Aktam XAITOV | rasmiy kanal
☑️
Ўзбекистонда реновациянинг ҳуқуқий асослари мустаҳкамланмоқда
Ўзбекистонда шаҳарсозлик реновацияси тўғрисидаги қонун имзоланди. Ушбу ҳужжат эскирган уй-жой фондларини янгилаш ва аҳоли учун замонавий яшаш шароитларини яратишга қаратилган.
Маълум қилинишича, мамлакатимизда 1991 йилгача қурилган 17 мингта уй ўрнида замонавий, энергия тежамкор ва барча зарур инфратузилмага эга кўп қаватли уйлар барпо этилиши мумкин.
Қонунда реновация ҳудудларини белгилаш, аҳоли розилигини олиш, компенсация тўлаш ва кўчириш тартиблари аниқ белгилаб қўйилган. Лойиҳани бошлаш учун мулкдорларнинг камида 80 фоизининг нотариал тасдиқланган розилиги талаб этилади.
Фуқароларга янги уй-жой, нотурар жой ёки пул компенсацияси таклиф этилади. Шунингдек, кўчиш харажатлари, вақтинчалик ижара ҳақи ҳамда қўшимча компенсация тўлаб берилиши назарда тутилган.
Янги қонун аҳолининг мулкий ҳуқуқларини ҳимоя қилиш, шаҳарлар қиёфасини янада яхшилаш ва қулай яшаш муҳитини шакллантиришга хизмат қилади.
@a_xaitov
☑️
ЎзЛиДеП ёшларнинг бизнес ғоялари ва ташаббусларини қўллаб-қувватлайди
Ўзбекистон Либерал-демократик партиясининг “Халқ билан бирга” умуммиллий дастури доирасида ёшлар билан очиқ мулоқот ўтказилди. Унда партия раҳбарияти, депутатлар, ёш тадбиркорлар ва фаол ёшлар иштирок этиб, ёшларни қўллаб-қувватлаш бўйича амалга оширилаётган ишлар ҳақида фикр алмашилди.
Мулоқотда ёшларнинг таълим олиши, замонавий касбларни эгаллаши, тадбиркорликни бошлаши ҳамда стартап лойиҳаларини ривожлантириши учун яратилаётган имкониятлар муҳокама қилинди. Айниқса, IT, рақамли технологиялар ва сунъий интеллект соҳаларидаги ташаббусларга алоҳида эътибор қаратилди.
Шунингдек, Президентимиз қарори асосида ёш тадбиркорларга имтиёзли кредитлар ажратиш, стартап ва инновацион лойиҳаларни молиялаштириш, замонавий касбларни ўзлаштириш учун яратилаётган янги имкониятлар ҳақида тушунчалар берилди.
Тадбир давомида ёшларнинг таклиф ва мулоҳазалари тингланди. Учрашув якунида уларнинг бизнес ва инновацион ғояларини қўллаб-қувватлаш, янги иш ўринлари яратиш ҳамда ёшлар бандлигини таъминлаш бўйича ишлар изчил давом эттирилиши таъкидланди.
@a_xaitov
Актам ХАИТОВ,
МАСШТАБНОЕ ВЗАИМОДЕЙСТВИЕ ВО ИМЯ ЭКОНОМИКИ БУДУЩЕГО
Выступление главы нашего государства убедительно показало, что новые возможности рождаются там, где есть доверие и готовность вместе искать решения.
Газета «Правда Востока» №115
от 09.06.2026
🇺🇿
@OMQP_kutubxonasi
☑️
Озиқ-овқат хавфсизлигини таъминлаш борасида қонунчилик такомиллашади
ЎзЛиДеП фракцияси йиғилишида «Озиқ-овқат маҳсулотининг хавфсизлиги тўғрисида»ги Қонунни такомиллаштириш масаласи муҳокама қилинди.
Бугунги кунда аҳолини сифатли ва хавфсиз озиқ-овқат маҳсулотлари билан таъминлаш, истеъмолчилар ҳуқуқларини ҳимоя қилиш ҳамда халқаро стандартларга мос назорат тизимини жорий этиш долзарб вазифалардан бири ҳисобланади. Шу боис мазкур қонун лойиҳасини янада такомиллаштиришга қаратилган таклифлар алоҳида аҳамият касб этмоқда.
Қонунни қайта кўриб чиқиш жараёнида уни Жаҳон савдо ташкилотининг санитария ва фитосанитария талаблари ҳамда халқаро озиқ-овқат хавфсизлиги стандартларига мувофиқлаштириш, маҳсулотлар учун микробиологик хавфсизлик талабларини белгилаш, юқори хавфли маҳсулотлар устидан назоратни кучайтириш ва бу борадаги маълумотларни очиқ эълон қилиб бориш каби муҳим нормалар назарда тутилмоқда. Шунингдек, озиқ-овқат хавфсизлигини таъминлаш соҳасида ягона ваколатли орган фаолиятини ташкил этиш масаласи ҳам кўриб чиқилмоқда.
Мазкур қонун лойиҳасининг қабул қилиниши аҳоли саломатлигини муҳофаза қилиш, озиқ-овқат маҳсулотлари сифати устидан самарали назорат ўрнатиш ҳамда миллий маҳсулотларнинг халқаро бозорлардаги рақобатбардошлигини оширишга хизмат қилади.
@a_xaitov
☑️
Барқарор энергия таъминоти учун стратегик лойиҳа
Ўзбекистон ва Россия Президентлари иштирокида мамлакатимизда интеграциялашган атом электр станциясининг биринчи энергия блоки қурилишига старт берилди. Бу лойиҳа мамлакат энергетика тизимини янада мустаҳкамлаш ва аҳолини барқарор электр энергияси билан таъминлашда муҳим қадам бўлди.
Атом электр станцияси ишга туширилиши келгусида иқтисодиёт тармоқларининг энергияга бўлган эҳтиёжини қондириш, янги иш ўринлари яратиш ҳамда юқори технологияли соҳаларни ривожлантиришга хизмат қилади. Шу билан бирга, маҳаллий мутахассислар учун янги билим ва тажриба мактаби шаклланади.
Лойиҳада хавфсизлик масаласи устувор аҳамиятга эга бўлиб, барча ишлар халқаро стандартлар ва Халқаро атом энергияси агентлиги назорати асосида амалга оширилмоқда. Бу эса станциянинг ишончли ва хавфсиз фаолият юритишини таъминлайди.
Мазкур лойиҳа нафақат энергетика соҳасида, балки мамлакатимизнинг технологик ва индустриал тараққиётида ҳам янги босқични бошлаб беради. Унинг амалга оширилиши Ўзбекистоннинг иқтисодий салоҳиятини ошириш ва узоқ муддатли барқарор ривожланишига хизмат қилади.
@a_xaitov
☑️
Бизнес учун янада қулай муҳит яратилади
ЎзЛиДеП фракцияси йиғилишида тадбиркорлик фаолиятининг кафолатларини мустаҳкамлаш ҳамда тадбиркорлик субъектларини қўллаб-қувватлаш механизмларини такомиллаштиришга қаратилган қонун лойиҳаси обдон муҳокама қилинди.
Ушбу ҳужжат билан “Тадбиркорлик фаолияти эркинлигининг кафолатлари тўғрисида”ги Қонун ҳамда бошқа айрим қонун ҳужжатларига тадбиркорлик субъектларининг ҳуқуқ ва қонуний манфаатларини ҳимоя қилиш, уларни давлат томонидан қўллаб-қувватлаш механизмларини такомиллаштиришга қаратилган қўшимча ва ўзгартиришлар киритилиши назарда тутилмоқда.
Хусусан, лойиҳада тадбиркорлик субъектларининг тенглиги, ишончнинг ҳимоя қилиниши, мулк дахлсизлиги, тадбиркорликка оид қонунчиликнинг барқарорлиги ва аниқлиги тадбиркорлик фаолиятининг асосий принциплари сифатида белгиланмоқда.
Шунингдек, тадбиркорлик субъектларини кичик, ўрта ва йирик тоифаларга ажратиш, хусусийлаштириш натижаларини қайта кўриб чиқиш билан боғлиқ ташаббусларни чеклаш, тадбиркорлик соҳасидаги мажбурий талаблар реестрининг ҳуқуқий асосларини мустаҳкамлаш назарда тутиляпти.
Қонун лойиҳасининг қабул қилиниши тадбиркорлик субъектлари фаолиятининг ҳуқуқий кафолатларини кучайтириш, хусусий мулк дахлсизлигини мустаҳкамлаш ҳамда иқтисодиётда хусусий сектор улушини кенгайтиришга хизмат қилади. Ушбу ҳужжат партиямиз дастурий мақсадларига ҳамоҳанг эканлигини инобатга олиб, уни қўллаб-қувватлашди.
@a_xaitov
☑️
Қишлоқ хўжалигида инновацион ёндашувлар орқали ҳосилдорлик ошмоқда
Қишлоқ хўжалигида илғор тажрибалар ва замонавий технологияларни жорий этиш фермерлар даромадини ошириш, ердан самарали фойдаланиш ҳамда ҳосилдорликни кўпайтиришга хизмат қилмоқда.
Хоразм вилоятидаги фермер хўжаликлари фаолияти бунинг яққол мисолидир. Айрим майдонларда пахта қаторлари орасига каноп ва зиғир экилиб, бир ернинг ўзидан қўшимча маҳсулот олиш амалиёти йўлга қўйилган. Бу эса ортиқча харажатларсиз қўшимча даромад манбаи яратиш имконини бермоқда.
Сўнгги йилларда жорий этилган замонавий агротехнологиялар, хусусан, Хитой тажрибасига асосланган пахта етиштириш усуллари ҳосилни эртароқ ва сифатлироқ олишга хизмат қилмоқда. Давлат томонидан берилаётган имтиёзлар ва қўллаб-қувватлаш чоралари ҳам фермерлар самарадорлигини оширишда муҳим омил бўлмоқда.
Бугунги ютуқлар замирида илм-фан, инновация ва изланишлар ётибди. Ердан оқилона фойдаланиш, янги технологияларни амалиётга татбиқ этиш ва илғор тажрибаларни кенг оммалаштириш қишлоқ хўжалиги ривожининг муҳим кафолати бўлиб хизмат қилмоқда.
@a_xaitov
☑️
Кичик бизнесни ривожлантириш: солиқ ва молиявий тизимдаги янги ёндашувлар
ЎзЛиДеП фракцияси йиғилишида Президентимиз ҳузурида яқинда ўтказилган кичик ва ўрта бизнесни молиявий қўллаб-қувватлаш, молиявий хизматлар оммабоплигини оширишга бағишланган тақдимот хусусида атрофлича фикр алмашилди.
Фракция аъзолари ушбу ташаббуслар ЎзЛиДеПнинг сайловолди дастурида белгиланган хусусий мулкни ҳимоя қилиш, тадбиркорликни қўллаб-қувватлаш, ортиқча бюрократик тўсиқларни қисқартириш ва бизнес учун эркин рақобат муҳитини кенгайтиришга қаратилган устувор мақсадлар билан тўлиқ ҳамоҳанг эканини алоҳида эътироф этдилар.
Таъкидланганидек, солиқ солишнинг умумбелгиланган тартибига ўтиш учун белгиланган чегаранинг оширилиши, ҚҚС маъмуриятчилигини соддалаштириш, паст хавфли тадбиркорлар учун енгиллаштирилган ёндашувларни жорий этиш, банк ҳисобрақамларини очиш жараёнларини автоматлаштириш каби чоралар кичик бизнеснинг қонуний ўсишига кенг имконият яратади. Айниқса, умумий солиқ режимига ўтиш жараёнининг юмшатилиши тадбиркорларнинг фаолиятини яширин эмас, очиқ ва барқарор ривожлантиришга хизмат қилиши қайд этилди.
Муҳокамаларда Президентимизнинг 29 майдаги фармонининг амалий аҳамиятига ҳам алоҳида урғу берилди. Хусусан, 2026 йил 1 июндан бошлаб умумбелгиланган солиқ режимига ўтиш учун чегаравий миқдорнинг оширилиши бизнес субъектларининг ўсишини рағбатлантириш, маъмурий босимни камайтириш ва солиқ тизимини янада адолатли ҳамда қулай қилишга хизмат қилиши таъкидланди.
Фракция аъзолари мазкур ташаббуслар кичик бизнес фаоллигини ошириш, янги иш ўринлари яратиш, инвестиция муҳитини яхшилаш ва иқтисодиётда хусусий сектор улушини кенгайтиришга хизмат қилишини қайд этдилар. Муҳокамаларда тадбиркорлар учун янада содда, шаффоф ва ишончли иқтисодий муҳитни шакллантириш бўйича қатор таклифлар билдирилди.
@a_xaitov
☑️
Санкт-Петербург форумида Ўзбекистоннинг янги иқтисодий ташаббуслари илгари сурилди
Президентимиз Санкт-Петербург халқаро иқтисодий форумида иштирок этиб, Ўзбекистон ва Россия ўртасидаги ҳамкорликни янги босқичга олиб чиқишга қаратилган қатор муҳим ташаббусларни илгари сурди.
Давлатимиз раҳбари саноат ва технология соҳасида ҳамкорликни кенгайтириш мақсадида “Евроосиё технологик саноатлаштириш камари”ни ташкил этиш таклифини билдирди. Бу ташаббус ишлаб чиқариш кооперациясини кучайтириш ва янги инвестицияларни жалб қилишга хизмат қилади.
Рақамли иқтисодиётни ривожлантириш доирасида қўшма рақамли экотизим яратиш, сунъий интеллект асосида янги маҳсулотлар ишлаб чиқиш ва рақамли савдо платформаларини ривожлантириш муҳим вазифалар сифатида белгиланди.
Ёшлар салоҳиятини янада рўёбга чиқариш мақсадида таълим, касбий тайёргарлик ва меҳнат бозорини боғловчи Инсон капиталини ривожлантириш онлайн-платформасини ташкил этиш таклифи илгари сурилди.
Шунингдек, маданий-гуманитар алоқаларни мустаҳкамлаш учун “Самарқанддан Петербурггача” креатив-туристик йўлак лойиҳасини амалга ошириш ташаббуси билдирилди.
Бугунги глобал ўзгаришлар шароитида Ўзбекистон очиқлик, ҳамкорлик ва инновацион тараққиёт тамойилларига таянган ҳолда иқтисодий ўсиш, инвестициялар жалби ва аҳоли фаровонлигини таъминлаш йўлидан изчил бормоқда.
@a_xaitov
☑️
Давлат бюджети ижроси: барқарор иқтисодий ўсиш ва аҳоли манфаатлари устуворлиги
Олий Мажлис Қонунчилик палатасининг ялпи мажлисида Ўзбекистон Республикаси Давлат бюджети ва давлат мақсадли жамғармалари бюджетларининг 2025 йилдаги ижроси муҳокама қилинди. Ушбу масала олдиндан фракциямиз йиғилишида ҳам атрофлича кўриб чиқилиб, Ҳукумат ва масъул идоралар раҳбарларининг ахборотлари эшитилган эди.
Муҳокамалар давомида 2025 йилда мамлакатимиз иқтисодиёти барқарор ўсиш суръатларини сақлаб қолгани қайд этилди. Ялпи ички маҳсулот 7,7 фоизга ўсди, аҳоли олдидаги ижтимоий мажбуриятлар тўлиқ бажарилди, таълим, соғлиқни сақлаш ва ижтимоий ҳимоя соҳаларига йўналтирилган маблағлар ҳажми ошди. Бу натижалар сўнгги йилларда амалга оширилаётган кенг кўламли иқтисодий ислоҳотларнинг амалий самарасидир.
Шу билан бирга, фракциямиз аъзолари томонидан бюджет маблағларининг мақсадли ва самарали сарфланиши, давлат харидларида очиқлик ва шаффофликни янада кучайтириш, аҳоли кайфиятига таъсир кўрсатувчи нарх-наво барқарорлигини таъминлаш ҳамда қишлоқ хўжалигини қўллаб-қувватлаш бўйича қатор таклифлар илгари сурилди. Бу масалалар юзасидан тегишли вазирлик ва идоралар билан ҳамкорликда ишлашга келишиб олинди.
Юқоридаги натижалар ва муҳокамалардан келиб чиққан ҳолда, ЎзЛиДеП фракцияси Ўзбекистон Республикаси Давлат бюджети ва давлат мақсадли жамғармалари бюджетларининг 2025 йилдаги ижроси тўғрисидаги Ҳукумат ҳисоботини қўллаб-қувватлади.
@a_xaitov