“Насихаттар жинағы”

{
Соңғы он күнді ықыласпен өткізейік
}
Имам ибн Рожаб айтады:
Құлшылықта сүйенетін нәрсе – көп ижтиһад (көп амал) емес, сол амалдың қабыл болуы.
Өйткені маңыздысы – дененің көп амал жасауы емес, жүректің дұрыс болуы.
Кейде түнде намаз оқыған адамның түні, тек ұйықтамай өткізген түн сияқты ғана болып қалуы мүмкін.
Қаншама адамдар бар – түнімен намаз оқиды, бірақ сауаптан махрұм қалады.
Ал қаншама адамдар бар – түнде ұйықтайды, бірақ Алланың мейіріміне бөленеді.
Мына бір адам ұйықтап жатса да, жүрегі Раббысын зікір етуде.
Ал мына бір адам намаз оқып тұрса да, жүрегі күнәларға толы.
لطائف المعارف: ١٥٤ ص
Қуаныш Омар
@NasihattarJinagi

{ Абдулла ибн Омардың кішіпейілділігі }
Абдулла ибн Омар ораза ұстаған кезде ауызын тек кедей-міскіндермен бірге ашатын. Егер отбасы оларды онымен бірге ауыз ашуға жібермесе, сол түні өзі де тамақ ішпей жатып қалатын.
"لطائف المعارف لابن رجب" ص ٤٠٣
Қуаныш Омар
@NasihattarJinagi

Шейх Усеймин ( Аллаһ оны рақымына алсын ) айтады:
Тарауих намазының «тарауих» деп аталуының себебі – адамдар бұл намазды өте ұзақ оқыған.
Әр төрт рәкәғаттан кейін аздап тынығып, демалып алатын болған.
{مجالس شهر رمضان} ص ٣٣
Сол себепті «демалу», «тынығу» мағынасын білдіретін «تراويح» (тарауих) атауы берілген.
Қуаныш Омар
@NasihattarJinagi

﴿قُل يا عِبادِيَ الَّذينَ أَسرَفوا عَلى أَنفُسِهِم لا تَقنَطوا مِن رَحمَةِ اللَّهِ إِنَّ اللَّهَ يَغفِرُ الذُّنوبَ جَميعًا إِنَّهُ هُوَ الغَفورُ الرَّحيمُ﴾ [الزمر: 53]
Айт: «Уа, өздеріне қарсы шектен шығып, күнә жасаған құлдарым! Алланың рақымынан үміт үзбеңдер. Расында, Аллаһ барлық күнәларды кешіреді. Шын мәнінде, Ол — аса Кешірімді, ерекше Мейірімді».
Тәпсірі (имам Сағди):
«
Алланың рақымынан үміт үзбеңдер»
— яғни, Оның мейірімінен күдер үзбеңдер. «Күнәларымыз көбейіп кетті, айыптарымыз жиналып қалды, оларды өшіретін жол жоқ» деп, өздеріңді құрдымға тастамаңдар. Мұндай үмітсіздік адамды күнәда қасарысып қалуға және Алланың ашуын келтіретін істерді жалғастыра беруге итермелейді.
Керісінше, Раббыларыңды Оның жомарттығы мен кеңшілігін білдіретін көркем есімдері арқылы таныңдар.
Біліңдер: Алла
һ
ширк, кісі өлтіру, зина, өсімқорлық, зұлымдық және басқа да үлкен-кіші барлық күнәларды кешіреді.
" تفسير السعدي "
Қуаныш Омар
@NasihattarJinagi

{ Пайғамбарымыздың ﷺ жомарттығы }
Имам ибн Рожаб айтады:
Пайғамбарымыздың ﷺ жомарттығы соншалықты — мал-дүниені өзіне, отбасына және балаларына емес, алдымен өзгелерге беретін. Қолы өте ашық еді. Тіпті патшалардың өзі жасай алмайтын кеңшілікті жасайтын. Мысалы, Парсы мен Рим патшалары да мұндай жомарттық көрсете алмас еді.
Өзі болса, кедейшілік жағдайда өмір сүрді. Кейде бір-екі ай бойы үйінде от жағылмайтын (яғни ыстық ас пісірілмейтін). Аштыққа шыдау үшін қарнына тас байлайтын кездері де болған.
"لطائف المعارف" ص ٣٩٣
Қуаныш Омар
@NasihattarJinagi

[ وَاللّٰهُ يَرْزُقُ مَنْ يَشَاءُ بِغَيْرِ حِسَابٍ]
«Аллаһ кімге қаласа, ризығын есепсіз береді».
سورة البقرة {٢١٢}
Аллаһ дүниелік ризықты қалаған құлына береді, мейлі мұсылман болсын немесе мұсылман емес болсын.
Бірақ жүректің ризығын, яғни білім, иман, Аллаға деген махаббат, Алладан қорқу, Одан үміт ету секілді ризықты тек сүйген құлына ғана береді.
“تفسير السعدي”
Омар Қуаныш
@NasihattarJinagi

Ораза жайлы хадистер
2-ші сабақ
Қуаныш Омар
@NasihattarJinagi

Ораза жайлы хадистер
1-ші сабақ
Қуаныш Омар
@NasihattarJinagi

Пайғамбарымыз ﷺ айтты:
«Ораза – тек жеп-ішуден тыйылу емес.
Шынайы ораза – бос сөзден, орынсыз мылжыңнан, жаман әрі балағат сөзден тыйылу».
أورده الألباني في "صحيح الترغيب والترهيب" وقال: صحيح
Қуаныш Омар
@NasihattarJinagi

Омар (Аллаһ одан разы болсын) айтқан:
«Біреуді жақсы көруің аса шектен шықпасын,
жек көруің оны құртуға апаратын өшпенділік
болмасын».
أخرجه البخاري في الأدب المفرد
Яғни:
Мағынасы:
– ортаны ұстан
– жақсы көруде қатты кетпе
– біреуді жек көрсеңде
әділдік пен шек
сақта (
Жек көремін деп оған айып тағып, зұлымдық жасап, артынан жамандаудың қажеті жоқ
)
Қуаныш Омар
@NasihattarJinagi