Azamat Akbar | Lektorium
Илон Маск тарихдаги биринчи триллионерга айланди.
Бу миқдор мана шунча нолдан иборат:
1 000 000 000 000
.
Муваффақият ва ютуқ ҳақида ёзилган юзлаб китобларнинг 7 жумладан иборат хулосаси:
1. Агар онгингизни бошқара олсангиз, аслида ҳаётингизни ҳам бошқара оласиз.
2. Фикрларингизни назорат қилишни ўрганинг. Хулқ-атворингиз ва амалларингизни бошқара олиш учун фикрларингизни жамланг. Сизнинг фикрларингиз ҳис-туйғуларингизни шакллантиради, ҳис-туйғуларингиз эса амалларингизни белгилайди. Шунинг учун ижобий фикрланинг ва умидвор бўлинг.
3. Онгни бошқариш қобилияти ҳар кунлик машқ ва интизомни талаб қилади. Онгни бошқариш дегани салбий фикрларни умуман йўқ қилиш эмас, балки фикрларингиз устидан назорат ўрнатишдир.
4. Одатларингиз мақсадларингиздан ҳам муҳимроқдир. Чунки тўғри одатларсиз катта ютуқларга эришиб бўлмайди. Аввало ҳаётдан нимани хоҳлашингизни аниқланг, сўнгра ўша мақсадга етказадиган одатларни шакллантиринг.
5. Натижа бир зумда келмайди. Сабрли бўлинг ва ҳаракатда давом этинг.
6. Ҳаётингиз учун асосий масъулият ўз зиммангиздадир. Ҳаётингиз — амалларингиз ва хулқ-атворингизнинг натижасидир.
7. Бошқаларга ёрдам беринг. Фойдали ва эзгу инсон бўлинг. Қўлингиздан келадиган яхшиликни ҳеч кимдан аяманг.
Қисқача хулоса:
Муваффақият ва ютуқнинг асоси — фикрларни бошқариш, ижобий тафаккур, фойдали одатлар, сабр-тоқат, шахсий масъулият ва бошқаларга наф келтиришдир. Бу тамойилларга амал қилган инсон ўз мақсадларига изчил равишда яқинлашади.
Шафқатсиз маркетинг ва FOMO тузоғи
Замонавий маркетинг энди фақат маҳсулот сотиш эмас, у кўпроқ
қўрқувни сотади
— айниқса
бирор нарсани бой бериб қўйиш қўрқувини
.
Сиз ижтимоий тармоқларни айланиб, қуйидагиларни кўрасиз:
“Ҳамма янги кўникмаларни ўрганмоқда”
“Сиз тенги ёшлар аллақачон дунё бўйлаб саёҳат қилмоқда”
“Энг яхши талабалар сиз ҳали билмаган имкониятларни қўлга киритмоқда”
Ва бирдан бу шунчаки маркетинг эмасдек туюла бошлайди. Гўё ҳаёт сизсиз олдинга кетаётгандек.
Бу — FOMO кучи:
“Fear Of Missing Out”
, яъни
“бирор нарсани бой бериб қўйиш қўрқуви”
.
Маркетинг сизга фақат нимага эга бўлишингиз мумкинлигини кўрсатмайди. У сизга
ҳаракат қилмасангиз нимани йўқотаётганингизни ҳам ҳис қилдиради
.
“Чекланган жойлар”
“Сўнгги имконият”
“Фақат бир неча ўрин қолди”
Булар шунчаки сўзлар эмас — бу инсон психологиясига таъсир қиладиган триггерлар бўлиб,
иккиланишни “муваффақиятсизлик” каби ҳис қилдиради.
Энг қаттиқ ҳақиқат эса шуки:
Кўпинча бу ҳақиқий шошилинчлик эмас. Бу —
идрокни бошқариш
.
Чунки ҳамма нарса мумкин бўлиб кўринадиган дунёда, ҳаракат қилмаслик орқада қолишдек туюлади.
Шунинг учун кейинги сафар ўша босимни ҳис қилсангиз, ўзингизга савол беринг:
Бу ҳақиқий имкониятми?
Ёки бу қўрқув атайлаб яратилганми?
Ҳар бир “шошилинг” дегани ҳақиқат эмас. Баъзан бу шунчаки яхши ишланган маркетингдир.
Америка билан сўнгги муносабатлардан кейин ҳаммамизни қизил гилам билан кутиб олишларини ўйлагандим, лекин Ўзбекистонлик мухлисларнинг ярмидан кўпи АҚШ визасини ололмагани ва футболчиларни Сенегал мисолидаги дискриминация тарзида кутиб олишлари инсонни ўйлантириб қўяди. Муносабатлар айнан кимга фойда келтиради, деган савол туғилади…
Германиянинг Der Spiegel журнали муқоваси:
Жаҳон чемпионатини барбод қилувчи - Доналд Трамп. Трамп футбол бўйича жаҳон чемпионатидан ўз манфаатлари йўлида қандай фойдаланмоқда!
Овозингизни 5 сонияда ўғирлаб кетишади — Хитойда СИ асосидаги янги хавфли фирибгарлик тури пайдо бўлди.
Фирибгарлар нейротармоқлардан фойдаланиб, одамларнинг овозини атиги 5 сониялик аудиоёзув орқали нусхалашни ўрганиб олди. Кейин эса сохта овоз ёрдамида жабрланувчининг яқинларидан пул талаб қилишади ёки уларни алдашади.
Телефонда соатлаб беҳуда гапирманг.
Ҳозирги кунда АҚШда кўплаб ёшлар университетда тўрт йил ўқишга қизиқмай қўймоқда, чунки улар сунъий интеллект ва бошқа таълим воситалари орқали қисқа вақт ичида билим ва кўникмаларни эгаллаб, малака ёки лицензия олиб, ўз касби бўйича иш бошлашлари мумкин.
Тасаввур қилинг, агар бизда ҳам ҳукумат ёшларга бакалавр дипломисиз, фақат уларнинг билими ва амалий кўникмалари асосида ишлашга рухсат берса, давлат университетларида катта кризис бошланади, ишсиз ва лаёқатсиз домлалар. Бу каби ўзгаришлар кўпчилик ўйлагандан ҳам тезроқ содир бўлиши эҳтимолдан холи эмас.
Закот фақат мол-мулк эмас…..
Одатда биз закот деганда, Ислом дининг беш устунидан бири бўлган ва муайян бойликка эга мусулмонларнинг ўз мол-мулкидaн ҳар йили камбағал ва муҳтожларга Аллоҳ розилиги учун камида бир қамарий йил (ҳижрий йил) давомида сақланган бойликдан бериши мажбурий бўлган молиявий ибодат деб биламиз.
Лекин бу закот туридан ҳам муҳим ҳисобланган закотлар бор, ва афсуски кўплар бу закотларни ўз вақтида тўлашмайди.
Биз эга бўлган ва ишлатиб турган ҳар бир нарсанинг закоти бор:
• ақлнинг закоти жоҳилларга нисбатан сабрли бўлмоқдир,
• баданнинг закоти рўзадир,
• қулоқнинг закоти илм, ҳикмат ва Қуръонга қулоқ солишдир,
• илмнинг закоти уни ўргатиш ва унга амал қилишдир.
Шахсан мен, илмли инсон деганда, аудиториядаги порахўр профессорни эмас, балки кўчада ҳалол ризқини қидириб юрган ва жамиятда амали билан ўрнак бўлган
илмли инсонни
тушунаман.
«Таълимни ҳеч қачон ақл-заковат билан адаштирманг. Инсон докторлик даражасига эга бўлиши мумкин ва шу билан бирга аҳмоқ бўлиб қолиши ҳам мумкин».
—
Ричард Фейнман
Қизиқ, шунда Конституциянинг 150-моддаси ишламай қолдими? Ахир, конституциявий тизимда Конституция энг олий ҳуқуқий кучга эга бўлган ҳужжат ҳисобланади ва ҳеч бир қонун ёки давлат органининг қарори унга зид бўлиши мумкин эмас.