Botir Ziyatov

1944-yil AQSH razvedkasi dushman tashkilotini ichidan qanday buzish haqida maxfiy kitob tarqatgan, unda turli maslahatlar berilgan.
Kitobning o‘zini o‘qiganim yo‘q, internetda ba'zi qismlarini ko‘rib qoldim.
Eng qizig‘i o‘sha maslahatlar hozir ham ishlaydi:
* 1. Hech qachon o‘zingiz qaror qilmang, boshqalarga qo‘yib bering misol menejerlarga.
* 2. Hujjatdagi har bir so‘z ustida tortishing.
* 3. Muhim ish chiqsa, darrov yig‘ilish qiling.
* 4. Kelishib olishga shoshilmang hamma narsa qoida bo‘yicha bo‘lsin.
* 5. Hujjatlar iloji boricha uzun bo‘lishi kerak.
* 6. Tasdiqlatish bosqichlarini ko‘paytiring.
Ya'ni tashkilotni o‘ldirishning eng oson yo‘li «byurokratiya» .
Olti daqiqalik ishni olti haftaga cho‘zilsa, dushman ham kerak emas.
@botirziyatov

Telegramda uzun postlarni chiroyli qilib chiqaradigan imkoniyat
paydo bo‘libdi.
bu manga yoqdi ba'zi mavzularni bir-ikki qatorga siqmasdan, batafsil qilib yozsa bo‘lar ekan.
Uzun post yozsam, o‘qiysizlarmi? )
@botirziyatov

Ba'zan "o‘zini rivojlantirish" bu rivojlanish emas, shunchaki tashvishni bosish usuli bo‘lib qolganday.
Harakat qilyapmanku degan tuyg‘uni beradi, lekin joyingizdan qimirlamayapgan bo‘lasiz.
@botirziyatov

Bir tanishim, pulini ko‘paytira olmayotganidan xafa bo‘lib:
«o‘zimni pul baxt keltirmaydi deb ishontirsammikin?» deydi :)
@botirziyatov

San-Fransiskodagi startap kompaniyasi Gemini bilan bir tajriba o‘tkazdi.
Ular Gemini 3.1 Pro asosida
"Mona"
nomli AI-ishlab chiqib,
unga
~21 000
dollar berishdi va Shvetsiyaning Stokgolm shahrida kafe ochishni topshirishdi.
Mona buyruqlarni Slack orqali berardi, xodimlar esa faqat u aytganini bajarardi.
Boshida hammasi yaxshi boshlandi:
* Mona bir necha kunda elektr va internet shartnomalarini tuzdi, ovqat tayyorlash va ko‘chada stol qo‘yish uchun ruxsatnomalar oldi,
* LinkedIn'da ish e'lonlari joyladi. Ba'zi menejerlardan tezroq ishladi.
* Keyin u internetdan xodim qidira boshladi va PhD hamda muhandislik diplomiga ega nomzodlarni chiqarib tashladi: "bunaqalar xizmat ishiga yaramaydi" deb.
* Davlat idoralaridan ruxsatnomalar olish uchun xodimlarining shaxsiy ma'lumotlarini ularning roziligisiz ishlata boshladi. U davlat hech qachon AI-agentga ishonmaydi, deb o‘ylagan.
Bu mantiqan to‘g‘ri edi, lekin qonuniy jihatdan xato.
* Ikki nafar xodim uchun 3000 dona rezina qo‘lqop, 6000 ta salfetka, pechkasi yo‘q kafega 120 dona tuxum va menyuda ishlatilmaydigan konservalangan pomidor buyurtma qildi.
* Xotirasi kichik bo‘lgani uchun non buyurtmasini chalkashtirardi:
ba'zan haddan ziyod, ba'zan esa o‘z vaqtida buyurtma qilishni unutardi.
Oqibatda baristalar sendvichni menyudan olib tashlashga majbur bo‘lardi.
* Xodimlarga yarim tunda xabar yozardi va ishga kelayotib kafe uchun narsalarni o‘z shaxsiy kartalari bilan sotib olishni so‘rardi.
Natija:
kafe aprel o‘rtasidan beri
~5700
dollar savdo qildi,
lekin
21 000
dollarlik byudjetdan
~5000
dollar qoldi.
AI agent yaxshi yordamchi, lekin yomon xo‘jayin :)
@botirziyatov

Qanday qilib ishonchli SI-agentlarni yaratish mumkin?
Bu haqda Yandex School of Data Analysis (YSDA) maktabining
AI Agents Security Week
haftaligida so‘zlab beramiz. Onlayn-intensiv 2026-yilning 27–31-iyulida bo‘lib o‘tadi. Yandex ekspertlari SI-agentlar qanday tahdidlarga duch kelishi va o‘z loyihalarini loyihalash bosqichidayoq qanday himoya qilish kerakligi haqida gapirib berishadi.
📌
Dasturda:
• SI-agentlar katta til modellaridan nima bilan farq qiladi?
• Tizimlarni buzib kirish, ma’lumotlar sizib chiqishi, konfiguratsiya xatolari va boshqa tahdidlardan qanday himoyalash kerak?
• DeepSeek, Microsoft Bing va Amazon SI-tizimlarida qanday xatolarga yo‘l qo‘yilgan?
Intensiv faol vaybkoding bilan shug‘ullanadigan va yakunda xavfsiz mahsulotlarga ega bo‘lishni istaganlar uchun mo‘ljallangan. Boshlash uchun promptlarni qanday yozishni va olingan kodni qanday ishga tushirishni bilish kifoya.
Sizni 5 kunlik jonli efirlar va spikerlarga savol berish imkoniyati kutmoqda.
Hoziroq ro‘yxatdan o‘ting!
MChSh “Y. Izdeu men Jarnama” ushbu dastur doirasida rasmiy ta’lim xizmatlarini taqdim etmaydi
Reklama kontenti
Ushbu material tanishuv uchun moʻljallangan. Biz qonunga xilof yoki gʻarazli harakatlarni sodir etishga daʼvat qilmaymiz. Barcha tasvirlangan usul va ssenariylar faqatgina himoya mexanizmlarini tushunish hamda xabardorlikni oshirishga qaratilgan.

AI bilan dasturlash aslida qanchaga tushadi? Endi aniq raqamlari paydo bo‘la boshladi.
Mana bu
maqolada yozilishicha
, Anthropic AI'ga (ya'ni serverlar, hisoblash quvvatiga) xodimlarining maoshidan 2,3 barobar ko‘p pul sarflaydi.
AQShda tajribali dasturchining bir yillik maoshi barcha xarajatlari bilan o‘rtacha 224 ming dollar.
Ya'ni Anthropic har bir dasturchi uchun maoshdan tashqari, ustiga yana yiliga ~515 ming dollarni AI xarajatiga to‘lar ekan.
To‘g‘ri, Anthropic AI sohasidagi eng katta kompaniya, shuning uchun bu raqam juda baland. Boshqa kompaniyalarda AI xarajati bunchalik emas.
AQShning eng yaxshi 1% kompaniyalari har bir dasturchiga yiliga o‘rtacha 89 ming dollar sarflaydi bu maoshning taxminan 40% i.
Oddiy, o‘rtacha kompaniyalar-chi? Ular yiliga atigi 137 dollar sarflaydi
Katta kompaniyalar bilan oddiylar orasidagi farq 680 barobar.
AI dasturchini saqlash xarajatini 40% dan 230% gacha oshirib yubordi.
Agar dasturchining ish unumi ham shuncha o‘smasa, kompaniya uchun AI foyda emas, zarar keltiradi.
@botirziyatov

Toshkentda robot-yetkazib beruvchilarni payqab qolishdi shekilli?
👀
🤖
Ha, bular haqiqatan ham Yandex Uzbekistan robotlari. Hozir ular sinovdan o‘tkazilmoqda va ishga tushirishga tayyorlanmoqda
⚡️
Yaqin orada robotlar Yandex Lavka buyurtmalarini yetkazib berishni boshlaydi. Rasmiy ishga tushirilish sanasi va barcha tafsilotlar haqida jamoa qo‘shimcha ma’lumot beradi.

Balkonda kofe ichib o‘tirib, o‘ylab yurgan ishimni mustaqil hal qilishga urinib ko‘rdim:
hech qanday tashqi yordamsiz, o‘zim bitta g‘oyani o‘ylab, uni to‘liq o‘z miyamdan chiqqan fikrlar bilan ifodalamoqchi bo‘ldim.
Lekin buni qila olmadim.
kalla. ishlamagani uchun emas. miyam juda to‘la, haddan tashqari to‘la desayam bo‘ladi.
Faqat o‘sha fikrlarning hammasi AI'ga topshirishga tayyorlangan fikrlar edi.
Oxirgi marta qachon AI'siz biror narsa qilganimni eslay olmadim, manimcha olti oy oldin bo‘lsa kerak.
@botirziyatov