Belgisiz ūly
“ҚАРА АЛТЫН” мұнай туралы кино емес!
Қайдағы шетелдік деңгей? Нағыз қазақи деңгей! Міне, Мұрат Есжан ағамыздың осымен мен көрген үшінші жобасы, жаңа бір биікке көтеріп тастағалы біраз болды қазақ киносын. Сондықтан шетелдік деңгей, бытықы-шытықы дегенді қояйық, түге. Рас, біздің қоғамның, Қазақстанның ашық жараларына ащы тұзды аяусыз септі. Ашық дейтінім әлі күнге “баяғы жартас, сол жартас”.
Оператордың қолын да, камерасын да сүйер ем. Ал киноның идеясы қандай, түзу келе жатып, кілт бұрылатын сюжет қандай, маржандай қазақтың (әсіресе аудармашы жігіттің “тәс қалдысына” құлағым сүйсінді-ай) сөздері қандай, тіпті “Мақта қызды” параллель қып келтіргені қандай? Алапат. Ғаламат. Еріксіз бас шайқатады, талассыз таңдай қақтырады.
Кино емес, құдды кітап сияқты түсірілгенін айтам да. Руханият пен материялдық байлықты қатар алып жүрген, жүрегі “ұлтым” деп бұлқынған, ақылы қым-қуыттан адастырмай алып шыққан, қайратымен 32, жоқ мыңдаған мәрте мүмкін еместей көрінген істерді атқарған ер азаматтың, қазақтың сәулелі ғұмыры. “Кеңес Одағында дүниеге келіп, өссем де оған қарсы болдым” дегенінен 270 жыл қырғын салса да өлтіре алмаған, өшіре алмаған Алаштың азаттық рухын ұқтым. Соңыра осындай ұлттың ұланы екенімді, бізден осындай арда азаматтар шыққанын мақтан тұттым. Жылт еткен жұлдыз көрсек “Мен өзі не істеп жүрмін?” деген сауал санамызды сансыратаны үйреншікті боп қалды ғой. Алайда бұл жолы “ мен қазіргі ісімді бұдан да мықтырақ істеуім керек” деген түйінге келдім. Біздің басты байлығымыз - мұнай да, алтын да емес, тек-тамырынан ажырамаған, дала данышпандарының мұрасын көкейіне тоқыған, білімді, ақылды, ұлтшыл (жігіт те, бойжеткен де) азаматтар.
Артық тұсын тәптіштеп, шұқылап отырмайын. Бәріңізді көріп, ғажаптанып қайтуға шақырамын.
өзгенің сатқындығын,
салқындығын,
бар былығын
кешіре алмасаң,
кеудеңдегі мұз инелерді ерітіп,
өзегіңдегі өртті өшіре алмасаң,
ойыңды тұман тұмшалап,
өзіңді өзің түсіне алмасаң,
“адамның бәрі сондай,
опасыз”деген
сұғанақ үнді
азғырындыға ілесіп алдасаң:
өзіңді,
жүрегіңді,
үмітіңді,
тұнық арыңды,
ұмытсаң дұғаларыңды,
есіңе ал
күнәларыңды…
#үзік
өлеңімді осылай әдемілеп оқып, салып қойыпты. Қолдап, лүпілдетіп, сторисіңізге салып, пікір жаза кетейікші, достааар
https://www.instagram.com/reel/DcRZ1LXssVL/?igsi=MTg3ZW41cG1yN2ExNA==
мен оны жоғалтып алдым. тапқаныма да сенімді емеспін…
#біркемдүние
бұл дүниеде ешкім де, ештеңе де, тіпті өзің де саған тиесілі емес екенін қабылдағанда шынайы өмір сүре бастайсың…
#жолаушы
өміріңдегі
сәтсіздіктердің
сәттілік
екенін түсінген кезде жүрегің тынышырақ бола түседі…
#суға_лақтырған_тас
адам бір боқ, боқ көтерген боқтың қабы,
өлсең сасық боласың боқтан-дағы.
“сені мен мен тең бе?” деп мақтанасың
білімсіздік белгісі ол баяғы.
©️
Абай Құнанбайұлы
адамды тұншықтыратын - сәтсіздік емес, белгісіздік.
#біркемдүние
тым мұңайып, үміт жібі үзілердей болғанда өзіңізге қалай көмектесесіз?
#жазағой
өмірде бір ғана адамның түрін көре алатын болсаңыз, ол кім болар еді?
p.s. қалған бүкіл адамның түрі ақ не қара тас болып көрініп тұрады
#жазағой