Bizning Montessori Uy 🏡

Kundalik hayotda ko‘pincha bizni “
mayli, o‘zim qilaman”
degan qarorga olib keladigan uchta sabab bor.
Birinchisi shoshilish.
Hayot tez. Ishlar ko‘p. Ba’zan bolaning sekinligi bizga vaqt yo‘qotayotgandek tuyuladi.
Ikkinchisi tartibsizlikdan qo‘rqish.
To‘kiladi, iflos bo‘ladi, noto‘g‘ri qiladi deb xavotirlanamiz. Shuning uchun ish tezroq va toza tugashi uchun uni o‘zimiz qilib qo‘yishni afzal ko‘ramiz.
Uchinchi sabab natijani jarayondan ustun qo‘yish.
Kattalar uchun ishning tezroq tugashi muhim bo‘ladi. Lekin bola uchun aynan jarayonning o‘zi o‘rganish manbai hisoblanadi.
Chunki bola aynan shu jarayon orqali asta-sekin:
— mustaqillikni
— sabrni
— va konsentratsiyani o‘rganadi.
Shuning uchun ba’zan bolaning sekinligi uning dangasaligi emas,
balki
rivojlanish sur’ati
bo‘lishi ham mumkin.
Ba’zan katta o‘zgarishlar juda kichik qadamlardan boshlanadi.
Keyingi postda shu yo‘lda yordam beradigan bitta oddiy qadam haqida gaplashamiz.
Namuna Montessori

Assalomu alaykum
🌸
Bilaman aktiv emasmiz. Hayotimning judayam band faslida o’zimga tiklanib olish uchun ozgina dam berishga qaror qilganman.
Lekin foydali kontentni doim ulashib turgim keladi. 2ta foydali xabar bilan ulashmoqchiman.
Sofiyaning uy maktabi ancha sekinlab qoldi. Lekin sizga Amerikadagi bir dugonamning uy maktablarini tavsiya qilmoqchiman. Ulardan judayam ko’p narsalar o’rganganman. Sizga ham foydali bo’ladi deb o’ylayman
🌸
Har kuni qanday shug’ullanish uchun zo’r g’oyalar topishingizga ishonaman.
Ulanib oling:
https://t.me/uzbekhomeschooling
🏡
🏡
🏡

#ongli_mubosabat
#3_qism
Bu kanalda farzandlarim haqida yozmayman,
kim uchundir manfaatli bo'lar deya, kitoblar o'qishi haqida qo'yib turaman.
Xullas, kechagi voqea postga aloqador bo'lgani sababli bo'lishgim keldi.
Kecha bolalar bilan sovg‘a olish uchun do‘konga bordik. Ikki farzandimiz sovg‘asini tanladi. Uchta do‘konga kirganimizga qaramay, egizak o‘g‘limiz G‘azzoliyga esa hech qaysisi yoqmadi. Sababi oddiy —
pul miqdori cheklangan edi.
Unga yoqqan o‘yinchoqqa pul yetmadi. Pul yetadigan o‘yinchoq esa unga yoqmadi. Oxiri “
Kech bo'lyapti, endi uyga qaytamiz, ertaga bog‘chadan qaytayotib yana boshqa do‘konga kiramiz”,
dedim.
✔️
Rozi bo‘ldi.
✔️
Yig‘lamadi.
✔️
Injiqlik qilmadi.
Lekin baribir ichida biroz ko‘ngli to‘lmaganini sezib turardim. Uyga qaytayotib, yo‘limizdagi katta o‘yinchoqlar marketiga kirdik, vaqtni ham ekonom qilish kerakku axir). Do'kon juda katta ekan — qizlar va o‘g‘il bolalar uchun alohida bo‘limlar ajratilgan. Sotuvchi egizaklarimizni ko‘rib, qizimizga:
—
Siz bu tarafdan tanlang
,
— dedi.
Aisha qizlar bo‘limiga o‘tib ketdi.
Sotuvchi hazillashib:
— Qani, ikki millionlik o‘yinchoqlardan bir tanlab chiqing
, — deb xursand bo‘lib aytdi.
Vaholanki, Aisha allaqachon sovg‘asini olib bo‘lgan edi. U shunchaki tomosha qildi.
Biz esa G‘azzoliyga tanlashida yordam berdik. Va nihoyat, akasi bilan pullarini qo‘shib, birga o‘ynaydigan o‘yinchoq olishdi.
Kassaga yaqinlashganimizda, sotuvchi yana Aishaga ishora qilib, turli o‘yinchoqlarni taklif qildi.
5 yoshli qizim esa xotirjamgina chiqish eshigi tomonga yurishga tayyor turardi.
Oxiri turmush o‘rtog‘im kulib:
—
Hech ovora bo‘lmang, xafa bo‘lib qolasiz, baribir harxasha qilmaydi, — dedi.
Va shunday ham bo'ldi
Shunda yana bir narsani chuqurroq angladim:
Bola ongli harakat qilishi uchun, hali tili chiqmasidan boshlab ongli munosabat kerak ekan.
Agar kichikligidan:
✔️
tanlov qilish imkonini bersangiz,
✔️
chegaralarni tushuntirsangiz,
✔️
har bir vaziyatni sabr bilan izohlab bersangiz,
✔️
qayerga bormang — bola harxasha qilib, manipulyatsiya qilishni o‘rganmaydi.
Chunki u:
❗
xohish va imkon orasidagi farqni biladi,
❗
kutishni biladi,
❗
murosani biladi
✔️
Buning uchun esa albatta
ichki intizom
muhim! Keyingi post shu haqida
0-3 ¦ 3-6 yosh Montessori pedagogi va ota-onalar mentori
Mahliyo Toshtemirova
Kanal linki:
@englishmontessori_withmykids

Osmondagi bolalar loyihasini ko’rganmisiz? Haqiqatdan zo’r loyiha. O’zbekistonlik shunaqa ilmli zo’r odamlarni borligini kashf qilganman. O’qishga ketayotganimda tinglab ketardim 2 soatli yo’lda.
Hozir yangi bir yo’nalish qilib “Alohida mavzu
@alohidamavzu
” loyihasini ham ochishgan. Jamiyatdagi dolrazb muammo va masalalar haqida gapiriladi. Hasanxon qori ustoz bilan bo’lgan aynan shu farzand tarbiyasi borasidagi podcastni ko’rishingizni maslahat beraman! Ancha foydali narsalar olishingizga ishonaman
🌸
Audio
@alohidamavzu
sahifasidan olindi. Videoni birinchi
@aisha_gazzoliy_twins
ulashganlarida ko’rgandim

Bu haqida ko‘p o‘ylayman… Nega boshlang‘ich sinfda bolaning yozuviga qarab, unga katta baho beriladi?! Yozuvi chiroylilar a’lochi, chiroyli bo‘lmaganlar avtomatik yaxshi o‘qimaydigan o‘quvchi? Ba’zilar mayli, bunga e’tibor bermasdan yaxshi o‘qib ketadi… lekin “fixed mindset” bo‘lgan, o‘qituvchining har bir so‘zini haqiqat deb qabul qilgan o‘quvchilarchi?! Aslida boshida yozuv emas, balki boshqa bilimlar prioritet bo‘lishi kerak emasmi?! Nega bolalarga akademik hayotini boshlamasidanoq tamg‘a qo‘yamiz?! Nega xato qilish o‘rganish uchun imkoniyat emas, balki katta fojia deb ko‘rsatamiz?! Aslida ta’lim jarayoni haqida fikrlarim juda ko‘p… isloh qilinishi kerak jabhalar ham juda ko‘p… Umid qilamanki, hozirgi zamon ustozlari muhim narsalarga ko‘proq urg‘u berishadi…
Postni singlim Hadichabonu tarjima qilibdi. Juda yoqdi. Aynan ko‘nglimdagi gaplar… manba’ni belgilab qo‘yaman
❤️
Siz qanaqa fikrdasiz?
@cuddlebug_uz
Manbaasiz olinmasin iltimos
❤️

https://gofund.me/5a958bcbf

https://gofund.me/5a958bcbf

Assalomu alaykum
🥰
Telegramdagilar yana birinchi
🤓
❤️
Alhamdulillah, vanihoyat kitobni tugattim
✨
Shu hafta oxiriga nashrdan chiqishi kutilmoqda.
Kitob narxi
hamma tomondan o‘ylab ko‘rilib
70,000 so‘m
deb belgilandi
😊
🔥
Aksiya!
Shu
3 kun (14–15–16 yanvar kunlari)
AVVALDAN BUYURTMA
qilganlarga kitob narxi
60,000 so‘m
bo‘ladi.
Va yoniga rasmda ko‘rsatilgan sotuvga chiqadigan mashg‘ulotdan
sovg‘a
qilinadi
😊
Avvaldan buyurtma qilsangiz, kitob chiqishi bilan yetkazib beramiz,
in shaa Alloh
😊
Buyurtma uchun
➡️
@cuddlebug_admin
📘
Kitob 113 varaq
, ichida boshlang‘ich matematikaga oid ko‘p mavzular bor:
• Sonlar
• Saralash
• Patterns
• Shakllar
• Hajm tushunchalari (katta kichikdaka)
• Mutanosiblikni topish
Xullas, barcha barchasi bor.
👶
Kimga maslahat beraman:
2–4 yosh oralig‘idagi endi matematikani boshlaganlarga.
3 yosh eng ideal yosh.
In shaa Alloh mazza qilib ishlatasiz.
🖍
Kitob oq-qora.
Ichiga sonlar yoki harflar yozilmaydi.
Faqat chiziqlar, aylanaga olish, chizish yoki bo‘yash orqali mashqlar qilinadi.
Ba’zi betlarda sonlarni va tushunchalarni qanday tushuntirish bo‘yicha tavsiyalar berilgan.
📌
Kitob oxirida 14 ta rivojlantiruvchi mashg‘ulotlar bor.
🌿
Kitob — O‘zbek tilida!

“Bolani hadeb ko’tarma! Qo’lga o’rgatasan” menimcha siz ham eng ko’p eshitgan gaplardan biri bo’lsa kerak. Lekin, bugun sizga bolani qancha kerak bo’lsa shuncha ko’taring, qo’lga o’rgansa o’rgansin demoqchiman. Hozir tushuntirib beraman…
Chaqaloqlar gapira olmaydi! Tabiiyki ular o’ziga nima kerakligini aytolmaydi ham. Yagona muloqot yo’li bu ovoz chiqarish yoki yuzi bilan sizga nimani xis qilayotganini bildirish. Chaqaloqlar sababsiz yig’lamaydi, uladning yoki qorni och bo’ladi, yoki tagi xo’l, yoki unga xona juda issiq, yoki juda sovuq, yoki juda charchagan bo’ladi, yoki qorni og’riyotgan, yoki o’zini yolg’iz his qilgan yoki shunchaki sizning taftingizni his qilgisi kelgan bo’ladi… U bu ehtiyojlarni barini YIG’LASH orqali bildiradi. Shu sabab bolani qo’yganingizda yig’lashi bu uni qo’lga o’rgattingiz degani emas!!!! U sizga EHTIYOJINI aytyapti degani. Agar hech narsaga ehtiyoji yo’q bo’lsa (deylik qorni to’q, og’rimayapti va tagi quruq), demak BOLADA SIZNING MEHRINGIZGA EHTIYOJ BOR!
Chaqaloqlar yig’laganida darrov ularga e’tibor berishingiz, ularni ko’tarishingiz, ehtiyojini qondirishingiz ularga ishonch hissini beradi. Ota onasidan hayotining birinchi yilida ishonch va xavfsizlikni olib katta bo’lgan bola, keyinroq mustaqilroq, o’ziga ishonchi baland va xursandroq bo’ladi deb topgan ba’zi ilmiy ishlar. Bu bolaning miya rivojlanishi uchun judayam muhim jarayon. Bir qancha tadqiqotlar orqali bolaga chaqaloq davrida onaning issiq tafti, qo’liga olishi qanchalik muhimligi isbotlangan.
Montessori baby kitobida “chaqaloq bilan vaqt o‘tkazish, uni diqqat bilan kuzatish va nimani anglatmoqchi ekanini tushunishga harakat qilish juda muhim. Shundan so‘ng, imkon qadar tez va mos ravishda javob berish zarur. Bu jarayon bolaning atrof-muhitga nisbatan asosiy ishonch tuyg‘usini rivojlantiradi.
Ushbu ishonch — bolaning o‘zini xavfsiz his qilishi va bu muhitda uning ehtiyojlari albatta qondirilishiga bo‘lgan ishonchidir. Aynan shu tuyg‘u chaqaloqqa faqat o‘zini saqlab qolishga yo‘naltirilgan holatdan chiqib, yaqinlik va bog‘lanishga ochilish imkonini beradi” deb yozilgan edi.
Xullas, Sofiya tug’ilganida uni ko’p ko’targanman. Bu bizga judayam go’zal bog’liqlik bergan deb hisoblayman. Sofiya har doim yonida ekanligimga, ketib qolmasligimga kichkina paytidan beri ishonadi.
Keyingi safar kimdur sizga bolani qo’lga o’rgatma desa, shunchaki kulib qo’ying, farzandingizni esa yanada qattiqroq bag’ringizga bosing
🥰
Axir hozir aynan u kichkina chaqaloq vaqtida sizning asosiy vazifangiz shu mittivoyga bor mehringizni berishingiz
🥹
❤️
🥰
Ko’taring, mazza qilib quchoqlang, hidlariga to’yib oling, ko’z ochib yumsangiz ular bir pasta 3 yosh bo’lib qolishadi
🥹
❤️
@bizningmontessoriuy