Aktam XAITOV | rasmiy kanal

☑️
Бирлашган миллатлар ташкилотида Ўзбекистон ташаббуси қўллаб-қувватланди: парламентлар роли халқаро даражада мустаҳкамланмоқда
Бугунги кунда ижтимоий тараққиётга эришиш нафақат ҳукуматлар, балки парламентларнинг ҳам фаол иштирокига боғлиқ. Қонунчиликни замон талабларига мослаштириш, аҳолининг ижтимоий ҳимоясини кучайтириш ва барқарор ривожланиш мақсадларини амалга оширишда парламентлар масъулияти тобора ортиб бормоқда. Шу нуқтаи назардан, Бирлашган Миллатлар Ташкилоти Бош Ассамблеяси томонидан Президентимиз ташаббуси билан илгари сурилган резолюциянинг қабул қилиниши муҳим халқаро воқеа бўлди.
Ушбу резолюциянинг 61 давлат томонидан қўллаб-қувватлангани Ўзбекистоннинг халқаро майдондаги ташаббуслари кенг эътироф этилаётганини кўрсатади. Ҳужжат парламентларни Барқарор ривожланиш мақсадларини амалга ошириш жараёнининг фаол иштирокчиси сифатида белгилайди. Бу эса қонун чиқарувчи органларнинг фақат қонун қабул қилувчи эмас, балки жамият тараққиётига бевосита таъсир кўрсатувчи институт сифатидаги ўрнини янада мустаҳкамлайди.
Резолюцияда камбағалликни қисқартириш, ижтимоий ҳимояни кучайтириш, сифатли таълим ва муносиб меҳнат имкониятларини кенгайтириш каби устувор вазифаларга алоҳида эътибор қаратилган. Шунингдек, аёллар ва ёшларнинг парламент фаолиятидаги иштирокини кенгайтириш, рақамли технологиялардан самарали фойдаланиш ҳамда халқаро ҳамкорликни ривожлантириш каби йўналишлар замонавий тараққиётнинг муҳим омиллари сифатида қайд этилган.
Бу натижа тасодифий эмас. Кейинги йилларда Ўзбекистон парламент дипломатиясини фаол ривожлантириб, Халқаро парламентлар иттифоқи ва БМТ тузилмалари доирасида қатор муҳим ташаббусларни илгари сурди. Тошкентда Халқаро парламентлар иттифоқининг 150-Ассамблеяси ўтказилгани ва Тошкент декларациясининг қабул қилиниши ҳам мамлакатимизнинг мазкур соҳадаги нуфузи ошиб бораётганини тасдиқлайди.
Энг муҳими, ушбу резолюция парламентлар фаолиятига янги мазмун бағишлайди. Энди қонун чиқарувчи органлар нафақат ҳуқуқий асосларни яратиш, балки аҳоли фаровонлигини оширишга қаратилган ислоҳотларнинг самарали амалга ошишида ҳам фаол иштирок этиши лозим. БМТ томонидан Ўзбекистон ташаббусининг қўллаб-қувватланиши эса мамлакатимиз халқаро ҳамжамиятга таклиф этаётган ғоялар долзарб ва амалий аҳамиятга эга эканининг яна бир ёрқин тасдиғидир.
@a_xaitov

☑️
Энергетика тизимида самарадорлик ва масъулият устувор бўлади
Президентимиз раислигида ўтказилган видеоселектор йиғилишида ёқилғи-энергетика соҳасида амалга оширилган ишлар билан бирга тизимда сақланиб қолаётган камчиликлар ҳам танқидий таҳлил қилинди. Сўнгги ўн йилда соҳага 23 миллиард доллар хорижий инвестиция жалб қилиниб, 9,5 гигаватт янги электр қувватлари ишга туширилди, электр ва газ тармоқларини янгилашга катта маблағлар йўналтирилди. Бироқ эришилган натижалар билан чекланиб қолмасдан, бошқарув самарадорлигини ошириш асосий вазифа сифатида белгиланди.
Йиғилишда соҳада янги ёндашувлар илгари сурилди. Хусусан, ҳар бир ҳудуднинг энергия истеъмоли баланси шакллантирилади, электр ва газ тармоқларидаги йўқотишларни кескин қисқартириш бўйича алоҳида дастурлар ишлаб чиқилади. Янги йўл тумани намуна сифатида танланиб, кейинчалик ушбу тажриба барча шаҳар ва туманларда жорий этилади.
Шунингдек, Энергетика вазирлиги таркибида соҳани рақамлаштириш ва сунъий интеллектни жорий этиш маркази ташкил этилади. ASKUE ва ASKUG тизимлари такомиллаштирилиб, ҳисоблагичлардан келаётган маълумотлар сунъий интеллект асосида таҳлил қилинади. Ҳар бир ходим фаолияти аниқ KPI мезонлари асосида баҳоланиб, тизимда интизом ва шахсий масъулият кучайтирилади.
Йиғилишда куз-қиш мавсумига пухта тайёргарлик, табиий газ етиб бориши қийин бўлган маҳаллаларни электр таъминотига босқичма-босқич ўтказиш, суюлтирилган газ етказиб беришга хусусий секторни жалб қилиш, энергетика соҳаси учун малакали кадрлар тайёрлаш ва дуал таълим тизимини кенгайтириш бўйича ҳам муҳим вазифалар белгилаб берилди. Шу билан бирга, тизимдаги масъулиятсизликка кескин баҳо берилиб, раҳбарлар фаолиятига нисбатан қатъий чоралар кўрилди.
Умуман олганда, йиғилишда белгиланган вазифалар энергетика соҳасини замонавий бошқарув, рақамлаштириш ва самарадорлик тамойиллари асосида янги босқичга олиб чиқишга қаратилган. Бу ташаббуслар аҳоли ва тадбиркорларни барқарор энергия билан таъминлаш, инвестиция муҳитини яхшилаш ҳамда иқтисодиёт рақобатбардошлигини оширишга хизмат қилади. Бу эса партиямизнинг хусусий секторни қўллаб-қувватлаш, рақобатбардош иқтисодиётни ривожлантириш ва халқ манфаатларига хизмат қилувчи самарали давлат бошқарувини таъминлашга қаратилган дастурий мақсадлари билан ҳамоҳангдир.
@a_xaitov

«Халқ сўзи» газетасининг 2026 йил 22 июлдаги 148-сонида
қуйидаги мазмунда мақола чоп этилди:
Гап шу йилнинг 8-9 июль кунлари давлатимиз раҳбарининг Беларусь Республикаси Президенти таклифига биноан ушбу мамлакатга қилган расмий ташрифи, ўзаро савдо ҳажмини 2 миллиард долларга етказиш, шу мақсадда 310 та лойиҳани амалга ошириш бўйича келишувлар ҳусусида бормоқда.
Қарийб 10 миллионга яқин аҳоли яшайдиган мамлакат ҳудудининг 40 фоизи, яъни 8 млн. гектари қишлоқ хўжалигига мўлжалланган. Беларусдаги бу улкан иқтисодий захира ўзбекистонликлар учун янги имкониятлар эшигини очиши тайин.
🔍
Батафсил мақолани ўқиш:
⚪️
Расмий саҳифаларимизга уланинг.
🌐
web
/
✅
facebook
/
🌐
Instagram
/
📹
YouTube
/
✈
minbar
✈
Fermer AI

☑️
Божхона соҳасидаги қонунчилик янада такомиллаштирилмоқда
Олий Мажлис Қонунчилик палатасининг ялпи мажлисида божхонага оид жиноятлар бўйича жазо чораларини мутаносиблик принципига мувофиқлаштиришга қаратилган қонун лойиҳаси биринчи ўқишда кўриб чиқилди.
Мазкур қонун лойиҳаси бундан аввал ЎзЛиДеП фракцияси йиғилишида ҳам атрофлича муҳокама қилиниб, депутатлар томонидан унинг айрим нормалари юзасидан таклиф ва мулоҳазалар билдирилган эди. Депутатлар қонуннинг ҳуқуқни қўллаш амалиётини янада такомиллаштириш, божхона соҳасида қонунийликни мустаҳкамлаш ҳамда жазо чораларининг адолатли ва мутаносиб бўлишини таъминлашга хизмат қилишини таъкидладилар.
Қонун лойиҳасига мувофиқ, божхона божини тўлашдан қасддан бўйин товлаш ҳолатини солиқлар ва йиғимларни тўлашдан бўйин товлаш билан боғлиқ жиноятлар қаторига киритиш, шунингдек, кўп миқдордаги пиротехника буюмларини ноқонуний олиб ўтиш билан боғлиқ айрим жиноятлар бўйича суриштирув ўтказиш ваколатини божхона органларига бериш таклиф этилмоқда.
Ушбу қонун лойиҳасининг қабул қилиниши божхона ҳуқуқбузарликларининг олдини олиш, давлат манфаатларини ишончли ҳимоя қилиш, ҳуқуқни қўллаш амалиёти самарадорлигини ошириш ҳамда иш юритиш жараёнларини янада соддалаштиришга хизмат қилади.
@a_xaitov

Таваллуд кунингиз билан самимий табриклаймиз, мустаҳкам соғлиқ ва узоқ умр тилаймиз, муҳтарам Президент!
@a_xaitov

☑️
Янги автомагистраль — мамлакатимиз транспорт инфратузилмасини янги босқичга олиб чиқади
Президентимиз Тошкент вилоятида Тошкент – Самарқанд йўналишидаги пуллик муқобил автомобиль йўли қурилишига тамал тоши қўйди. Ушбу маросимда мен ҳам қатнашдим.
Қиймати қарийб 2,2 миллиард доллар бўлган, узунлиги 282 километрлик замонавий олти полосали автомагистраль мамлакатимиз транспорт инфратузилмасини мутлақо янги босқичга олиб чиқади. Бу йўл нафақат икки йирик шаҳарни, балки Тошкент, Сирдарё, Жиззах ва Самарқанд вилоятларидаги аҳолиси 2 миллиондан зиёд бўлган 13 та туманни ҳам иқтисодий жиҳатдан янада яқинлаштиради.
Янги автомагистраль мамлакатнинг транзит салоҳиятини кескин оширишга хизмат қилади. Келгусида “Хитой – Қирғизистон – Ўзбекистон” ҳамда Трансафғон темир йўллари билан уйғун ҳолда юртимиз Тинч океанидан Европагача бўлган энг қисқа қуруқлик йўлагининг муҳим бўғинига айланади. Бу эса йиллик транзит ҳажмини сезиларли ошириб, юзлаб миллион долларлик даромад, миллиардлаб инвестиция ва минглаб янги иш ўринларини яратиш имконини беради.
Лойиҳанинг аҳоли ва тадбиркорлар учун амалий аҳамияти ҳам жуда катта. Йўл ишга тушгач, Тошкентдан Самарқандга етиб бориш вақти 5 соатдан 2,5 соатгача қисқаради, юк ташиш харажатлари эса 19–24 фоизга камаяди. Бу айниқса қишлоқ хўжалиги маҳсулотларини тез ва сифатли етказиб бериш, логистика занжирларини такомиллаштириш ҳамда бизнес учун янги имкониятлар яратишда муҳим омил бўлади.
Автомагистраль атрофида логистика марказлари, омборлар, саноат ва агросаноат корхоналари, савдо-сервис, меҳмонхона ҳамда туризм объектлари ташкил этилади. Қурилиш жараёнида маҳаллий корхоналарнинг кенг жалб қилиниши эса қурилиш материаллари ишлаб чиқариш, хизматлар соҳаси ва бандликни рағбатлантириб, ҳудудлар иқтисодиётига кучли туртки беради. Шу билан бирга, лойиҳа халқаро сифат, хавфсизлик ва экологик стандартлар асосида амалга оширилади.
Бу ташаббус оддий йўл қурилиши эмас, балки Янги Ўзбекистоннинг иқтисодий ўсиши, ҳудудлар ўртасидаги боғлиқликни мустаҳкамлаш ва мамлакатнинг халқаро транспорт-логистика маркази сифатидаги ўрнини кучайтиришга қаратилган стратегик қадамдир. Замонавий инфратузилма, қулай транспорт ва юқори логистика имкониятлари келгуси йилларда иқтисодий тараққиёт ҳамда аҳоли фаровонлигини таъминлайдиган муҳим пойдевор бўлиб хизмат қилади.
@a_xaitov

Актам ҲАИТОВ,
ЎЗБЕКИСТОН —
БЕЛАРУСЬ: ИСТИҚБОЛЛИ ЛОЙИҲАЛАР ИЖРОСИГА КЕНГ ЙЎЛ
Давлатимиз раҳбарининг Беларусь Республикасига амалга оширган расмий ташрифи давомида эришилган келишувларнинг ҳаётдаги ижросига бағишланган тақдимотда қишлоқ хўжалигига оид бир қатор аниқ лойиҳалар белгиланди.
«Халқ сўзи» газетасининг
2026 йил 22 июль, 148 сонида
🇺🇿
@OMQP_kutubxonasi

☑️
Барқарор иқтисодиёт ва тадбиркорлик ривожи — Янги Ўзбекистон тараққиётининг мустаҳкам пойдевори
Президентимиз раислигида ўтказилган видеоселектор йиғилишида жорий йилнинг биринчи ярим йиллик якунлари сарҳисоб қилинди ҳамда йил охирига қадарги устувор вазифалар белгилаб берилди. Мазкур йиғилишда мен ҳам қатнашдим.
Қайд этилганидек, йил бошидан ялпи ички маҳсулот 8,5 фоизга ўсди. Саноатда 8 фоиз, хизматлар соҳасида 16,9 фоиз, қурилишда 13,8 фоиз, қишлоқ хўжалигида 4,7 фоиз ўсиш таъминланди. Инвестициялар ҳажми 28 миллиард долларга, экспорт эса 14,4 миллиард долларга етди. Шу билан бирга, инфляцияни 3 фоиздан оширмаслик бўйича вазифалар ижроси танқидий таҳлил қилинди.
Йиғилишда тадбиркорлик муҳитини янада яхшилаш, ортиқча бюрократик тўсиқлар, жарималар ва йиғимларни қисқартириш, экспортчиларни қўллаб-қувватлаш, миллий брендларни ташқи бозорларга олиб чиқиш ҳамда инвестиция лойиҳаларини жадал амалга ошириш бўйича аниқ топшириқлар берилди. Шунингдек, импорт ўрнини босувчи маҳсулотлар ишлаб чиқариш ва экспортбоп корхоналар фаолиятини кенгайтириш устувор вазифа сифатида белгиланди.
Қишлоқ хўжалигида эса чорвачиликни ривожлантириш, имтиёзли кредитлар ажратиш, озиқ-овқат хавфсизлигини мустаҳкамлаш, маҳсулотларни сақлаш инфратузилмасини кенгайтириш ва ички бозорда нархлар барқарорлигини таъминлашга қаратилган муҳим чора-тадбирлар белгиланди. Бу эса фермерлар ва тадбиркорлар фаолиятини қўллаб-қувватлашга хизмат қилади.
Шу билан бирга, маҳаллаларда янги иш ўринлари яратиш, инвестицияларни жалб этиш, аҳоли даромадларини ошириш ва иқтисодий фаолликни кучайтириш бўйича ҳудуд раҳбарлари зиммасига аниқ вазифалар юклатилди. Ҳар бир раҳбар фаолияти амалий натижа ва аҳоли ҳаётидаги ўзгаришлар билан баҳоланиши таъкидланди.
Умуман олганда, давлатимиз раҳбари томонидан белгиланган вазифалар ЎзЛиДеП фракцияси аъзолари, маҳаллий Кенгаш депутатлари ва партия фаоллари олдига ҳам улкан масъулият юклайди. Жойларда парламент ҳамда депутатлик назоратини кучайтириб, ислоҳотларнинг ҳудудларда самарали амалга ошишига муносиб ҳисса қўшадилар.
@a_xaitov

G‘allachilikdagi tarixiy natija — Yangi O‘zbekiston agrar siyosatining amaliy samarasi
🇺🇿
“Yangi O‘zbekiston”
gazetasida
“10 million tonnalik rizq, baraka xirmoni xalqimiz dasturxonini to‘kin qilmoqda”
sarlavhali maqola e’lon qilindi.
🌾
Maqolada
mamlakatimizda g‘allachilik sohasida amalga oshirilayotgan tizimli islohotlar
,
fermer xo‘jaliklarini qo‘llab-quvvatlash
,
ilm-fan yutuqlarini ishlab chiqarishga joriy etish
hamda
zamonaviy agrotexnologiyalarni keng qo‘llash
orqali erishilgan yuksak natijalar atroflicha tahlil qilingan.
📊
Ta’kidlanishicha,
10 million tonnalik g‘alla xirmonining bunyod etilishi
nafaqat agrar tarmoq salohiyatining yuksalganidan, balki
oziq-ovqat xavfsizligini ta’minlash
,
fermer va dehqon mehnatini munosib rag‘batlantirish
hamda
qishloq xo‘jaligini barqaror rivojlantirishga qaratilgan davlat siyosati
ning amaliy samarasi ekanini yaqqol namoyon etadi.
📰
Shuningdek, maqolada
hosildorlikni oshirish
,
yer va suv resurslaridan oqilona foydalanish
,
yuqori hosilli navlarni keng joriy etish
hamda
fermerlarning fidokorona mehnati
yurt ravnaqi va xalq farovonligini ta’minlashdagi hal qiluvchi omillardan biri ekani alohida e’tirof etilgan.
✍️
O‘zbekiston Fermerlari kengashi raisi Akmal Xaitov qalamiga mansub
ushbu maqolada
g‘allachilikda erishilgan tarixiy natijalar
,
Yangi O‘zbekistonning agrar taraqqiyot strategiyasi
hamda
xalqimiz dasturxonining to‘kinligini ta’minlash yo‘lidagi izchil islohotlar
chuqur tahliliy va publitsistik ruhda yoritilgan.
📰
Maqolaning
to‘liq matni bilan
ushbu havola
orqali
tanishishingiz mumkin.
🌐
Website
💬
Telegram
💬
Facebook
📺
YouTube
📷
Instagram