باختر خبري آژانس - پښتو
په کراچۍ کې د افغانستان قونسلګرۍ سرپرست مولوي سید عبدالجبار تخاري، له هغو افغان محصلینو سره چې د کراچۍ ښار په محمد علي جناح او داو دولتي روغتونونو کې د طبي عملي زده کړو په پړاو کې دي، لیدنه وکړه.
په کراچۍ کې د افغانستان قونسلګري وايي، محصلینو د پاکستان له لوري د افغانانو د ایستلو په اړه د وروستي ضرب الاجل له امله اندېښنه څرګنده کړه او مولوي تخاري ډاډ ورکړ چې قونسلګري به د دې ستونزې د حل او له هغوی سره د حقوقي همکاریو لپاره له هېڅ هڅې دریغ ونه کړي.
#باختراژانس
https://x.com/bnapashto
د لتهبند سړک د پاتې ۲۰ کیلومترو د جوړولو چارې د څه باندې ۱.۴ میلیارد افغانیو په ارزښت پیل شوې.
دا پروژه چې د سروبي ولسوالۍ تر بازار پورې غځېږي، له بشپړېدو سره به یې د کابل–جلالاباد لویې لارې د بندېدو په صورت کې، په ځانګړي ډول د بېړنیو حالاتو او طبیعي پېښو پر مهال، د بدیلې لارې په توګه ترې ګټه واخیستل شي.
د ټولګټو چارو وزیر ملا محمد عیسی ثاني، چې د نوموړي وزارت تخنیکي ټیم هم ورسره مل و، د پروژې د چارو له بهیر څخه لیدنه وکړه او د پروژې پلي کوونکو ټیمونو ته یې د چارو د چټکتیا، غوره کیفیت او په ټاکلي وخت کې د پروژې د بشپړولو په اړه لارښوونې وکړې.
#باختراژانس
د عامې روغتیا وزارت مالي او اداري چارو معین قاري عبدالولي صدیقي په کابل کې په خبري غونډه کې د دغه وزارت اړوند څه باندې ۵۰۰۰ بستونه د ازادې سیالۍ لپاره اعلان کړل. په دغو بستونو کې په ۳۴ ولایتونو کې د روغتیايي معلوماتو او څارنې، ۱۸۰۰ ولایتي مسلکي، د مرکز تخصصي روغتونونو ۲۴۰ او د کابل الشفا روغتون ۱۸۰۰ بستونه شامل دي. په شرایطو برابر کسان کولای شي د اعلان شویو بستونو په اړه معلومات د عامې روغتیا وزارت وېبپاڼه، اداري اصلاحاتو او ملکي خدمتونو خپلواک کمېسیون وېبپاڼه او
jobs.af
کې ترلاسه کړي.
#باختراژانس
د دفاع وزارت لوی مفتش مفتي لطف الله حکیمي وايي، د دغه وزارت لوړپوړی پلاوی یې په مشرۍ د چین د شیانګ شان په دیارلسم نړیوال فورم کې د ګډون په موخه بیجینګ ته روان شوی دی.
نوموړی وايي، په دغه فورم کې به د افغانستان د رسمي استازي په توګه وینا وکړي او د بېلابېلو هېوادونو له لوړپوړو پلاوو سره به هم لیدنې ولري.
#باختراژانس
https://x.com/bnapashto
د شرطې ۲۳۲ تنه منسوبین د عقیدوي، مسلکي، نظامي او اخلاقي زدهکړو د یوې میاشتني دورې له بشپړولو وروسته، د مرکزي زون د پروان شرطې له روزنیز مرکز څخه فارغ شول.
د کورنیو چارو وزارت وايي، په فارغانو کې د کاپیسا ۵۷ تنه، د پنجشېر ۱۰۵ تنه او د کابل د رجال قطعاتو ۷۰ تنه شامل دي.
د وړاندې شویو شمېرو له مخې، د اسلامي امارت له بیا واکمنېدو وروسته، نږدې ۱۱ زره د کورنیو چارو وزارت منسوبین له دغه مرکز څخه د بېلابېلو روزنیزو دورو او سیمینارونو څخه فارغ شوي دي.
#باختراژانس
https://x.com/bnapashto
د ترانسپورټ او هوايي چلند وزارت د هوا پېژندنې ریاست نن په نورستان، کونړ، لغمان، ننګرهار، کاپیسا، پروان، لوګر، پکتیا، خوست او پکتیکا ولایتونو کې د سختو بارانونو، تندر او برېښنا، له دوړو سره د تېزو بادونو او ناڅاپي سېلابونو د احتمال خبر ورکړی دی.
په دغو ولایتونو کې د ورښت کچه له ۱۰ تر ۳۵ مليمتره او د هېواد په شمال، لویدیځ، سوېل، سوېل ختیځ، مرکز او ختیځو برخو کې د بادونو چټکتیا له ۵۰ تر ۹۰ کیلومترو په ساعت کې اټکل شوې ده.
#باختراژانس
https://x.com/bnapashto
د ایران ولسمشر مسعود پزشکیان د دغه هېواد د سمندري محاصرې لرې کول د هرمز تنګي د بیا پرانیستلو لپاره شرط ټاکلی دی.
پزشکیان ټینګار کړی چې واشنګټن د فشارونو په دوام سره اسلامي جمهوریت تسلیمولی نه شي.
هغه همدارنګه د هرمز تنګي د ګډ مسیر په اړه د ایران او عمان د هوکړې په تړاو په مسقط کې د عربي هېوادونو د بهرنیو چارو وزیرانو د غونډې د جوړېدو خبر ورکړی دی.
#باختراژانس
https://x.com/bnapashto
د پولیسو ۲۳۲ تنه منسوبین د عقیدوي، مسلکي، نظامي او اخلاقي زدهکړو د یوې میاشتني دورې له بشپړولو وروسته، د مرکزي زون د پروان پولیسو له روزنیز مرکز څخه فارغ شول.
د کورنیو چارو وزارت وايي، په فارغانو کې د کاپیسا ۵۷ تنه، د پنجشېر ۱۰۵ تنه او د کابل د رجال قطعاتو ۷۰ تنه شامل دي.
د وړاندې شویو شمېرو له مخې، د اسلامي امارت له بیا واکمنېدو وروسته، نږدې ۱۱ زره د کورنیو چارو وزارت منسوبین له دغه مرکز څخه د بېلابېلو روزنیزو دورو او سیمینارونو څخه فارغ شوي دي.
#باختراژانس
https://x.com/bnapashto
نن د کابل په بازارونو کې افغانۍ د ځينو بهرنیو اسعارو پر وړاندې په دې ډول بدلېږي.
#باختراژانس
د فاریاب امنیه قوماندانۍ ویاند مولوي عبدالله مرادي وايي، د دغه ولایت د اندخوی ولسوالۍ اړوند د میمنې کمربند په سیمه کې د یوه هایلکس موټر او موټرسایکل د ټکر له امله د موټرسایکل چلوونکی مړ او یو بل کس ټپي شوی دی.
د نوموړي په وینا، دویمه پېښه د قیصار ولسوالۍ اړوند د الیاس تېلو ټانک ته څېرمه د دوو موټرسایکلونو د ټکر له امله رامنځته شوې، چې په پایله کې یې یو تن مړ او درې نور ټپیان شوي دي.
د پېښو ټپیان د درملنې لپاره روغتون ته لېږدول شوي دي.
#باختراژانس
https://x.com/bnapashto