Асланов билан футбол
Матиас де Лигт эндигина 27 ёш бўлса-да, катта футболга анча эрта кириб келган ва бу йил ўнинчи мавсумини ўтказмоқда.
Қизиқ факт, у қаерда ўйнашидан қатъи назар, ҳар мавсум ўша жамоада мураббий алмашган. Бу сафар ҳам анъана давом этишининг эҳтимоли юқори.
@aslanov_futbol
«Арсенал» 4-лигада 18-ўринда бораётган «Флитвуд» жамоасига пеналтилар сериясида имкониятни бой берди ва Лига кубоги мусобақаларидан чиқиб кетди.
Қизиғи, ўйин ўтказилган «Флитвуд» уй стадионининг номи «Хайбери» экан :)
@aslanov_futbol
Шунақа термин бор - shuttle diplomacy. Бу ҳақида Рокфеллернинг қизини оддий одамга турмушга бериш ҳақидаги машҳур латифа ҳам бор, топиб ўқиш мумкин. Шуни футболдаги аналогини топиб келдим - Луиш Фигу трансфери. «Реал» президентлиги учун курашиб, ютқазаётган…
2013 йилда "Тоттенҳэм" Гарет Бэйлни "Реал"га 100 миллионга сотиб, пулига бир эмас, бир нечта футболчи сотиб олади. Эриксен, Ламела, Шадли, Кирикеш, Паулиньо, Капу каби футболчилар жамоага ўша ёзда келишган. Шунингдек, ҳужумга Ла Лига тўпурарларидан бири, "Валенсия" футболчиси Роберто Солдадо олиб келинганди.
Клуб тарбияланувчиси Харри Кейн эса у пайтларда "Норвич", "Лестер" каби клубларда ижарама ижара юрар, "Тоттенҳэм" унга баъзи кубок ўйинларида ва ёзги ўртоқлик ўйинларида имконият берарди. Айнан Солдадонинг АПЛ даги муваффақиятсизлиги (52 ўйинда 7 гол) Кейнга "Тоттенҳэм"да имконият эшикларини очганди.
Кейн 19 ёшида ҳам "Норвич" захирасида ўтирган, яъни бошқа "Олтин тўп" эгалари каби ёшлигидан жавоҳирдек қаралмаганди. Ким билади, ўшанда "Тоттенҳэм" Солдадони эмас, балким яхшироқ ўйнаш эҳтимоли бўлган бошқа ҳужумчини сотиб олганида, биз Кейн ни ҳозиргидек танимас, "Олтин тўп" умуман футболчининг тушига ҳам кирмас эди балким.
Муваффақият бир ажойиб ҳолат, унга олиб борадиган йўллар ҳар хил, бир-бирига ўхшамайди.
@aslanov_futbol
Жозе Моуриньонинг "Барселона" устидан ғалабадан кейинги матбуот анжумани ўта узоқ давом этди, айтишларича, 40 дақиқагача борган. Моуриньо жуда кўп гапирган, айниқса, тактик томонларга батафсил тўхталган, ҳар бир қарорини журналистларга тушунтиришга уринган.
Бу билан Жозе Моуриньо мақтанган, деб ўйлайсизми? Ахир сўнгги йилларда "Бенфика", "Фенербахче", "Рома"ларда ишлаб келган мураббий учун бундай катта ғалаба ростан ҳам мақтанишга асосдир?
Лекин бу Жозе, уни яхши билсангиз, матбуот анжуманлари у учун кураш қуролларидан бири, буни ҳам ишлатмаса, у Жозе эмас. Матбуот анжуманини у шунчаки мақтаниш учун исроф қилмайди, тўғрими?
Менимча, "Барселона"ни ожиз қолдирган ҳар бир нуқтага алоҳида тўхталар экан, у Ла Лигадаги бошқа жамоаларга сингал жўнатмоқда. Ахир шу пайтгача юз фоизлик натижа кўрсатиб келаётган "Барселона"ни биргина Эл Класикода ютиб совринсиз қолдириб бўлмаслигини Жозе яхши тушунади. Ана, мен шунақа қилиб ютдим, сизлар ҳам шу жиҳатларга эътибор берсангиз, сизларда ҳам имконият бўлади, демоқчи. Масалан, икки ҳафтадан кейин ўз майдонида "Барселона"ни қабул қиладиган Симеонега.
@aslanov_futbol
Ҳарри Кейн - «Олтин тўп» соҳиби.
Кеча ҳам айтганимдек, у соврин учун энг лойиқ футболчи эди. Нафақат статистик натижалари, балки футболга қўшган ҳиссаси учун. Шу маънодаким, ҳеч бир ҳужумчи унгача бу услубда ўйнамаган эди. Моуриньо ёки Компани уни бундай ўйнашга ўргатмаган ҳам менимча, Кейннинг ўзи мана шунақа ўйнаб ҳам самарали тактика қуриш мумкинлигини намойиш қилганки, кейин мураббийлар бундан фойдаланишди. Шу томондан уни Бекҳэм, Бускетс, Нойер каби футболчилар қаторига қўшиш мумкин.
Кейн 25 йил ўтиб Оуэндан кейин бу совринни ютган илк инглиз, Мюллердан 45 йил ўтиб «Олтин тўп» ютган илк «Бавария» футболчиси бўлди.
@aslanov_futbol