Chortoq tumani hokimligi | rasmiy kanali

#Қишлоқ_инфратузилмасини_ривожлантириш
Чортоқ туманида Жаҳон банкининг Халқаро тараққиёт уюшмаси ва Осиё инфратузилмавий инвестициялар банки иштирокида амалга оширилаётган “Қишлоқ инфратузилмасини ривожлантириш” лойиҳаси доирасида аҳоли турмуш сифатини яхшилашга қаратилган кенг кўламли ишлар амалга оширилмоқда.
Ўзбекистон Республикаси Президентининг 2020 йил 18 ноябрдаги ПҚ–4898-сон қарори ижроси доирасида туманнинг биргина Юксалиш маҳалласида муҳим инфратузилма объектлари янгиланди.
Хусусан, маҳалладаги 5 километр ички йўл асфальтланди, 24-сонли мактабгача таълим ташкилоти реконструкция қилиниб, замонавий қиёфа касб этди. Шунингдек, 7 километр электр тармоқлари янгиланиб, ҳудуд аҳолисини узлуксиз электр энергияси билан таъминлаш мақсадида 3 та янги трансформатор ўрнатилди.
Бугун Чортоқ тумани ҳокими Илҳомжон Саттаров ҳамда “Қишлоқ инфратузилмасини ривожлантириш” лойиҳаси менежери Бобирмирзо Атавуллаев Юксалиш маҳалласида бўлиб, лойиҳа доирасида амалга оширилган ишлар бўйича фикрлар алмашишди.
Мазкур лойиҳа маҳалла аҳолисининг ҳаёт сифатини янада ошириш, муҳандислик-коммуникация тармоқларини яхшилаш ва ҳудудларни барқарор ривожлантиришда муҳим аҳамият касб этади.
Чортоқ тумани ҳокимлиги ахборот хизмати
https://t.me/chortoqhokimligiuz

#Спорт
Ўзбекистон Республикаси Спорт вазирлигининг Спорт таълими муассасаларини мувофиқлаштириш бўлими бошлиғи Музаффархўжа Раҳматхўжаев бошчилигидаги ишчи гуруҳ Чортоқ спорт мактабида бўлди.
Туман ҳокими Илҳомжон Саттаров ҳамда ишчи гуруҳ аъзолари спорт мактаби раҳбарияти ҳамроҳлигида спортчи ёшлар учун яратилган шарт-шароитлар, инфратузилма, тўгараклар фаолияти ҳамда ёшларларнинг республика ва халқаро мусобақаларда қўлга киритаётган натижалари таҳлил қилинди.
Шунингдек, спорт таълими муассасаси фаолиятини янада такомиллаштириш, ёшларни оммавий спортга кенг жалб этиш ва иқтидорли спортчиларни қўллаб-қувватлаш юзасидан фикрлар алмашилди.
Ишчи гуруҳ аъзолари спортчи ёшлар билан мулоқот ўтказиб, уларнинг ютуқлари ва келгуси режалари билан қизиқди ҳамда юқори натижаларга эришиш йўлида ўз тавсияларини билдирди.

#OGOHLANTIRISH
!
Cho‘milish taqiqlangan hududlarda suvga tushish qat’iyan man etiladi!
Bir lahzalik ehtiyotsizlik og‘ir oqibatlarga olib kelishi mumkin. O‘zingiz va yaqinlaringiz hayotini xavf ostiga qo‘ymang!
Belgilangan qoidalarga amal qiling.
Faqat ruxsat etilgan joylarda cho‘miling.
Hayot qadrli — xavfsizlikni unutmang!
Namangan viloyati FVB Axborot xizmati.

#Қишлоқ_хўжалиги
ҒАЛЛА ЎРИМИ ДАВОМ ЭТМОҚДА
Чортоқ тумани ғаллазорларида ўрим-йиғим  уюшқоқлик билан давом этмоқда.
Ғалла ҳосилини қисқа муддатларда ва нест-нобуд қилмасдан йиғиштириб олиш мақсадида барча отрядларга бириктирилган ўрим комбайнлари тўлиқ қувват билан иш олиб бормоқда.
Туман ҳокими Илҳомжон Саттаров ҳудудларда бўлиб, ғалла ўрим-йиғими  жараёнлари билан яқиндан танишмоқда.
Хусусан, "Кароскон олтин диёри" фермер хўжалигида бўлиб, мутасаддиларга ўрим жараёнларни тизимли ташкил этиш юзасидан тегишли кўрсатмалар берилди.
Ғалладан бўшаган майдонларда такрорий экинлар экиш учун пешма-пеш шудгорлаш ишлари олиб борилмоқда.

🌍
"A" guruhi. 1-turdan so'ng ayni vaqtdagi jadval holati.

“Zakovat” intellektual musobaqasi o‘tkazildi
Chortoq tumanida otaliqqa olingan yoshlarning intellektual salohiyatini oshirish, ularning bilim va tafakkurini rivojlantirish, bo‘sh vaqtlarini mazmunli tashkil etish maqsadida “Zakovat” intellektual musobaqasi tashkil etildi.
Musobaqada tumandagi otaliqqa olingan yoshlar jamoalar tarkibida ishtirok etib, tarix, adabiyot, fan, sport hamda mamlakatimizda amalga oshirilayotgan islohotlarga oid savollar bo‘yicha o‘z bilimlarini sinovdan o‘tkazdilar. Bellashuv qizg‘in va murosasiz ruhda o‘tib, ishtirokchilar o‘zlarining keng dunyoqarashi, tezkor fikrlashi hamda jamoaviy hamjihatligini namoyon etdilar.
Mazkur tadbir yoshlarning bilim olishga bo‘lgan qiziqishini yanada oshirish, ularni qo‘llab-quvvatlash hamda intellektual salohiyatini ro‘yobga chiqarishga xizmat qildi.

#Ғалла_2026
#Хирмонга_барака
Чортоқ туманида ғалла ўрим-йиғим мавсуми қизғин паллага кирди. Деҳқон ва фермерларнинг фидокорона меҳнати самараси бўлган ҳосилни қисқа муддатларда ва нест-нобуд қилмасдан йиғиб олишга алоҳида эътибор қаратилмоқда.
Жумладан, Р. Ортиқов номли ММТП ҳудудида жойлашган “Кароскон олтин диёри” фермер хўжалигида 27,2 гектар майдонда парваришланган ғалла майдонларида ўрим ишлари уюшқоқлик билан олиб борилмоқда.
Етиштирилган мўл ҳосил бугун хирмонларга йўл олмоқда.
Ўрим-йиғим жараёнларида 1-отряд аъзолари ҳам фаол иштирок этиб, техникалардан самарали фойдаланган ҳолда ишларни юқори суръатларда ташкил этишмоқда.
Барча саъй-ҳаракатлар ҳосилни сифатли ва талафотсиз йиғиб олиш, шунингдек, туман ғалла хирмонини янада юксалтиришга қаратилган.

#Миллийлик
Чортоқ "Миллий банк" ходимлари миллий кийимда меҳнат фаолиятини олиб бормоқда
Чортоқ туманидаги “Миллий банк”да миллий руҳ, анъанавий маданият ва замонавий хизмат тартиби уйғунлашган ҳолда амалга оширилмоқда.
Банк жамоаси ўз меҳнат фаолиятини юртимизнинг маданий тимсоли ҳисобланган миллий либосларда давом эттирмоқда.
Миллий кийим – бу нафақат ташқи кўриниш, балки халқнинг тарихи, қадрияти ва фахридир. Миллий банк ходимларининг миллий либосдаги иш тартиби мижозларда илиқ кайфият уйғотиши баробарида, миллий меросга ҳурмат, миллий ифтихорни юксалтиришга хизмат қилмоқда.
Жамоанинг ушбу саъй-ҳаракатлари миллий қадриятларни асраб-авайлаш, уларни ҳаётга татбиқ қилишдаги намунавий иш услубидир.
Чортоқ тумани ҳокимлиги ахборот хизмати
https://t.me/chortoqhokimligiuz

#Янгилик
Чортоқ туманида Европа стандартлари асосида туризм кадрлари тайёрланади
Ўзбекистон Республикаси Президентининг “2026 йилда Наманган вилоятини ижтимоий-иқтисодий ривожлантириш ҳамда аҳоли турмуш даражасини янада яхшилаш чора-тадбирлари тўғрисида”ги ПҚ–220-сон қарори қабул қилинди.
Мазкур қарорга кўра, 2027–2028-ўқув йилидан бошлаб Чортоқ тумани 1-сонли техникумида Австриянинг нуфузли Кремс амалий фанлар университети билан ҳамкорликда хизмат кўрсатиш ва туризм соҳалари бўйича Европа андозалари асосида кадрлар тайёрлаш йўлга қўйилади.
Шунингдек, техникумнинг 2 йиллик касбий таълим дастурларида ўқитиш давлат гранти асосида амалга оширилади. Битирувчиларга эса давлат намунасидаги касбий таълим тўғрисидаги диплом берилади.
Ушбу ташаббус ёшларнинг замонавий касб-ҳунарларни эгаллаши, халқаро стандартлар асосида таълим олиши ҳамда меҳнат бозорида рақобатбардош мутахассис бўлиб шаклланиши учун муҳим имконият яратади.
https://t.me/chortoqhokimligiuz

#Қонунчиликдаги_янгиликлар
❗️
Наманган вилояти ижтимоий-иқтисодий ривожлантирилади
“2026 йилда Наманган вилоятини ижтимоий-иқтисодий ривожлантириш ҳамда аҳоли турмуш даражасини янада яхшилаш чора-тадбирлари тўғрисида”ги Президент қарори
(ПҚ–220-сон, 11.06.202 й.)
қабул қилинди.
📑
Қарорга кўра, 2026–2027 йилларда
20 та “чемпион”
тадбиркорларни танлаб олиб, корхоналарда меҳнат унумдорлиги ва самарадорлигини оширишга қаратилган қўшма лойиҳалар амалга оширилади. Бунда:
🔹
Германия халқаро ҳамкорлик ташкилоти (GIZ) билан биргаликда ишлаб чиқаришни мақбуллаштириш ва маҳсулот таннархини камайтиришга қаратилган
тежамкор ишлаб чиқариш
(Lean Six Sigma) дастури амалга оширилади;
🔹
Европа тикланиш ва тараққиёт банки билан биргаликда
“Кичик бизнесга маслаҳат”
дастури доирасида барча йўналишларда
консультация хизматларини
кўрсатиш ҳамда банкнинг арзон молиявий маҳсулотларини ажратиш бўйича келишувларга эришиш назарда тутилади.
🏛
Наманган шаҳри Шарқ тонги маҳалласидаги Самарқанд ва Кўзагарлик кўчалари Тошкент шаҳри Олмазор туманидаги Зарқайнар кўчаси намунаси асосида миллий меъморчилик, ҳунармандчилик анъаналари ва замонавий сервисни ўзида мужассам этган “
Эски шаҳар
”
туризм мажмуаси
га айлантирилади.
⏳
2027/2028 ўқув йилидан
Янгиқўрғон
тумани 2-сонли техникум ҳамда
Чортоқ
тумани 1-сонли техникумда
Австриянинг Кремс
амалий фанлар университети билан хизмат кўрсатиш ва туризм соҳасида Европа андозалари асосида кадрлар тайёрлаш йўлга қўйилади.
📙
Техникумларнинг
2 йиллик
касбий таълим дастурларида
ўқитиш
давлат гранти асосида амалга оширилади ва битирувчиларга давлат намунасидаги
касбий таълим тўғрисида диплом
берилади.
Каналга уланиш
👇
👇
👇
https://t.me/huquqiyaxborot