Ulug‘bek Inoyatov

Bugungi partiya fraksiyasi yig‘ilishida
Davlat dasturining birinchi yarim yillikdagi ijrosi
haqida Vazirlar Mahkamasining hisoboti ham muhokama qilindi.
Deputatlarimiz hisobot doirasida
partiyamiz elektorati manfaatlariga xizmat qiladigan natijalarga
alohida e’tibor qaratdi. Xususan,
bandlikni ta’minlash, ijtimoiy-iqtisodiy tashabbuslarni qo‘llab-quvvatlash, ta’lim va sog‘liqni saqlash
sohasidagi islohotlarni jadallashtirish,
hududlarni har tomonlama komleks rivojlantirish
,
ijtimoiy himoyani manzilli amalga oshirish
borasidagi yutuq va natijalar e’tirof etildi.
Hisobot yangicha yondashuvda tayyorlangani, bu hammaga qulaylik yaratgani qayd etilishi bilan birga,
ma’lumotlar to‘liq emasligi borasida kamchiliklar ko‘rsatib o‘tildi.
Deputatlar bergan
savollarining barchasiga ham qoniqarli javob olishmaganini
bildirishdi. Mas’ullar har bir savolga javoban
to‘liq va atroflicha, aniq faktlarga tayangan ma’lumotlar taqdim etishini
aytishdi
.
Telegram
|
Facebook
|
Instagram

#Munosabat
Dengiz yo‘li hamkorlik, do‘stlik demak
Dengiz yo‘li millatga, mamlakatga ulkan imkoniyatlar berishi haqida uzoq gapirish
mumkin
. Aytish mumkinki, xalqimizning eng buyuk intilishlaridan biri ham jahon yo‘liga chiqish, barcha mintaqa va davlatlar bilan do‘stona hamkorlik, bordi-keldi qilishdir.
Turkmanistonning “Avaza” milliy sayyohlik zonasida Birlashgan Millatlar Tashkilotining Dengizga chiqish imkoni bo‘lmagan rivojlanayotgan mamlakatlar bo‘yicha uchinchi konferensiyasi shu ma’noda katta ahamiyatga ega.
BMT Bosh kotibi janob Antoniu Guterrish, qator davlatlar va hukumatlar, xalqaro va mintaqaviy tashkilotlar rahbarlari strategik masalalarda o‘zaro fikr almashdi, taklif-tashabbuslar ilgari surildi.
Xalqaro statistik ma’lumotlarga ko‘ra, mintaqamizda logistika xarajatlari mahsulotlar umumiy narxining 60 foizigacha yetmoqda. Bu xalqaro miqyosdagi logistika xarajatlaridan bir necha barobar yuqoridir.
Yurtimizdagi ijtimoiy-iqtisodiy o‘sish sur’atlarini saqlab qolish va uni yanada yuksaltirish uchun ko‘proq imkoniyatlar, yangi tashabbuslar va ishonchli hamkorlar zarur.
Mazkur konferensiya nafaqat O‘zbekiston, balki butun Markaziy Osiyo uchun ishonchli yangi tranzit yo‘laklari va logistika infratuzilmasini rivojlantirish yo‘lida ham muhim muloqot
maydoni bo‘ldi
...
Telegram
|
Facebook
|
Instagram

📰
«Xalq so‘zi»
gazetasining bugungi, 153-sonida
O‘zbekiston XDP Markaziy Kengashi raisi, Oliy Majlis Qonunchilik palatasidagi partiya fraksiyasi rahbari Ulug‘bek INOYATOV
ning
«Islohotlarning ijtimoiy samaradorligi uchun mas’ulmiz»
sarlavhali maqolasi chop
etildi
Facebook
|
Youtube
|
Instagram
|
X

Ijtimoiy himoyaga muhtoj shaxslarning imkoniyat va salohiyatini oshirishga ko‘maklashadigan, ijtimoiy xizmatlar va yordamni rivojlantirish orqali jamiyatda ijtimoiy o‘zgarishlarga olib keladigan faoliyatga
ijtimoiy ish
deyiladi.
Bugungi fraksiya yig‘ilishida
“Ijtimoiy ish to‘g‘risida”
gi qonun loyihasi ham ko‘rib chiqildi.
Bir so‘z bilan aytganda, qonun
ijtimoiy himoyaga muhtoj shaxsning huquqlarini amalga oshirish
ga ko‘maklashadi.
Deputatlarimiz loyihani ijtimoiy himoyaga muhtojlar hayotini yaxshilashga xizmat qilishini ta’kidlab, bir qator asosli e’tirozlarini ham bildirib o‘tishdi. Xususan, loyihada
ijtimoiy xizmatlarning turlari aniq keltirilmagani, lekin, o‘sha xizmatlar uchun standart belgilanayotgani
, qolaversa,
havolaki me’yorlar ko‘pligi
masalasida ham fikrlar bildirildi.
Qonunning takomilga yetishi uchun
loyiha ijodkorlari bilan birga ishlashga tayyorligimizni
bildirib, qonun
yordamga muhtoj aholi qatlami uchun dolzarbligini
, u qancha erta kuchga kirsa ularning hayotiga shuncha tez yengillik olib kirishini inobatga olib loyihani ma’qullab ovoz
berdik
.
Telegram
|
Facebook
|
Instagram

Bugun Qonunchilik palatasi majlisida
«Rasmiy statistika sohasida davlat boshqaruvi tizimi takomillashtirilganligi munosabati bilan O‘zbekiston Respublikasining ayrim qonun hujjatlariga o‘zgartirish va qo‘shimchalar kiritish to‘g‘risida»
gi qonuni loyihasi ikkinchi o‘qishda ko‘rib chiqildi.
Palataning avvalgi majlisida
fraksiyamiz qonun loyihasiga ayrim asosli e’tirozlarini
bildirgan, shundan keyin loyiha
qayta ishlash uchun mas’ul qo‘mitaga qaytarilgan edi.
Fraksiyamiz qonun loyihasi bo‘yicha, jumladan, rasmiy statistika sohasida vakolatli organning
belgilanmaganligi
, rasmiy statistikani tayyorlovchi sifatida kiritish Milliy statistika qo‘mitasi tomonidan belgilangan mezonlar asosida amalga oshirilishi haqidagi me’yor huquqiy jihatdan
asoslanmaganligini ta’kidlagan
edi.
Ishchi guruhi tomonidan Xalq demokratik partiyasi fraksiyasi takliflari hisobga olingani, qonun loyihasiga asos bo‘lgan barcha normativ-huquqiy hujjatlar
qayta
inventarizatsiyadan o‘tkazilgani,
rasmiy statistikani tayyorlovchi sifatida kiritishni
nazarda tutuvchi qo‘shimcha vakolatlar, mezonlar aniqlashtirilgani bildirildi.
Atroflicha muhokamalardan keyin qonun loyihasi qabul qilindi. Konstruktiv takliflarimiz qabul qilinganligi qonun loyihasining hayotiy bo‘lishida muhim ahamiyatga ega.
Telegram
|
Facebook
|
Instagram

#Plenum
Bugun partiyamiz
Markaziy Kengashining plenumida
Saylovoldi dasturi ijrosi bo‘yicha joriy yil birinchi yarmida olib borilgan ishlar, partiya budjeti ijrosi
hamda boshqa muhim masalalar muhokama
qilindi
.
Mamlakatimizda ijtimoiy-iqtisodiy islohotlarni amalga oshirish, ehtiyojmand fuqarolarning huquq va manfaatlarini himoya qilish, murojaatlarga yechim topish, yangi taklif-tashabbuslar bilan chiqish, partiyaning pozitsiyasini doimiy mustahkamlab borish
masalalari haqida faollar, senator va deputatlarimiz, hududlardagi mas’ullarimiz va albatta yoshlar bilan fikr almashdik.
Natijalar yomon emas, ammo oldimizda katta vazifalar turibdi. Bugun ularni bamaslahat holda belgilab oldik. Amaliy natija uchun ishlash har birimizning burchimizga aylanishi kerak.
Telegram
|
Facebook
|
Instagram

Bugun bo‘lib o‘tgan fraksiya
yig‘ilishi
da bir nechta qonun loyihalari qatorida
“Oziq-ovqat mahsulotining xavfsizligi to‘g‘risida”
gi qonun loyihasi ikkinchi o‘qishda moddama-modda muhokama qildik.
Qayd etish kerakki, mazkur yo‘nalishdagi amaldagi qonun
1997-yilda
qabul qilingan bo‘lib,
oziq-ovqat mahsulotining xavfsizligini ta’minlashdagi zamonaviy talablarga, JSTning sanitariya-fitosanitariya choralarini qo‘llash to‘g‘risidagi kelishuvi tamoyillariga javob bermaydi.
Shuning uchun qonunchilikni takomillashtirishga, boshqacha aytganda, yangilashga zarurat bor edi. Xususan,
oziq-ovqat mahsuloti xavfsizligini ta’minlashning xalqaro talablarini joriy etish, vakolatli organlarning vazifalarini aniq belgilash
lozim.
Yangi qonun loyihasi-5 bob 44-moddadan iborat bo‘lib, aholi uchun qulay yashash sharoitlarni yaratishga, ularni xavfsiz oziq-ovqat mahsulotlari bilan ta’minlashga yo‘naltirilgan.
Qonun loyihasining ijtimoiy ahamiyati yuqori ekani, Xalq demokratik partiyasi dasturiy maqsadlariga xizmat qilishi, shuningdek, uni tayyorlash jarayonida fraksiyamiz a’zolari faol ishtirok etgani hisobga olinib, loyiha qo‘llab-quvvatlandi.
Telegram
|
Facebook
|
Instagram

#Parlament_muhokamasi
#Yalpi_majlis
#Fraksiya_pozitsiyasi
❌
Bugungi yalpi majlisda statistika bilan bog‘liq qonun loyihasi qo‘mitaga qaytarildi
Facebook
|
Youtube
|
Instagram
|
X

Bugun bo‘lib o‘tgan fraksiya yig‘ilishida bir qator qonun loyihalarini muhokama qildik.
Xususan,
«O‘zbekiston Respublikasi hududida pirotexnika buyumlarining muomalasi to‘g‘risida»
gi qonun loyihasi birinchi o‘qishda ko‘rib chiqildi. Loyihada pirotexnika buyumlaridan qonunga xilof ravishda foydalanganlik uchun
sanksiya oshirilmoqda.
Deputatlarimiz
foydalanganlik uchun sanksiyalar keskin oshirilishiga
e’tiroz bildirdi.
Pirotexnika buyumlarini olib kirish va ishlab chiqarish hajmi qisqarsa, o‘z-o‘zidan foydalanish ham kamayadi.
Ammo bu masalada avvalroq huquqiy chora ko‘rilgan, jazo choralari kuchaytirilgan.
Raqamlar esa aynan foydalanish holatlari, salbiy va ko‘ngilsiz oqibatlar ortib borayotganini ko‘rsatmoqda. Noma’qul,
zararli xatti-harakatlar uchun chora qat’iyroq bo‘lgan ma’qul
, degan fikrga keldik.
Telegram
|
Facebook
|
Instagram

#Munosabat
#Yoshlar_kuni
Imkoniyat yaratish – strategik vazifa
Yoshlar mamlakat taraqqiyotining eng katta va muhim resursi hisoblanadi. Yigit-qizlar ilm olishi, hunar egallashi, sport bilan shug‘ullanishi, qo‘yingki, o‘zini har tomonlama rivojlantirishi uchun sharoit va imkoniyat yaratish strategik
vazifadir
.
Yoshlar kunida o‘tkazilgan uchrashuvda Prezident Shavkat Mirziyoyev tomonidan bu borada yangi tashabbuslar, qat’iy vazifalar qo‘yilgani bejiz emas. Millionlab yoshlarimizni ruhlantirish, qo‘llab-quvvatlash, ilm-ma’rifatga, kasb-hunar va faol mehnatga rag‘batlantirish davlat tashkilotlari, fuqarolik jamiyati institutlari zimmasiga birdek jiddiy mas’uliyat yuklaydi.
Iqtisodiyotimizning yanada tez sur’atlar bilan o‘sib, imkoniyatlarimiz kengayishida yoshlarning hissasi, ahamiyati ortib borishi muhim. Buning uchun, avvalo, barcha hududlarda va sohalarda yoshlar bilan tizimli muloqot qilish, ularni tushunish, tinglash, taklif-tashabbuslariga yo‘l ochib berish kerak. Uchrashuvda mazkur yo‘nalishda ikkita masalaga e’tibor qaratildi.
🔹
Birinchidan
, viloyat, tuman hokimlari har bir bolaga o‘z farzandidek qarab, sog‘ligi, o‘qishi, yurish-turishi, qiziqish va orzulari, muammolaridan doim xabardor bo‘lishi zarurligi ko‘rsatib o‘tildi.
Yoshlarga ta’sir o‘tkazishi mumkin bo‘lgan axborotlar, turli voqea-hodisalar ko‘paygan zamonda ular bilan yaqin muloqot qilishning ahamiyati katta. Buni oilamiz, farzand va nabiralarimiz misolida har birimiz yaxshi anglaymiz, albatta.
Yoshlar bilan doimiy muloqot platformasi yo‘lga qo‘yilishi, maktab, oliygoh, o‘quv va kasb markazlari, tadbirkorlarni boshini qovushtirib, yoshlarga ko‘maklashadigan tizim qilinishi natijalar yaxshilanishiga, hududlarda ijtimoiy muhit izchillashishiga, asosiysi, yigit-qizlarda qat’iyat va faollik kuchayishiga zamin bo‘ladi.
Buning yana bir muhim jihati, jamiyatimizda qanday oilada, qanday ijtimoiy vaziyatda bo‘lishiga qaramay, barcha yoshlarni tinglash, ularga teng imkoniyatlar yaratish, bir xil ko‘z bilan qarash ko‘nikmasi rivojlanadi. Xalq demokratik partiyasi uchun yoshlarning huquqlari va imkoniyatlari tengligi erishish prinsipial masala hisoblanadi.
🔹
Ikkinchidan
, yoshlarning o‘zaro bir-birini tushunishi, doimiy muloqotda bo‘lishi, yangi imkoniyatlar sari birgalikda intilishi dolzarb masala. 9 mingdan ziyod mahallada yoshlar yetakchilari tayinlangani bu borada zarur ijtimoiy institut vazifasini bajarmoqda.
Ammo, tan olish kerak, bu institutni yanada rivojlantirish, qamrovini kengaytirish, ayniqsa, hayotga, yoshlarning kundalik turmushiga yaqinligini oshirish zarurati ham bor
. Ularning maktab, texnikum, til va kasb markazlari bilan ham ishlashi real yaqinlik va o‘zaro bog‘liqlikni oshiradi.
Dunyoning bugungi ijtimoiy-iqtisodiy, ilmiy-ma’rifiy muhiti barcha sohada mezonlar o‘zgarayotgani, talablar va raqobat oshib borayotganini ko‘rsatmoqda. Yoshlarimiz ana shu mezonlarga mos ilm olishi, hunar o‘rganishi, samarali mehnat qilib, natijalarga erishishiga ko‘maklashish davlatning, hammamizning
burchimizdir
.
Telegram
|
Facebook
|
Instagram