Olzhas Hanafin
📌
Аxлақтан беретін ұстазымыз Муxаммад Тоxxан алғашқы дәрісте былай деп айтқан еді: Бұл дәрісті бастамай тұрып, мына бір нәрсеге келісіп алайық. Біздің негізгі өмірдегі мақсатымыз сол болсын. اللهم أنت مقصودي و رضاك مطلوبي "Аллаxым сені мақсат тұтамын, разылығың - менің талабым". Осы екі нәрсе біздің өміріміздегі ұстанымымыз болсын. Сол кезде мінез-құлық та көркем болады, өмірімізге шынайы бақыт келеді. Аллаға ұмтылған адам ғана шынайы бақытты. Алласыз өмір сүріп жатқан құл, нағыз бақытсыз адам. Алла баршамызға шынайы өзіне ғана ұмтылуды нәсіп етсін.
✍️
Олжас Ханафин ұстаз(рахимаһулла)
Мыңдаған адамның Исламға келуіне себепкер болған Ибн әл-Джаузиден “ақыретте не нәрседен үмітің бар” деп сұрағанда, “менің себебімен иманға келген біреуінің болсын мен үшін жасаған дұғасы қабыл болса екен деп үміт етемін” деп айтқан екен.
Иманға келуге, тәубе етуге себепші болған жандарға дұға етуді ұмытпайық бауырлар. Алла разы болсын баршаңызға
🤲
✍️
Олжас ұстаз(рахимахулла)
Біздің осы телеграмда бөліскен нәрсемізбен инстада айтқан уағыздарымыздың ақыретте пайдасы тиеді ме екен? Яғни бір адам болсын осы телеграмдағы жазба арқылы есімді жиып, өзімді дұрыс жолға бағыттауға тырыстым деп, мен үшін Алла Тағаланың алдында болысады ма екен?
Алла Тағала бізді танитын тақуа жандарды бізге шапағатшы етсін. Әмин
🤲
✍️
Олжас Ханафин ұстаз(рахимаһулла)
Алла елшісі саллаллаһу әлейхи уә саллам өзінің кедейлігіне шағым етіп келген адамға:
“Үйіңе кірерде ішінде біреу болса да, болмаса да сәлем айтып кір. Сосын маған салауат айт. Кейін Ықылас сүресін бір рет оқы”.
Осылай істеген соң ол адамның кейін ризығы молайып, кеңіп, тіпті туыстары мен көршілеріне де көмектесетін халге жеткен екен”, деп баяндалады.
📖
Қазынаға толы салауат
Амр ибн Хурайс былай деген: Қашан бір адам Алладан қайтыс болған бауыры үшін дұға етсе, періште сол дұғаны қабірге алып: “Ей, бейтаныс қабір иесі! Міне саған қамқор бауырыңнан сыйлық келді” дейді.
📖
минхадж әл-қосыйдин
وَرَفَعْنَا لَكَ ذِكْرَكَ
Сондай-ақ есіміңді мақтаулы етіп, мәртебеңді көтермедік пе?
(«Инширах» сүресі 94:4)
Пайғамбарымызды саллаллаһу әләйһи уә сәлләмді еске алу, Алла елшісі жайлы ойлау, сөйлесу ең керемет сезім, ең қатты сағыныш. Алланың игілігі мен сәлемі болсын сізге Я Расул Алла!
✍️
Олжас Ханафин(рахимаһулла)
Olzhas Hanafin
pinned «
Абдуллаһ Сиражуддиннің “Құран оқу әдебі” кітабынан 1 сабақ.
»
Туған жерім Жезқазған қаласының қасында орналасқан Рудник кенті. Бар жоғы 3-ақ мың адам бар еді. Бұрынғы күндерім есіме түсіп, қазіргі жағдайыма қарап шүкір еттім. Жалпы өмірімдегі әрбір болған жағдай мені осы қазіргі жағдайға алып келді.
Ендеше сіз әлі өмір сүріп жатсаңыз мүмкіншілік бар. Өзіңізді қолға алып, алға қарай жүруге тырысыңыз. Ашу, ыза, реніштің барлығын тастаңыз. Ол сізді артқа тартады. Қазіргі сәттен ләззат алып, Раббыңызбен бірге болыңыз. Бұл өмірде тұрақтылық жоқ. Тұрақты азап пен тұрақты бақытты өмір тозақ пен жәннатта ғана. Мәңгі тұрақты бақытты өмір сүру үшін мына жалған, уақытша, қамшының сабындай ғұмырды Алла разы болатындай етіп өткізейік. Жанымыздан рухымыз шыққанда қиналмай, Раббысына ұмытылып шықсын. Өмірден өткесін аспан есіктері баршамызға ашылсын. Әмин.
✍️
Олжас Ханафин(рахимаһулла)
Кейде марқұм Олжекемнің қолдауы жетпей жатады.
Ол кісі мені бірден түсінетін. Себебі, өзі де менің халімді кешкен: Отбасымен де шетелде оқыды, отбасын елде қалдырып та шетелде оқыды.
Менің кейбір постарымнан көңіл күйімді бірден байқап, "е, Олжеке" деп жұбатып қоятын. Кейде керісінше мен оныкін түсініп қоятынмын.
Олжекені танитындардың барлығы оның шынайы, ақкөңіл, бірде бір арам ойы жоқ адам екенін біледі. Ол сондай адам болып бәріміздің есімімізде қалды.
Ол туралы көп жазбасам да, әрдайым еске алып тұрамын. Себебі, стеліктер көп.
Алла сізді шексіз рақымына бөлесін, Олжекем! Сағындық