𝙈𝙖'𝙣𝙤𝙡𝙞 | 🇺🇿
Biz o‘zimizni yo‘qotdik, u orqali — hammani.
@kr77ru
Har bir insonning o'z duolari, samimiy iltijolari va istaklari bor. Kimdir qo'llarini ko'tarib, har bir jumla oldida o'ylaydi. Kimdir yodlangan duolarni o'qiydi. Kimdir shunchaki tizzalarini quchoqlab, boshini ustiga tashlaydi va nutq o'z-o'zidan to'kilib, ko'z yoshlari bilan aralashib ketadi..
Milliardlab odamlar, son-sanoqsiz so'rovlar, lekin U har birini eshitadi va javob beradi. U tomon qadam tashlagan kishiga qarab yuguradi. Bu Alloh buyuk rahmdil, Qiyomat kunining hukmdori, olamlarning Robbidir.
Solih kishilar bilan birga bo‘lish, ularning suhbatlaridan bahramand bo‘lish har bir mo‘min-musulmon uchun katta ne’matdir. Ular bilan suhbat insonni halokatdan asrab, hayotini ma’naviy yuksaklik sari yo‘naltiradi. Shu sababli har birimiz kim bilan do‘stlashayotganimizga, kimning suhbatida bo‘layotganimizga e’tibor berishimiz lozim.
#mulohaza
Daryo hamisha sokin oqadigan joyida chuqur bo‘ladi, deydilar.
Inson hayoti ham xuddi shunday — qachonki tashvishlar tinsa, moddiy ehtiyojlar o‘rnini to‘kislik egallasa, ko‘ngil tubidagi yashirin to‘lqinlar yuzaga chiqa boshlaydi. Biz ko‘pincha hayotni cho‘qqilarga chiqish, narsalarga ega bo‘lish deb tushunamiz. Ammo eng qiyin imtihon cho‘qqiga chiqquncha emas, balki o‘sha cho‘qqida — hamma narsa yetarli bo‘lgan joyda muvozanatni saqlab qolish ekan.
To‘qlik — bu faqat dasturxonning kengligi emas, bu ruhning sinovidir.
Inson tabiati qiziq:
u yetishmovchilikda jipslashadi, bir-biriga yelkadosh bo‘ladi, bir burda nonni baham ko‘rib, katta baxtni his qiladi. Chunki u yerda umumiy "dushman" — muhtojlik bor. Qachonki bu dushman g‘oyib bo‘lsa, inson ongsiz ravishda o‘ziga yangi raqib qidira boshlaydi. Va, afsuski, bu raqib ko‘pincha eng yaqin insoniga aylanib qoladi.
Ba'zan janjallar yetishmovchilikdan emas, balki borlikka nisbatan befarqlikdan tug‘iladi. Qadr tuyg‘usi yo‘qolgan joyda, har qanday mayda gap ulkan tog‘dek ko‘rinadi. Xuddi shisha idishdagi suv kabi: u tiniq bo‘lsa-da, eng kichik zarra ham unda yaqqol ko‘zga tashlanadi. To‘q yashayotgan xonadondagi kichik bir kamchilik yoki shunchaki aytilgan so‘z, go‘yo dunyo qulaganidek qabul qilinishining sababi ham shunda.
Baxt — bu manzildagi qimmatbaho narsalar emas, balki o‘sha manzilga yetib kelguncha bosib o‘tilgan yo‘ldagi xotiralar va mehrdir.
Agar yo‘l oson bo‘lsa, yo‘lovchilar bir-birining qadrini anglamaydi. Tayyor bog‘ga kelgan odam uchun har bir gul — shunchaki o‘simlik. Ammo sahroda o‘zi sug‘orib o‘stirgan bitta gul u uchun butun dunyoga teng. Oila ham shunday: u tayyor berilgan mukofot emas, u har kuni qaytadan quriladigan, sabr va shukr g‘ishtidan tiklanadigan qo‘rg‘ondir.
Bugun ko‘p gapirishdan ko‘ra, bir muddat sukut saqlab, atrofga "
meniki
" emas, "
bizniki
" deb qarashning o‘ziyoq ko‘p tugunlarni yechgan bo‘lar edi. Zero, to‘qlik qalbni to‘mtoqlashtirmasligi, aksincha, o‘zgalarga, eng avvalo yaqinlariga nisbatan saxovatliroq qilishi kerak.
───────────
Asl baxt
— bu bir-birining shaxsiyatini kamsitmaslik, bir-birining fikrini tinglay olish va boylik ichida ham insoniy qadrni hamma narsadan ustun qo‘yishdir. Inson bir-birini hurmat qilishni to‘xtatgan lahzada, nafaqat oila tinchligi, balki har qanday munosabat uning bor ma’nosi ham yemirilishni boshlaydi.
Shunday ekan, xonadonimizni nafaqat ne’matlar, balki bir-birimizga bo‘lgan yuksak ehtirom bilan ham to‘ldiraylik.
Agar fikringni ortiqcha charchatsang, qalbing tinchligini yo‘qotasan. Shunday ekan, Allohga ishon va ruhingni osoyishta qil.
@iamode