✍🏻Zohid Ziyo she'rlari | Rasmiy

🔥
Мен Онамни кўриб келаман...
Бориб бахтга тўлиб келаман,
Бахтлилардан бўлиб келаман,
Дунё мендан бироз нари тур,
Мен Онамни кўриб келаман...
Йўлларимга муштоқдир кўзи,
Дуолардан тушмайди сўзи,
Нега бунча куттирдим ўзи,
Мен Онамни кўриб келаман...
Йўллар товон тилгувчи нишми,
Музми юрак ичида қишми,
Телефонда хол сўраш ишми,
Мен Онамни кўриб келаман...
Айтолмаган ғамларин олиб,
Гул кўнглига ҳаловат солиб,
Истаганча ёнида қолиб,
Мен Онамни кўриб келаман...
Даво бўлиб соғинч дардига,
Жабр қўшмай ортиқ жабрига,
Қойил дея унинг сабрига,
Мен Онамни кўриб келаман...
Оҳ дунёни унутиб онга,
Куч бўлсин деб чарчаган жонга,
Олиб ўғил қизимни ёнга,
Мен Онамни кўриб келаман...
Қучоғига кирай деб яна,
Кетмоққа шай турибман мана,
Бормай афсус қилганлар ана,
Мен Онамни кўриб келаман...
Онам дея яйрасин забон,
Қадамларим шошиб у томон,
Нени кутиб турибман ҳамон,
Мен Онамни кўриб келаман...
📝
Муаллиф: Зоҳид Зиё...
➪
@ONAMGAA
🍃
Ота онасига мехрибонлар канали
Яқинларингизга улашинг, обуна бўлишни унутманг!!!

🔥
Энг чиройли гулимсиз Она....
Дуодасиз доим эрта-кеч,
Ғубори йўқ дилимсиз Она...
Қиёсингиз топилмайди ҳеч,
Энг чиройли гулимсиз Она...
Атиргулга парволарим йўқ,
Қизғалдоққа наволарим йўқ,
Мехрингиздай даволарим йўқ,
Энг чиройли гулимсиз Она...
Эъзозлигим жаннат ифорим,
Сиз бор ётга тушмайди зорим,
Бойлигимсиз оҳ беғуборим,
Энг чиройли гулимсиз Она...
Юзингизда зиёлар жамдир,
Сал кўрмасан кўзларим намдир,
Сизга минг йил хизматим камдир,
Энг чиройли гулимсиз Она....
Мен чўкаман қаршингизда тиз,
Азиз менга сиз босган ҳар из,
Дунёдаги энг яхшиси сиз,
Энг чиройли гулимсиз Она...
Дуодасиз доим эрта-кеч,
Ғубори йўқ дилимсиз Она...
Қиёсингиз топилмайди ҳеч,
Энг чиройли гулимсиз Она...
📝
Муаллиф: Зоҳид Зиё...
➪
@ONAMGAA
🍂
Ота онасига мехрибонлар канали
Яқинларингизга улашинг, обуна бўлишни унутманг!!!

🔥
Сиздан ўтган айбларга биздан узур...
Қадрлашни билолмаган қайсаргинам,
Биламанки чиқмайди ҳеч сиздан узур...
Дашномларга тўлиб кетди кўнгилгинам,
Сиздан ўтган айбларга биздан узур...
Телбаларча ишқ ўтида ёнган ўзим,
Сизни севдим ўзгасини кўрмай кўзим,
Бевафойим Аллоҳ сизга берсин тўзим,
Сиздан ўтган айбларга биздан узур...
Ҳар онимда такрорлабман исмингизни,
Фариштага қиёслабман жисмингизни,
Музлатибсиз юрак деган қисмингизни,
Сиздан ўтган айбларга биздан узур...
Томчи-томчи ёмғирларда ёшларимиз,
Етмай қолди тугаб битди дошларимиз,
Биз чидаймиз омон бўлса бошларимиз,
Сиздан ўтган айбларга биздан узур...
Осмонларни макон қилиб ўзингизга,
Телба бўлиб кўриндикми кўзингизга,
Жим гапирманг зор эмасмиз сўзингизга,
Сиздан ўтган айбларга биздан узур...
Жоним мендан кутганингиз тилломиди,
Ўйин кулги хар қадамда ялломиди,
Шу нарсалар айтдинг ишқдан аъломиди,
Сиздан ўтган айбларга биздан узур...
Юлдузларга турмултириб кетган гулим,
Мени қийнаб муродига етган гулим,
Бир ошиқни хору абгор этган гулим,
Сиздан ўтган айбларга биздан узур...
Соғинчимиз секин секин адо бўлар,
Сизга яна кимнинг жони фидо бўлар,
Биз кутамиз бир кун сиздан нидо бўлар,
Дейсиз: - Қайтдик хато ўтди биздан узур...
Кеч бўлади у пайтда фойдаси йўқ,
Отилдингиз ўқ мисоли, қайтмайди ўқ,
Секин айтдим сокин айтдим урмадим дўқ,
Сиздан ўтган айбларга биздан узур...
📝
Муаллиф: Зоҳид Зиё...
➪
@ONAMGAA
🍂
Ота онасига мехрибонлар канали
Яқинларингизга улашинг, обуна бўлишни унутманг!!!

Ayrim shoir shoiralarga murojaat
😊

#ПРЕМЬЕРА
🔥
Она дуоингиз етмаяптида...
Қандай гўзал эди сиз бор даврлар,
Эсласам кўздан ёш кетмаяптида...
Ишларим юришиб кетмоғи учун,
Она дуоингиз етмаяптида...
Дардгамас бахтларга йўлайин десам,
Яна қувончларга тўлайин десам,
Ғам келса хотиржам бўлайин десам,
Она дуоингиз етмаяптида...
Сокинман шамолдек тўзолмаяпман,
Ғарибман зўрлардан ўзолмаяпман,
Сиз йўқ қатор шеърлар ёзолмаяпман,
Она дуоингиз етмаяптида...
Сўниб занглаб борар ҳикмат чироғим,
Жавобсиз қолмоқда кўплаб сўроғим,
Қайнаб тошай деса омад булоғим,
Она дуоингиз етмаяптида...
Мағрур бошларимга зардек сочилган,
Ҳар он кафтингизда мен деб очилган,
Манзилин қидириб кўкка шошилган,
Она дуоингиз етмаяптида...
Қадрингиз жуда ҳам билиниб кетди,
Соғинчдан юрагим тилиниб кетди,
Кўнглим ҳаёлларга илиниб кетди,
Она дуоингиз етмаяптида...
Сиз йўқ қатор шеърлар ёзолмаяпман...
Она дуоингиз етмаяптида...
➪
@ONAMGAA
🍂
Ота онасига мехрибонлар канали
Яқинларингизга улашинг, обуна бўлишни унутманг!!!

🔥
Мени қандай дуо қилдингиз Она...
Мени қандай дуо қилдингиз Она,
Омад остонамни ўйиб юборди...
Мени қандай дуо қилдингиз Она,
Аламлар қўлимдан қўйиб юборди...
Мени қандай дуо қилдингиз Она,
Тупроқни ушласам ўзгарар зарга...
Гаънимлар бошимга отган тошлари,
Етиб келгунича айланар парга...
Мени қандай дуо қилдингиз Она,
Яхшилар ўради тўртта томоним...
Аввалари бироз ҳудбинроқ эдим,
Энди сезилмайди зарра ёмоним...
Мени қандай дуо қилдингиз Она,
Ёниб-куймасам ҳам ишим юришар...
Ҳар куни кўнглимга кирмоқ исташиб,
Бахтлар эшигимда кутиб туришар...
Мени қандай дуо қилдингиз Она,
Гуллар очилади қадамим сари...
Болам деб бир кулиб қўйсангиз яна,
Ёришиб кетади юрагим қари...
Мени қандай дуо қилдингиз Она,
Андуҳдан тўкилган томчи ёшим йўқ...
Фақат шодликлардан кўзларимда нам,
Борсизки бировга эгар бошим йўқ...
Мени қандай дуо қилдингиз Она,
Омад остонамни ўйиб юборди...
Мени қандай дуо қилдингиз Она,
Аламлар қўлимдан қўйиб юборди...
📝
Муаллиф: Зоҳид Зиё...
➪
@ONAMGAA
🍂
Ота онасига мехрибонлар канали
Яқинларингизга улашинг, обуна бўлишни унутманг!!!

🔥
Бойларнинг бойиман...
Майлига камларим тўлмаса-тўлмас,
Қалбда озор гули сўлмаса-сўлмас,
Олтиндан саройим бўлмаса-бўлмас,
Сиз борсиз бойларнинг бойиман Ота...
Кўнглимда кўринмас бахтнинг сарҳади,
Пешонамда тақдир ёзган дасхати,
Керакмас «бой» деган ҳаёт зархати,
Сиз борсиз бойларнинг бойиман Она...
Уйимни тўлдирган файзларга боқдим,
Юракнинг ношукур жойини ёқдим
Бугун ўз кўзимдан ёш бўлиб оқдим,
Сиз борсиз бойларнинг бойиман Ота...
Кимга вафо қилди дунёнинг моли,
Бир кун чўкиб кетар умрнинг соли,
Ахир яшаяпман армондан ҳоли,
Сиз борсиз бойларнинг бойиман Она...
Тоғдек саройлари пулга тўлганлар,
Лекин бахт тополмай ҳайрон бўлганлар,
Бой эмас десинлар майли кўрганлар,
Сиз борсиз бойларнинг бойиман Ота...
Бир кун дуоингиз камим тўлдирар,
Бўлмаган ишимни албат бўлдирар,
Ношукур бўлмоқлик руҳни ўлдирар,
Сиз борсиз бойларнинг бойиман Она...
Кимда Она бўлса ўша энг бойдир...
Ота бор кулба ҳам энг қиммат жойдир...
Сиз борсиз бойларнинг бойиман Ота...
Сиз борсиз бойларнинг бойиман Она...
📝
Муаллиф: Зоҳид Зиё...
➪
@ONAMGAA
🍂
Ота онасига мехрибонлар канали
Яқинларингизга улашинг, обуна бўлишни унутманг!!!

🔥
ОНАМ...
Мен сиздан бошқага эгмайман бошим,
Мен сиздан бошқани демайман улуғ...
Сўранг дардингизни ювар кўз ёшим,
Менга ҳар бир босган изингиз қутлуғ...
Омад изламайман омад мен билан,
Сиздан бир табассум дардим аритар...
Армонга заррача ошнолигим йўқ,
Юзингиз нурлари қалбим ёритар...
Кетса баҳорларим ачинмайман ҳеч,
Сиз турган жойларда тўрт фасл кўклам...
Бирор ким сиздайин беминнат эмас,
Яхшилардан кўпроқ яхшисиз Онам...
Кўнглимда боғларни яратиб қўйиб,
Мехрдан сув қуйиб толмаганимсиз...
Турфа ситамлардан авайлаб асраб,
Қалбимга андухлар солмаганимсиз...
Аслида Онанинг ҳаммаси бирдек,
Бирдек меҳрибону бирдек хокисор...
Барча Оналарни буюк дейману,
Лекин сиздай Она фақат менда бор...
Ва яна мендайин ёмон фарзанд йўқ,
Баъзан йўлларимга муштоқ кўзингиз...
Ахир дунёлардан қиммат эмасми,
Онажон болам деб айтган сўзингиз...
Бугун бағрингизни очинг мен учун,
Соғинтириб қўйган болам келди денг...
Мен ўша қадрингиз билмаган нодон,
Сиз эса дунёнинг яхшисисиз энг...
Мен сиздан бошқага эгмайман бошим...
Мен сиздан бошқани демайман улуғ...
📝
Муаллиф: Зоҳид Зиё...
➪
@ONAMGAA
🍃
Ота онасига мехрибонлар канали
Яқинларингизга улашинг, обуна бўлишни унутманг!!!

🔥
Келинг танишамиз...
Келинг танишамиз мен ўша ёмон,
Яхшига айланиб қолсам қанийди...
Ғийбатимни қилган анави нодон,
Мени ўзидан ҳам яхши танийди...
Келинг танишамиз мен ўша ёмон,
Бўйидан ҳам кибри ошган олифта...
Аслимни билишса ачинади жон,
Кўнглим кибрлардан анча олисда...
Келинг танишамиз мен ўша ёмон,
Кимнидир жиғига тегар борлигим...
Юзимга табассум югурган замон,
Кўришни исташар хору зорлигим...
Келинг танишамиз мен ўша ёмон,
Гапларим ҳам соҳта иккитадир юзим...
Майли ғийбатимни қилишсин осон,
Ахир билсам бўлди ўзимни ўзим...
Келинг танишамиз мен ўша ёмон,
Уларга ишонинг қаршилигим йўқ...
Фақат илтимосим кетаётган он,
Маҳзун юрагимга қилиб кетманг дўқ...
Келинг танишамиз мен ўша ёмон,
Қўлин бигиз қилиб кўрсатар кимдир...
Уларга ҳеч бир гап сўзламас забон,
Ҳақ кун келгунича тилларим жимдир...
Келинг танишамиз мен ўша ёмон...
📝
Муаллиф: Зоҳид Зиё...
➪
@ONAMGAA
🍃
Ота онасига мехрибонлар канали
Яқинларингизга улашинг, обуна бўлишни унутманг!!!