Kozimxon To'rayev
Muvaffaqiyatli CEOlarning 10 ta muhim ko‘nikmasi
Kompaniyaning hajmi, bozori yoki mahsuloti qanchalik farqli bo‘lishidan qat’i nazar, muvaffaqiyatli CEOlarda deyarli bir xil ko‘nikmalar uchraydi.
Quyida shu ko'nikmalarning eng asosiy 10 tasini ko'rib chiqamiz:
1️⃣
Perfeksionizm emas, natijaga intilish
CEOning vazifasi mukammallik yaratish emas. CEOning vazifasi — natijaga olib chiqish.
Mukammallikni jamoa yaratadi. CEO esa yo‘nalishni belgilaydi.
2️⃣
Qiyin suhbatlardan qochmaslik
Kuchli CEOlar odamlarni:
- ochiq tanqid qila oladi
- rivojlanishga undaydi
- standartlarni oshiradi
3️⃣
Odamlarni bir maqsad atrofida birlashtirish
Eng yaxshi CEOlar shunchaki boshqarmaydi. Ular:
- ilhomlantiradi
- ruhlantiradi
- jamoani bir maqsadga safarbar qiladi
4️⃣
Ishonchlilik
Har bir tashkilotda bitta savol bor: “Muammo chiqsa, kimga qo‘ng‘iroq qilamiz?”
Agar javob siz bo‘lsangiz, sizda CEO sifatlari bor.
5️⃣
Talantlarni tanlash va jalb qilish
CEOning eng muhim vazifasi —
to‘g‘ri odamlarni topish.
Yaxshi strategiya ham katta investitsiya ham yomon jamoa bilan natijaga olib bormaydi.
6️⃣
Inqiroz paytida xotirjamlik
Inqiroz paytida:
- kimdir panika qiladi
- kimdir bahona topadi
- kimdir qochadi
CEO esa
xotirjam qoladi va qaror qabul qiladi.
7️⃣
Odamlarni o‘qiy olish
CEO odamlarni tez tushunadi. U:
- kim samimiy
- kim manipulyatsiya qilmoqda
- kim motivatsiyasini yo‘qotgan
buni sezadi.
Bu — tajriba va intuitsiya kombinatsiyasi.
8️⃣
Tinglash qobiliyati
CEO qanchalik yuqori darajaga ko‘tarilsa, shunchalik
kam gapiradi.
Lekin ko‘proq:
- tinglaydi
- kuzatadi
- xulosa chiqaradi
Ko‘pincha eng muhim signal odamlar aytmagan narsalarda bo‘ladi.
9️⃣
Tanqidga chidamli bo‘lish
CEO har kuni mijozlardan, investorlardan yoki jamoadoshlaridan tanqid eshitishi mumkin.
Kuchli CEO tanqiddan
himoyalanmaydi.
U undan
foydalanadi.
1️⃣
0️⃣
Strategik fikrlash
Oddiy menejer bugunni boshqaradi. CEO esa
kelajakni quradi.
U:
- 6 oy oldinni ko‘radi
- 12 oy oldinni rejalaydi
- 5 yil oldinni tasavvur qiladi
Strategiya — bu CEOning asosiy quroli.
Tizimlashtirish va biznes boshqaruviga oid muhim instrumentlar va real keyslarni "TIZIM" platformamizga jamlaganmiz.
Dastlabki 5 kun foydalanish bepul
👉
https://t.me/Tizim_uz_bot
2 oy, 7 ta viloyat, 300 nafardan ortiq insonlar ikki kunlik intensiv
dasturimizda qatnashishdi!
Ular o'z nutqlaridagi muammolarga yechim olishdi.
⚡️
Endi esa navbat Toshkentga!25-26-mart kunlari 13 yillik tajribaga ega nutq bo’yicha ekspert Najot Nurning "Tizimli nutq" intensiv dasturida
— hayajonni boshqarish,
— nutqni tizimlashtirish,
— auditoriya bilan to’g’ri aloqa o‘rnatish,
— ta’sirli chiqish qilish sirlarini amaliy yechimlar bilan birga o'rganasiz.
VIP joylarimiz allaqachon to'lgan.
🔥
Standart tarifida ham cheklangan joylar bor!
Hoziroq ro'yxatdan o'ting va nutqingizdagi ehtiyojlarga aniq yechimlar oling!
🔗
Havola
🔗
Havola
🔗
Havola
Bir paytlar Tesla Model 3 batareya paketida beshta shisha tolali mat bor edi. Bu matlar batareya va avtomobil polining orasida joylashgan edi.
Batareya ishlab chiqarish liniyasida muammo chiqdi va butun ishlab chiqarish sekinlashib qoldi. Shundan keyin Ilon Mask quyidagilarni qildi:
❌
Robotni yaxshilashga harakat qildi — xato.
❌
Jarayonni tezlashtirishga harakat qildi — xato.
❌
Jarayonni optimallashtirishga harakat qildi — yana xato.
Keyin u nihoyat savol berdi:
“Bu matlar umuman nima uchun kerak?”
Batareya xavfsizligi jamoasi dedi:
— Shovqin va vibratsiyani kamaytirish uchun.
Shovqin va vibratsiya jamoasi esa dedi:
— Yong‘in xavfsizligi uchun.
Ya’ni hech kim aniq sababni bilmas edi.
🔎
Ular ikkita avtomobilni sinovdan o‘tkazishdi: biri matlar bilan, biri matsiz. Mikrofon qo‘yib tekshirishdi. Natija: farq yo‘q. Shuning uchun ular matlarni butunlay olib tashlashdi.
Natijada $2 millionlik robot liniyasi keraksiz bo‘lib qoldi. Ishlab chiqarish esa tezlashdi
Murakkab tizimlarni yaxshilash formulasi:
✅
Vazifalarga tanqidiy nazar bilan qarashga harakat qiling
✅
Keraksiz jarayonlarni olib tashlang
✅
Soddalashtiring
✅
Tezlashtiring va optimallashtiring
✅
Faqat oxirida avtomatlashtiring
Eng katta xato: Keraksiz jarayonni mukammal qilish.
https://t.me/KozimxonTuraev
Suhbatda haqiqiy professionallarni aniqlab olishning 3 ta muhim texnikasi.
Rahbar sifatida siz deyarli har bir suhbatni bir xil savol bilan boshlaysiz:
“O‘zingiz haqida gapirib bering.”
📉
Lekin ko‘pchilik nomzodlar bu savolni noto‘g‘ri tushunadi. Ular butun hayotiy tarixini aytib berishga harakat qiladi. Natijada siz keraksiz ma’lumotlar ichida haqiqiy qiymatni ko‘ra olmaysiz.
Kuchli nomzodlarni saralash uchun suhbatda ushbu uchta narsaga e’tibor bering:
1️⃣
Energiya
U suhbatga qay darajada kirishyapti?
U bu lavozimga qiziqyaptimi yoki shunchaki yana bir suhbatga kelganmi?
Kuchli odamlar o‘z energiyasi bilan darhol seziladi.
2️⃣
Mos keladigan tajriba
Yaxshi nomzod butun rezyumesini qayta o‘qimaydi.
U aynan shu rol uchun muhim bo‘lgan tajribani ajratib ko‘rsatadi.
Bu uning:
- strategik fikrlashini
- prioritet qo‘ya olish qobiliyatini
ko‘rsatadi.
3️⃣
Natija va ta’sir
Kuchli xodim o‘z vazifasini emas, natijasini gapiradi.
Masalan:
“Men loyiha boshqardim”
demaydi.
“Men boshqargan loyiha foydalanuvchilar sonini 35% oshirdi”
deydi.
Rahbar uchun eng muhim indikator — nomzod qanday qiymat yaratganini tushunishdir.
https://t.me/KozimxonTuraev
2021-2023 - yillarda ijtimoiy tarmoqlarda yangi fenomen paydo bo‘ldi — QuitTok.
Bu trendda xodimlar ish joyini tark etayotgan jarayonini videoga olib, oʻz profillariga joylaydi. Ba’zilari hatto rahbarlari bilan bo‘lgan suhbatlarini ham ochiq e’lon qiladi.
Bu oddiy trend emas. Bu — ish bozoridagi mentalitet o‘zgarishining signali.
🚫
Avvallari ko‘pchilik xodimlar uchun ish joyini smena o‘rtasida tark etish yoki rahbar bilan ochiq bahslashish katta ta’qiq edi. Ayniqsa eski avlod uchun bu professional obro‘ga putur yetkazadigan ish hisoblanardi.
Bugungi yosh avlod esa boshqa tamoyil bilan yashayapti:
➖
Maoshni oʻzi bilan sadoqatni sotib olib boʻlmaydi.
➖
Shaxsiy chegaralar — korporativ sadoqatdan ustun.
➖
Hurmat — har qanday maoshdan muhim.
📌
Biznes egalari uchun asosiy savol:
Sizning kompaniyangizda xodimlar
qo‘rqib ishlaydimi
yoki hurmat qilinib ishlaydimi?
Chunki yangi avlod uchun ish joyi endi faqat daromad manbai emas.
Bu — hurmat, rivojlanish va sog‘lom muhit bo‘lishi kerak bo‘lgan joy.
https://t.me/KozimxonTuraev
Kuchli mutaxassislarni boshqarish qiyin, deyishadi. Aslida esa ularni boshqarish emas — ularni aldash qiyin.
🧐
Ular sun’iy maqtovni darhol sezadi. Tartibsiz boshqaruvni bir necha soniyada anglaydi. Noaniq maqsadlar, ikki xil standartlar va soxta va’dalarni tezda payqaydi va bunday o‘yinga qo‘shilmaydi.
Yuqori natija ko‘rsatadigan xodimlarga doimiy nazorat kerak emas. Ularga aniq yo‘nalish kerak. Ular mukammallik talab qilmaydi, aniqlik talab qiladi.
✅
Agar siz ularni xavf sifatida ko‘rsangiz, ularni yo‘qotasiz. Agar ularning fikri va salohiyatini hurmat qilsangiz, ularning sadoqatini uyg‘otasiz.
Shuning uchun ular bilan ishlash qiyin emas. Ular shunchaki bo‘sh gaplarga toqat qilmaydi.
📈
Maqsad bilan rahbarlik qiling, aniq muloqot qiling va ularga ishlash uchun erkinlik bering. Shunda ularni boshqarish aslida unchalik qiyin emasligini ko‘rasiz.
https://t.me/KozimxonTuraev
Agar kompaniyada mana shu 5 turdagi xodimlar bo‘lsa, bunday loyiha deyarli 100% muvaffaqiyatga erishadi.
Birinchi odam — g‘oya generatori.
Uning asosiy vazifasi — yangi g‘oyalar ishlab chiqish. U doimiy ravishda safarlarda yuradi, yangiliklarni kuzatadi, turli ma’lumot va raqamlarni olib keladi. Lekin u faqat raqamlar bilan ishlaydigan odam emas — u ko‘proq ntuitsiya va sezgi bilan ishlaydi.
Ikkinchi odam — qat’iy tizimchi.
U birinchi odamning g‘oyalarini real jarayonlarga tushiradi. Bu ko‘proq “soya”dagi odam: u ishonchsizlikdan emas, balki nazoratdan kelib chiqib ishlaydi. Kompaniyadagi har bir so‘m qayerga va nima uchun sarflanayotganini aniq biladi.
Uchinchi odam — moliyaviy nazoratchi.
Aynan shu yerda ko‘pincha muammolar boshlanadi, chunki bu uch turdagi odam o‘rtasida doimiy tortishuvlar bo‘ladi.
Birinchisi:
“Keling, dunyoni zabt etamiz!”
deydi.
Ikkinchisi:
“Avval reglament qani?”
deb so‘raydi.
Uchinchisi esa:
“Buning uchun budjet qayerda?”
deydi.
Shu paytda sahnaga to‘rtinchi odam chiqishi juda muhim — mediator.
U hammani tinglaydi, barcha fikrlarni bir joyga yig‘adi, ularni bog‘laydi va shunday deydi:
“Hammasi yaxshi, lekin bizning asosiy maqsadimiz mana bu. Shu yo‘l bilan harakat qilamiz.”
Yana beshinchi odam ham juda muhim — u natijaga erishtiruvchi ijrochi.
U ko‘p gapirmaydi. Ko‘proq ish qiladi. Vazifa aniq bo‘lsa, u uni oladi va xotirjam tarzda, belgilangan muddatda bajaradi.
Bunday beshlikni topish qiyin, lekin ularni boshqarish undan ham qiyin.
Ammo kompaniyada shunday turdagi odamlar bo‘lsa, eng murakkab loyihalar ham haqiqiy natijaga aylanishi mumkin.
https://t.me/KozimxonTuraev
Ikki o‘tinchi haqidagi hikoyani eshitganmisiz?
Har kuni ertalab ular bir vaqtda ish boshlaydi. Har kuni bir vaqtda ishni tugatadi. Lekin kunning o‘rtasida ulardan biri bir soatga g‘oyib bo‘ladi. Shunga qaramay, har kuni aynan o‘sha o‘tinchi boshqasidan ko‘proq o‘tin kesadi.
Bu holat bir necha oy davom etganidan so‘ng, kun bo‘yi ishlaydigan o‘tinchi chidamay so‘raydi:
“Har kuni biz bir vaqtda ish boshlaymiz. Har kuni bir vaqtda ishni tugatamiz. Lekin kunning o‘rtasida sen bir soatga yo‘qolib ketasan. Shunga qaramay, har kuni mendan ko‘proq o‘tin kesasan. O‘sha bir soatda qayerga borasan?
”
Ikkinchi o‘tinchi javob beradi:
“Men o‘sha paytda boltamni charxlab kelaman.”
Bu hikoyaning mazmuni shuki: doimiy ishlashning o‘zi sizni muvaffaqiyatli qilmaydi. Ba’zan to‘xtab, o‘zingizning “boltangizni charxlash” — ya’ni bilimni oshirish, strategiya haqida o‘ylash va kuchni tiklash — sizni ancha samaraliroq qiladi.
https://t.me/KozimxonTuraev
https://kozimxonturayev.uz/yaponiya