Vashington kundaligi

“YouTube”da sun’iy intellekt yordamida tayyorlangan o’zbekcha
qo’shiqlar
paydo bo’libdi. Ayrimlari allaqachon millionlab marta tomosha qilingan. Bildirilgan fikrlarning aksariyati ijobiy.
“Instagram”da ham sun’iy intellekt yordamida o’zbekcha hajviy roliklar chiqaradigan sahifalar anchadan beri bor. Aksent sezilmaydi, gapirish ohangi mavzuga mos; xullas, ovoz berish professional darajada deyish mumkin.
Tez orada har xil mavzularda butun boshli podkastlar ham paydo bo’lsa ajab emas. O’zbek tilida sifatli kontent kamligi hisobga olinsa, haqiqiy va sun’iy podkastlar o’rtasidagi raqobat qanday bo’lishi qiziq.
Qo’shiq va musiqa masalasida sun’iy intellekt allaqachon yutayotgandek. Qizig’i, bu kontentlarni hozircha o’zbeklar yoki o’zbekistonliklar yaratmayapti. Qaysidir kanallar, kontent yaratuvchilar eksperiment qilayotganga o’xshaydi.
@bmamadiev

AQSh bizneslari futbol bo’yicha jahon chempionatiga tayyor.
@bmamadiev

Prezident Donald Tramp Hilton mehmonxonasida jurnalistlar bilan an’anaviy ziyofat oqshomida qatnashayotgan payt tashqarida otishma yuz berdi. Natijada tadbir bekor qilingan.
O’q uzgan shaxs qo’lga olingan.
Videoda prezident va vitse-prezident Maxfiy xizmat xodimlari tomonidan zudlik bilan sahnadan olib chiqib ketilayotgani aks etgan.
@bmamadiev

Kelajakda insoniyat tarixi ikki davrga bo'lib o'rganiladi: sun'iy intellektdan avvalgi davr va sun'iy intellekt davri. Menimcha, biz ham o'tmishda, ham kelajakda yashagan qiziq avlod sifatida tarixga kiramiz...
Kompyuterlar bo'lmagan zamonda (makonda) tug'ilib-o'sdik. Kompyuterni o'z ko'zim bilan ilk marta 15 yoshimda ko'rganman. Mo'ylovimiz sabza urib, yigitlik bo'sag'asiga o'tganimizda qo'l telefoni degan narsa chiqdi. Internetdan foydalanib ko'rishga bo'lgan ilk (muvaffaqiyatsiz) urinishim oliy o'quv yurti talabasi bo'lgan paytlarimga to'g'ri keladi.
Yoshim 40 ni qoralaganda kasbimni o'zgartirib, dasturchi bo'ldim: kompyuterlar bilan tillashish uchun kod yoza boshladim. O'z barmoqlari bilan kod yozgan dasturchilarning so'nggi avlodi ham bizmiz: "Amazon" kompaniyasida ish boshlashimdan ikki yil o'tar-o'tmas, kod yozishni butunlay sun'iy intellekt ixtiyoriga topshirdik.
Sun'iy intellekt tufayli nafaqat ishini, balki kasbini yo'qotadigan odamlarning ilk guruhi ham, ehtimol, biz dasturchilar bo'lamiz. Lekin oxirgisi emas.
Sun'iy intellekt inqilobi tepasida turgan yetakchi kompaniyalardan biri - "Anthropic"da ishlaydigan vatandoshimiz Nodir To'raqulovning
aytishicha,
keyingi ikki yil ichida 80 foiz dasturchi ishini yo'qotadi; axborot texnologiyalarining beshigini tebratgan Silikon vodiysi ko'chalari huvillab qoladi.
Shu paytgacha amalda bo'lgan iqtisodiy va ijtimoiy munosabatlar shunga mos ravishga o'zgarmasa, oldinda odamzotni ommaviy ishsizlik, keskin ijtimoiy norozilik kabi katta muammolar kutmoqda.
Ilon Maskning da'vo qilishicha, 10 yil ichida dunyo iqtisodiyoti sun'iy intellekt sharofati bilan 10 karra kattalashadi. Demak, ishsiz aholini yetarli darajada nafaqa (basic universal income) bilan ta'minlash reallikka aylanishi mumkin. Ammo bu o'sish hamma joyda bir xil bo'lishini kutmaslik kerak. Kim sun'iy intellektni tatbiq qilishda yetakchi bo'lsa, asosan, o'shalar yutadi.
Eng katta o'zgarish va beqarorlikni boshdan kechiradigan soha bu - ta'lim. Bugun 1-sinfga qadam qo'ygan bolakay 11-sinfni bitirgungacha bo'lgan davr ichida  dunyo va ilm-fan yuz karra o'zgarib ketsa kerak. Odamzot sun'iy intellekt hukmron erada nimani o'rganadi; nima uchun o'rganadi? Hukumatlar bu savollar ustida ishlashga hali tayyor emas. Mutaxassislar ham aniq reja va takliflar bermayapti.
Lekin men, negadir, optimistman. Agar odamzot mas'uliyatsizlik bilan jiddiy xatoga yo'l qo'ymasa, sun'iy intellekt insoniyat kelajagi uchun xayrli bo'ladi.
@bmamadiev

Hamkasblarning ish qurollari. Jamoamizdagi eng kuchli dasturchi eng oddiy klaviatura ishlatar ekan.
🙂
@bmamadiev

Islomobodda AQSh va Eron delegatsiyasi tinchlik bo’yicha kelishuvga erisha olmadi. Vitse-prezident J.D. Vens boshchiligidagi AQSh muzokarachilari Vashingtonga quruq qo’l bilan qaytdi.
Endi nima bo’lishi noma’lum. Prezident Donald Tramp yana dag’dag’alarini boshlamoqda.
@bmamadiev

📢
Applications for the 2027‑28 Fulbright Foreign Student Program are now open!
Earn a Master’s degree in the U.S. with full funding covering tuition, monthly stipend, health insurance, and airfare. Expand your academic knowledge, gain professional experience, and connect with a global network of peers and experts.
🌎
🎓
💡
Who can apply:
Graduate students and young professionals from Uzbekistan ready to make a positive impact in their communities and beyond.
📅
Deadline:
May 31, 2026
Learn more and apply here:
👉
Learn more:
https://uz.usembassy.gov/fulbright-foreign-student-program/
@bmamadiev

AQSh va Eron urushni ikki haftaga to’xtatish haqida sulhga erishdi. Tramp bayonotiga ko’ra, u urushni butunlay to’xtatish niyatida. Ikki hafta ichida yakuniy tinchlik bitimiga erishamiz, demoqda u.
Tramp avvalroq ijtimoiy tarmoqdagi sahifasida, agar Tehron sulhga rozi bo’lmasa, Eron sivilizatsiyasini yo’q qilishi haqida aljirab, so’kinib, bir nechta post qo’ygan edi.
@bmamadiev

🇺🇿
⚽
Navro’z kubogi – Chikago 2026
6-an’anaviy shtatlararo Navro’z kubogi futbol turniri bu safar Chikagoda bo’lib o’tadi! 4–5 aprel (shanba va yakshanba) kunlari barchangizni Canlan Sport majmuasida kutamiz.
📍
Manzil: 28156 W Northpointe Pkwy, Lake Barrington, IL 60010
Turnirda AQShning turli shtatlaridan kelgan 12 ta o’zbek jamoasi bellashadi.
Faxriy mehmonlar, kuboklar, sumalak, bayram palovi va bolalar dasturlari bilan to’liq Navro’z bayrami sizni kutmoqda!
Qo’shimcha ma’lumot uchun telefon:
📞
(718) 737-2319 | (708) 415 1743
Tashkilotchilar:
UAAC Chicago & Mahalla USA.
Maxsus hamkor:
Uzbekistan Airways.
@bmamadiev

Dunyoning eng qimmat kompaniyasi (NVIDIA) rahbari, sun’iy intellekt inqilobi yetakchilaridan biri Jensen Huangdan maktabni endi bitirayotgan, nima kasb tanlash haqida o’ylanayotgan yoshlarga nima maslahat berasiz, deb
so’rashdi.
U matematika, fizika kabi aniq fanlarni o’rganish hanuz muhim bo’lib qolishini aytish bilan birga, “Ingliz tilini o’rganing”, dedi. Buni chet elliklarga emas, amerikalik yoshlarga aytyapti.
Bundan buyon hamma narsani sun’iy intellekt boshqaradi. Sun’iy intellekt esa kod emas, oddiy odam tili bilan boshqariladi.
U buyruqqa aytilganidek aniq va so’zsiz amal qiladi. Noaniq, mavhum joylarini o’zi tushunganidek yoki o’zi xohlaganicha amalga oshiradi. Shuning uchun prompt (ko’rsatma), specs (talablar), skills (malaka), agents kabi sun’iy intellekt qurollarini yaratishda va ishlatishda matnni aniq, lo’nda va batafsil yozish talab qilinadi. Albatta, sun’iy intellekt uchun maqbul bo’lgan formatda.
Buning uchun esa nafaqat nima xohlayotganingizni aniq bilish, balki fikrni, niyatni yozma ravishda to’g’ri bayon qilishni ham yaxshi bilishingiz kerak. Xullas, tilni puxta o’zlashtirgan bo’lishingiz kerak.
Men yana aytgan bo’lardim: nafaqat ingliz tilini, balki o’z ona tilingizni ham puxta o’rganing. Chunki sun’iy intellekt bilan o’zbek tilida yoki istalgan boshqa tilda ham ishlash mumkin.
@bmamadiev