Асланов билан футбол
Қизил карточкалар мавзусида ЖЧ-2006 даги Нидерландия- Португалия ўйини эсга келди. Ўшанда россиялик ҳакам Валентин Иванов жами 16 сариқ ва 4 қизил карточка кўрсатган эди. Ҳар икки томонга иккитадан қизил.
Аввалги икки мундиалда жами бор йўғи 4 тадан қизил карточка кўрсатилган. Кечаги очилиш ўйинининг ўзи режани 75 фоизга бажариб бўлди.
@aslanov_futbol
Мексика ғалаба қозонган бўлса-да, ўйин охиридаги қизил карточка билан ўзига муаммо орттириб олди. Ҳар холда Сезар Монтес терма жамоа сардори ҳам. У энди Кореяга қарши муҳим ўйинни ўтказиб юборади.
Нега Мексика гуруҳда 1-ўринни олиши муҳим?
Чунки ана шундагина Мексика терма жамоаси чорак финалгача, плей-оффнинг икки ўйинини Мехикода, яъни ўз майдонида ўтказади.
Агар жамоа гуруҳдан иккинчи ё учинчи ўрин билан чиқса, 1/16 босқичданоқ АҚШга кетади.
@aslanov_futbol
Очилиш ўйинида икки қизил карточка аввал ҳам бўлган. Ўшанда ҳам Африка жамоаси эди.
1990 йилдаги жаҳон чемпионати илк ўйинида Камерун икки қизил карточка олиб ҳам 1:0 ҳисобида ғалаба қозонган. Голни ҳам бир киши кам пайтида урганди.
У пайтларда очилиш ўйинда мезбонлар эмас, чемпион қатнашарди. Яъни Камерундан 1986 йилги жаҳон чемпиони, Марадона бошчилигидаги Аргентина ютқазган.
Камерун терма жамоаси устози эса кейинчалик «Пахтакор» ва Ўзбекистон миллий жамоасини бошқарган Валерий Непомняший эди.
@aslanov_futbol
ЖЧ-2026 нинг илк голини урган Жулиан Куинонес - Саудия Арабистони Премиер лигасининг сўнгги мавсумдаги тўпурари. 29 ёшли асли колумбиялик бўлган ҳужумчи 33 гол билан у Тоунини ҳам, Роналдуни ҳам ортда қолдирган.
Ўтган йили, «Ал Қодисия»даги илк мавсумида у тўпурарлар ичида 5-ўринни олган бўлса-да, пеналтиларни қўшмаса, фақат Бензема ундан кўпроқ гол урганди.
Ўзи умуман қайси лига вакиллари кўпроқ гол уриши қизиқ ва Саудия чемпионати бу борада анча юқорида бўлишиям мумкин.
@aslanov_futbol
Очилиш ўйинидаги бугунги рақиблар 2010 йилдаги турнирниям очиб беришганди ва эсингизда бўлса, Равшан Эрматов ўшанда жаҳон чемпионатларидаги илк ўйинини бошқарганди.
Ўша учрашувдаги бир эпизод эса турнирнинг унутилмас воқеаларидан бири бўлганини эсласангиз керак. Расмдаги вазиятда Карлос Вела (11) гол ургач, ўзбекистонлик бригада офсайд қайд этади ва кўпчилик дарвоза чизиғида турган ҳимоячи туфайли ҳайрон қолади.
Гап шундаки, қоидага кўра, офсайд ҳимояланувчи жамоанинг энг охиргидан битта олдинги футболчисидан ўлчанади. Сўнгги футболчи дарвозабонми ё ўйинчими фарқи йўқ. Одатда, охирги футболчи дарвозабон ўз ўрнида тургани учун сўнгги ҳимоячидан ўлчашга ўрганиб қолганмиз. Бу вазиятда эса дарвозабон олдинга чиққач, Вела офсайдда қолди.
Бу эпизод мухлисларга офсайд қоидасини чуқурроқ тушуниб олишларига ёрдам берган. Бемалол «Эрматов офсайди» деб ном берилсаям бўлади.
@aslanov_futbol
💰
🤩
HISOBNI TOPING VA 200 MING SO'M YUTIB OLING!
🏆
Bugungi mundial ochilish o'yini uchun taxminiy hisobingizni yozing va 200 ming so'm pul mukofotiga ega bo'ling. Birinchi bo'lib to'g'ri taxmin qoldirgan ishtirokchi g'olib deb topiladi.
👇
TAXMIN QOLDIRISH
👇
https://t.me/FUTGOAL/10571
https://t.me/FUTGOAL/10571
@FUTGOAL
ga obuna bo'ling, Jahon chempionati vaqtida eng kerakli kanal!
Терма жамоалар либослари қайси бренддан?
@aslanov_futbol