AS'HAB.UZ

Ибрат ва тафаккур бекати
Ҳаётингда икки инсоннинг ҳиммати жуда катта, аммо кўзингга кўринмайди. Улар:
• Отангнинг сенга қилган ҳаражати;
• Онангнинг сенга қилган хизмати.
Агар шу ҳаражат ва хизматни бегона одамдан кўрганингда, эҳтимол бутун умр ундан уялиб, бирор марта ҳам кўнглига озор беролмас эдинг.
Аммо баъзан ота-онамизга ғазаб қиламиз, адоват қиламиз, ҳатто кўнгилларини оғритиб қўямиз...
Чунки уларнинг меҳри ва қилган яхшиликлари бизга оддийдек туюлади.
Ота-оналаримизни қадрлайлик, улар борлиги – энг катта бахтдир.
@Ashabuz

Эҳсоннинг мукофоти фақат, эҳсондир
Ҳикоя қилишларича, қадим замонларнинг бирида бир аёлнинг эри вафот этиб икки норасида қизи билан қийин аҳволда қолди. Уйнинг ижара ҳақини тўлашга қурби етмагач, уй эгаси бева хотинни икки қизи билан кўчага чиқариб юборди. Чорасиз қолган аёл бошқа одамларнинг шум гапларидан қочиб бошқа шаҳарга бош олиб кетди.
Қаҳратон совуқда, ўзга шаҳарда борарга жойи, еярга нони бўлмаган аёл иложсиз икки қизини эски бир масжидга қўйдида, ўзи уларга бирор егулик топиб келиш учун йўлга тушди. Йўлда бир виқорли, мўйсафид мусулмон кишига рўбарў келди. Бу мўйсафид шу шаҳарнинг эътиборли кишиларидан эди. Аёл нажот умидида шу мўйсафидга ҳолини баён қилди:
- Мен ғариб бир бева аёлман. Икки нафар норасида гўдак қизларим бор. Уларни эски масжидда қолдириб ўзим уларга егулик ахтариб юрибман. Имконингиз бўлса, шу гўдакларимга егуликка ёрдам берсангиз, деди. Мўйсафид: - гапинг рост эканлигини тасдиқлашга гувоҳинг борми?-деб сўради. Аёл: - мен бу шаҳарда ғарибман, мени бу ерда ҳеч ким танимайди, деди. Мўйсафид аёлнинг гапига ишонмади ва унга ёрдам қўлини чўзмади. Аёл ноилож йўлида давом этди.
Йўлидан яна бир кекса киши чиқди ва аёл унга ҳам ҳолини баён қилди. Шу билан бирга, мўсафитга йўлиққанини ва мўйсафид унинг гапига ишонмай, ёрдам беришдан бош тортганлигини айтди. Кекса киши аёлнинг ёнига ўзининг аёлини қўшиб берди ва эски масжиддан қизларини олиб биргалашиб уйига келишларини айтди. Уйга келгач, уларга иссиқ овқат, иссиқ кийим-кечаклар бериб сийлашди. Шу кеча она ва болалар ушбу хонадоннинг азиз меҳмони бўлиб қолишди.
Ўша кеча тун ярмидан ўтганда мўйсафид мусулмон киши туш кўрди. Тушида гўёки қиёмат қоим бўлган. Пайғамбар алайҳиссаломнинг ҳузурларида туғ кўтарилган, рўпарада яшил зумратдан қурилган, эшиклари дур ва ёқутдан ясалган, қуббалари дур ва маржондан бўлган қаср турар эди. Мўйсафид Расулуллоҳ саллаллоҳу алайҳи васалламдан: - бу қаср кимники?-деб сўради. Расулуллоҳ саллаллоҳу алайҳи васаллам: - бу қаср Аллоҳни бир деб биладиган мусулмон кишиники, дедилар. Мўйсафид: - мен Аллоҳни бир деб биладиган мусулмон кишиман, деди.
Шунда Расулуллоҳ: - гапингни тасдиқлайдиган ҳужжат келтир, бир бева аёл сенга мурожаат қилганда сен унга гапинг рост эканлигига ҳужжат келтир деган эдингку. Ҳудди шундай, сен ҳам гапинг рост эканлигига ҳужжат келтир, дедилар. Мўйсафид бу гапдан чўчиб уйғониб кетди ва қилган ишидан қаттиқ пушаймон бўлди. Тонг саҳардан туриб шаҳар бўйлаб бева аёлни излашга тушди. Ахийри, уни бир мажусий кекса кишининг уйида эканлигини айтишди.
Мажусийнинг уйига бориб: - кеча келган бева аёл ва унинг икки қизини менга чақириб бер, деди. Кекса мажусий: - бунинг иложи йўқ, улар туфайли менга файзу барака ато этилди, деди. Мўйсафид: - мен сенга минг динор бераман, уларни менга бер, деди. Мажусий: - йўқ, деди. Сен истаган нарсага мен ҳақлиман. Тушингда кўрган қаср менга аталган. Бу кеча шу аёлнинг сабабидан мен ва оила аҳлим исломни қабул қилиб мусулмон бўлдик. Тунда сен кўрган тушни мен ҳам кўрдим.
Расулуллоҳ мендан, бева аёл ва унинг икки қизи сенинг уйингдами?-деб сўрадилар. Мен: ҳа, деб жавоб бердим. Шунда Расулуллоҳ саллаллоҳу алайҳи васаллам: бу қаср сенга ва сенинг оила аҳлингга аталган, дедилар, деди.
Бу гапни эшитган мўйсафид қилган ишидан минг афсус чекиб, маҳзун ҳолда уйига қайтиб кетди.
Қиссадан хисса шуки, бева ҳамда етимларга қилинган эҳсоннинг мукофоти фақат, жаннатдир.
Шамсиддин Заҳабий - Кабоир
@Ashabuz

Шеърни албатта тингланг
Ўтқазиб юборманг!
Бизлардан узоқлашманг
Каналмиз СИЗ билан файзли
💐
@Ashabuz

24-kun Ramazon suhbati Muhammad Ravshan domla 13.03.2026.

Жахон янгиликлари
АҚШ ВА ЭРОН: КИМНИНГ ЎҚ-ДОРИСИ БИРИНЧИ ТУГАЙДИ? (Bloomberg таҳлили)
Яқин Шарқдаги уруш кутилмаган сценарий бўйича кетмоқда. АҚШ ўзининг одатий "тезкор ва ҳалокатли зарбалар" тактикаси бу сафар иш бермаётганини тушуниб етди. Bloomberg агентлиги ва нуфузли ҳарбий таҳлилчиларнинг сўнгги хулосаларига кўра, можаро энди ким кучлироқ эканини эмас, кимнинг ўқ-дориси биринчи тугашини аниқлайдиган "захиралар пойгасига" айланди.
Нега дунёнинг энг қудратли армияси қийинчиликларга дуч келмоқда?
Математика АҚШга қарши ишламоқда: Эрон йиллар давомида арзон, аммо самарали қуроллар омборини яратган ва уларни бутун мамлакат бўйлаб яширган. АҚШ эса бу арзон дрон ва ракеталарни уриб тушириш учун донаси бир неча миллион доллар турадиган, ишлаб чиқарилиши жуда секин бўлган Patriot PAC-3 ракеталарини сарфлашга мажбур. Факт: Урушнинг дастлабки кунларидаёқ АҚШ ва иттифоқчилари 1000 дан ортиқ шундай ракета сарфлаган — бу уларнинг бир йиллик ишлаб чиқариш ҳажмидан ҳам кўп! Натижада, Пентагоннинг зарбалар интенсивлиги 80 фоизгача тушиб кетди.
Эроннинг жавоб зарбалари ва янги нишонлар: АҚШ ҳужумларни камайтирган бир пайтда, Теҳрон босимни оширмоқда. Эрон президенти Масъуд Пезешкиён АҚШ фойдаланаётган Яқин Шарқдаги ҳарбий базаларга зарбалар давом этишини расман эълон қилди. Ислом инқилоби қўриқчилари корпуси (ИИҚК) нафақат 2 тонналик жанговар каллакка эга ракеталарни ишга солди, балки энг хавфлиси — минтақадаги технологик ва энергетика инфратузилмаларига ҳужум бошлаганини билдирди.
Эрон Google, Microsoft, Palantir, IBM, Nvidia офислари ва Яқин Шарқдаги йирик банкларга ҳужум қилиши мумкин. Эрон банкига қилинган ҳужумдан кейин мамлакат ҳарбий штаби раҳбари Яқин Шарқдаги АҚШ ва Исроилга тегишли иқтисодий марказлар ва банкларга зарба берилиши мумкинлигини маълум қилди. Эрон расмийси Яқин Шарқ мамлакатлари аҳолисига ушбу объектлардан бир километр узоқроқда бўлишни маслаҳат берди.
БИЗГА ҚАНДАЙ ТАЪСИРИ БОР?
Бу уруш фақатгина ракеталар ҳақида эмас. Энергетика ва технологик инфратузилмага берилаётган ҳар кунлик зарбалар — бу бутун дунёга, шу жумладан Ўзбекистонга ҳам тўғридан-тўғри иқтисодий хавфдир.
Нефть қазиб олиш ва ташиш инфратузилмасининг урилиши дунё бозорида ёқилғи нархининг кескин сакрашига олиб келади. Бу эса бизда бензин ва логистика нархларининг ошиши дегани. Минтақадаги технологик хаблар ва алоқа тармоқларининг нишонга олиниши глобал интернет ва молиявий транзакциялар тезлигига ҳам таъсир қилиши мумкин. Транспорт ва энергия қимматлашса, бозорларимиздаги озиқ-овқат ва кундалик товарлар нархи ҳам автоматик равишда ошади.
Таҳлилчи Келли Грико айтганидек, АҚШ биринчи марта ўзига мос имкониятларга эга ва чексиз арзон қуроллар омбори бор рақибга дуч келди. Бу урушда ғалабани энг замонавий қурол эмас, энг кўп захирага эга томон қўлга киритиши мумкин.
👇
Сизнингча, АҚШ бундай узоқ муддатли ва қиммат иқтисодий урушга дош бера оладими ёки Яқин Шарқдаги позицияларини чеклашга мажбур бўладими? Фикрларингизни изоҳларда қолдиринг!
Давр 24 ахборот агентлигибан олинди.
@Ashabuz

Кун хадиси
Рўзадорнинг суяклари тасбеҳ айтади
Бурайда розияллоҳу анҳу айтади: «Бир куни Набий соллаллоҳу алайҳи ва саллам Билол розияллоҳу анҳуга: "Эй Билол! Кел, биз билан таомлан", дедилар.
У: "Мен рўзадорман" деди. Шунда, Набий соллаллоҳу алайҳи ва саллам: "Биз ўз ризқимизни еяпмиз. Билолнинг ризқи эса жаннатга сақлаб қўйиляпти. Эй Билол! Биласанми, модомики, рўзадор ҳузурида таом ейилар экан, унинг суяклари тасбеҳ айтиб туради ва фаришталар унинг ҳаққига истиғфор айтиб турадилар" дедилар.
"Рамазон ойи" китобидан.
@Ashabuz

#намозвақтлари
14-Март куни ўқиладиган Намоз вақтлари
Тонг : 05:19
Қуёш: 06:37
Пешин: 12:37
Аср: 16:42
Шом: 18:30
Хуфтон: 19:44
(Тошкент вақти билан)
Намоз ракатлари :
Бомдод - 2 ракат суннат, 2 ракат фарз
Пешин - 4 ракат суннат, 4 ракат фарз, 2 ракат суннат.
Аср - 4 ракат фарз
Шом - 3 ракат фарз, 2 ракат суннат
Хуфтон - 4 ракат фарз, 2 ракат суннат
Витр - 3 ракат вожиб.
@Ashabuz

Ассалом алайкум ва роҳматуллоҳи  ва барокатуҳ!
Хайрли тонг азизларим!
Рамазон ойининг 24- тонги муборак бўлсин!
Ушбу тонг дуоларингизда
сўраган барча тилакларингиз ижобат бўлсин!
Феълингизни кенглиги, назарингиз тўқлиги нур бўлиб чеҳрангизга файз баҳшида этсин.
Бу дунёда ҳар бир қадамимиз синов, ҳар бир кўрганимиз сабоқ эканлиги  англаб туриш туйғусидан , улардан ўзимизни юксалтирадиган хулосалар чиқариш идрокидан бенасиб этмасин!
Бу куннинг файзи ва барокати ҳамрохингиз бўлсин, қадрдонлар.
@Ashabuz

Бир киши солиҳ бир инсондан:
— Мени ҳақимга яхши бир дуо қилинг, — деди.
Солиҳ киши:
— Аллоҳдан сени Ўзига яқин тутишини сўрайман, — деди.
У киши:
— Яна кўпроқ нарсани сўраб беринг, — деди.
Солиҳ киши айтди:
— Кимни Аллоҳ Ўзига яқин тутса, унга сўрамасидан яна тўртта нарсани беради:
талаб қилмасдан илм беради,
молсиз ҳам бой қилиб қўяди (қалб бойлиги),
қавм-қариндошсиз ҳам азиз қилиб қўяди,
жамоатсиз ҳам унсият (ёлғизликда ҳам қалб таскинлиги) беради.
— Булар сенга кифоя эмасми?
Шунда у киши йиғлаб:
— Ҳа, Аллоҳга қасам, кифоя қилади, балки зиёда ҳам, — деди.
Аллоҳдан сизларга ҳам Ўзининг яқинлигини, лутфини ва барча нарсани қамраб олган раҳматини сўрайман.
@Ashabuz