Korrupsiyaga qarshi kurashish agentligi

Korrupsiyaga qarshi kurashish agentligi tomonidan fermer xo‘jaliklarining nasos agregatlari va sug‘orish quduqlari iste’mol qiladigan elektr energiyasi xarajatlarini qoplash uchun davlat budjetidan ajratilgan
subsidiya mablag‘larining maqsadli sarflanishi
yuzasidan
Beruniy, Amudaryo va Qo‘ng‘irot tumanlari
da o‘tkazilgan o‘rganishlarda
jami 895,5 mln so‘m
davlat budjeti mablag‘larini o‘zlashtirish va rastrata qilish orqali talon-toroj qilish holatlari aniqlandi.
O‘rganishlar davomida aniqlanishicha, 2023–2025-yillar davomida
Beruniy tumani
dagi
52 ta fermer xo‘jaligiga jami 1 mlrd 288 mln so‘m
dan ortiq subsidiya mablag‘i ajratilgan.
Biroq mazkur subsidiyalarni ajratishga ko‘maklashuvchi ishchi guruhning ayrim mansabdor shaxslari tomonidan hisobvaraq-fakturalarga elektr energiyasi iste’moli bo‘yicha haqiqatga to‘g‘ri kelmaydigan, soxta ma’lumotlar kiritilishi oqibatida
66 ta
holatda
50 ta
fermer xo‘jaligiga jami
311,5 mln so‘m
miqdoridagi subsidiya mablag‘lari asossiz va ortiqcha to‘lanishiga yo‘l qo‘yilgan.
Ma'lum bo'lishicha, 2024–2025-yillar mobaynida
Amudaryo tumani
da jami
193 ta
qishloq xo‘jaligi korxonasiga
3 mlrd 830,2 mln
so‘m,
Qo‘ng‘irot tumani
da esa
46 ta
qishloq xo‘jaligi korxonasiga
1 mlrd 819,6 mln so‘m
miqdorida subsidiya mablag‘lari ajratilgan.
Tekshiruv natijalariga ko‘ra, mazkur hududlarda subsidiya ajratish jarayonida ishchi guruh tomonidan
qonunchilik talablariga zid ravishda
talabgorlarning arizalari bo‘yicha belgilangan muddatlarda joyiga chiqqan holda tegishli monitoring ishlari o‘tkazilmagan.
Jumladan, ekin turlari va maydonlari, sug‘orish usullari, elektr energiyasini hisobga olish uskunalarining holati hamda iste’mol qilingan elektr energiyasi hajmining amaldagi suv sarfiga mutanosibligi
o‘rganilmagan.
Natijada Ishchi guruhlar tomonidan tegishli xulosalar asossiz rasmiylashtirilib, Amudaryo tumanida
36 ta
qishloq xo‘jaligi korxonasiga davlat budjetidan jami
337,3 mln so‘m
, Qo‘ng‘irot tumanida esa
15 ta
qishloq xo‘jaligi korxonasiga amalda iste’mol qilinmagan elektr energiyasi uchun jami
246,7 mln so‘m
subsidiya ajratilib, budjet mablag‘lari rastrata qilish yo‘li bilan talon-toroj qilingan.
O‘rganish natijalari bo‘yicha to‘plangan materiallar asosida Jinoyat kodeksining tegishli moddalari bilan jinoyat ishlari qo‘zg‘atildi.
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.
Facebook
|
Telegram
|
YouTube
|
Instagram
|
Twitter
|
Veb-sayt

Korrupsiyaga qarshi kurashish agentligida Yevropa Ittifoqi moliyaviy ko‘magi va BMT Taraqqiyot dasturi bilan hamkorlikda amalga oshirilgan
“O‘zbekistonning korrupsiyaga qarshi ekotizimini mustahkamlashda jurnalistik surishtiruvlarning o‘rni: muammolar va yechimlar”
mavzusidagi tadqiqot natijalari taqdimotiga bag‘ishlangan davra suhbati bo‘lib o‘tdi.
Asosiy maqsad
davlat organlari faoliyatida
ochiqlik va shaffoflik
ni ta’minlash,
jamoatchilik nazoratini kuchaytirish
hamda
surishtiruv jurnalistikasini rivojlantirish
masalalarini muhokama qilish va tegishli tavsiyalar ishlab chiqishdan iborat bo‘ldi.
Muloqot avvalida
Agentlik direktori Akmal Burxanov
korrupsiyaga qarshi kurashishda, xususan,
davlat xaridlari, budjet mablag‘larining samarasiz sarflanishi, tender jarayonlaridagi qonunbuzilishlar hamda boshqa korrupsiyaviy xavflarni
fosh etishda jurnalistik surishtiruvlarning muhim ahamiyatiga alohida to‘xtaldi.
Jumladan, joriy yilning o‘tgan 5 oyi davomida ijtimoiy tarmoqlarda keng muhokama qilingan va jamoatchilik e’tiroziga sabab bo‘lgan materiallar yuzasidan Agentlik tomonidan o‘tkazilgan o‘rganishlar natijasida umumiy qiymati
159,4 mlrd so‘m bo‘lgan 21 ta davlat xaridida qonunbuzilishi
holatlari aniqlangan.
Shuningdek, ijtimoiy tarmoqlar va ommaviy axborot vositalarida yoritilgan korrupsiyaning turli ko‘rinishlari bilan bog‘liq
30 dan ortiq holat
belgilangan tartibda o‘rganib chiqilgani qayd etildi.
Davra suhbatida
surishtiruv jurnalistikasini yanada rivojlantirish zarurati va ahamiyati
ga urg'u berildi. Shuningdek, mazkur tadqiqot aynan yo‘nalishdagi
mavjud muammolarni aniqlash va ularni bartaraf etish
bo‘yicha amaliy tavsiyalar ishlab chiqish maqsadida amalga oshirilgani ta’kidlandi.
Mamlakatning barcha hududlaridan jami
152 nafar jurnalist va media sohasi mutaxassisi
ishtirok etgan ushbu tadqiqot natijalariga ko‘ra,
axborotdan foydalanish imkoniyatlari
bilan bog‘liq masalalar eng dolzarb yo‘nalishlardan biri bo‘lib qolmoqda.
So‘rov ishtirokchilarining qariyb yarmi jamoatchilik uchun ahamiyatli masalalar bo‘yicha
davlat organlaridan ma’lumot olishda qiyinchiliklar
ga duch kelishini qayd etgan. Uchdan bir qismidan ko‘prog‘i esa
rasmiy so‘rovlarga javoban ma’lumot taqdim etilmasligi
ni surishtiruv o‘tkazishdagi asosiy to‘siqlardan biri sifatida baholagan.
Davra suhbatida tadqiqot doirasida aniqlangan shu kabi muammolarni bartaraf etish hamda surishtiruv jurnalistikasini takomillashtirishga oid masalalar muhokama qilindi.
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.
Facebook
|
Telegram
|
YouTube
|
Instagram
|
Twitter
|
Veb-sayt

Korrupsiyaga qarshi kurashish agentligi direktori Akmal Burxanov tadbirkorlar va ishbilarmon doira vakillari bilan ochiq muloqot o‘tkazdi.
Oliy Majlisi Qonunchilik palatasining Tadbirkorlik, raqobatni rivojlantirish va sanoat masalalari qo‘mitas
i bilan hamkorlikda tashkil etilgan muloqotda mamlakatda
xufiyona iqtisodiyotga qarshi kurashish
, biznes sohasida k
orrupsiyaning oldini olish
, raqamlashtirish orqali
“inson omili”
ni kamaytirish hamda ochiqlikni ta’minlash borasida amalga oshirilayotgan ishlar va ularning natijalari yuzasidan o‘zaro fikr almashildi.
Jumladan, Agentlik direktori yaqinda mamlakatimiz Prezidenti tomonidan
tadbirkorlik faoliyatiga qonunga xilof aralashuvlarga yo‘l qo‘ymaslik, davlat organlari bilan munosabatlarda manfaatlar to‘qnashuvi va korrupsiyaviy xatarlarning oldini olish
bo‘yicha qonunchilikda yangi mexanizmlar belgilab berilganiga alohida to‘xtalib o‘tdi.
Shuningdek,
halol, shaffof va barqaror biznes muhitini shakllantirish
da davlat va xususiy sektor o‘rtasidagi hamkorlikni yanada mustahkamlash masalalariga alohida e’tibor qaratildi.
Muloqotda
korrupsiyaga qarshi murosasiz munosabatni kuchaytirish yo‘nalishidagi loyiha va tashabbuslarni qo‘llab-quvvatlash
hamda ularni
rag‘batlantirish
orqali o‘zaro hamkorlikni yanada mustahkamlashga kelishib olindi.
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.
Facebook
|
Telegram
|
YouTube
|
Instagram
|
Twitter
|
Veb-sayt

Farmonga ko'ra, Oliy sud tomonidan:
-
2026-yil 1-sentabrga qadar
sud apparati faoliyatida
korrupsiyaning oldini olish bo‘yicha chora-tadbirlar dastur
i va sud apparatidag
i korrupsiyaviy xavf-xatar yuqori bo‘lgan lavozimlar ro‘yxati
tasdiqlanadi;
-
2027-yil 1-martga qadar
sud apparati xodimlarining
korrupsiyaviy xavf-xatar darajasi yuqori bo‘lgan vazifa va funksiyalarini raqamlashtirish,
ularni amalga oshirishda inson omilini kamaytirish choralari ko‘riladi.
Sud apparati xodimlarini ishga qabul qilish va ularning mehnat faoliyati bilan bog‘liq cheklovlar
ni belgilovchi nizom tasdiqlanadi;
2026-yil yakuniga qadar sud tizimida
korrupsiyaga qarshi barqarorlik darajasi
diagnostikadan o‘tkaziladi;
Odil sudlov akademiyasida nomzodlarni sudyalik kasbiga tayyorlashda qo‘shimcha ravishda shaxsiy-professional va
korrupsiyaga qarshi barqarorlik darajasini diagnostikadan o‘tkazish
amaliyoti joriy etiladi;
2026-yil sentabrga qadar
Odil sudlov akademiyasida sudyalar va sud apparati xodimlari faoliyatida
manfaatlar to‘qnashuvi va korrupsiyaning boshqa ko‘rinishlarining oldini olish bo‘yicha
"real keyslar"ga asoslangan o‘quv-amaliy moduli joriy etiladi;
2027- yil 1-iyunga qadar
Odil sudlov akademiyasi
ISO 37001 korrupsiyaga qarshi kurashish menejmenti tizimi xalqaro standarti
bo‘yicha auditdan o‘tkaziladi;
sudyalar va sud apparati xodimlarining
har uch yilda korrupsiyaga qarshi kurashish bo‘yicha o‘quv kurslarida malakasini oshirish
choralari ko‘riladi;
Quyidagi (avtomatlashtirilgan)
elektron tizimlar
ishga tushiriladi:
-
2026-yil 1-sentabrga qadar
sudyalar tomonidan manfaatlar to‘qnashuvi holatlari hamda daromadlar va mol-mulki to‘g‘risidagi deklaratsiyani
Sudyalar oliy kengashi
ga taqdim etish, shuningdek, ularni tekshirish va tahlil qilish;
-
2027-yil 1-mayga
qadar sud apparati xodimlari tomonidan
manfaatlar to‘qnashuvi holatlari hamda daromadlar va mol-mulki to‘g‘risidagi deklaratsiya
ni Oliy sudga taqdim etish, shuningdek, ularni tekshirish va tahlil qilish;
- sud apparati xodimlari faoliyatidagi
korrupsiya, shubhali sxemalar va intizom buzilishlariga olib keluvchi bo‘shliqlar
ni aniqlab, ularni bartaraf etish, sud apparati xodimlari faoliyatini monitoring qilish imkonini beruvchi korrupsiyaviy xavf-xatarlarni boshqarish.
Farmonga muvofiq,
Prezident Administratsiyasi Komplayens xizmati va Korrupsiyaga qarshi kurashish agentligi
Oliy sudga Komplayens nazorat xizmati faoliyatini samarali tashkil etish, xodimlarning malakasini oshirishda
uslubiy jihatdan ko‘maklashadi
.
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.
Facebook
|
Telegram
|
YouTube
|
Instagram
|
Twitter
|
Veb-sayt

“Sudlarda komplayens nazorat tizimi samaradorligini oshirishning qo‘shimcha chora-tadbirlari to‘g‘risida” Prezident farmoni qabul qilindi
.
Farmonda sud tizimida 2026-yilda
korrupsiyaga qarshi kurashish bo‘yicha e'lon qilingan "favqulodda holat"
dan kelib chiqib, quyidagi ustuvor maqsad va vazifalar belgilandi:
Oliy sudning apparatida Oliy sud raisiga to‘g‘ridan-to‘g‘ri bo‘ysunuvchi
Komplayens nazorat xizmati
tashkil etiladi;
Harbiy sud, Qoraqalpog‘iston Respublikasi sudi, viloyatlar va Toshkent shahar sudlarida Komplayens nazorat xizmatiga to‘g‘ridan-to‘g‘ri bo‘ysunadigan
komplayens nazorat bo‘yicha inspektor lavozimlari
joriy etiladi.
Komplayens nazorat xizmati rahbari
Oliy sud raisi tomonidan lavozimga tayinlanadi va lavozimidan ozod etiladi hamda mehnatga haq to‘lash, moddiy ta'minot va ijtimoiy himoya shartlari bo‘yicha
Oliy sud departament boshlig‘i
ga tenglashtiriladi;
komplayens nazorat bo‘yicha inspektorlar Oliy sud raisi tomonidan lavozimga tayinlanadi va lavozimidan ozod etiladi hamda mehnatga haq to‘lash, moddiy ta'minot va ijtimoiy himoya shartlari bo‘yicha
Oliy sud bosh konsultanti
ga tenglashtiriladi;
komplayens nazorat bo‘yicha inspektorlar
Harbiy sud, Qoraqalpog‘iston Respublikasi sudi, viloyatlar va Toshkent shahar sudlari
da joylashtiriladi;
Komplayens nazorat xizmati lavozimlariga
halol, pok va benuqson obro‘-e'tiborga ega bo‘lgan oliy yuridik ma'lumotli
, shuningdek, qoida tariqasida, sud-huquq sohasida kamida
5 yillik ish stajiga ega nomzodlar
tayinlanadi;
Oliy sud raisiga Komplayens nazorat xizmati xodimlariga byudjetdan tashqari mablag‘lar hisobidan qonunchilikda belgilangan tartibda
qo‘shimcha ustamalar
to‘lash huquqi beriladi;
Komplayens nazorat xizmati xodimlariga yuklatilgan vazifalar doirasida sud apparati xodimlarining odob-ahloqi hamda xizmat vaqtida va xizmatdan tashqari holatlarda o‘zini tutishi, umume'tirof etilgan odob-ahloq qoidalariga rioya etishi bilan bog‘liq masalalarda
xizmat tekshiruvlarini o‘tkazish vakolati
beriladi.
Sud tizimida korrupsiyaning oldini olish
:
- sudyalar korpusiga nisbatan Sudyalar oliy kengashining
Sudyalar daxlsizligini ta'minlash va korrupsiyaning oldini olish bo‘yicha sud inspeksiyasi
tomonidan;
- sud apparati, shu jumladan, Sudlar faoliyatini ta'minlash departamenti xodimlariga nisbatan
Oliy sudning Komplayens nazorat xizmati
tomonidan amalga oshiriladi.
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.
Facebook
|
Telegram
|
YouTube
|
Instagram
|
Twitter
|
Veb-sayt

Prezident Shavkat Mirziyoyev sudlarda komplayens nazorat tizimi samaradorligini oshirishga oid
taqdimot
bilan tanishdi.
—
Президент Шавкат Мирзиёев ознакомился
с презентацией
по повышению эффективности системы комплаенс-контроля в судах.
#Mirziyoyev
#taqdimot
#sud
#komplayens
Prezident.uz
|
Facebook
|
Instagram
|
YouTube
|
X

“O‘tkir tergov”
ning bu galgi maxsus sonida real voqealar asosida
avtosalon faoliyati ortidagi yashirin korrupsion sxemalar, soxta va’dalar hamda firibgarlik holatlari
haqida hikoya qilindi.
Ko‘rsatuv
“Milliy TV”
tomonidan
Korrupsiyaga qarshi kurashish agentligi
va
Davlat xavfsizlik xizmati
hamkorligida tayyorlandi.
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.
Facebook
|
Telegram
|
YouTube
|
Instagram
|
Twitter
|
Veb-sayt

Bugun Korrupsiyaga qarshi kurashish agentligi rahbariyati hamda
Tojikiston Respublikasi Davlat moliyaviy nazorati va korrupsiyaga qarshi kurashish agentligi direktorining o‘rinbosari Sulaymon Talbakzoda Talbak
o‘rtasida uchrashuv bo‘lib o‘tdi.
Muloqot chog‘ida
ikki mamlakatning korrupsiyaga qarshi kurashish sohasidagi hamkorligi
doirasida erishilayotgan natijalar sarhisob qilinib, kelgusidagi ustuvor yo‘nalishlar, qo‘shma tashabbuslar va hamkorlikning yangi istiqbollari muhokama qilindi.
Ma’lumot uchun: i
kki idora o‘rtasida
2021-yilda hamkorlik to‘g‘risidagi memorandum
imzolangan.
Uchrashuvda mazkur memorandum har ikki tomonning
ilg‘or tajribalar almashinuvini kengaytirish, milliy amaliyotni boyitish hamda korrupsiyaning oldini olish mexanizmlarini takomillashtirish
da muhim ahamiyat kasb etayotgani ta'kidlandi.
Xususan,
Sulaymon Talbakzoda
sohadagi
o‘zaro ishonchli va manfaatli hamkorlik
so‘nggi besh yil davomida izchil va samarali rivojlanib borayotganini, bu borada
O‘zbekistonning tashabbuskorligi va amaliy sa'y-harakatlarini alohida e'tirof etdi.
Muloqot yakunida korrupsiyaga qarshi kurashish sohasidagi qo‘shma loyihalar ko‘lamini oshirish hamda samarali sheriklik munosabatlarini yangi bosqichga olib chiqish bo‘yicha ustuvor vazifalar belgilab olindi.
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.
Facebook
|
Telegram
|
YouTube
|
Instagram
|
Twitter
|
Veb-sayt

Xabar berganimizdek
,
bugun Korrupsiyaga qarshi kurashish agentligida
“Yuksalish” harakati tashabbusi bilan tashkil etilgan
“Biz — donormiz!” xayriya aksiyasi
bo‘lib o‘tdi.
Ushbu xayrli tashabbusda
Agentlik, davlat organlari va tashkilotlari xodimlari, jumladan, korrupsiyaga qarshi ichki nazorat (komplaens) tuzilmalari mas'ullari
, shuningdek,
fuqarolik jamiyati institutlari hamda keng jamoatchilik vakillari
ishtirok etdi.
Tadbir ishtirokchilari tomonidan
ehtiyojmand bemorlarga ko‘mak berish va donorlik harakatini qo‘llab-quvvatlash
maqsadida ixtiyoriy ravishda qon topshirildi.
Ayni jarayonlar
malakali tibbiyot xodimlari nazorati ostida
tashkil etildi hamda har bir donor dastlab belgilangan tartibda tibbiy ko‘rikdan o‘tkazildi.
Aksiya davomida yig‘ilgan qon zaxiralari tibbiyot muassasalarida davolanayotgan bemorlarga
tezkor va samarali tibbiy yordam ko‘rsatish, shuningdek, qon quyishga ehtiyoj yuqori bo‘lgan holatlarda zarur zaxiralarni shakllantirish
maqsadlariga yo‘naltiriladi.
Ma'lumot uchun:
o‘tgan yili mazkur aksiya doirasida respublika bo‘ylab mingdan ortiq fuqaro
ishtirok etgan
bo‘lib, jami
387,2 litr donorlik qoni yig‘ilgan
.
Natijada
murakkab jarrohlik amaliyotlarini boshdan kechirayotgan, og‘ir jarohat olgan, onkologik kasalliklarga qarshi kurashayotgan hamda qon quyishga muhtoj
bo‘lgan ko‘plab bemorlarning hayotini saqlab qolishga munosib hissa qo‘shilgan.
Korrupsiyaga qarshi kurashish agentligi mazkur aksiyada faol ishtirok etgan
barcha donorlar, hamkor tashkilotlar va jamoatchilik vakillariga samimiy minnatdorlik
bildiradi.
Agentlik jamiyatda
insonparvarlik, o‘zaro hamjihatlik va ijtimoiy mas'uliyat qadriyatlarini mustahkamlash
ga xizmat qiluvchi bu kabi ezgu sa'y-harakatlarni
qo‘llab-quvvatlash
ni izchil davom ettiradi.
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.
Facebook
|
Telegram
|
YouTube
|
Instagram
|
Twitter
|
Veb-sayt

Bugun
Odil sudlov akademiyasida Qoraqalpog‘iston Respublikasi, viloyatlar va Toshkent shahar hamda ularga tenglashtirilgan sudlar raislarining o‘rinbosarlari uchun o‘quv seminari
tashkil etildi.
Seminarda Prezidentimiz tomonidan korrupsiyaga qarshi kurashish sohasida
"favqulodda holat"
e’lon qilinishi doirasida amalga oshirilayotgan institutsional islohotlar, xususan, sohani
korrupsiyadan xoli tizimga aylantirish
bo‘yicha belgilangan vazifalar ijrosi yuzasidan ma'lumot berildi.
Jumladan,
sudyalar va ularning oila aʼzolari mol-mulkini deklaratsiya qilish, komplayens-nazorat tizimini joriy etish, sud apparati xodimlarini ishga qabul qilishning ochiq tartibini yaratish
masalalariga alohida e'tibor qaratildi.
Shuningdek,
"Raqamli sud" konsepsiyasi
asosida sud tizimini raqamlashtirish bo‘yicha vazifa va maqsadlar, sudyalarning kasbiy faoliyatida
halollik, xolislik hamda odob-axloq qoidalariga qat’iy rioya
etishning dolzarbligi muhokama qilindi.
Tadbir doirasida
Korrupsiyaga qarshi kurashish agentligi va Odil sudlov akademiyasi o‘rtasida o‘zaro hamkorlik to‘g‘risida kelishuv
imzolandi.
Mazkur hujjatga muvofiq Tomonlar:
▫️
ta'lim, ilmiy-tadqiqot va malaka oshirish yo‘nalishlarida
qo‘shma loyihalar
ni amalga oshirish;
▫️
professor-o‘qituvchilar va mutaxassis
larni o‘quv jarayonlariga jalb etish;
▫️
o‘quv-uslubiy adabiyotlar tayyorlash
, konferensiya va seminarlar tashkil etish;
▫️
masofaviy ta'lim
platformalarini rivojlantirish;
▫️
sud-huquq va korrupsiyaga qarshi kurashish sohalarida
qonunchilikni takomillashtirish
,
ilmiy tadqiqotlar olib borish
kabi qator muhim yo'nalishlar bo‘yicha hamkorlikni yanada kengaytiradi.
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.
Facebook
|
Telegram
|
YouTube
|
Instagram
|
Twitter
|
Veb-sayt