Surxondaryo viloyati hokimligi
Surxondaryo viloyati hokimining bir kunlik ish faoliyati
27.01.2026-yil:
➖
Bo‘sh binolardan samarali foydalanish va investitsion loyihalar taqdimoti
o‘rganildi
;
➖
Angor tumanida tadbirkorlik loyihalari ijrosi
o‘rganildi
;
➖
Qiziriq tumanida "Taraqqiyot va yetakchilik maskani" dasturi ijrosi
o‘rganildi
;
➖
Qiziriq tumanida qurilish va tadbirkorlik loyihalari ijrosi
o‘rganildi
;
➖
Bandixonda aholining tomorqadan samarali foydalanish tajribasi
o‘rganildi
.
Surxondaryo.uz
|
Telegram
|
Facebook
|
Instagram
|
YouTube
|
X
Bandixonda aholining tomorqadan samarali foydalanish tajribasi o‘rganildi
Prezidentimiz huzurida joriy yil 23-yanvar kuni o‘tkazilgan videoselektor yig‘ilishida berilgan topshiriqlar ijrosini ta’minlash maqsadida aholining tomorqadan samarali foydalanish tajribasini ommalashtirish, usta-dehqonlarni biriktirish orqali
"Bir kontur — bir mahsulot"
tamoyilini joriy etish bo‘yicha manzilli loyihalar izchil amalga oshirilmoqda.
Bugun Surxondaryo viloyati hokimi Ulug‘bek Qosimov Bandixon tumani Birdamlik mahallasida bo‘lib, mazkur topshiriqlar doirasida aholining tomorqadan samarali foydalanish ko‘nikmalarini rivojlantirish, usta-dehqonlarni biriktirgan holda mahsulot yetishtirish tajribalarini kengaytirish bo‘yicha olib borilayotgan ishlar bilan tanishdi.
Xususan, mahallada
ko‘chatchilik
,
sabzavot mahsulotlari yetishtirish
, shuningdek, mavjud tomorqalardan boshqa yo‘nalishlarda samarali foydalanish bo‘yicha ilg‘or tajribalar ko‘zdan kechirildi.
Shuningdek, ushbu yo‘nalishda shahar va tumanlar hokimlari, oliy ta’lim muassasalari hamda tegishli boshqarmalar tomonidan ishlab chiqilgan rejalar taqdimoti bilan tanishildi. Har bir hududning o‘ziga xos imkoniyat va salohiyatidan kelib chiqqan holda rejalarni takomillashtirish, aniq natijaga yo‘naltirilgan loyihalarni hayotga tatbiq etish bo‘yicha tegishli vazifalar belgilab berildi.
Surxondaryo.uz
|
Telegram
|
Facebook
|
Instagram
|
YouTube
|
X
Qiziriq tumanida qurilish va tadbirkorlik loyihalari ijrosi o‘rganildi
Bugun Surxondaryo viloyati hokimi
Ulug‘bek Qosimov
Qiziriq tumaniga amalga oshirgan tashrifi davomida hududda olib borilayotgan qator qurilish va tadbirkorlik loyihalari ijrosi bilan tanishdi.
Xususan, tuman markazida barpo etilishi rejalashtirilgan
zamonaviy turar joy majmualari
,
sayilgoh
, shuningdek, turli
tadbirkorlik obyektlari
bo‘yicha ishlab chiqilgan loyihalar taqdimoti o‘tkazildi. Ushbu loyihalar aholi uchun qulay yashash muhitini yaratish, xizmatlar ko‘lamini kengaytirish hamda yangi ish o‘rinlarini tashkil etishga qaratilgan.
Shuningdek, tumandagi qator
kollektorlar ustini zamonaviy drenaj texnologiyalari asosida yopish
orqali ular atrofida ijtimoiy va tadbirkorlik loyihalarini amalga oshirish ishlari holati o‘rganildi. Mazkur tashabbus hududni obodonlashtirish bilan birga, yer maydonlaridan samarali foydalanish imkoniyatlarini ham kengaytiradi.
Bundan tashqari, tashrif davomida tumanda
yangi maktab binosi qurish
, shuningdek,
mavjud maktabgacha ta’lim tashkilotiga qo‘shimcha bino barpo etish va rekonstruksiya qilish
loyihalariga start berildi.
O‘rganishlar yakunida viloyat hokimi tomonidan loyihalarni
belgilangan muddatlarda va yuqori sifat talablariga qat’iy rioya etgan holda amalga oshirish
, qurilish jarayonlarini doimiy nazoratga olish hamda tadbirkorlik tashabbuslarini qo‘llab-quvvatlash bo‘yicha
aniq vazifalar belgilab berildi
.
Surxondaryo.uz
|
Telegram
|
Facebook
|
Instagram
|
YouTube
|
X
Qiziriq tumanida "Taraqqiyot va yetakchilik maskani" dasturi ijrosi o‘rganildi
Prezidentimiz qarori bilan tasdiqlangan
"Taraqqiyot va yetakchilik maskani"
dasturi doirasida Surxondaryo viloyatida hududlarni kompleks rivojlantirish, infratuzilmani yaxshilash hamda aholi turmush farovonligini oshirishga qaratilgan ishlar izchil amalga oshirilmoqda.
Mazkur dastur asosida viloyatning 3 ta tumanida
"Yangi O‘zbekiston qiyofasidagi tuman"
, 35 ta mahallasida esa
"Yangi O‘zbekiston qiyofasidagi mahalla"
konsepsiyalari joriy etilmoqda.
Bugun Surxondaryo viloyati hokimi
Ulug‘bek Qosimov
Qiziriq tumanidagi
Takiya
va
Kunchiqish
mahallalarida bo‘lib, dastur doirasida amalga oshirilayotgan ishlar bilan tanishdi. Tashrif davomida mahallalarda yo‘l va muhandislik-kommunikatsiya tarmoqlarini yaxshilash, hududlarni obodonlashtirish va ko‘kalamzorlashtirish, aholi uchun qulay yashash muhitini yaratish bo‘yicha ishlab chiqilgan manzilli rejalar taqdimot qilindi.
Shuningdek,
Kunchiqish mahallasida
avvalgi tashriflar davomida berilgan topshiriqlar ijrosi doirasida Obodonlashtirish boshqarmasi tomonidan
gul ko‘chatlari yetishtirish
loyihasi taqdimoti o‘tkazildi.
O‘rganishlar yakunida viloyat hokimi tomonidan belgilangan vazifalarning
sifatli va muddatida bajarilishi
, infratuzilma obyektlarini qisqa fursatlarda yakunlash, obodonlashtirish ishlarida
aholi ishtirokini yanada kengaytirish
, shuningdek, mas’ul tashkilotlar o‘rtasida
o‘zaro hamkorlikni kuchaytirish
bo‘yicha aniq topshiriqlar berildi.
Tashrifda shahar va tumanlar hokimlari hamda tegishli soha rahbarlari ishtirok etdi.
Surxondaryo.uz
|
Telegram
|
Facebook
|
Instagram
|
YouTube
|
X
Angor tumanida tadbirkorlik loyihalari ijrosi o‘rganildi
Surxondaryo viloyati hokimi Ulug‘bek Qosimov hududlarda tadbirkorlikni rivojlantirish, ishbilarmonlik muhitini yanada yaxshilash hamda aholi bandligini ta’minlashga qaratilgan ishlar ijrosi bilan tanishish maqsadida Angor tumanida bo‘ldi.
Tashrif davomida tumanning Yangiobod mahallasida barpo etilayotgan savdo nuqtalari, shuningdek, Yuqori Xo‘jaqiya mahallasida temirchilik maktabini kengaytirish bo‘yicha ishlab chiqilgan loyihalar taqdimoti bilan tanishildi. Mazkur loyihalar mahalliy tadbirkorlikni qo‘llab-quvvatlash, yoshlarni kasb-hunarga qiziqtirish hamda yangi ish o‘rinlari yaratishga xizmat qiladi.
Mas’ullarga loyihalarni yanada takomillashtirish, qurilish va ta’mirlash ishlarini belgilangan muddatlarda hamda sifat talablariga qat’iy rioya etgan holda jadal sur’atlarda amalga oshirish bo‘yicha tegishli topshiriqlar berildi.
Shuningdek, qishloq xo‘jaligi maydonlarida suv tejovchi texeologiyalarni joriy etish vazifalari muhokama qilinib, tegishli vazifalar yuklandi.
Surxondaryo.uz
|
Telegram
|
Facebook
|
Instagram
|
YouTube
|
X
Maxsus reportaj | Mahallalarda infratuzilma yaxshilanmoqda
Surxondaryo.uz
|
Telegram
|
Facebook
|
Instagram
|
YouTube
|
X
Tergov sifatini tubdan oshirish va uning shaffofligini ta’minlash
huquqiy davlat barpo etish yo‘lidagi ustuvor vazifalardan biri bo‘lib qolmoqda.
Tergov bo‘yicha kadr tayyorlash bo‘yicha yaxlit tizim –
Huquqni muhofaza qilish akademiyasi
tashkil etildi. Unda yiliga
200 dan ortiq tergovchi
tayyorlanyapti.
Lekin poytaxtda ichki ishlarda
100 ta tergovchi lavozimi uch oydan buyon vakant
. Bu
yuklama ham boshqa xodimlarga tushgani uchun sifat yo‘qolib borayotgani
qayd etildi.
“
2025-yil
sudda 422 ta shaxs oqlangani sudyalarni mustaqil qaror qabul qilayotganidan dalolat.
Bu, albatta, yaxshi! Lekin
masalaning ikkinchi tomoni
bor.
Shuncha shaxsning noqonuniy ayblanganiga kim javob beradi?
Tergovda son emas, sifat bo‘lishi kerak.
Shu bois,
ilg‘or xorijiy tajriba asosida tergov idoralarining faoliyatini takomillashtirish
zarur”,
– dedi Prezidentimiz.
Manfaatlar to‘qnashuvi bo‘lmasligi uchun
ichki ishlardagi tergovchilar o‘z xizmat vazifasini
hududiy ichki ishlar rahbarlaridan mustaqil olib borishi
juda muhimligi qayd etildi.
Mutasaddilarga
tergov organlari faoliyatini va ish hajmiga mos ravishda shtatlarni qayta ko‘rib chiqib
, qaror va qonun loyihalari to‘plamini kiritish topshirildi.
Facebook
|
Instagram
|
X
So‘nggi yillarda
davlat boshqaruv organlarida ochiqlik va shaffoflik siyosati
yuritilayotgani o‘z natijasini bermoqda. Lekin bu jarayon
huquq-tartibot idoralarining ishiga sekin kirib kelayotgani, ularning faoliyati tashqaridan xolis o‘rganilmayotgani
qayd etildi.
Bu
idoralarning yopiq holatda ishlashi ularni o‘ziga ham, jamoatchilikka ham foyda keltirmasligi
, sohada
o‘zgarish, rivojlanish bo‘lmasligi
ta’kidlandi.
Butun dunyoda huquq-tartibot faoliyati va qonuniylikni ta’minlashga javob beradigan
adliya tizimi eskicha ishlayotgani
ko‘rsatib o‘tildi. Endi
adliya tizimini ham kuchaytirish zarurligi
ko‘rsatib o‘tildi.
Bu borada birinchi qadam sifatida
Adliya vazirligi tomonidan huquq-tartibot idoralarining faoliyatini “huquqiy audit”dan o‘tkazish tizimi
yo‘lga qo‘yiladi
. “Huquqni muhofaza qilish faoliyati to‘g‘risida”gi qonun
loyihasi ishlab chiqilib,
adliya organlarining aniq roli, yangi vazifa va vakolatlari belgilanadi.
“
Biz
Toshkent shahrida jinoyatchilik va yashirin iqtisodiyotga qarshi kurashish, jamoat xavfsizligini ta’minlash bo‘yicha mutlaqo yangi tizim
qilyapmiz.
Shu bois, poytaxtga respublikadan biriktirilgan mas’ullar tumanga tushganda
majlisbozlik bilan shug‘ullanmasdan, aholi muammolarini eshitishi, yuqoridagi masalalar bo‘yicha yangi tajribalar qilib, natija ko‘rsatishi shart
”
,
– dedi davlatimiz rahbari yig‘ilish yakunida.
Yig‘ilishda huquq-tartibot idoralari rahbarlarining hisobotlari tinglandi.
Facebook
|
Instagram
|
X
Davlatimiz rahbari
huquq-tartibot tizimida ham yangi tarixni boshlab beradigan qarorlar qabul qilish vaqti kelganini
ta’kidladi.
Hozirda ichki ishlar tizimidagi
patrul-post, yo‘l-patrul, profilaktika, tezkor-qidiruv va qo‘riqlash xizmatlari alohida-alohida ishlamoqda.
Shuning uchun ham chorrahada turgan yo‘l-patrul xodimi janjallashayotgan ikki odamni ajratishni o‘z xizmat vazifasi deb hisoblamaydi. Qo‘riqlash xizmati xodimining esa binodan tashqarida taqiqlash belgisi ostida qoldirib ketilgan mashina bilan ishi yo‘q. Patrul-post mashinasida xizmat o‘tayotgan xodim svetofor ishlamayotgan chorrahadan oddiy haydovchilar qatorida befarq o‘tib ketadi.
“
Ilg‘or tajribada bu tuzilmalar
yagona organizm sifatida ishlaydi, politsiya “Bu mening vazifamga kiradi, bunisi kirmaydi” degan gapni aytmaydi.
Har bir holatga “labbay” deb javob bergani uchun ham a
holi ularni himoyachisi deb biladi
”
,
– dedi Prezidentimiz.
Mutasaddilarga ichki ishlar organlarining
aholi bilan bevosita ishlovchi, jamoat xavfsizligi va jinoyatchilikka qarshi kurashuvchi tuzilmalarini yangi tizimga o‘tkazish
bo‘yicha farmon loyihasini kiritish topshirildi.
Ushbu bo‘linmalar uchun
xizmatni o‘tash, muomala madaniyati, tezkor harakatlanish, kuch va qurol ishlatish bo‘yicha yagona standartlar
joriy etilib, ular
servis tuzilmaga
aylanishi
belgilandi
.
Surxondaryo.uz
|
Telegram
|
Facebook
|
Instagram
|
YouTube
|
X