AS'HAB.UZ

Ҳадис
Абу Ҳурайра розияллоҳу анҳудан ривоят қилинади: «Набий соллаллоҳу алайҳи васаллам: «Кечаси туриб намоз ўқиган ва хотинини уйғотган, агар турмаса, юзига сув сепган эрга Аллоҳнинг раҳмати бўлсин. Кечаси туриб намоз ўқиган ва эрини уйғотган, агар турмаса, юзига сув сепган хотинга Аллоҳнинг раҳмати бўлсин», - дедилар.
Абу Довуд, Насаий ва Ибн Можа
ривоят қилишган.
Шарҳ: Пайғамбаримиз соллаллоҳу алайҳи васалламнинг дуолари мақбул эканига ҳеч шак-шубҳа йўқ. Ҳар бир мусулмон эру хотин учун ушбу дуода сўралган Аллоҳнинг раҳматига эришиш қийин эмас. Бунинг учун кечаси қайси бири аввал уйғониб ибодат ҳаракатига тушса, жуфти ҳалолини ҳам бу улуғ ишга таклиф қилиши керак, холос. Агар уйғотилган киши қийналиб тургиси келмаса, юзига сув сепиб юбориш ҳам жоиз экан. Мусулмон эр-хотинлар ана шундоқ бўлишлари керак. Ибодатга, кечалари туриб таҳажжуд намози ўқишга интилишлари, бир-бирларидан орқада қолмай, бир-бирларини ундаб туришлари керак.
@Ashabuz

#намозвақтлари
12-Июнь куни ўқиладиган Намоз вақтлари
Тонг : 03:04
Қуёш: 04:49
Пешин: 12:28
Аср: 17:38
Шом: 19:58
Хуфтон: 21:39
(Тошкент вақти билан)
Намоз ракатлари :
Бомдод - 2 ракат суннат, 2 ракат фарз
Пешин - 4 ракат суннат, 4 ракат фарз, 2 ракат суннат.
Аср - 4 ракат фарз
Шом - 3 ракат фарз, 2 ракат суннат
Хуфтон - 4 ракат фарз, 2 ракат суннат
Витр - 3 ракат вожиб.
@Ashabuz

АССАЛОМУ АЛАЙКУМ ВА РОҲМАТУЛЛОҲИ ВА БАРОКАТУҲ!
ХАЙРЛИ ТОНГ.
Бугун 12-июн хафтанинг Жума тонги муборак бўлсин азизларим!
Аллоҳ таоло бошланган янги кунимизни хайрли амаллар, ҳалол ризқ ва хотиржамлик билан тўлдирсин.
Бугунги режаларингизга Роббимиз Ўзи барака берсин.
Кун ҳикмати:
«Яхшилик қилишдан чарчаманг, зеро кичик бир яхшилик ҳам катта ажрларга сабаб бўлиши мумкин».
Тонги дуо:
«Ё Аллоҳ! Кунимизни файзли қил, ишларимизни осонлаштир ва бизни Ўзинг рози бўладиган йўллардан юргиз».
Кунингиз мазмунли ўтсин!
@Ashabuz

У 24 та тилда гапиради ва метрода фаррош бўлиб ишлайди
Нью-Йорк метроси. Бир аёл бекатда пол ювмоқда. Шу пайт бир гуруҳ сайёҳлар поляк тилида баҳслашаётганини эшитади — улар керакли йўналишни топа олмаётган эди. Аёл уларга яқинлашиб, поляк тилида йўл кўрсатади.
Сайёҳлар ҳайратда қолади: фаррош аёл поляк тилида гапирадими?
Кейин бир гуруҳ хитойликлар келади. У дарҳол хитой тилига ўтади. Сўнг французлар — француз тилида гапиради. Испанлар — испан тилида.
Кимдир буни видеога олади ва интернетга жойлайди. «Метро фарроши 10 та тилда гапиради!» деган сарлавҳа билан видео тезда машҳур бўлиб кетади.
Журналистлар уни топишади. Унинг исми Элевзина Баба, 52 ёшда. Камерундан келган муҳожир. У 20 йилдан бери метрода фаррош бўлиб ишлайди.
У 24 та тилда эркин гапиради. Деярли аксентсиз.
Қандай қилиб?
— Мен шунчаки тилларни яхши кўраман, — дейди у. — Метрода ишлаганингизда ҳар куни юзлаб тилларни эшитасиз. Мен тинглайман, ёдлаб оламан. Кейин уйга бориб, кутубхонадан олган дарсликлар орқали ўрганаман.
24 та тил. Мустақил равишда. Кутубхона китоблари ёрдамида. Тўлиқ иш кунида фаррош бўлиб ишлаш билан бирга.
— Одамлар: «У фаррош экан, демак ақлли эмас», деб ўйлашади. Йўқ. Мен ишимни яхши кўраман. У менга барқарорлик беради. Лекин менинг ҳам миям бор ва ундан фойдаланаман.
Элевзина Камерунда мактабни тугатган. Ўқишни давом эттирмоқчи бўлган, аммо маблағи етмаган. 30 ёшида АҚШга кўчиб келган. Инглиз тилини деярли билмас эди.
Фаррош бўлиб ишга кирган. Инглиз тилини олти ойда ўрганган. Кейин ҳамкасбларидан испан тилини эшитиб, уни ҳам ўрганган. Сўнг француз, хитой, араб ва бошқа тилларни.
Шунчаки ўзи учун.
— Инсон билан унинг она тилида гаплашсангиз, юзида нур пайдо бўлади. У ўзини тушунилган ҳис қилади. Бу жуда ёқимли.
Видео тарқалгач, унга иш таклифлари кела бошлайди. Ҳатто БМТда таржимон бўлиб ишлашни ҳам таклиф қилишади. Маоши метродаги ишидан беш баробар юқори эди.
Аммо у рад этади.
Журналистлар ҳайрон:
— Нега?
— Чунки БМТда мен кабинада ўтириб, дипломатларнинг нутқларини таржима қиламан. Бу муҳим, албатта. Лекин зерикарли. Метрода эса мен ҳақиқий одамларни кўраман. Уларга бевосита ёрдам бераман. Менга шу ёқади.
Бу кўпчилик тушунмайдиган танлов. Карьера, пул ва обрўдан воз кечиб, метрода пол ювишни танлаш?
Аммо у бахтли. Ишлайди, тилларни ўрганади, сайёҳларга ёрдам беради. Кечқурун уйига қайтиб, навбатдаги тилнинг дарслигини очади.
Ҳозир у венгер тилини ўрганмоқда. Чунки яқинда бир венгер оиласи бекатда адашиб қолган ва у уларга ёрдам бера олмаган.
— Ёрдам бера олмаслик ёқимсиз. Шунинг учун венгер тилини ўрганаман.
Метрода уни ҳамма танийди. Уни «Тиллар хоними» деб аташади. Сайёҳлар ҳатто у билан суратга тушиш учун атайлаб излаб келишади.
Бир университет лингвисти унинг билимини текшириш учун келади. У билан 10 та тилда суҳбатлашади. Элевзина ҳаммасига бемалол жавоб беради.
Кейин у мақола ёзади:
— Бу фавқулодда қобилият. Унинг даражаси профессионал таржимонникига тенг. Ва бунинг учун у махсус таълим ҳам олмаган.
Уни TED конференциясида нутқ сўзлашга таклиф қилишади. У саҳнага фаррош кийимида чиқади ва ўз ҳикоясини ҳар икки дақиқада тилни алмаштириб, беш тилда сўзлаб беради.
Зал тик турган ҳолда олқишлайди.
У шундай дейди:
— Таълим фақат университет эмас. Таълим — бу қизиқувчанлик. Агар сизда қизиқиш бўлса, ҳамма жойда ўрганасиз: кутубхонада, метрода, кўчада. Билим атрофимизда. Уни олиш керак, холос.
Менимча, ҳикоянинг энг кучли хулосаси ҳам шу.
У «Пулим йўқ, ўқий олмадим, фаррош бўлиб ишлашга мажбурман» деб шикоят қилиши мумкин эди.
Аммо бунинг ўрнига 24 та тилни ўрганди. Шунчаки қизиққани учун. Ва бу уни бахтли қилди.
Ақл-заковат касбга боғлиқ эмас. Инсоннинг қадр-қиммати маошига боғлиқ эмас.
24 та тилда гапирадиган фаррош кўплаб профессорлардан ҳам билимли бўлиши мумкин.
Ва у айнан ўзини бахтли қиладиган ишни танлади, ҳатто у нуфузли бўлмаса ҳам.
Бу ҳақиқий донолик эмасми?
@Ashabuz

Фарғона вилояти, Олтиариқ тумани Зилха қишлоғидан бўлган мехнат фахрийси, таниқли тадбиркор Топпиев Тўхтасин ҳожи ака Ҳаж зиёратида бўлиб, Каъбапўшнинг Ихлос сураси ёзилган қисмини юртимизга олиб келмоқда.
✅
Яқинларингизга ҳам улашинг:
@Ashabuz

#Ҳадис
Жамоат намозининг биринчи сафида туришга интилинг!
Аллоҳ таоло ва Унинг фаришталари биринчи сафда турувчиларнинг ҳаққига салавот айтадилар. Абдураҳмон ибн Авф розияллоҳу анҳудан ривоят қилинади: Расулуллоҳ соллаллоҳу алайҳи васаллам: “Аллоҳ ва унинг фаришталари биринчи сафдагиларга салавот айтади”, - дедилар.
Имом Можа, Имом Аҳмад, Имом Абу Довуд ривояти.
@Ashabuz

#намозвақтлари
11-Июнь куни ўқиладиган Намоз вақтлари
Тонг : 03:04
Қуёш: 04:49
Пешин: 12:27
Аср: 17:37
Шом: 19:58
Хуфтон: 21:38
(Тошкент вақти билан)
Намоз ракатлари :
Бомдод - 2 ракат суннат, 2 ракат фарз
Пешин - 4 ракат суннат, 4 ракат фарз, 2 ракат суннат.
Аср - 4 ракат фарз
Шом - 3 ракат фарз, 2 ракат суннат
Хуфтон - 4 ракат фарз, 2 ракат суннат
Витр - 3 ракат вожиб.
@Ashabuz

Хайрли_тонг
Дунё машаққатлари сизга эргашса, куюнманг, балки, Аллоҳ сизнинг илтижоингизни эштишни истагандир...
Бахтли бўлсам куламан деманг, Аллоҳнинг бизга берган хар бир куннинг ўзи бахт!! Шундай экан Бахтли бўлиш учун табассум килинг!
Ассалому алайкум варахматуллохи ва баракатух.
Яна бир янги тонгингиз муборак булсин Қадрдонлар.
Бошланаётган янги кунингиз файзли ва барокатли бўлсин азизларим!
@Ashabuz

Дунё уларники, охират бизники бўлишини истамаймизми?
Анас ибн Молик розияллоҳу анҳу шундай ҳикоя қилади:
«Набий соллаллоҳу алайҳи васалламнинг ҳузурларига кирдим. У зот бир бўйра устида ётардилар, бошлари остида эса ичига хурмо барглари тўлдирилган ёстиқ бор эди. Сўнг саҳобалардан бир неча киши, жумладан Умар ибн Хаттоб кирди. Набий соллаллоҳу алайҳи васаллам нариги томонга ағдарилган эдилар, Умар ибн Хаттоб у зотнинг ёнбошларида бўйранинг изини кўриб, йиғлаб юборди!
Набий соллаллоҳу алайҳи васаллам: «Сени нима йиғлатмоқда?» деб сўрадилар.
Умар: «Кисро ва Қайсар (форс ва рим ҳукмдорлари) ноз-неъмат ичида яшасалар-у, Сиз мана шу бўйра устида ётибсизми?» деди.
Шунда Набий соллаллоҳу алайҳи васаллам: «Дунё уларники, Охират эса бизники бўлишига рози эмасмисан?» дедилар.
Умар: «Албатта, розиман», деб жавоб берди.
Набий соллаллоҳу алайҳи васаллам: «Аллоҳга қасамки, худди шундай!» дедилар».
Бу дунё – амал диёридир, мукофот диёри эмас!
Бу дунё имтиҳон майдонидир, натижалар эса ҳали олдинда! Абу Ҳурайра розияллоҳу анҳу айтадилар:
«Расулуллоҳ соллаллоҳу алайҳи васалламнинг оилалари устидан ойлар ўтардики, уйларида на нон ёпиш ва на овқат пишириш учун олов ёқилмасди».
Одамлар: «Эй Абу Ҳурайра, унда улар нима билан кун кечиришарди?» деб сўрашди.
У зот: «Икки қора нарса — хурмо ва сув билан. Фақатгина ансорлардан Аллоҳ мукофотини бергур қўшниларимиз бор эди, уларнинг қўйлари бўлиб, бизга озроқ сут чиқариб беришарди», деб жавоб бердилар.
Агар дунё сизга торлик қилиб қолса, сизнинг саййидингиз, балки бутун инсоният саййидини эсланг! Унинг ўтирадиган жойи — терисида из қолдирадиган даражадаги дағал бўйра эди, ҳатто бу ҳолатни кўриб Умар йиғлаган эди. Унинг уйида ойлар давомида овқат пиширилмасди, таомлари эса фақат хурмо, сув ва қўшнилар ҳадя қилган сут эди!
Юсуф алайҳиссаломни эсланг: Бир аёлнинг нафси туфайли йиллар давомида зиндон бандиси бўлди. Ундан олдин эса акаларининг ҳасади сабаб қудуқ қаърига ташланди. Эй дўстим, бу дунё озор ва балолар диёридир!
Яҳё алайҳиссаломни эсланг: Карамли зотнинг карамли фарзанди бўлмиш Яҳё алайҳиссаломнинг боши бир фожира аёлга маҳр сифатида тақдим этилди. У аёл ўз маҳрами бўлган подшоҳга турмушга чиқмоқчи эди, Яҳё алайҳиссалом эса бунинг ҳаромлигини айтди. Шундай экан, ўз тамойилларингизда собит туринг, сизнинг бошингиз пайғамбарларнинг бошидан азизроқ эмас!
Абу Ҳурайра розияллоҳу анҳуни эсланг: Ушбу умматнинг энг кўп ҳадис ёдлаган олимининг уйидан фақатгина очлик ҳайдаб чиқарарди. У саҳобалардан ўзи яхши биладиган масалани сўрарди, мақсади эса кимдир уни овқатга таклиф қилиши эди.
Ҳузайфа ибн Ямонни эсланг: Расулуллоҳ соллаллоҳу алайҳи васалламнинг сирдоши бўлган бу зот «Аҳли Суффа»дан эди. «Аҳли Суффа» кимлар деб сўрарсиз? Улар масжиднинг ортидаги суфада яшовчи, таом сотиб олишга пули бўлмаган Расулуллоҳ соллаллоҳу алайҳи васалламнинг саҳобалари эди.
Энди ўзингизга савол беринг: Дунё уларники, Охират эса бизники бўлишига рози эмасмисиз?!
#Тафаккур_килинг
@Ashabuz