Mahbubiy Adabiyot

ҲАЗРАТИМ
Ачишар қон қалбим, ичдан бўзлайман,
Икки ойдан ошди дард сизар номсиз.
Тушларим қаърида сизни излайман,
Ҳазратим, хаёлим тубида ҳам -- сиз!
Юрак аламларга тўлиблар кетган,
Излайди ҳаловат аталган дўстин.
Атрофга аланглаб қарасам, дил танг,
Бир устун қулаган, улуғвор устун!
Бу устун ўрнини ким босар, хайҳот,
Сарсон айланаман уйнинг ичида.
Қанча узоқлашсам, кўнгил сезар бот
Боғланиб қолганим сезилар жуда.
Айрилиқ таърифи сўнгсиз, ишонинг,
Сизни қумсайверар ўзбек боласи.
Ҳатто беришга-да тайёрдек жонин,
Милтиллаб турибди кўзда жоласи.
Ҳа, шундоқ суяркан сизни бу ўлка,
Фироқ улуғлашган сайин сезяпман.
Маҳзун боқарканман сиз кетган йўлга,
Хаёлан боғларда сиз-ла кезяпман.
Ҳазратим, ишонинг, сизни бу диёр
Чин дилдан суяди, суйиб қолажак.
Ортингиздан бугун дуолар бисёр,
Холис гувоҳликлар берар келажак!
Лекин маъзур тутинг, одамлар ичра
Барибир чиқаркан ёмонлари ҳам,
Кетган одамларнинг ортидан неча
Ғийбатга ошиққан шайтонлари ҳам...
Узилган бўлса гар илоҳий парда,
Юрак айланаркан беҳис бир тошга.
Англаб бормоқдаман сўнгги пайтларда -
Илм бошқа экан, фаросат бошқа!!!
Кўз ёшлар оққан ул оғир санада,
Бутун эл дуода ёд этса сизни...
Сездириб қўйдилар - пана-панада
Кутиб ётганларин кетишингизни!
Сиз кетиб, яхшилар чекканда қайғу,
Улар фосиқ гаплар тарқатса, нетдим,
Майда ҳайвонларнинг табиати шу –
Шернинг ўлиги ҳам қўрқитса, нетдим!
Улар ким - диллари тош мутакаббир,
Ҳаётда муносиб ўч топмаганлар,
Тирик пайтингизда юзингизга бир
Қарши сўз деярга куч топмаганлар.
Улар ўз нархларин хўп яхши билар,
Шу боис, кураша олмас беаёв.
Ҳа, улар жанг пайти орқадан келар
Энг номард душмандир, энг ноқулай ёв!
Улар чидолмаслар ва кўролмаслар
Она юртда топган шарафингизни,
Диннинг ташналари – холис юраклар
Қуршаб олганларин атрофингизни.
Ҳатто ҳижронда ҳам хорликдан узоқ
Яшаганингизга куярлар улар,
Шу боис, боқийга риҳлат қилган чоғ
Кетганни чайнашни суярлар улар!
Сизнинг обрўйингиз – орзу уларга,
Биларлар – бу асли илоҳий тортиқ,
Сиздек илми уммон, файзли шайхларга
Бугун ўзлари ҳам муҳтожлар қаттиқ!
Ҳазратим, юрагим ачишди тинглаб
Фасодлар урчиган гапларни бул дам.
Букри туйғуларни бўларму ўнглаб,
Шунчалар бефаҳм бўлурму одам?
Наҳот еб қўйганлар азиз виждонни,
Титкилаб чарчарлар не бўлса ўтмиш.
Бир пайтлар хор қилган ҳасад шайтонни,
Бугун бошқаларнинг ёқасин тутмиш.
Кўзларим қаърига азоблар тўлар:
Қайдин туғилган бу ғўр кўрнамаклик?
Билмадим, билмадим, не деб аталар
Олимнинг ҳаққига бад сўз демаклик...
Не буюк уламо бир-бири билан
Тортишиб дин узра... сўнгра ҳаётда
Келишиб кетганлар қалб сири билан,
Фаросатли эди улар ғоятда!
Бу буюк туйғуни қаёқдан билсин
Илм уммонига шўнғимаган кас,
Уларнинг қиёси - устоз кўрмаган
Ҳар мақомга боққан машшоқ каби, бас!
Бир четда сездирмай, унсиз йиғлайман,
Бу жимлик маънисин илғар ҳар оқил.
Ё Аллоҳ, уларга инсоф тилайман,
Ҳиссиз қалбларини ўзинг ислоҳ қил!
Ҳар битта сўз учун ҳукм бор оғир,
Илоҳий чорловга бўйламасларму,
Ҳар ишнинг чигали ечилар охир,
Қиёмат баҳсини ўйламасларму?
Билмадим, уларнинг не эрур қасди,
Телба журъатларга ҳайрон ўтаман.
Бу гаплар охирин ўйласам, рости
Таъриф йўқ ҳолатда қўрқиб кетаман!
Ҳазратим, уларга нафратларим бор,
Улар ҳасадчидир қисматингизга.
Ва аниқ биламан, бу гаплар зинҳор
Соя сололмагай хизматингизга!
Қалбимиз қаърида буюк эҳтиром,
Сиз ходим эдингиз муқаддас динга!
Аллоҳдан сўраймиз - етказсин мудом
Сиздек олимларни бу гул заминга!
Олимлик рутбаси улуғдир, улуғ,
Очиб берар экан ҳасадчиларни.
Ҳатто ўлимингиз ибрат бўлди-ку,
Танитиб кетдингиз фасодчиларни!
Сизнинг ҳаққингизга қўллар дуода,
Аллоҳдан ёлвориб ўтингайдирмиз.
Сизни Ўзи учун суйгансиз, зеро,
Улуғ дийдоргача соғингайдирмиз.
©
Хайрулла Ҳамидов
📝
Telegram
💻
Instagram
🎞
Youtube
🎶
Tik Tok
📝
Facebook
📝
Telegram
https://t.me/Mahbubiy_Adabiyot
📨
Постни яқинларингизга ҳам улашинг!

Агар синовлар бўлмаганда Аллоҳнинг ҳузурига қуруқ қўл билан борган бўлардик.
Имом Аҳмад ибн Ҳанбал раҳимаҳуллоҳ

#hazrat
#marsiya
Ustozi Kull, shayx Muhammad Sodiq Muhammad Yusuf Rahmatullohi Alayh hazratlariga marsiya
Jigarlar bo‘ldi xun, ko‘z qonga to‘ldi dardu xasratdan
Ko‘ngillar pora-pora, dil uyi vayrona g‘urbatdan
Bukildi qad, egildi bosh, vujud ham tondi quvvatdan
Kiyib motam to‘nin behush turar olam musibatdan
Nechukkim, ayrilibdir ushbu kun ul Shayx Hazratdan.
Azizim, Hazratim, Siz birla tik bo‘lgandi el boshi.
Sevardi sizni birdek er-ayolu qariyu yoshi,
Firoqingizda bu kun sindi millat sabru bardoshi,
Bilolmam, tobakay yig‘laydi el, tingay qachon yoshi,
Tuzalmas to abad dillar bugun yetgan jarohatdan.
Azalda Haq inoyat suvi birlan qordi loyingiz,
Ilm bo‘stoni bo‘lmish ungan, ulg‘ayganki joyingiz,
Ilm yo‘lida tolmay, haqda sobit bo‘ldi poyingiz,
Butun millat g‘amida o‘tdi har kun, hafta, oyingiz,
Chekinmay bir qadam, bir dam, o‘tib ming tur mashaqqatdan.
Ishingiz kecha-kunduz bo‘ldi tutmoqlik qalam-qog‘oz,
Uqib dunyoyu dinni, qo‘sh qanot-la qildingiz parvoz,
Nihoyat bildi ummat Sizni beshak eng ulug‘ ustoz,
Hama ilm ahli uzra toj misoli bo‘ldingiz mumtoz,
Bilimli bo‘ldi xalqim Siz sabab Qur’onu Sunnatdan.
Hama umr ichra o‘tdingiz ilm-taqvo shior aylab,
Yuvib qo‘l dunyadan ham johu mansablardan or aylab,
Hasad, bug‘zu adovat ahlin o‘z o‘tida xor aylab,
Poyingiz o‘pti dunyo, boqmadingiz xor-zor aylab,
Kuyib kul bo‘ldi shayton zumrasi bu shonu shavkatdan.
Munavvar bo‘ldi dunyo porlagan chog‘i «Hilol»ingiz.
Hadislar jonlanib, shu ko‘yi yurganda maqolingiz.
Kifoya bo‘ldi fiqh, oshkora bo‘lgach ilmi qolingiz.
Yana poklandi ruhlar, zohir o‘lgach elga holingiz.
Nurafshon bo‘ldi har yon, chiqdi ummat zulmu zulmatdan.
Muhammadga ajab sodiq Muhammad Sodiq erdingiz,
Muhammad dinida hoziq Muhammad Sodiq erdingiz,
Muhammad ilmida sobiq Muhammad Sodiq erdingiz,
Muhammad so‘ziga notiq Muhammad Sodiq erdingiz,
Bo‘lib meros ismu jismingiz Hazrat Muhammaddan.
Agar vasfingiz aytsam, hech tuganmas, bo‘lgusi doston,
Quyoshni maqtamoq ne, Oyga ne hojatki sha’nu shon?
Desam bir so‘zla – beshak, xulqingizdir Sunnatu Qur’on,
Kamolot vasfi bori sizda jamlanmishdi bearmon.
Topolmay so‘z tilim lol-u, qalam ojiz kitobatdan.
Hayotingiz Rasulning siyratidan nusxa olmishdir,
Vafotingiz ham ul zotning vafotin esga solmishdir,
Ajab ermas, Nabiy Sizni bugun yoniga olmishdir,
Bashoratlar bo‘lib bu borada, shaklar yo‘qolmishdir,
Hayotingiz, mamotingiz-da chiqmay rohi sunnatdan.
Ilohiy, Hazrat Ustozimni O‘z vaslinga mahram qil,
Nabiylar, siddiq-u abror-u, solihlarga hamdam qil,
Bu foniyda ne zahmat tortgan ersa, unda malham qil,
Hama shogirdu mo‘minlarni haq yo‘lingda bardam qil,
O‘zing yor o‘l, O‘zing qo‘lla, O‘zing ber oliy himmatdan.
Azizlar, gar musibat behad og‘ir bo‘ldi, sabr aylang,
Egamning xohishidir, yo‘q rizodan o‘zga ish, anglang.
Nasibang bor ekan, shukr et, Hasan, ko‘nglingni qilmay tang.
Dedi chun piri tarix ayriliq yetganda hangu mang:
«Birov «ogah», birov g‘aflatda qolmish Shayx Hazratdan».
Izoh:
«Hazratdan» so‘zi abjad hisobi bo‘yicha 1462 ga, «Ogah» so‘zi esa 26 ga teng. «Hazratdan» so‘zidan «ogah»ni isqot qilinsa, ya’ni 1462 dan 26 oltini ayirsa, 1436 chiqadi. Bu hijriy hisobda shayx hazratlari rahmatullohi alayhning vafot yillaridir.
Allohim! Ustozimiz shayx Muhammad Sodiq Muhammad Yusuf hazratlarini O‘z rahmatingga ol! Diningga qilgan xizmatlarini va barcha ezgu amallarini o‘zlariga hamroh qil, ajru savoblarini ko‘paytirib ber! U kishi yoqqan nurafshon mash’alani to qiyomatga qadar so‘ndirma! U kishining izdoshlari ichidan ishlarini davom ettiradiganlarni chiqar, ularni ham O‘zing qo‘lla! Hammalarimizga musibatimizda sabru salvon ato et va xayri xalaf ber! Rasulingning merosxo‘ri bo‘lgan bir olim bandang bilan bu dunyoda birga bo‘lish baxtini nasib etding, oxiratda ham jannatingda bizni birga qil! So‘nggi duoimiz –Olamlar Robbi Allohga hamd bo‘lsin!
Hasanxon Yahyo Abdulmajid
25.03.2015
Manba:
Islom.uz
@bintu_Akhtam

-Аллоҳга боғланган қалб сиқилиши мумкинми..?
Аллоҳим! Қалбларимизни фақат Ўзинга боғла..!

- Риёдан қолишмайдиган гуноҳни айтайми? - дедилар Шаъбий р.а.
- Айтинг, устоз!
- Бировнинг йиғисини риё деб ўйлаш...

Ramazon bir yillik quvvatmi deyman,
Alvido soʻzidan yasamam taskin.
Axir qaylardadir mangudir bahor,
Ramazon taqvimdan ketishi mumkin,
Ammo yuraklarda qolmogʻi ham bor.
Sharafli zotlarning uyida bir yil,
Ayyom davom etar, ilohiy ayyom...
Ketmoqda jimgina buyuk Ramazon..
💔
@bintu_Akhtam

Эй нафсим, қаршингда тиз чўксам мангу,
Ҳеч-да тўхтатмадинг ҳавас-ўйларни.
Рамазон ойида тузалмадинг-ку,
Қандоқ кучи етсин бошқа ойларни?!
©
Xayrulla Hamidov
@mahbubiy_adabiyot

#УСЛУБ
• Марҳамат билан қилинган даъватнинг самараси!...
©
Аброр Мухтор Алий
📝
Telegram
💻
Instagram
🎞
Youtube
🎶
Tik Tok
📝
Facebook
📝
Telegram
https://t.me/Mahbubiy_Adabiyot
📨
Постни яқинларингизга ҳам улашинг!

Mus’hafing ustida chang ko‘rsang holingga yig‘la.. Kim uch kun Qurʼon tilovatini uzrsiz tark qilsa, uni hojir (uzoqlashgan) deyiladi.
وَقَالَ ٱلرَّسُولُ يَٰرَبِّ إِنَّ قَوْمِى ٱتَّخَذُوا۟ هَٰذَا ٱلْقُرْآنَ مَهْجُورًا
Va Payg‘ambar: “Ey Robbim, albatta, mening qavmim ushbu Qurʼonni tark etdilar”, dedi.
“
Furqon
, 30”

Рамазон ойида кўпчилик:
«Қуръондан қаерга етдингиз?» – деб сўрашади.
Қуръондан қаерга етганингиз муҳим эмас.
Муҳими, Қуръон қалбингизнинг қаерига етганидир».
@Mahbubiy_adabiyot