AbdulHodiy Qori

🙂
Қуръонни ёдлаш шундай бир лойиҳаки, у муваффақиятсизликни билмайди. Агар сиз ўн йил Қуръонни ёдлашга уриниб, тўлиқ ёд олишга қурбингиз етмаса ҳам, муваффақиятсизликка учрамагансиз. Чунки камида, шунча йиллик тиловат қилганлик савобига эришгансиз.
Ҳасан Басрийга:
"Фалончи Қуръонни ҳифз қилибди"
, деб айтилганида, у киши: "
Балки Қуръон уни ҳифз қилибди",
дедилар.
Агар вақтингиз ва ишингизда барака бўлишини истасангиз, зиқ вақтларингизнинг ўртасида Қуръон тиловати учун вақт
(вирд)
белгилаб олинг.
Зиёд Жуҳаний.
✅
@AbdulhadiyHafiz

🎤
AbdulHodiy Qori
📖
"Kahf" surasi
🌙
Juma muborak
📹
🌐
✅
@AbdulHadiyHafiz

#jumamuborak
🌷
Кунларнинг шоҳидир ЖУМА айёми,
Шу сабаб улуғдир бу куннинг номи.
Улуғ зот бормикан Аллоҳдан бўлак,
Мусулмон аҳлига ЖУМА МУБОРАК!
@AbdulHadiyHafiz

🙂
Jannatul Baqiy — Madinaning muborak qabristoni
Jannatul Baqiy
(جنة البقيع) — Madinai Munavvaradagi eng mashhur va qadimiy qabristonidir. U Masjidun Nabaviyga yaqin joyda joylashgan bo‘lib, Rasululloh ﷺ zamonlaridan buyon musulmonlar dafn etib kelinadigan muborak maskandir.
Bu qabriston
“Baqiy al-G‘arqad” (بقيع الغرقد)
nomi bilan ham mashhur. “G‘arqad” — bu hududda ilgari ko‘p o‘sgan tikanli butaning nomidir.
Baqiyga birinchi dafn qilinganlar
Muhajirlardan Baqiyga birinchi bo‘lib dafn etilgan mashhur sahoba —
Usmon ibn Maz’un roziyallohu anhu
dir. U Rasululloh ﷺning yaqin sahobalaridan edi.
Rasululloh ﷺning o‘g‘illari
Ibrohim
vafot etganlarida ham Baqiyga dafn qilingan.
Baqiyda kimlar dafn etilgan?
Jannatul Baqiyda Rasululloh ﷺning ko‘plab oila a’zolari, sahobalar, tobeinlar va ulardan keyingi solih zotlar dafn etilgan.
Mashhur zotlardan:
Mo‘minlarning onalari — Rasululloh ﷺning zavjalari:
Oisha, Hafsa, Ummu Salama, Zaynab binti Jahsh, Zaynab binti Xuzayma, Savda binti Zam’a, Juvayriya, Safiyya va Ummu Habiba roziyallohu anhunnalar.
Rasululloh ﷺning ahli baytlaridan:
• Ibrohim ibn Rasululloh ﷺ;
• Fotima roziyallohu anho — ko‘pchilik tarixiy manbalarda Baqiyga dafn etilgani zikr qilinadi, ammo qabrlarining aniq joyi qat’iy ma’lum emas;
• Hasan ibn Ali roziyallohu anhumo;
• Abbos ibn Abdulmuttalib roziyallohu anhu;
• Ali ibn Husayn — Zaynul Obidin;
• Muhammad al-Boqir;
• Ja’far as-Sodiq rahimahumulloh.
Rasululloh ﷺning qizlari
Ruqayya, Ummu Kulsum va Zaynab roziyallohu anhunnalar
ham Baqiyda dafn etilganlari zikr qilinadi.
Shuningdek, buyuk sahoba, uchinchi xalifa
Usmon ibn Affon roziyallohu anhu
ham Baqiyda dafn etilgan.
Baqiyda yana juda ko‘plab sahobalar va solih zotlar yotadi. Ularning aniq soni haqida qat’iy sahih raqam keltirish qiyin. Shu sababli “falon ming sahoba aniq dafn etilgan” kabi raqamlarga ehtiyotkorlik bilan munosabatda bo‘lish lozim.
Rasululloh ﷺ Baqiy ahlini ziyorat qilganlar
Oisha roziyallohu anhodan rivoyat qilingan hadisda Rasululloh ﷺ kechalardan birida Baqiyga borib, u yerda dafn etilgan musulmonlar uchun duo qilganlari zikr qilinadi.
U zot ﷺ qabriston ahliga shunday salom berganlar:
السَّلَامُ عَلَيْكُمْ دَارَ قَوْمٍ مُؤْمِنِينَ، وَإِنَّا إِنْ شَاءَ اللَّهُ بِكُمْ لَاحِقُونَ، اللَّهُمَّ اغْفِرْ لِأَهْلِ بَقِيعِ الْغَرْقَدِ
“Ey mo‘minlar diyori ahli, sizlarga salom bo‘lsin. Inshaalloh, biz ham sizlarga qo‘shiluvchimiz. Allohim, Baqiy al-G‘arqad ahlini mag‘firat qilgin.”
(Imom Muslim rivoyati)
Boshqa rivoyatlarda Rasululloh ﷺga Baqiy ahliga borib, ular uchun istig‘for aytish buyurilgani ham kelgan.
Bu hadislar Baqiyni ziyorat qilishdan asosiy maqsad —
oxiratni eslash, marhumlarga salom berish va ular uchun Allohdan mag‘firat so‘rash
ekanini ko‘rsatadi.
Baqiy — Madinaning sukutdagi tarixi
Bugun Jannatul Baqiyga nazar tashlagan inson oddiy qabristonni emas, balki Islom tarixining ulkan bir sahifasini ko‘radi.
Bu yerda Rasululloh ﷺ bilan birga yashagan, u zotning muborak suhbatlarida bo‘lgan, Islom uchun moli va jonini fido qilgan sahobalar yotibdi. Bu yerda mo‘minlarning onalari, ahli bayt vakillari, tobeinlar va asrlar davomida Madinada yashab o‘tgan solih zotlar orom olmoqda.
Baqiy insonni beixtiyor sukutga chorlaydi.
Kecha Rasululloh ﷺ ular orasida yurar, ularga salom berar va mag‘firat so‘rar edilar. Bugun esa biz o‘sha muborak zotlarning qabrlarini ziyorat qilib, o‘zimizning ham bir kun shu dunyoni tark etishimizni eslaymiz.
السَّلَامُ عَلَيْكُمْ دَارَ قَوْمٍ مُؤْمِنِينَ
Ey mo‘minlar diyori ahli, sizlarga salom bo‘lsin.
Alloh taolo Jannatul Baqiyda yotgan barcha sahobalar, ahli bayt vakillari va mo‘min-musulmonlardan rozi bo‘lsin. Bizlarni ham Rasululloh ﷺning shafoatlariga va oxiratda u zotning muborak suhbatlariga musharraf aylasin. Omin.
✅
@AbdulhadiyHafiz

🎤
AbdulHodiy Qori
📖
"Kahf" surasi
🌙
Juma muborak
📹
🌐
✅
@AbdulHadiyHafiz

#Жума_муборак
Оиша розияллоҳу анҳодан ривоят қилинади. Набий соллаллоҳу алайҳи васаллам:
"Кимки менга жума куни саловот айтса, қиёмат кунида менинг ҳузуримдаги шафоат унга насиб қилади",
дедилар.
@AbdulhadiyHafiz

QUBO MASJIDI — ISLOM TARIXIDAGI ILK MASJID
Qubo masjidi — Madinai Munavvaradagi eng fazilatli va tarixiy masjidlardan biridir. Rasululloh ﷺ Makkadan Madinaga hijrat qilganlarida dastlab Qubo hududiga kelib, shu yerda masjid barpo etilishiga asos solganlar. Shu bois Qubo masjidi Islom tarixida taqvo asosida qurilgan ilk masjid sifatida mashhurdir.
Alloh taolo Qur’oni karimda:
«Birinchi kundanoq taqvo asosiga qurilgan masjidda turishingiz haqliroqdir»
(Tavba surasi, 108-oyat)
Rasululloh ﷺ Qubo masjidini tez-tez ziyorat qilib, u yerda namoz o‘qir edilar. Ibn Umar roziyallohu anhumo rivoyat qiladilar:
«Rasululloh ﷺ Qubo masjidiga piyoda ham, ulovda ham kelar va unda ikki rak’at namoz o‘qir edilar».
(Imom Buxoriy va Imom Muslim rivoyati)
Yana Rasululloh ﷺ:
«Kim uyida tahorat qilib, so‘ng Qubo masjidiga kelib, unda namoz o‘qisa, unga bir umra savobidek ajr bo‘ladi»,
deganlar.
(Ibn Moja rivoyati)
Bugungi kunda ham Qubo masjidi Madinai Munavvaraga kelgan musulmonlar ziyorat qiladigan muborak maskanlardan biridir.
Qubo — hijrat xotirasi, taqvo asosida qad ko‘targan va Rasululloh ﷺ qadamlari tekkan muborak maskan.
✅
@AbdulhadiyHafiz

🎤
AbdulHodiy Qori
📖
"Kahf" surasi
🌙
Juma muborak
📹
🌐
✅
@AbdulHadiyHafiz

#jumamuborak
🌷
Қуёш чиқди, борлиқ нурафшон.
Еру-само нурларга тўлсин.
Бугун жума, қадрли инсон,
Айёмингиз муборак бўлсин.
@AbdulHadiyHafiz

🎤
Shayx Abdulloh Juhaniy
📖
”Moida" surasidan
🕋
Masjidul Harom 27-08-26
✅
@AbdulHadiyHafiz