‘rganish, izoh va qo‘shimcha tushuntirishlar olish imkoniyati yaratilgan.
Mutaxassislar fikricha, ushbu yangilanish avtomatik tarjimani yanada kontekstga mos va foydalanuvchi uchun tushunarli qilishga xizmat qiladi.
📱
https://t.me/ITmavzu
Rim Papasi ruhoniylarga va’z yozishda sun’iy intellektdan foydalanmaslikni tavsiya qildi
Rim Papasi katolik ruhoniylariga murojaat qilib, va’z matnlarini tayyorlashda sun’iy intellektdan foydalanishni to‘xtatishni so‘radi. Unga ko‘ra, diniy chiqishlar avvalo ruhoniylarning shaxsiy tafakkuri, ichki e’tiqodi va ruhiy tajribasiga tayanishi lozim.
Papaga ko‘ra, va’z bu shunchaki matn emas, balki ruhiy mas’uliyat va tirik muloqot shaklidir. Shu bois uni avtomatlashtirilgan tizimlar yordamida emas, inson qalbi va tafakkuri orqali shakllantirish muhimligi ta’kidlangan.
📱
https://t.me/ITmavzu