Muhammadali
🏴
APL.
"Liverpul" — "Kristal Pelas"
Chempionlar Ligasi yo'llanmasini naqd qilish imkoniyatiga ega bo'lgan "Liverpul" o'z uyida o'ta noqulay raqib — "Kristal Pelas"ni qabul qiladi.
🏴
"Liverpul": Iroda va darvozabon muammosi
Arne Slot jamoasi o'tgan turda Mersisayd derbisida "Everton" ustidan qiyin g'alabaga erishdi (2:1). O'sha o'yinda Van Deyk 90+10-daqiqada g'alaba golini urib, jamoaning kuchli xarakterini namoyish etdi. Ammo asosiy posbon Mamardashvili jarohat oldi, uning o'rniga APLda endigina debyut qilgan uchinchi darvozabon Freddi Vudman harakat qilishi kutilmoqda. Agar bugun "qizillar" zafar quchsa, 6-o'rindan 8 ochkoga uzoqlashib, 5-o'rinni (ChL yo'llanmasini) deyarli kafolatlaydi.
🏴
"Kristal Pelas": Ajoyib forma va jarohatlar
Oliver Glasner shogirdlari bahorni fantastik o'tkazmoqda: APLdagi so'nggi 6 o'yinda atigi bitta mag'lubiyat va Konferensiyalar Ligasi yarim finaliga yo'llanma! Lekin ularda jiddiy kadrlar muammosi bor: Gessan mavsum oxirigacha safdan chiqqan bo'lsa, Uorton va Lakruaning bugungi o'yindagi ishtiroki so'roq ostida.
⚔️
O'yin intrigasi va qora an'ana
Statistika "Liverpul" uchun ancha xavotirli: jamoa barcha musobaqalarni qo'shganda 4 o'yindan beri "burgutlar"ni yenga olmayapti! Xususan, joriy mavsumning birinchi davrasida safarda 1:2 va "Enfild"da Liga Kubogi doirasida 0:3 hisobida alamli mag'lubiyatlar qabul qilib olingan. Bugun "Liverpul" o'zining qora an'anasiga barham beradimi yoki poytaxtliklar yana syurpriz tayyorlaganmi?
🎙
Ushbu to'qnashuvni soat 19:00 da
📺
Setanta Sports 1 telekanalida birga tomosha qilamiz
!
Muhammadali
instagram.com/reel/DXh9If6iPYU/
🇪🇸
La Liga.
"Betis" — "Real"
Ispaniya chempionatida Yevrokuboklar orzusi bilan yashayotgan mezbonlar hamda joriy mavsumdagi deyarli barcha umidlarini yo'qotgan "qaymoqranglilar" to'qnashuvi.
🇪🇸
"Betis": Qora seriyaga barham va beshinchi o'rin
Yevropa Ligasida "Braga"ga imkoniyatni boy berib, La Ligada ketma-ket 7 o'yindan beri g'alaba nimaligini bilmay kelgan Manuel Pellegrini jamoasi nihoyat o'ziga keldi. O'tgan turda ular qiyin safarda "Jirona"ni taslim etishdi (3:2) va turnir jadvalida 5-o'rinni mustahkamlab olishdi. Bugun jamoaga diskvalifikatsiyadan chiqqan Antoni yordam berishi mumkin.
🇪🇸
"Real": So'ngan chempionlik va mavsumni yakunlagan yetakchilar
Chempionlar Ligasini chorak finalda tark etgan Alvaro Arbeloa jamoasi La Ligada ham peshqadam "Barselona"dan naq 9 ochkoga ortda qolmoqda va amalda chempionlikni boy berib bo'ldi. O'tgan turda ular "Alaves" ustidan qiyin g'alabaga erishishdi. Biroq madridliklar uchun yomon xabar — tarkibdagi jarohatlar. Kurtua va Rodrigodan tashqari, Eder Militao va Arda Gyuler ham jiddiy shikastlanib, joriy mavsumni muddatidan avval yakunlashga majbur bo'lishdi.
⚔️
O'yin intrigasi va tarix
Garchi joriy yil boshida "Real" bu raqibini o'z uyida 5:1 hisobida tor-mor etgan bo'lsa-da, Sevilyadagi o'yinlar ular uchun azaldan juda og'ir kechadi (aynan shu stadiondagi so'nggi o'zaro o'yinda "Betis" zafar quchgan). Bugun jarohatlar iskanjasida qolgan va motivatsiyasini yo'qotgan "Real" qiyin safar o'yinida 3 ochko ola biladimi yoki Pellegrini shogirdlari ularga navbatdagi zarbani berishadimi?
🎙
Ushbu uchrashuvni soat 23:55 dan boshlab
📺
Setanta Sports Football YouTube
kanalida birgalikda tomosha qilamiz!
Havola:
youtube.com/live/mLorKwZ-9-4
Muhammadali
Ferranning
mana bu goli
esa, ko'rib bo'lmas ofsayd sabab bekor qilingan bo'lsa-da, chiroyli chiqdi. Siz ham tomosha qiling:
instagram.com/reel/DXcxx13iFcI/
Rosti, bugun "Barselona" mavsumdagi eng ko'rimsiz, zerikarli o'yinini o'tkazdi. Balki Yamal yo'qligi uchundir. Lekin futbolchilarda charchoq sezilyapti. Ayniqsa, Pedri har tomonlama charchaganga o'xshaydi.