Baxtli onalik
Anvar Obidjonning " Qo'g'irchoqlar" ertak-hikoyasini tahlil qilayapman. Yozuvchi o'zning hayotiy falsafasini ertakka ajoyib tarzda omuxta qilgan. Unda Gulsanam ismli qizaloqqa dadasi bir silkitsa " yig'lab beradigan" qo'g'irchoq sovg'a qiladi. Qizaloq uni miriqib o'ynab yuradi-da, keyinroq tog'asi yangi olib bergan " nog'ora chaladigan" qo'g'irchoqqa mahliyo bo'lib qoladi. Eski o'yinchog'ini esa unutadi. Kunlarning birida Gulsanam qattiq yiqilib tushadi. Shunda qo'lidagi yangi o'yinchoq nog'ora chalishdan to'xtamaydi. Uning jahli chiqsa ham nog'ora to'xtamaydi. Shu payt eski qo'g'irchog'ini mushuk sudrab yuborib, yig'lay boshlaydi. Qizaloq yugurib borib eski qo'g'irchog'ini quchoqlaydi. Buni ko'rgan onasi:
" -Hayotda ko'pincha shunaqa bo'ladi. Quvonchli oningdagina doimo birga bo'ladiganlar boshingga qayg'u tushdi deguncha, anavi nog'orachiga o'xshab, senga asqotmay qolishadi. Bunday vaqtda eski darddoshingni axtarib qolasan kishi.
Gulsanam onasining gaplariga tushunmay, unga angrayganicha qarab turardi. Ha, bunaqangi gaplarning mag'zini tezda chaqishga u yoshlik qiladi. Payti kelganda, albatta anglab yetadi va birdaniga onajonisini eslaydi."
Lekin Anvar bobo, bu inson zotini tushunish qiyin ekan. Dardli kunda malham bo'lib, quvonchli kunlarni ko'tara olmaydiganlar ham bor ekan-da.
https://t.me/bolajontwins
K
U
Z
Kuz, qoshingga qancha yoʻl yurib keldim,
Kechir, goh toʻgʻri, goh soʻl yurib keldim.
Endi oʻzing sovut, oʻzing malham qoʻy,
Koʻksimni choʻgʻlarga toʻldirib keldim.
Gullarimni toʻkib, qochdi birovlar,
Sirlarimni oʻqib, "ochdi" birovlar.
Yelkamga togʻ tashlab oʻtdi sinovlar,
Togʻlarning ostida oʻltirib keldim.
Yerlarni yumshatgan yomgʻiring qoʻmsab,
Dillarni yumshatgan yomgʻiring qoʻmsab.
Diydalari qattiq odamga oʻxshab,
Koʻzimda yoshimni yoshurib keldim.
Bogʻlarning qismati tuproqdir oxir,
Tuproq aslida bir quchoqdir oxir.
Senga ehtiyojim koʻproqdir oxir,
Axiyri poyingga bosh urib keldim.
Kuz, qoshingga qancha yoʻl yurib keldim...
Goʻzal OXUNOVA
5.09.2026
@Guzal_Oxunova
Men "ko'tarish"ga juda qiynaladigan holat bor. U ham bo'lsa bolaga telefon berib qo'yish. Shunga doktor qabuliga borish, umumiy mashinalarda yurish, mehmonga borish men uchun juda noqulay. Chunki bolalarimdan biri sal injiqlik qilib qolsa "telefon qo'yib bering" deb maslahat berishadi. Ozgina tinch bo'lish uchun bolalarga zahar tutish-ku bu!
Ertaga qul avlodni jamiyatga yetkazib berish-ku bu!
Zero, inson nimagadir, yoki kimgadir bog'lanib qolganmi demak u o'zligida emas.
https://t.me/bolajontwins
https://youtube.com/shorts/ykCRwlAtZz0?si=kwo0TlkLc3kThOSZ
O'g'lim kursidan chiqqunicha kutubxonada dars qilib o'tiribman. Biram komfortki...
(Farg'ona viloyat kutubxonasi)
Ilmiy ishim mavzusi bo‘lgan ertaklarni tadqiq qilar ekanman, bir detal meni qiziqtiryapti:
ertaklarda ayolning eng katta raqibi ko‘pincha yana bir ayol.
Bosh qahramon qiz bo‘lsa, uning qarshisida o‘gay ona, jodugar, yalmog‘iz yoki hasadgo‘y ayol paydo bo‘ladi. Ularning vazifasi deyarli bir xil: qizni kamsitish, azoblash, yo‘ldan chiqarish yoki yo‘q qilish.
Erkak qahramonlarda esa manzara boshqacha.
Ularning raqibi ko‘pincha dev, ajdarho, yovuz kuch, uzoq yo‘l, og‘ir sinov yoki egallanishi kerak bo‘lgan maqsad.
Ya’ni erkak qahramon
dunyo bilan kurashadi
, ayol qahramon esa ko‘pincha
boshqa ayol bilan
.
Qizig'-a?
Ingliz tilidagi tadqiqotlardan birida yana bir noodatiy izohga duch keldim. Unda o‘gay ona, jodugar, yalmog‘iz singari yovuz ayol obrazlarining ommalashuvida ertaklarni bolalarga aytib bergan ayollarning o‘zi ham muhim rol o‘ynagan bo‘lishi mumkinligi aytiladi.
Sababi, o‘sha davr Yevropasida yosh ota-onalar band bo‘lgan, bolalar tarbiyasida esa enagalar va buvilar katta o‘rin tutgan. Shunday muhitda ertaklarda bir tomondan xavfli, sovuq, yovuz ayol obrazi, ikkinchi tomondan esa bolaga mehribon, uni himoya qiluvchi
pari buvi
obrazi shakllangan.
😂
Eng qiziq savol esa boshqa:
Bugun bu model qanchalik o‘zgardi?
Zamonaviy kitoblar, multfilmlar va filmlarda ham qiz qahramonning asosiy raqibi boshqa bir ayolmi?
Yoki nihoyat ayol qahramonlarga ham devlar, ajdarholar va butun dunyoni qutqarish vazifasi tegdimi?!
https://t.me/bolajontwins
Xolerikman. Doim shoshib, nimalardir qilib tashlagim keladi. Bir vaqtning o'zida bir qancha ishni uddlashim shart deb o'ylayman. Tong saharlab bir olam rejalarni tuzib chiqaman. Ba'zida o'zimga o'z imkoniyatimdan tashqari bosim yuklab yuborgan vaqtlarim ham bo'ladi. Lekin to'xtab yaxshilab nafas rostlashim kerakligini, dam olishim, make-up singari narsalar ham borligini bir inson menga eslatib turadi. U meni singlim. Ilm -bu rizq bo'lsa, kimlardir tatalab yurib menga o'xshab o'rganar ekan, kimlarningdir qalbiga Alloh shundoq solib ham qo'yaverarkan deyman unga qarab. Men opaman. Lekin ko'p narsalarni singlimdan o'rganaman. Chopib ketayotgan vaqtim to'xtab chuqur nafas rostlashni, lahzalarda yashashni undan o'rganaman. Menga o'xshagan tabiatli insonlar uchun singlimning kanalini tavsiya qilib qolaman.
👇
👇
👇
https://t.me/lahza_life
Sog‘liq, oila va farzand tarbiyasi bo‘yicha foydali resurslar
Siz uchun sog‘liqni saqlash, to‘g‘ri ovqatlanish, jismoniy faollik, ruhiy salomatlik hamda farzand tarbiyasi mavzularidagi ishonchli Telegram kanallari va guruhlarini bir joyga jamladik.
Bu ro‘yxatdagi barcha kanallar milliy qadriyatlarimizga mos, ilmga asoslangan va foydali ma’lumot berishga yo‘naltirilgan.
Birgina havola orqali
23 ta
foydali chatni bir vaqtda qo‘shishingiz mumkin.
Havola:
https://t.me/addlist/HaOAG8kVazkwNTUy
Oila va sog‘ligingiz uchun foydali manbalarni o‘z Telegramingizga qo‘shib qo‘ying.
Ayol kishi oila qurgach, go‘yo butunlay boshqa insonga aylanadi.
Kechagina mas’uliyat nimaligini his qilmay yurgan qiz, bugun bir oilaning bekasi. Balki bir kechada mo‘jiza yuz berar-u, u birdaniga sabrli, mas’uliyatli, kuchli ayolga aylanar...
Aslida esa bunday bo‘lmas ekan.
Yangi oilada seni bir olam baxt bilan birga, bir olam sinov ham kutib turarkan.
Mening hayotimda ham xuddi shunday bo‘lgan.
Men oila qurishga hech qachon alohida tayyorgarlik ko‘rmagan ekanman. Oila ilmi hayotdagi eng murakkab, eng muhim ilmlardan biri ekanini bilmay, oliy ta’lim imtihonlariga tayyorlanib yuraveribman.
Ammo hayot maktabi o‘qimaslikka qo‘ymadi.
U oldimga birin-ketin imtihon varaqalarini qo‘ydi. Bu maktabning ustozlari ham turlicha edi: ba’zisi yig‘latib dars berdi, ba’zisi mehr bilan tushuntirdi. Ba’zi saboqlarni bir martada angladim, ayrimlarini esa qayta-qayta o‘rganishimga to‘g‘ri keldi. Kelyapti...
Lekin bir narsani aniq bildim: har bir sinov meni kechagi qizdan bugungi ayolga aylantirib bordi.
Va shu hayot maktabining menga bergan eng katta baxtlaridan biri — o‘g‘lim. Menga ilk onalik hissing bergan Islomim!
Bugun uning tug‘ilgan kuni.
🤍
U tug‘ilgan kun faqat uning emas, men uchun ham yangi bir “men” dunyoga kelgan kun edi. Men o‘sha kuni ona bo‘ldim. Mehrning, xavotirning, sabrning, duo qilishning asl ma’nosini his qila boshladim.
Bolam, sen mening hayotimdagi eng go‘zal darslardan birisan.
Umring uzun, qalbing pok, qadaming qutlug‘ bo‘lsin. Hayot senga doim yaxshi insonlar, chiroyli imkoniyatlar va mehr tuhfa etsin.
Tug‘ilgan kuning muborak!
Shunchaki meni o'g'lim bo'lganing uchun rahmat! Allohga hamd!
https://t.me/bolajontwins