Xayrulla HAMIDOV ijodi /official

ОХИРГИ КУН...
Ўтиб борар ўттизинчи кун,
Эшитилар шом учун азон.
Алвидо, дейишга қўрқаман,
Кўришгунча, дейман, рамазон...
Елканлари уфққа шўнғиган
Манзарани эслатган каби
Қайларгадир савоб кўтариб
Сузиб борар умр маркаби.
Мен оролда қолаётган ўй —
Ўша эртакдаги Робинзон...
Ўн бир ойлик ёлғизлигим қўй,
Сени кутмоқ — шараф, Рамазон!
Биттадан ёз, ҳам қишу баҳор
Ўтказамиз, хўп, майли, дегин.
Суюклигим, лекин ваъда бер -
Мен шўрликни соғиниб келгин.
Елканларинг хилпиллат маҳзун,
Ол менданам кўп-кўп хавотир.
Ҳа, рамазон, билмайсан-да сен,
Йўқлигингда не ишлар содир...
Сен келасан, гуллар бу маскан
Воқиф бўлиб азалий сирдан.
Ўн бир ойда дилимни эзган
Гуноҳларим куяди бирдан.
Унутилар ортдаги заҳмат,
Пешонамда раҳмат терлари.
Кўз ёшлардан қолармикан-ей
Юракнинг ваҳм, мавҳум кирлари?!
Соғинчинг-ла бут бугун юрак —
Такрор-такрор васлингга етиш
Ва қўшимча биргина тилак:
Бу оролдан сен билан кетиш!!!"
Кўнглим энди тамомийла тўқ,
Тугаб қолди шомга ҳам азон -
Луғатимда хайр сўзи йўқ,
Кўришгунча, дейман, рамазон!
Алвидо, дейишга қўрқаман...
@Xayrulla_Hamidov_adabiyot

#Sheʼriyat
MAHZUNLIK
Ketmoqda jimgina buyuk ramazon,
Uning ko‘zlariga tikilmoq qiyin.
Kimdir pichirlaydi judayam arzon:
"Qaytadi baribir bir yildan keyin..."
Ha, olg‘ir hayotning qoidalari
Yutib yuboradi yana bizlarni.
Ovchidek ergashib yurganimiz sari,
sekin yo‘qotib borar izlarin...
Go‘yo dil yurtidan quvilgan surgun
Ichga to‘kajakmiz ko‘z yoshlarimiz,
bizni quchoqlab oladi bir kun --
Tugab bitganida bardoshlarimiz...
Ha, shunda topamiz armug‘on kuchin:
"Ey yurak, och qolsang, g‘amingni yeyman!"
Tiriklik sharafin saqlamoq uchun
Ramazon bir yillik quvvatmi, deyman.
Alvido so‘zidan yasamam taskin,
Axir, qaylardadir mangudir bahor --
Ramazon taqvimdan ketishi mumkin,
Ammo yuraklarda qolmog‘i ham bor.
Ul yurak yurtida daryo besohil,
Risolat chashmasi tutqazar payg‘om --
Sharafli zotlarning uyida bir yil
Ayyom davom etar, ilohiy ayyom!!!
Muallif: Xayrulla Hamidov
Oʻqidi: Muhammad Amin Ahmad

АДАБИЁТ
Адабиёт! Чўғлар босди атрофин, Бир кун келиб алангага айлангай. Шукр дейман, чин шоирнинг матлаби Фақат шу эл томонидан сайлангай.
Адабиёт! Асрар асрий бисотин, Ўлимни-да билмас Хизр жонидек. Карвон ўтар, бу карвонни кузатиб, Сарбон тугул, итларин ҳам танидик...
Адабиёт! Шодликларин негзи ғам, Мангуликка узангайдир виқори. Шавкат Раҳмон ер тагида ётиб ҳам Ер устида юрганлардан юқори...
Адабиёт! Йўллар майли тораяр, Тирикдирки, яшаш сўзи чин бўлар. Қиёмат не, осмон аста қораяр Ер юзида шеър сотилган кун бўлар...
📚
@Xayrulla_Hamidov_adabiyot

🧠
Fikrlash doirasi
— bu oddiy kanal emas.
Bu yerda so‘zlar emas, ma’nolar gapiradi.
↪️
Insonni cheklab qo‘yadigan eng kuchli devor — bu tashqi sharoit emas,
o‘z fikrlash doirasidir.
↪️
Kimdir dunyoni tor ko‘radi, chunki u faqat ko‘zlari bilan qaraydi.
Kimdir esa oz narsada ham buyuk ma’noni ko‘radi, chunki u tafakkur bilan yashaydi.
📌
Bu kanalda
:
— savollar javobdan ko‘ra qadrliroq bo‘ladi
↪️
sukut ba’zan ming so‘zdan kuchliroq bo‘ladi
↪️
o‘ylash majburiyat emas, zarurat bo‘ladi
🕜
Agar:
🔵
fikrlashni chuqurlashtirmoqchi bo‘lsangiz
🔵
dunyoga boshqacha nigoh bilan qarashni istasangiz
🔵
qalb va aql o‘rtasida muvozanat izlayotgan bo‘lsangiz
demak, siz to‘g‘ri joydasiz.
🔄
Fikrlash doirasi
— bu yerda doira kengayadi, ong uyg‘onadi.
👉
Xush kelibsiz.
O‘ylashni boshlaymiz…
Kanalimiz manzili
👇
👇
👇
📖
Fikrlash doirasi! Har post-bir nigoh

БАҲОР
Баҳор, биласанми, сенга ёзилган
Шеъру достонларнинг саноғи йўқдир.
Кузга раҳмим келар, қишга йиғлайман,
Тараҳҳум этмаган зиғирча тақдир.
Баҳор, биласанми, сенинг ютуғинг --
Асли қишдан кейин кириб келишинг.
Қору музликларда совқотган дилни
Бир зумда эритиб, гўзал кулишинг.
Негадир армонлар потраб чиқади,
Яна юракларга чўмган ноламан.
Баҳор, жим турасан, сен баҳонангда
Дардимни бирма бир тўкиб оламан.
... Йиғиларим!!!
📚
@Xayrulla_Hamidov_adabiyot

БАҲОР
Қишдан омон чикмак асли саодат, Қуёш тотмак учун босмак шарт қорни.
Боболар-да инсон ёшин ўлчар вақт Қаршилади дерлар фалон баҳорни.
Олмос туйғуларни парчалаб бўлмас, Унда яшар қалбнинг ихлос жаранги.
Майли-да, ғофиллар иқрорга келмас, Баҳор қиёматнинг бугунги ранги.
📚
@Xayrulla_Hamidov_adabiyot

МАЪЮСЛИК
Осмон қуюқлашди, тусланди хилқат,
Гуллар шивиридан маъно йўқолди.
Мажнунтол эгилиб сўради шафқат,
Ҳар тарафга армон ҳиди тарқалди.
Қайғулар карвони чалди қўнғироқ,
Ортидан итларин келди овози.
Гулзорларни хуррам қуршади фироқ,
Босиб кетди ҳижрон, хасрат ҳавоси.
Уйқуга ётишдан қўрқяпман чунон,
Тушимда аёнин кўрсам керак-да,
Менга яна қандай туҳфалар урён
Сенда уриб турган жажжи юракда?!
Елкамнинг чуқурин кўрмаган қушим,
Эрта-кеч отавер майлига ҳандон.
Ахир, мен ортингдан изсиз эргашиб,
Севгидан адолат истаган нодон.
📚
@Xayrulla_Hamidov_adabiyot

ИЗҲОР
Мен сенга айтмасдим яхши кўришим,
Тўғриси, бу сўзга сиғмасди ҳаддим.
Яхши кўрганига яхши кўришин
Айтиб қўйиш шарт, деб эшитган эдим.
Айтдим ўша сўзни, қабул қил ё от,
У сенинг ўз ишинг, фарқи йўқ менга.
Мен учун муҳими, бир ҳадис ҳукми
Қалбий изҳоримни етказди сенга.
📚
@Xayrulla_Hamidov_adabiyot

ФИРИБ...
Жиддий эътирозим бордир у кунга,
Ҳамон битмаяпти ярамнинг ўрни --
Кўзим сотиб қўйди ногаҳон унга
Тамомий юракка тегишли сирни.
Бирдан сиёҳ рангга бурканди олам,
Шармисор айлади мени бу фириб.
Энди ўша сотқин кўзларим билан
Сочилган сирларни юрибман териб.
📚
@Xayrulla_Hamidov_adabiyot

ТАҚДИР
Юрагимда ташвиш ташидим доим,
Розиман не кулган, кулмаганига.
Қўлимдан келганин қилдим, Худойим,
Қўл очдим қўлимдан келмаганига.
📚
@Xayrulla_Hamidov_adabiyot