Baratov’s Blog

Harakat hal qiladi
U taksida qatnadi, siz sovuqda avtobus kutdingiz.
U kuchli domlalarda individual o’qidi, siz kitoblaringiz uchun ham pul yig’dingiz.
Otasi kontraktini oldindan to’lab qo’ydi, siz o’qishdan keyin ishga qatnadingiz.
Sharoiti borligi uchun u aybdor emas.
Yo’qligi uchun siz aybdorsiz.
Keng imkoniyatlar bizga aqlli daholarni berdi - Musk, Bezos, Bill Geyts.
Siqilmang.
Tor imkoniyatlar bizga harakatchan daholarni berdi - Jensen Huan, Jek Ma, Mendeleev.
Imkoniyat hammasini hal qilmaydi.
Harakat hal qiladi.
@baratovs_blog

Life hack
Kuzatgim keladigan kanallar juda ko’p.
O’qigim keladigan mualliflar ham.
Kontent ko’p, vaqt oz.
Zo’r layfxak topib oldim.
Telegramda kuzatadiganlarim - 20 ta.
Youtube - 7 ta
Yangi odam qo’shmoqchi bo’lsam, bittasidan chiqishim kerak. (One in, one out)
Demak qo’shadiganim chiqaradiganimdan foydali bo’ladi.
Vaqtim ham ko’p ketmaydi, foydani ham maksimal olaman.
100ta muallifni chala kuzatgandan, 10ta zo’r muallifni to’liq kuzatish menga foydaliroq.
Bu xuddi 20 ta uzoq do’stga emas, 2ta yaqin vaqt ajratishga o’xshaydi.
@baratovs_blog

Qiynalmaysiz
Sport - qiyin, sog’liq pand berishni boshlaganda tiklash - yanada qiyinroq.
Muammolarni gaplashish qiyin, yechilmagan muammolardan kelgan arazlash, ajralish - qiyinroq.
O’qish, o’rganish qiyin. Bilimsizlik sabab yaxshi Ish topolmay tentirash - qiyinroq.
Qiyin ishlarni tanlaganda, aslida osonroq hayotni tanlayapmiz.
Oson yo’llarni tanlayotganda - qiyin hayotni tanlayapmiz. Shunchaki u hayot hali kelmagani uchun - bilmayapmiz.
Qiyin yo’llarni tanlang - qiynalmaysiz!
@baratovs_blog

Hammasi yaxshi bo’ladi
Blog boshlaganimga ikki yildan oshdi.
Siyosat. Urushlar. Okean ortidagi saylov. Kimdir nimadir gapirib qo’ygani. Atrofdagi tushunarsiz ishlar.
Birorta bag’ishlangan post yozmadim. Buyog’iga ham yozmasam kerak.
Atrofda istalgan vaziyat bo’lganda oqil odam o’ziga savol beradi:
“-Xo’sh, endi aynan men nima qilishim kerak?”
99% holatda, 99% odam uchun javob bir xil bo’ladi:
Rivojlaning, resurslar yig’ing, ilm oling, isloh bo’ling, o’zingizga yordam bering.
Rivojlantiring, resurslarni bo’lishing, ilm tarqating, isloh qiling, atrofingizga yordam bering.
Qolganini ignor qiling. Sabr eng muhimi. Hammasi yaxshi bo’ladi.
@baratovs_blog

Real qarash
Bitkoin narxi ham 100 000$ dan oshdi.
2017 yilda 6k$ga 2ta olib qo’yganingizda, hozir 200k pulingiz bo’lardi.
Yoki bo’lmasdi. Balki 90% investorlarga o’xshab 10k$ga chiqqanda sotib yuborardingiz.
2017-yilda blog boshlab, to’xtatmaganingizda - sohangizda eng kuchli blog bo’lardingiz.
2017-yilda bitta sohani ushlab, kuniga 20 daqiqa o’rganganingizda - top 1% mutaxassis bo’lardingiz.
2017-yilda kichkina xobbi biznes boshlab, haftasiga bitta mijoz qo’shganingizda - o’rta biznes darajasiga chiqardingiz.
Oxirgi uchta holatning hammasida 200kni bir yilda topib qo’yardingiz.
Real qarang. Orzu qilishni to’xtating. Ishni bosing.
@baratovs_blog

Yangi loyiha boshlayapmiz.
Qo’llab-quvvatlasangiz xursand bo’lamiz.
Ingliz tilida:
https://www.instagram.com/libera_en?igsh=MWI2MDNnenA3MWQwNg%3D%3D&utm_source=qr
O’zbek tilida:
https://www.instagram.com/libera_uz?igsh=MTk1bTN5NjJ2dHNxeQ%3D%3D&utm_source=qr

O’zbekiston demografik daraxtiga ko’zim tushib qoldi.
Xulosalar:
1. 1991 - 1996 yillarda odamlarda kelajakka optimizm bo’lgan. 1999 - 2005 da pessimizm. Ko’payishni xohlashmagan.
2. 18-26 yoshdagi aholi yetishmayapti. Keyingi qatlam kelgunicha, kuchli mutaxassislarda daromad yuqoriroq/raqobat pastroq bo’ladi.
3. 5-15 yoshliklar eng katta qatlam. Demak, bolalar bilan bog’liq ishlarga talab katta: O’qituvchi/kontent/maktab/bog’cha/o’quv markaz
4. Aholi o’sishi bo’yicha dunyoda top 5 talikda turamiz. (Afrikani hisobga olmaganda) Demak, mutaxassis eksportiga imkoniyat katta.
5. Harakat qiladiganlar uchun hozir ayni vaqti!
@baratovs_blog

Diqqat qilishni o'rganasiz.
15 minut ham diqqat qila olmayman.
Menga diqqat yetishmayapti deb o’ylaysiz.
Bir soat Youtube video ko’rasiz. Umuman chalg’imaysiz.
Muammo diqqat emas, zerikish ekanligini tushunasiz.
Qiziq narsalarga diqqat bor. Zerikarlilarga yo’q.
Zerikishni bilmaymiz. Yolg’iz kiradigan xonaga ham telefon olib kiradiganlarni taniyman.
Telefonni tashlab yurib keling. Faqat qog’oz, qalam bilan ishlab ko’ring.
Bir kun internetsiz yashang. Qorong’u xonada o’tirib ko’ring.
Zerikishni o’rganing.
Diqqat qilishni ham o’rganasiz.
@baratovs_blog

Yonmas edik
Ko’zlarim ko’rmasdi. Doim orqa qatorda o’tirardim. Menga e’tibor berishmasdi.
Do’stlarim yo’q edi. Hayotimda ma’no ko’rmasdim. O’zimni yo’qdek his qilardim.
Bir kuni sinfxonamizda sichqon ovozi eshitilib qoldi. Hamma qo’rqib ketdi. O’qituvchimiz tinchlantirdi:
-Bolalar jim bo’lamiz. Sinfxonada sichqon bor. Biz uni topishimiz kerak. Uni topishda bizga Stivi yordam beradi. Uning qulog’i hammadan yaxshi eshitadi!
Bu gaplar menga tok urgandek ta’sir qildi. Men kerakmanmi? Iqtidorim bormi? Sichqonni qayerdaligi topdim. Hamma qarsak chaldi. O’sha kundan men boshqa inson bo’ldim.
3-sinfidagi bitta maqtovi sabab hayoti o’zgargan bu bolakay Stivi Vonder edi. Kambag’al oila, kambag’al maktab, ko’zlari ko’rmas, qora tanli bolakay, bir marta maqtaldi. Yillar o’tib
musiqasini
yuz millionlab odam eshitadigan qo’shiqchi bo’ldi.
Ustozlar cho’g’ni olovga aylantiruvchi insonlar. Siz bo’lmasangiz yonmas edik. Ta’lim va tarbiyangiz uchun ming rahmat. Bayramingiz muborak.
@baratovs_blog

O’tib ketganini bilmay qolamiz
Taksiga o’tirdim, rulda reels ko’rib ketyapti.
Do’konga kirdim. Sotuvchilar kamerasiz joyda reels ko’rib o’tiribdi.
Avtobusda telefonga qarab ketishyapti.
Bosh barmoq tepaga swipe qilyapti.
Qisqa
videolar vaqt o’g’risi.
Nega yana yozyapman?
Birinchidan, eslatish uchun.
Ikkinchidan
Yangi tadqiqot o’qib
qoldim.
Ekranga
ko’p
qarash qarishni tezlashtirar ekan.
Smartfonlarimiz nafaqat bo’sh vaqtimizni o’g’rilayapti.
Ortib qolganidan ham barakani ketkazyapti..
Daraxtdagi qushlarni haydashga o’xshatdim.
To’rttasini qochiraman deb tosh otamiz. Hammasi uchib ketadi.
Ekranlar bilan ham shunday.
“Uch soatgina o’tiraman” deymiz.
Butun umrimiz o’tganini bilmay qolamiz.
@baratovs_blog