𝐕𝐚𝐫𝐝𝐚𝐭𝐮𝐥 𝐉𝐚𝐧𝐧𝐚𝐡🥀
Tashvish, qayg'u va qiyinchilik paytida
o'qiladigan duo:
Payg'ambarimiz Muhammad alayhissalom tomonidan o'rgatilgan ushbu duo qo’rquv, tashvish vaqtida va iymonni mustahkamlash, shirkdan saqlanish uchun o’qiladi.
اللَّهُ اللَّهُ رَبِّي، لَا أُشْرِكُ بِهِ شَيْئًا
O'qilishi:
Allahu, Allahu Robbi, laa ushriku bihi shay'aa.
Ma'nosi:
"Alloh, Alloh Robbimdir! Men Unga hech narsani sherik qilmayman".
Asmo binti Umays roziyallohu anhodan rivoyat qilinishicha, Rasululloh alayhissalom:
"Senga tashvish va qayg'u yetgan vaqtda aytadigan so'zlarni o'rgatib qo'yaymi?" deb, ushbu duoni o’rgatganlar.
(Abu Dovud 1520, Ibn Moja 3882).
@Vardatul_jannah
🥀
Ishq nima?
Ishq —Payg'ambarimiz vafot etganlarini sezib, o'zini devorlarga urib jon bergan tuya edi...
Ishq-U zot vafot etganlaridan keyin azon aytolmagan Bilol edi...
Ishq -U zot sog'inchi bilan yigʻlagan daraxt edi...
Ishq -"Kim Muhammad vafot etdi desa, boshini kesaman!" degan Hazrati Umar edi...
Oh
,
ey Rasulim...
Sizdan keyin ishq qanchalar ifloslandi...
@Vardatul_jannah
🥀
Менга ёмонлик қилганларга яхшилик билан жавоб берганим, қўрқоқлигим ёки соддалигимдан эмас,
Роббим ва қалбим буюрганидан.
Охир-оқибат, ҳамма бир кун амалларининг ва қалбининг улушини олади…
Осиё Абдулазим қизи
@Vardatul_jannah
🥀
Я РАББИЙ
Одам алайҳиссаломнинг тавбаларини қабул қилганинг каби, бизнинг ҳам тавбаларимизни қабул эт!
Я
РАББИЙ
Юсуф алайҳиссаломни қудуқдан чиқарганинг каби, бизни ҳам нафсларимизнинг қоронғу қудуқларидан ва золимларнинг зулмидан чиқар!
Я РАББИЙ
Мусо алайҳиссаломнинг қавмини Фиръавннинг шарридан қутқарганинг каби, бизни ҳам ёмонларнинг шарридан омон қил!
Я РАББИЙ
Юнус алайҳиссаломни балиқ қорнидан қутқарганинг каби, бизни ҳам ўз домига тортаётган нафс ва фитна балиғининг қорнидан қутқар!
Я РАББИЙ
Яъқуб алайҳиссаломнинг йиғлаб кўр бўлган кўзларини очганинг каби, бизнинг ҳам кўр бўлган қалб кўзларимизни оч!
Я РАББИЙ
Иброҳим алайҳиссаломни Намруднинг оловидан қутқарганинг каби, бизни ҳам жаҳаннам оловидан қутқар!
Я РАББИЙ
Исо алайҳиссаломга денгиз бағридан, тўлқинларни қоқ иккига ёриб йўл очганинг каби, бизга ҳам золимларнинг кўзи ўнгида, зулмнинг қоқ ўртасини ёриб, нажот йўли очиб бер!
Осиё Абдулазим
қизи
@Vardatul_jannah
🥀
Бошинга бир мусибат келдими?
Аллоҳдан бирор истагинг борми?
Дуоларинг ижобат бўлмоғини хоҳлайсанми?
Нажот кечикяптими?
Шошилма!
Аввал инсонларга ҳолис, чин кўнгилдан яхшилик қил, инсонларнинг мушкулини осон қил сўнгра Аллоҳга дуо қил.
Эсла, Мусо алайҳиссалом оч эдилар, чорасиз эдилар, ёлғиз эдилар, юртларидан узоқда, қаерга боришни билмас эдилар, катта имтиҳонни эшигида эдилар, золим қавмдан қочиб, Мисрдан Мадянга келган, ҳеч кимни танимас-билмас эдилар. Унинг устига қаттиқ чарчаган эдилар.
Шу ҳолларида ҳам, иффатини асраш учун эркакларга аралашмай, бир четда турган икки ожизани кўриб, эркаклик ҳамиятлари ва ҳимматлари қўзиб кетти ва икки заифа қизнинг қўйларини суғориб бердилар.
Ҳолис қилинган яхшиликни ортидан эса дарахт соясига ўтириб қуръондаги энг гўзал дуолардан бири ила Аллоҳга дуо қилдилар:
رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ
“Эй Роббим, албатта, менга туширажагинг ҳар бир яхшиликка муҳтожман”,
(Қасос сураси 24 оят)
Мусо алайҳиссалом Роббим мени уйлантир демадилар ёки Роббим мени тўйдир демадилар ёки Роббим менга бошпана бер демадилар.
Фақатгина, Мен Сендан келадиган ҳамма яхшиликка зорман, муҳтожман дедилар ва Аллоҳ биргина никоҳ сабаб у кишини хайрларга кўмди.
Нажот кечикмади уйландилар.
Ақлли, иффатли, фаросат соҳибаси жуфтга эришдилар.
Бошпаналари бўлди.
Қорнилари тўйди.
Ишли ҳам бўлдилар.
Золим қавмдан ҳам қутилдилар.
Банданинг Аллоҳга энг яқин, энг суюкли ҳолати, Аллоҳга муҳтожлигини, У Зотдан бошқа суянадигани, сўрайдигани йўқлигини қалбан ҳис қилган синиқ, ҳақир ҳолатидир.
Биргина дуо ила бир неча яхшиликларни берадиган Зот, сенинг ҳолингдан ҳам хабардор.
Оғринма, шараф ила, ҳолис Аллоҳ учун инсонларнинг мушкулини осон, ҳожатини равон қил-ки, Аллоҳ ҳам сенинг мушкулингни осон ва равон қилсин.
Сўнгра тўхтамасдан дуо қил:
“Роббим Сендан келадиган ҳар қандай хайрга муҳтожман.”
Осиё Абдулазим қизи
@Vardatul_jannah
🥀
Ҳозир йўлимга тўшалган, оёғимга ботаётган тиконлар мен учун юришни қийинлаштираётган бўлиши мумкин, аммо иймоним комил бир кун шундай буюк кун келади-ки
,
шу тиконлар учун Роббимга чексиз ҳамдлар айтаман…
Осиё Абдулазим қизи
@Vardatul_jannah
🥀
Сен имкони йўқ дейсан, Аллоҳ эса сен учун хайрлисини тайёрлаб қўйган бўлади.
Воз кечма, балки дуоларинга етишинга жуда оз қолди.
Гўзал кунлар доимо кутилмаганда келади…
@Vardatul_jannah
🥀
“Ва қалбим иккимиз биламиз-ки:
Аллоҳ учун севилган ҳар бир нарса,
Аллоҳ учун кутилган ҳар бир дақиқа асло зое кетмайди.
Ҳар бир кечикишда ажр бор
…
Ҳар бир озорда ажр бор…
Ҳар бир қалб синишида ажр бор…
Ҳатто соғинчга ҳам ажр бор…
Сабр қилганларга эса Аллоҳ жаннат башоратини берган..!”
Осиё Абдулазим қизи
@Vardatul_jannah
🥀
Аҳдлар имтиҳон қилинади…
Инсоннинг берган ваъдаси, нияти синовдан ўтади. Ҳатто кичик ваъдалар ҳам синалади.
Шундай экан катта аҳдларни беришдан аввал билиб қўйинг, катта имтиҳонлардан ўтасиз…
Аҳдингизда содиқмисиз, собитмисиз, ҳолисмисиз, Роббим албатта синовдан ўтгазади.
Мусулмонлик аҳд.
Тавба аҳд.
Никоҳ жуда катта аҳд.
Ҳижоб аҳд.
Ота-она бўлмоқ аҳд.
Биродарлик аҳд.
Қўни-қўшнилик аҳд.
Келишилган жойга вақтида бормоқ ҳам аҳд…
Аҳдга вафо қилмоқ эса мўминнинг бурчидир.
Росулуллоҳ алайҳиссалом пайғамбарлик мақоми берилмасдан аввал “Амин” деган лақаб олган эдилар. Чунки у зот алайҳиссалом ёш болага берган сўзларини ҳам устидан чиқар, ваъдаларига вафо қилар эдилар.
Роббим бизларни ҳам аҳдига содиқлардан қилсин. То тирик эканмиз аҳдидан қайтмай, ҳар қандай қийинчиликда ҳам аҳдида барқарор турадиган сиддиқинлардан айласин!
Йўқса қиёмат куни, Аллоҳ сақласин ҳиёнаткорлар билан бир байроқ остида жам бўлиб қолиш ҳеч гап эмас…
Осиё Абдулазим қизи
@Vardatul_jannah
🥀