Bayonot.uz

Ҳокимият инсонни айнитади, ҳокимиятсизлик эса инсонни мутлоқ айнитади.
Эдлай Стивенсон, сиёсатчи
@Bayonotuz

Ҳозир ойига 100 миллион сўмдан ортиқ маош оламан
Президент Шавкат Мирзиёевнинг ижодкорлар билан учрашувида “Зўр TV” продюсери Дилшод Мирзамуродов сўзга чиқди.
“Бугун олдингизга келишимни онамга айтган эдим. Аввалига ишонмадилар. Улар бир умр фаррош бўлганлар. Бугун эса фарзанди Президентнинг олдида турибди. Хурсандчиликдан йиғладилар. Қўшилиб мен ҳам йиғладим”, — деди у.
Шунингдек, Дилшод Мирзамуродов телеканалдаги илк маоши 16 миллион сўм бўлганини, ҳозир эса ойига 100 миллион сўмдан ортиқ маош олаётганини айтди.
@Bayonotuz

“Йўқ, қийин савол” — Алишер Узоқов
Бугун президент Шавкат Мирзиёев «Ўзбекфильм» киностудиясида кино ижодкорлари билан учрашув ўтказди.
UZ24.uz
жамоаси учрашувда иштирок этган ўзбек киносининг намояндалари билан сўровнома ўтказибди:
«Ўзбек киносини учта сўз билан таърифланг!»
@Bayonotuz

Менинг энг катта айбим Тошкентда туғилмаганим эди
Москвада илмий ишимни ҳимоя қилиб келганман. Ишлаган институтим менга уй берган. Иккита болам бор. Лекин ордер олиш учун прописка йўқ. Менинг энг катта айбим — Тошкентда туғилмаганман, лекин Ўзбекистон фуқаросиман. Беришмаган менга ордерни.
Биринчилардан қабул қилган қароримдан бири — Ўзбекистон фуқароси Ўзбекистонда прописка олиши мумкин, деган қарор эди.
Президент Шавкат Мирзиёев
@Bayonotuz

“Эслаб-эслаб” бир гапиринг қани” — президент актёр Фарҳод Абдуллаевга ҳазил қилди
Кинематография соҳаси ходимлари билан учрашувда Фарҳод Абдуллаев президент Шавкат Мирзиёевга миннатдорлик билдириб, фарзандлари ва набиралари келажагидан кўнгли тўқлигини айтди.
“Очиқ айтаман, сиз президент бўлганингиздан кейин менинг чўнтагим пул кўрди”, — деди актёр давлат раҳбарига юзланиб.
@Bayonotuz

Дарахтга чиқиб кино кўрардик
Президент Шавкат Мирзиёев “Ўзбекфилм” киностудиясидаги киноижодкорлар билан учрашувда болалигида қишлоқда қандай кино томоша қилганини эслади.
“Ёшлигимда қишлоғимизда битта кинотеатр бўларди. Лекин ҳамма сиғмасди, дарахтга чиқиб кино кўрардик. Филм бошлангач, чироқ ўн беш марта ўчарди, бир соатлик кинони беш соатда кўрардик. Буни ўзимиз бошимиздан ўтказганмиз”, — деди президент.
@Bayonotuz

Замонавий таълим бюрократия устунидаги бизнес сиртмоғига осилган. Бу сиртмоқдан тўлиқ қутилишнинг имкони йўқ, лекин ҳимояланиш мумкин.
Бюрократия мактабни —турмага; бизнес эса — бозорга айлантиришни кўзлайди. Фарзандларимизга эса турма ҳам бозор ҳам хавфли.
Ҳамид Содиқ, сиёсатшунос
@Bayonotuz

Болага нимага илм юқмайди, биласизми? Илм эгаси у ёқда турсин, илм даргоҳига энг аввало ҳурмати йўқлигидан. Бугун мен ишонч билан айтиб оламан, мактабни парталарга чизиб ташлайдиган, полга тупурадиган, эшикларини тепадиган, деворларга тепадиган, эшикларни қаттиқ очиб қаттиқ ёпадиган, умуман илм даргоҳини оёқ ости қиладиган ўқувчилар жуда ҳам кўп.
Ислом Карабаев, журналист
@Bayonotuz

Инсон мансабдор бўла оладими — гап унда эмас, мансабдор одам бўлиб қола оладими—ҳамма гап шунда.
Юрий Ву, шоир
@Bayonotuz

Паспорт ва ҳужжатлар ўзгартирилмайди
Ўзбек алифбосидаги ҳарфлар ўзгаргани билан фуқароларнинг паспорт ва бошқа ҳужжатлари алмаштириш муддати етмагунга қадар ўзгартирлмайди.
Балки 10 йил, балки 15 йилдан кейин қайсидир ҳужжатимизни алмаштириш муддати келар. Ҳужжатларни ўз алмаштириш муддати келмагунча, уни қайтадан қилиш мажбурияти йўқ. Ҳеч қандай ҳужжатларда мажбурий тарзда ўзгартиришлар бўлмайди.
Мақсуд Асадов, Фанлар академияси Ўзбек тили, адабиёти ва фолклори институти директори
@Bayonotuz